ওঁ শ্রী পরমাত্মনে নমঃ
অথ ত্রযোদশোঽধ্যাযঃ
ক্ষেত্রক্ষেত্রজ্ঞবিভাগযোগঃ অর্জুন উবাচ
প্রকৃতিং পুরুষং চৈব ক্ষেত্রং ক্ষেত্রজ্ঞমেব চ ।
এতত্ বেদিতুমিচ্ছামি জ্ঞানং জ্ঞেযং চ কেশব ॥0॥
এতত্ বেদিতুমিচ্ছামি জ্ঞানং জ্ঞেযং চ কেশব ॥0॥
শ্রী ভগবানুবাচ
ইদং শরীরং কৌন্তেয ক্ষেত্রমিত্যভিধীযতে ।
এতদ্যো বেত্তি তং প্রাহুঃ ক্ষেত্রজ্ঞ ইতি তদ্বিদঃ ॥1॥
এতদ্যো বেত্তি তং প্রাহুঃ ক্ষেত্রজ্ঞ ইতি তদ্বিদঃ ॥1॥
ক্ষেত্রজ্ঞং চাপি মাং বিদ্ধি সর্বক্ষেত্রেষু ভারত ।
ক্ষেত্রক্ষেত্রজ্ঞযোর্জ্ঞানং যত্তজ্জ্ঞানং মতং মম ॥2॥
ক্ষেত্রক্ষেত্রজ্ঞযোর্জ্ঞানং যত্তজ্জ্ঞানং মতং মম ॥2॥
তত্ক্ষেত্রং যচ্চ যাদৃক্চ যদ্বিকারি যতশ্চ যত্ ।
স চ যো যত্প্রভাবশ্চ তত্সমাসেন মে শৃণু ॥3॥
স চ যো যত্প্রভাবশ্চ তত্সমাসেন মে শৃণু ॥3॥
ঋষিভির্বহুধা গীতং ছন্দোভির্বিবিধৈঃ পৃথক্ ।
ব্রহ্মসূত্রপদৈশ্চৈব হেতুমদ্ভির্বিনিশ্চিতৈঃ ॥4॥
ব্রহ্মসূত্রপদৈশ্চৈব হেতুমদ্ভির্বিনিশ্চিতৈঃ ॥4॥
মহাভূতান্যহঙ্কারঃ বুদ্ধিরব্যক্তমেব চ ।
ইন্দ্রিযাণি দশৈকং চ পঞ্চ চেন্দ্রিযগোচরাঃ ॥5॥
ইন্দ্রিযাণি দশৈকং চ পঞ্চ চেন্দ্রিযগোচরাঃ ॥5॥
ইচ্ছা দ্বেষঃ সুখং দুঃখং সঙ্ঘাতশ্চেতনা ধৃতিঃ ।
এতত্ক্ষেত্রং সমাসেন সবিকারমুদাহৃতম্ ॥6॥
এতত্ক্ষেত্রং সমাসেন সবিকারমুদাহৃতম্ ॥6॥
অমানিত্বমদম্ভিত্বম্ অহিংসা ক্ষান্তিরার্জবম্ ।
আচার্যোপাসনং শৌচং স্থৈর্যমাত্মবিনিগ্রহঃ ॥7॥
আচার্যোপাসনং শৌচং স্থৈর্যমাত্মবিনিগ্রহঃ ॥7॥
ইন্দ্রিযার্থেষু বৈরাগ্যম্ অনহঙ্কার এব চ ।
জন্মমৃত্যুজরাব্যাধি-দুঃখদোষানুদর্শনম্ ॥8॥
জন্মমৃত্যুজরাব্যাধি-দুঃখদোষানুদর্শনম্ ॥8॥
অসক্তিরনভিষ্বঙ্গঃ পুত্রদারগৃহাদিষু ।
নিত্যং চ সমচিত্তত্বম্ ইষ্টানিষ্টোপপত্তিষু ॥9॥
নিত্যং চ সমচিত্তত্বম্ ইষ্টানিষ্টোপপত্তিষু ॥9॥
মযি চানন্যযোগেন ভক্তিরব্যভিচারিণী ।
বিবিক্তদেশসেবিত্বম্ অরতির্জনসংসদি ॥10॥
বিবিক্তদেশসেবিত্বম্ অরতির্জনসংসদি ॥10॥
অধ্যাত্মজ্ঞাননিত্যত্বং তত্ত্বজ্ঞানার্থদর্শনম্ ।
এতজ্জ্ঞানমিতি প্রোক্তম্ অজ্ঞানং যদতোঽন্যথা ॥11॥
এতজ্জ্ঞানমিতি প্রোক্তম্ অজ্ঞানং যদতোঽন্যথা ॥11॥
জ্ঞেযং যত্তত্প্রবক্ষ্যামি যজ্জ্ঞাত্বাঽমৃতমশ্নুতে ।
অনাদিমত্পরং ব্রহ্ম ন সত্তন্নাসদুচ্যতে ॥12॥
অনাদিমত্পরং ব্রহ্ম ন সত্তন্নাসদুচ্যতে ॥12॥
সর্বতঃ পাণিপাদং তত্ সর্বতোঽক্ষিশিরোমুখম্ ।
সর্বতঃ শ্রুতিমল্লোকে সর্বমাবৃত্য তিষ্ঠতি ॥13॥
সর্বতঃ শ্রুতিমল্লোকে সর্বমাবৃত্য তিষ্ঠতি ॥13॥
সর্বেন্দ্রিযগুণাভাসং সর্বেন্দ্রিযবিবর্জিতম্ ।
অসক্তং সর্বভৃচ্চৈব নির্গুণং গুণভোক্তৃ চ ॥14॥
অসক্তং সর্বভৃচ্চৈব নির্গুণং গুণভোক্তৃ চ ॥14॥
বহিরন্তশ্চ ভূতানাম্ অচরং চরমেব চ ।
সূক্ষ্মত্বাত্তদবিজ্ঞেযং দূরস্থং চান্তিকে চ তত্ ॥15॥
সূক্ষ্মত্বাত্তদবিজ্ঞেযং দূরস্থং চান্তিকে চ তত্ ॥15॥
অবিভক্তং চ ভূতেষু বিভক্তমিব চ স্থিতম্ ।
ভূতভর্তৃ চ তজ্জ্ঞেযং গ্রসিষ্ণু প্রভবিষ্ণু চ ॥16॥
ভূতভর্তৃ চ তজ্জ্ঞেযং গ্রসিষ্ণু প্রভবিষ্ণু চ ॥16॥
জ্যোতিষামপি তজ্জ্যোতিঃ তমসঃ পরমুচ্যতে ।
জ্ঞানং জ্ঞেযং জ্ঞানগম্যং হৃদি সর্বস্য বিষ্ঠিতম্ ॥17॥
জ্ঞানং জ্ঞেযং জ্ঞানগম্যং হৃদি সর্বস্য বিষ্ঠিতম্ ॥17॥
ইতি ক্ষেত্রং তথা জ্ঞানং জ্ঞেযং চোক্তং সমাসতঃ ।
মদ্ভক্ত এতদ্বিজ্ঞায মদ্ভাবাযোপপদ্যতে ॥18॥
মদ্ভক্ত এতদ্বিজ্ঞায মদ্ভাবাযোপপদ্যতে ॥18॥
প্রকৃতিং পুরুষং চৈব বিদ্ধ্যনাদী উভাবপি ।
বিকারাংশ্চ গুণাংশ্চৈব বিদ্ধি প্রকৃতিসম্ভবান্ ॥19॥
বিকারাংশ্চ গুণাংশ্চৈব বিদ্ধি প্রকৃতিসম্ভবান্ ॥19॥
কার্যকরণকর্তৃত্বে হেতুঃ প্রকৃতিরুচ্যতে ।
পুরুষঃ সুখদুঃখানাং ভোক্তৃত্বে হেতুরুচ্যতে ॥20॥
পুরুষঃ সুখদুঃখানাং ভোক্তৃত্বে হেতুরুচ্যতে ॥20॥
পুরুষঃ প্রকৃতিস্থো হি ভুঙ্ক্তে প্রকৃতিজান্গুণান্ ।
কারণং গুণসঙ্গোঽস্য সদসদ্যোনিজন্মসু ॥21॥
কারণং গুণসঙ্গোঽস্য সদসদ্যোনিজন্মসু ॥21॥
উপদ্রষ্টাঽনুমন্তা চ ভর্তা ভোক্তা মহেশ্বরঃ ।
পরমাত্মেতি চাপ্যুক্তঃ দেহেঽস্মিন্পুরুষঃ পরঃ ॥22॥
পরমাত্মেতি চাপ্যুক্তঃ দেহেঽস্মিন্পুরুষঃ পরঃ ॥22॥
য এবং বেত্তি পুরুষং প্রকৃতিং চ গুণৈঃ সহ ।
সর্বথা বর্তমানোঽপি ন স ভূযোঽভিজাযতে ॥23॥
সর্বথা বর্তমানোঽপি ন স ভূযোঽভিজাযতে ॥23॥
ধ্যানেনাত্মনি পশ্যন্তি কেচিদাত্মানমাত্মনা ।
অন্যে সাঙ্খ্যেন যোগেন কর্মযোগেন চাপরে ॥24॥
অন্যে সাঙ্খ্যেন যোগেন কর্মযোগেন চাপরে ॥24॥
অন্যে ত্বেবমজানন্তঃ শ্রুত্বাঽন্যেভ্য উপাসতে ।
তেঽপি চাতিতরন্ত্যেব মৃত্যুং শ্রুতিপরাযণাঃ ॥25॥
তেঽপি চাতিতরন্ত্যেব মৃত্যুং শ্রুতিপরাযণাঃ ॥25॥
যাবত্সঞ্জাযতে কিঞ্চিত্ সত্ত্বং স্থাবরজঙ্গমম্ ।
ক্ষেত্রক্ষেত্রজ্ঞসংযোগাত্ তদ্বিদ্ধি ভরতর্ষভ ॥26॥
ক্ষেত্রক্ষেত্রজ্ঞসংযোগাত্ তদ্বিদ্ধি ভরতর্ষভ ॥26॥
সমং সর্বেষু ভূতেষু তিষ্ঠন্তং পরমেশ্বরম্ ।
বিনশ্যত্স্ববিনশ্যন্তং যঃ পশ্যতি স পশ্যতি ॥27॥
বিনশ্যত্স্ববিনশ্যন্তং যঃ পশ্যতি স পশ্যতি ॥27॥
সমং পশ্যন্হি সর্বত্র সমবস্থিতমীশ্বরম্ ।
ন হিনস্ত্যাত্মনাঽঽত্মানং ততো যাতি পরাং গতিম্ ॥28॥
ন হিনস্ত্যাত্মনাঽঽত্মানং ততো যাতি পরাং গতিম্ ॥28॥
প্রকৃত্যৈব চ কর্মাণি ক্রিযমাণানি সর্বশঃ ।
যঃ পশ্যতি তথাঽঽত্মানম্ অকর্তারং স পশ্যতি ॥29॥
যঃ পশ্যতি তথাঽঽত্মানম্ অকর্তারং স পশ্যতি ॥29॥
যদা ভূতপৃথগ্ভাবম্ একস্থমনুপশ্যতি ।
তত এব চ বিস্তারং ব্রহ্ম সম্পদ্যতে তদা ॥30॥
তত এব চ বিস্তারং ব্রহ্ম সম্পদ্যতে তদা ॥30॥
অনাদিত্বান্নির্গুণত্বাত্ পরমাত্মাযমব্যযঃ ।
শরীরস্থোঽপি কৌন্তেয ন করোতি ন লিপ্যতে ॥31॥
শরীরস্থোঽপি কৌন্তেয ন করোতি ন লিপ্যতে ॥31॥
যথা সর্বগতং সৌক্ষ্ম্যাত্ আকাশং নোপলিপ্যতে ।
সর্বত্রাবস্থিতো দেহে তথাঽঽত্মা নোপলিপ্যতে ॥32॥
সর্বত্রাবস্থিতো দেহে তথাঽঽত্মা নোপলিপ্যতে ॥32॥
যথা প্রকাশযত্যেকঃ কৃত্স্নং লোকমিমং রবিঃ ।
ক্ষেত্রং ক্ষেত্রী তথা কৃত্স্নং প্রকাশযতি ভারত ॥33॥
ক্ষেত্রং ক্ষেত্রী তথা কৃত্স্নং প্রকাশযতি ভারত ॥33॥
ক্ষেত্রক্ষেত্রজ্ঞযোরেবম্ অন্তরং জ্ঞানচক্ষুষা ।
ভূতপ্রকৃতিমোক্ষং চ যে বিদুর্যান্তি তে পরম্ ॥34॥
॥ ওঁ তত্সদিতি শ্রীমদ্ভগবদ্গীতাসু উপনিষত্সু ব্রহ্মবিদ্যাযাং
যোগশাস্ত্রে শ্রীকৃষ্ণার্জুনসংবাদে ক্ষেত্রক্ষেত্রজ্ঞবিভাগযোগো নাম ত্রযোদশোঽধ্যাযঃ ॥
ভূতপ্রকৃতিমোক্ষং চ যে বিদুর্যান্তি তে পরম্ ॥34॥
॥ ওঁ তত্সদিতি শ্রীমদ্ভগবদ্গীতাসু উপনিষত্সু ব্রহ্মবিদ্যাযাং
যোগশাস্ত্রে শ্রীকৃষ্ণার্জুনসংবাদে ক্ষেত্রক্ষেত্রজ্ঞবিভাগযোগো নাম ত্রযোদশোঽধ্যাযঃ ॥