ওঁ শ্রী পরমাত্মনে নমঃ
অথ প্রথমোঽধ্যাযঃ
অর্জুনবিষাদযোগঃ ধৃতরাষ্ট্র উবাচ
ধর্মক্ষেত্রে কুরুক্ষেত্রে সমবেতা যুযুত্সবঃ ।
মামকাঃ পাণ্ডবাশ্চৈব কিমকুর্বত সঞ্জয ॥1॥
মামকাঃ পাণ্ডবাশ্চৈব কিমকুর্বত সঞ্জয ॥1॥
সঞ্জয উবাচ
দৃষ্ট্বা তু পাণ্ডবানীকং ব্যূঢং দুর্যোধনস্তদা ।
আচার্যমুপসঙ্গম্য রাজা বচনমব্রবীত্ ॥2॥
আচার্যমুপসঙ্গম্য রাজা বচনমব্রবীত্ ॥2॥
পশ্যৈতাং পাণ্ডুপুত্রাণাম্ আচার্য মহতীং চমূম্ ।
ব্যূঢাং দ্রুপদপুত্রেণ তব শিষ্যেণ ধীমতা ॥3॥
ব্যূঢাং দ্রুপদপুত্রেণ তব শিষ্যেণ ধীমতা ॥3॥
অত্র শূরা মহেষ্বাসাঃ ভীমার্জুনসমা যুধি ।
যুযুধানো বিরাটশ্চ দ্রুপদশ্চ মহারথঃ ॥4॥
যুযুধানো বিরাটশ্চ দ্রুপদশ্চ মহারথঃ ॥4॥
ধৃষ্টকেতুশ্চেকিতানঃ কাশিরাজশ্চ বীর্যবান্ ।
পুরুজিত্কুন্তিভোজশ্চ শৈব্যশ্চ নরপুঙ্গবঃ ॥5॥
পুরুজিত্কুন্তিভোজশ্চ শৈব্যশ্চ নরপুঙ্গবঃ ॥5॥
যুধামন্যুশ্চ বিক্রান্তঃ উত্তমৌজাশ্চ বীর্যবান্ ।
সৌভদ্রো দ্রৌপদেযাশ্চ সর্ব এব মহারথাঃ ॥6॥
সৌভদ্রো দ্রৌপদেযাশ্চ সর্ব এব মহারথাঃ ॥6॥
অস্মাকং তু বিশিষ্টা যে তান্নিবোধ দ্বিজোত্তম ।
নাযকা মম সৈন্যস্য সঞ্জ্ঞার্থং তান্ ব্রবীমি তে ॥7॥
নাযকা মম সৈন্যস্য সঞ্জ্ঞার্থং তান্ ব্রবীমি তে ॥7॥
ভবান্ ভীষ্মশ্চ কর্ণশ্চ কৃপশ্চ সমিতিঞ্জযঃ ।
অশ্বত্থামা বিকর্ণশ্চ সৌমদত্তিস্তথৈব চ ॥8॥
অশ্বত্থামা বিকর্ণশ্চ সৌমদত্তিস্তথৈব চ ॥8॥
অন্যে চ বহবঃ শূরাঃ মদর্থে ত্যক্তজীবিতাঃ ।
নানাশস্ত্রপ্রহরণাঃ সর্বে যুদ্ধবিশারদাঃ ॥9॥
নানাশস্ত্রপ্রহরণাঃ সর্বে যুদ্ধবিশারদাঃ ॥9॥
অপর্যাপ্তং তদস্মাকং বলং ভীষ্মাভিরক্ষিতম্ ।
পর্যাপ্তং ত্বিদমেতেষাং বলং ভীমাভিরক্ষিতম্ ॥10॥
পর্যাপ্তং ত্বিদমেতেষাং বলং ভীমাভিরক্ষিতম্ ॥10॥
অযনেষু চ সর্বেষু যথাভাগমবস্থিতাঃ ।
ভীষ্মমেবাভিরক্ষন্তু ভবন্তঃ সর্ব এব হি ॥11॥
ভীষ্মমেবাভিরক্ষন্তু ভবন্তঃ সর্ব এব হি ॥11॥
তস্য সঞ্জনযন্ হর্ষং কুরুবৃদ্ধঃ পিতামহঃ ।
সিংহনাদং বিনদ্যোচ্চৈঃ শঙ্খং দধ্মৌ প্রতাপবান্ ॥12॥
সিংহনাদং বিনদ্যোচ্চৈঃ শঙ্খং দধ্মৌ প্রতাপবান্ ॥12॥
ততঃ শঙ্খাশ্চ ভের্যশ্চ পণবানকগোমুখাঃ ।
সহসৈবাভ্যহন্যন্ত স শব্দস্তুমুলোঽভবত্ ॥13॥
সহসৈবাভ্যহন্যন্ত স শব্দস্তুমুলোঽভবত্ ॥13॥
ততঃ শ্বেতৈর্হযৈর্যুক্তে মহতি স্যন্দনে স্থিতৌ ।
মাধবঃ পাণ্ডবশ্চৈব দিব্যৌ শঙ্খৌ প্রদধ্মতুঃ ॥14॥
মাধবঃ পাণ্ডবশ্চৈব দিব্যৌ শঙ্খৌ প্রদধ্মতুঃ ॥14॥
পাঞ্চজন্যং হৃষীকেশঃ দেবদত্তং ধনঞ্জযঃ ।
পৌণ্ড্রং দধ্মৌ মহাশঙ্খং ভীমকর্মা বৃকোদরঃ ॥15॥
পৌণ্ড্রং দধ্মৌ মহাশঙ্খং ভীমকর্মা বৃকোদরঃ ॥15॥
অনন্তবিজযং রাজা কুন্তীপুত্রো যুধিষ্ঠিরঃ ।
নকুলঃ সহদেবশ্চ সুঘোষমণিপুষ্পকৌ ॥16॥
নকুলঃ সহদেবশ্চ সুঘোষমণিপুষ্পকৌ ॥16॥
কাশ্যশ্চ পরমেষ্বাসঃ শিখণ্ডী চ মহারথঃ ।
ধৃষ্টদ্যুম্নো বিরাটশ্চ সাত্যকিশ্চাপরাজিতঃ ॥17॥
ধৃষ্টদ্যুম্নো বিরাটশ্চ সাত্যকিশ্চাপরাজিতঃ ॥17॥
দ্রুপদো দ্রৌপদেযাশ্চ সর্বশঃ পৃথিবীপতে ।
সৌভদ্রশ্চ মহাবাহুঃ শঙ্খান্-দধ্মুঃ পৃথক্ পৃথক্ ॥18॥
সৌভদ্রশ্চ মহাবাহুঃ শঙ্খান্-দধ্মুঃ পৃথক্ পৃথক্ ॥18॥
স ঘোষো ধার্তরাষ্ট্রাণাং হৃদযানি ব্যদারযত্ ।
নভশ্চ পৃথিবীং চৈব তুমুলো ব্যনুনাদযন্ ॥19॥
নভশ্চ পৃথিবীং চৈব তুমুলো ব্যনুনাদযন্ ॥19॥
অথ ব্যবস্থিতান্-দৃষ্ট্বা ধার্তরাষ্ট্রান্ কপিধ্বজঃ ।
প্রবৃত্তে শস্ত্রসম্পাতে ধনুরুদ্যম্য পাণ্ডবঃ ॥20॥
প্রবৃত্তে শস্ত্রসম্পাতে ধনুরুদ্যম্য পাণ্ডবঃ ॥20॥
হৃষীকেশং তদা বাক্যম্ ইদমাহ মহীপতে ।
অর্জুন উবাচ
সেনযোরুভযোর্মধ্যে রথং স্থাপয মেঽচ্যুত ॥21॥
অর্জুন উবাচ
সেনযোরুভযোর্মধ্যে রথং স্থাপয মেঽচ্যুত ॥21॥
যাবদেতান্নিরীক্ষেঽহং যোদ্ধুকামানবস্থিতান্ ।
কৈর্মযা সহ যোদ্ধব্যং অস্মিন্ রণসমুদ্যমে ॥22॥
কৈর্মযা সহ যোদ্ধব্যং অস্মিন্ রণসমুদ্যমে ॥22॥
যোত্স্যমানানবেক্ষেঽহং য এতেঽত্র সমাগতাঃ ।
ধার্তরাষ্ট্রস্য দুর্বুদ্ধেঃ যুদ্ধে প্রিযচিকীর্ষবঃ ॥23॥
ধার্তরাষ্ট্রস্য দুর্বুদ্ধেঃ যুদ্ধে প্রিযচিকীর্ষবঃ ॥23॥
সঞ্জয উবাচ
এবমুক্তো হৃষীকেশঃ গুডাকেশেন ভারত ।
সেনযোরুভযোর্মধ্যে স্থাপযিত্বা রথোত্তমম্ ॥24॥
সেনযোরুভযোর্মধ্যে স্থাপযিত্বা রথোত্তমম্ ॥24॥
ভীষ্মদ্রোণপ্রমুখতঃ সর্বেষাং চ মহীক্ষিতাম্ ।
উবাচপার্থ পশ্যৈতান্ সমবেতান্কুরূনিতি ॥25॥
উবাচপার্থ পশ্যৈতান্ সমবেতান্কুরূনিতি ॥25॥
তত্রাপশ্যত্স্থিতান্ পার্থঃ পিতৄনথ পিতামহান্ ।
আচার্যান্-মাতুলান্-ভ্রাতৄন্ পুত্রান্-পৌত্রান্-সখীংস্তথা ॥26॥
আচার্যান্-মাতুলান্-ভ্রাতৄন্ পুত্রান্-পৌত্রান্-সখীংস্তথা ॥26॥
শ্বশুরান্-সুহৃদশ্চৈব সেনযোরুভযোরপি ।
তান্সমীক্ষ্য স কৌন্তেযঃ সর্বান্বন্ধূনবস্থিতান্ ॥27॥
তান্সমীক্ষ্য স কৌন্তেযঃ সর্বান্বন্ধূনবস্থিতান্ ॥27॥
কৃপযা পরযাঽঽবিষ্টঃ বিষীদন্নিদমব্রবীত্ ।
অর্জুন উবাচ
দৃষ্ট্বেমং স্বজনং কৃষ্ণ যুযুত্সুং সমুপস্থিতম্ ॥28॥
অর্জুন উবাচ
দৃষ্ট্বেমং স্বজনং কৃষ্ণ যুযুত্সুং সমুপস্থিতম্ ॥28॥
সীদন্তি মম গাত্রাণি মুখং চ পরিশুষ্যতি ।
বেপথুশ্চ শরীরে মে রোমহর্ষশ্চ জাযতে ॥29॥
বেপথুশ্চ শরীরে মে রোমহর্ষশ্চ জাযতে ॥29॥
গাণ্ডীবং স্রংসতে হস্তাত্ ত্ব ক্চৈব পরিদহ্যতে ।
ন চ শক্নোম্যবস্থাতুং ভ্রমতীব চ মে মনঃ ॥30॥
ন চ শক্নোম্যবস্থাতুং ভ্রমতীব চ মে মনঃ ॥30॥
নিমিত্তানি চ পশ্যামি বিপরীতানি কেশব ।
ন চ শ্রেযোঽনুপশ্যামি হত্বা স্বজনমাহবে ॥31॥
ন চ শ্রেযোঽনুপশ্যামি হত্বা স্বজনমাহবে ॥31॥
ন কাঙ্ক্ষে বিজযং কৃষ্ণ ন চ রাজ্যং সুখানি চ ।
কিং নো রাজ্যেন গোবিন্দ কিং ভোগৈর্জীবিতেন বা ॥32॥
কিং নো রাজ্যেন গোবিন্দ কিং ভোগৈর্জীবিতেন বা ॥32॥
যেষামর্থে কাঙ্ক্ষিতং নঃ রাজ্যং ভোগাঃ সুখানি চ ।
ত ইমেঽবস্থিতা যুদ্ধে প্রাণাংস্ত্যক্ত্ত্বা ধনানি চ ॥33॥
ত ইমেঽবস্থিতা যুদ্ধে প্রাণাংস্ত্যক্ত্ত্বা ধনানি চ ॥33॥
আচার্যাঃ পিতরঃ পুত্রাঃ তথৈব চ পিতামহাঃ ।
মাতুলাঃ শ্বশুরাঃ পৌত্রাঃ শ্যালাঃ সম্বন্ধিনস্তথা ॥34॥
মাতুলাঃ শ্বশুরাঃ পৌত্রাঃ শ্যালাঃ সম্বন্ধিনস্তথা ॥34॥
এতান্ন হন্তুমিচ্ছামি ঘ্নতোঽপি মধুসূদন ।
অপি ত্রৈলোক্যরাজ্যস্য হেতোঃ কিং নু মহীকৃতে ॥35॥
অপি ত্রৈলোক্যরাজ্যস্য হেতোঃ কিং নু মহীকৃতে ॥35॥
নিহত্য ধার্তরাষ্ট্রান্নঃ কা প্রীতিঃ স্যাজ্জনার্দন ।
পাপমেবাশ্রযেদস্মান্ হত্বৈতানাততাযিনঃ ॥36॥
পাপমেবাশ্রযেদস্মান্ হত্বৈতানাততাযিনঃ ॥36॥
তস্মান্নার্হা বযং হন্তুং ধার্তরাষ্ট্রান্স্ববান্ধবান্ ।
স্বজনং হি কথং হত্বা সুখিনঃ স্যাম মাধব ॥37॥
স্বজনং হি কথং হত্বা সুখিনঃ স্যাম মাধব ॥37॥
যদ্যপ্যেতে ন পশ্যন্তি লোভোপহতচেতসঃ ।
কুলক্ষযকৃতং দোষং মিত্রদ্রোহে চ পাতকম্ ॥38॥
কুলক্ষযকৃতং দোষং মিত্রদ্রোহে চ পাতকম্ ॥38॥
কথং ন জ্ঞেযমস্মাভিঃ পাপাদস্মান্নিবর্তিতুম্ ।
কুলক্ষযকৃতং দোষং প্রপশ্যদ্ভির্জনার্দন ॥39॥
কুলক্ষযকৃতং দোষং প্রপশ্যদ্ভির্জনার্দন ॥39॥
কুলক্ষযে প্রণশ্যন্তি কুলধর্মাঃ সনাতনাঃ ।
ধর্মে নষ্টে কুলং কৃত্স্নম্ অধর্মোঽভিভবত্যুত ॥40॥
ধর্মে নষ্টে কুলং কৃত্স্নম্ অধর্মোঽভিভবত্যুত ॥40॥
অধর্মাভিভবাত্কৃষ্ণ প্রদুষ্যন্তি কুলস্ত্রিযঃ ।
স্ত্রীষু দুষ্টাসু বার্ষ্ণেয জাযতে বর্ণসঙ্করঃ ॥41॥
স্ত্রীষু দুষ্টাসু বার্ষ্ণেয জাযতে বর্ণসঙ্করঃ ॥41॥
সঙ্করো নরকাযৈব কুলঘ্নানাং কুলস্য চ ।
পতন্তি পিতরো হ্যেষাং লুপ্তপিণ্ডোদকক্রিযাঃ ॥42॥
পতন্তি পিতরো হ্যেষাং লুপ্তপিণ্ডোদকক্রিযাঃ ॥42॥
দোষৈরেতৈঃ কুলঘ্নানাং বর্ণসঙ্করকারকৈঃ ।
উত্সাদ্যন্তে জাতিধর্মাঃ কুলধর্মাশ্চ শাশ্বতাঃ ॥43॥
উত্সাদ্যন্তে জাতিধর্মাঃ কুলধর্মাশ্চ শাশ্বতাঃ ॥43॥
উত্সন্নকুলধর্মাণাং মনুষ্যাণাং জনার্দন ।
নরকেঽনিযতং বাসঃ ভবতীত্যনুশুশ্রুম ॥44॥
নরকেঽনিযতং বাসঃ ভবতীত্যনুশুশ্রুম ॥44॥
অহো বত মহত্পাপং কর্তুং ব্যবসিতা বযম্ ।
যদ্রাজ্যসুখলোভেন হন্তুং স্বজনমুদ্যতাঃ ॥45॥
যদ্রাজ্যসুখলোভেন হন্তুং স্বজনমুদ্যতাঃ ॥45॥
যদি মামপ্রতীকারম্ অশস্ত্রং শস্ত্রপাণযঃ ।
ধার্তরাষ্ট্রা রণে হন্যুঃ তন্মে ক্ষেমতরং ভবেত্ ॥46॥
ধার্তরাষ্ট্রা রণে হন্যুঃ তন্মে ক্ষেমতরং ভবেত্ ॥46॥
সঞ্জয উবাচ
এবমুক্ত্বাঽর্জুনঃ সঙ্খ্যে রথোপস্থ উপাবিশত্ ।
বিসৃজ্য সশরং চাপং শোকসংবিগ্নমানসঃ ॥47॥
॥ ওঁ তত্সদিতি শ্রীমদ্ভগবদ্গীতাসু উপনিষত্সু ব্রহ্মবিদ্যাযাং
যোগশাস্ত্রে শ্রীকৃষ্ণার্জুনসংবাদে অর্জুনবিষাদযোগো নাম প্রথমোঽধ্যাযঃ ॥
বিসৃজ্য সশরং চাপং শোকসংবিগ্নমানসঃ ॥47॥
॥ ওঁ তত্সদিতি শ্রীমদ্ভগবদ্গীতাসু উপনিষত্সু ব্রহ্মবিদ্যাযাং
যোগশাস্ত্রে শ্রীকৃষ্ণার্জুনসংবাদে অর্জুনবিষাদযোগো নাম প্রথমোঽধ্যাযঃ ॥