ওঁ শ্রী পরমাত্মনে নমঃ
অথ অষ্টমোঽধ্যাযঃ
অক্ষরপরব্রহ্মযোগঃ অর্জুন উবাচ
কিং তদ্ব্রহ্ম কিমধ্যাত্মং কিং কর্ম পুরুষোত্তম ।
অধিভূতং চ কিং প্রোক্তম্ অধিদৈবং কিমুচ্যতে ॥1॥
অধিভূতং চ কিং প্রোক্তম্ অধিদৈবং কিমুচ্যতে ॥1॥
অধিযজ্ঞঃ কথং কোঽত্র দেহেঽস্মিন্মধুসূদন ।
প্রযাণকালে চ কথং জ্ঞেযোঽসি নিযতাত্মভিঃ ॥2॥
প্রযাণকালে চ কথং জ্ঞেযোঽসি নিযতাত্মভিঃ ॥2॥
শ্রী ভগবানুবাচ
অক্ষরং ব্রহ্ম পরমং স্বভাবোঽধ্যাত্মমুচ্যতে ।
ভূতভাবোদ্ভবকরঃ বিসর্গঃ কর্মসঞ্জ্ঞিতঃ ॥3॥
ভূতভাবোদ্ভবকরঃ বিসর্গঃ কর্মসঞ্জ্ঞিতঃ ॥3॥
অধিভূতং ক্ষরো ভাবঃ পুরুষশ্চাধিদৈবতম্ ।
অধিযজ্ঞোঽহমেবাত্র দেহে দেহভৃতাং বর ॥4॥
অধিযজ্ঞোঽহমেবাত্র দেহে দেহভৃতাং বর ॥4॥
অন্তকালে চ মামেব স্মরন্মুক্ত্বা কলেবরম্ ।
যঃ প্রযাতি স মদ্ভাবং যাতি নাস্ত্যত্র সংশযঃ ॥5॥
যঃ প্রযাতি স মদ্ভাবং যাতি নাস্ত্যত্র সংশযঃ ॥5॥
যং যং বাপি স্মরন্ভাবং ত্যজত্যন্তে কলেবরম্ ।
তং তমেবৈতি কৌন্তেয সদা তদ্ভাবভাবিতঃ ॥6॥
তং তমেবৈতি কৌন্তেয সদা তদ্ভাবভাবিতঃ ॥6॥
তস্মাত্সর্বেষু কালেষু মামনুস্মর যুধ্য চ ।
ময্যর্পিতমনোবুদ্ধিঃ মামেবৈষ্যস্যসংশযম্ ॥7॥
ময্যর্পিতমনোবুদ্ধিঃ মামেবৈষ্যস্যসংশযম্ ॥7॥
অভ্যাসযোগযুক্তেন চেতসা নান্যগামিনা ।
পরমং পুরুষং দিব্যং যাতি পার্থানুচিন্তযন্ ॥8॥
পরমং পুরুষং দিব্যং যাতি পার্থানুচিন্তযন্ ॥8॥
কবিং পুরাণমনুশাসিতারম্ অণোরণীযাংসমনুস্মরেদ্যঃ ।
সর্বস্য ধাতারমচিন্ত্যরূপং আদিত্যবর্ণং তমসঃ পরস্তাত্ ॥9॥
সর্বস্য ধাতারমচিন্ত্যরূপং আদিত্যবর্ণং তমসঃ পরস্তাত্ ॥9॥
প্রযাণকালে মনসাঽচলেন ভক্ত্যা যুক্তো যোগবলেন চৈব ।
ভ্রুবোর্মধ্যে প্রাণমাবেশ্য সম্যক্ স তং পরং পুরুষমুপৈতি দিব্যম্ ॥10॥
ভ্রুবোর্মধ্যে প্রাণমাবেশ্য সম্যক্ স তং পরং পুরুষমুপৈতি দিব্যম্ ॥10॥
যদক্ষরং বেদবিদো বদন্তি বিশন্তি যদ্যতযো বীতরাগাঃ ।
যদিচ্ছন্তো ব্রহ্মচর্যং চরন্তি তত্তে পদং সঙ্গ্রহেণ প্রবক্ষ্যে ॥11॥
যদিচ্ছন্তো ব্রহ্মচর্যং চরন্তি তত্তে পদং সঙ্গ্রহেণ প্রবক্ষ্যে ॥11॥
সর্বদ্বারাণি সংযম্য মনো হৃদি নিরুধ্য চ ।
মূর্ধ্ন্যাধাযাত্মনঃ প্রাণম্ আস্থিতো যোগধারণাম্ ॥12॥
মূর্ধ্ন্যাধাযাত্মনঃ প্রাণম্ আস্থিতো যোগধারণাম্ ॥12॥
ওমিত্যেকাক্ষরং ব্রহ্ম ব্যাহরন্মামনুস্মরন্ ।
যঃ প্রযাতি ত্যজন্দেহং স যাতি পরমাং গতিম্ ॥13॥
যঃ প্রযাতি ত্যজন্দেহং স যাতি পরমাং গতিম্ ॥13॥
অনন্যচেতাঃ সততং যো মাং স্মরতি নিত্যশঃ ।
তস্যাহং সুলভঃ পার্থ নিত্যযুক্তস্য যোগিনঃ ॥14॥
তস্যাহং সুলভঃ পার্থ নিত্যযুক্তস্য যোগিনঃ ॥14॥
মামুপেত্য পুনর্জন্ম দুঃখালযমশাশ্বতম্ ।
নাপ্নুবন্তি মহাত্মানঃ সংসিদ্ধিং পরমাং গতাঃ ॥15॥
নাপ্নুবন্তি মহাত্মানঃ সংসিদ্ধিং পরমাং গতাঃ ॥15॥
আব্রহ্মভুবনাল্লোকাঃ পুনরাবর্তিনোঽর্জুন ।
মামুপেত্য তু কৌন্তেয পুনর্জন্ম ন বিদ্যতে ॥16॥
মামুপেত্য তু কৌন্তেয পুনর্জন্ম ন বিদ্যতে ॥16॥
সহস্রযুগপর্যন্তম্ অহর্যদ্ব্রহ্মণো বিদুঃ ।
রাত্রিং যুগসহস্রান্তাং তেঽহোরাত্রবিদো জনাঃ ॥17॥
রাত্রিং যুগসহস্রান্তাং তেঽহোরাত্রবিদো জনাঃ ॥17॥
অব্যক্তাদ্ব্যক্তযঃ সর্বাঃ প্রভবন্ত্যহরাগমে ।
রাত্র্যাগমে প্রলীযন্তে তত্রৈবাব্যক্তসঞ্জ্ঞকে ॥18॥
রাত্র্যাগমে প্রলীযন্তে তত্রৈবাব্যক্তসঞ্জ্ঞকে ॥18॥
ভূতগ্রামঃ স এবাযং ভূত্বা ভূত্বা প্রলীযতে ।
রাত্র্যাগমেঽবশঃ পার্থ প্রভবত্যহরাগমে ॥19॥
রাত্র্যাগমেঽবশঃ পার্থ প্রভবত্যহরাগমে ॥19॥
পরস্তস্মাত্তু ভাবোঽন্যঃ অব্যক্তোঽব্যক্তাত্সনাতনঃ ।
যঃ স সর্বেষু ভূতেষু নশ্যত্সু ন বিনশ্যতি ॥20॥
যঃ স সর্বেষু ভূতেষু নশ্যত্সু ন বিনশ্যতি ॥20॥
অব্যক্তোঽক্ষর ইত্যুক্তঃ তমাহুঃ পরমাং গতিম্ ।
যং প্রাপ্য ন নিবর্তন্তে তদ্ধাম পরমং মম ॥21॥
যং প্রাপ্য ন নিবর্তন্তে তদ্ধাম পরমং মম ॥21॥
পুরুষঃ স পরঃ পার্থ ভক্ত্যা লভ্যস্ত্বনন্যযা ।
যস্যান্তঃ স্থানি ভূতানি যেন সর্বমিদং ততম্ ॥22॥
যস্যান্তঃ স্থানি ভূতানি যেন সর্বমিদং ততম্ ॥22॥
যত্র কালে ত্বনাবৃত্তিম্ আবৃত্তিং চৈব যোগিনঃ ।
প্রযাতা যান্তি তং কালং বক্ষ্যামি ভরতর্ষভ ॥23॥
প্রযাতা যান্তি তং কালং বক্ষ্যামি ভরতর্ষভ ॥23॥
অগ্নির্জ্যোতিরহঃ শুক্লঃ ষণ্মাসা উত্তরাযণম্ ।
তত্র প্রযাতা গচ্ছন্তি ব্রহ্ম ব্রহ্মবিদো জনাঃ ॥24॥
তত্র প্রযাতা গচ্ছন্তি ব্রহ্ম ব্রহ্মবিদো জনাঃ ॥24॥
ধূমো রাত্রিস্তথা কৃষ্ণঃ ষণ্মাসা দক্ষিণাযনম্ ।
তত্র চান্দ্রমসং জ্যোতিঃ যোগী প্রাপ্য নিবর্ততে ॥25॥
তত্র চান্দ্রমসং জ্যোতিঃ যোগী প্রাপ্য নিবর্ততে ॥25॥
শুক্লকৃষ্ণে গতী হ্যেতে জগতঃ শাশ্বতে মতে ।
একযা যাত্যনাবৃত্তিম্ অন্যযাবর্ততে পুনঃ ॥26॥
একযা যাত্যনাবৃত্তিম্ অন্যযাবর্ততে পুনঃ ॥26॥
নৈতে সৃতী পার্থ জানন্ যোগী মুহ্যতি কশ্চন ।
তস্মাত্সর্বেষু কালেষু যোগযুক্তো ভবার্জুন ॥27॥
তস্মাত্সর্বেষু কালেষু যোগযুক্তো ভবার্জুন ॥27॥
বেদেষু যজ্ঞেষু তপস্সু চৈব দানেষু যত্পুণ্যফলং প্রদিষ্টম্ ।
অত্যেতি তত্সর্বমিদং বিদিত্বা যোগী পরং স্থানমুপৈতি চাদ্যম্ ॥28॥
॥ ওঁ তত্সদিতি শ্রীমদ্ভগবদ্গীতাসু উপনিষত্সু ব্রহ্মবিদ্যাযাং
যোগশাস্ত্রে শ্রীকৃষ্ণার্জুনসংবাদে অক্ষরপরব্রহ্মযোগো নাম অষ্টমোঽধ্যাযঃ ॥8
অত্যেতি তত্সর্বমিদং বিদিত্বা যোগী পরং স্থানমুপৈতি চাদ্যম্ ॥28॥
॥ ওঁ তত্সদিতি শ্রীমদ্ভগবদ্গীতাসু উপনিষত্সু ব্রহ্মবিদ্যাযাং
যোগশাস্ত্রে শ্রীকৃষ্ণার্জুনসংবাদে অক্ষরপরব্রহ্মযোগো নাম অষ্টমোঽধ্যাযঃ ॥8