ওঁ শ্রী পরমাত্মনে নমঃ
অথ ষোডশোঽধ্যাযঃ
দৈবাসুরসম্পদ্বিভাগযোগঃ শ্রী ভগবানুবাচ
অভযং সত্ত্বসংশুদ্ধিঃ জ্ঞানযোগব্যবস্থিতিঃ ।
দানং দমশ্চ যজ্ঞশ্চ স্বাধ্যাযস্তপ আর্জবম্ ॥1॥
দানং দমশ্চ যজ্ঞশ্চ স্বাধ্যাযস্তপ আর্জবম্ ॥1॥
অহিংসা সত্যমক্রোধঃ ত্যাগঃ শান্তিরপৈশুনম্ ।
দযা ভূতেষ্বলোলুপ্ত্বং মার্দবং হ্রীরচাপলম্ ॥2॥
দযা ভূতেষ্বলোলুপ্ত্বং মার্দবং হ্রীরচাপলম্ ॥2॥
তেজঃ ক্ষমা ধৃতিঃ শৌচম্ অদ্রোহো নাতিমানিতা ।
ভবন্তি সম্পদং দৈবীম্ অভিজাতস্য ভারত ॥3॥
ভবন্তি সম্পদং দৈবীম্ অভিজাতস্য ভারত ॥3॥
দম্ভো দর্পোঽভিমানশ্চ ক্রোধঃ পারুষ্যমেব চ ।
অজ্ঞানং চাভিজাতস্য পার্থ সম্পদমাসুরীম্ ॥4॥
অজ্ঞানং চাভিজাতস্য পার্থ সম্পদমাসুরীম্ ॥4॥
দৈবী সম্পদ্বিমোক্ষায নিবন্ধাযাসুরী মতা ।
মা শুচঃ সম্পদং দৈবীম্ অভিজাতোঽসি পাণ্ডব ॥5॥
মা শুচঃ সম্পদং দৈবীম্ অভিজাতোঽসি পাণ্ডব ॥5॥
দ্বৌ ভূতসর্গৌ লোকেঽস্মিন্ দৈব আসুর এব চ ।
দৈবো বিস্তরশঃ প্রোক্তঃ আসুরং পার্থ মে শৃণু ॥6॥
দৈবো বিস্তরশঃ প্রোক্তঃ আসুরং পার্থ মে শৃণু ॥6॥
প্রবৃত্তিং চ নিবৃত্তিং চ জনা ন বিদুরাসুরাঃ ।
ন শৌচং নাপি চাচারঃ ন সত্যং তেষু বিদ্যতে ॥7॥
ন শৌচং নাপি চাচারঃ ন সত্যং তেষু বিদ্যতে ॥7॥
অসত্যমপ্রতিষ্ঠং তে জগদাহুরনীশ্বরম্ ।
অপরস্পরসম্ভূতং কিমন্যত্কামহৈতুকম্ ॥8॥
অপরস্পরসম্ভূতং কিমন্যত্কামহৈতুকম্ ॥8॥
এতাং দৃষ্টিমবষ্টভ্য নষ্টাত্মানোঽল্পবুদ্ধযঃ ।
প্রভবন্ত্যুগ্রকর্মাণঃ ক্ষযায জগতোঽহিতাঃ ॥9॥
প্রভবন্ত্যুগ্রকর্মাণঃ ক্ষযায জগতোঽহিতাঃ ॥9॥
কামমাশ্রিত্য দুষ্পূরং দম্ভমানমদান্বিতাঃ ।
মোহাদ্গৃহীত্বাসদ্গ্রাহান্ প্রবর্তন্তেঽশুচিব্রতাঃ ॥10॥
মোহাদ্গৃহীত্বাসদ্গ্রাহান্ প্রবর্তন্তেঽশুচিব্রতাঃ ॥10॥
চিন্তামপরিমেযাং চ প্রলযান্তামুপাশ্রিতাঃ ।
কামোপভোগপরমাঃ এতাবদিতি নিশ্চিতাঃ ॥11॥
কামোপভোগপরমাঃ এতাবদিতি নিশ্চিতাঃ ॥11॥
আশাপাশশতৈর্বদ্ধাঃ কামক্রোধপরাযণাঃ ।
ঈহন্তে কামভোগার্থম্ অন্যাযেনার্থসঞ্চযান্ ॥12॥
ঈহন্তে কামভোগার্থম্ অন্যাযেনার্থসঞ্চযান্ ॥12॥
ইদমদ্য মযা লব্ধম্ ইমং প্রাপ্স্যে মনোরথম্ ।
ইদমস্তীদমপি মে ভবিষ্যতি পুনর্ধনম্ ॥13॥
ইদমস্তীদমপি মে ভবিষ্যতি পুনর্ধনম্ ॥13॥
অসৌ মযা হতঃ শতৃঃ হনিষ্যে চাপরানপি ।
ঈশ্বরোঽহমহং ভোগী সিদ্ধোঽহং বলবান্সুখী ॥14॥
ঈশ্বরোঽহমহং ভোগী সিদ্ধোঽহং বলবান্সুখী ॥14॥
আঢ্যোঽভিজনবানস্মি কোঽন্যোঽস্তি সদৃশো মযা ।
যক্ষ্যে দাস্যামি মোদিষ্যে ইত্যজ্ঞানবিমোহিতাঃ ॥15॥
যক্ষ্যে দাস্যামি মোদিষ্যে ইত্যজ্ঞানবিমোহিতাঃ ॥15॥
অনেকচিত্তবিভ্রান্তাঃ মোহজালসমাবৃতাঃ ।
প্রসক্তাঃ কামভোগেষু পতন্তি নরকেঽশুচৌ ॥16॥
প্রসক্তাঃ কামভোগেষু পতন্তি নরকেঽশুচৌ ॥16॥
আত্মসম্ভাবিতাঃ স্তব্ধাঃ ধনমানমদান্বিতাঃ ।
যজন্তে নামযজ্ঞৈস্তে দম্ভেনাবিধিপূর্বকম্ ॥17॥
যজন্তে নামযজ্ঞৈস্তে দম্ভেনাবিধিপূর্বকম্ ॥17॥
অহঙ্কারং বলং দর্পং কামং ক্রোধং চ সংশ্রিতাঃ ।
মামাত্মপরদেহেষু প্রদ্বিষন্তোঽভ্যসূযকাঃ ॥18॥
মামাত্মপরদেহেষু প্রদ্বিষন্তোঽভ্যসূযকাঃ ॥18॥
তানহং দ্বিষতঃ ক্রূরান্ সংসারেষু নরাধমান্ ।
ক্ষিপাম্যজস্রমশুভান্ আসুরীষ্বেব যোনিষু ॥19॥
ক্ষিপাম্যজস্রমশুভান্ আসুরীষ্বেব যোনিষু ॥19॥
আসুরীং যোনিমাপন্নাঃ মূঢা জন্মনি জন্মনি ।
মামপ্রাপ্যৈব কৌন্তেয ততো যান্ত্যধমাং গতিম্ ॥20॥
মামপ্রাপ্যৈব কৌন্তেয ততো যান্ত্যধমাং গতিম্ ॥20॥
ত্রিবিধং নরকস্যেদং দ্বারং নাশনমাত্মনঃ ।
কামঃ ক্রোধস্তথা লোভঃ তস্মাদেতত্ত্রযং ত্যজেত্ ॥21॥
কামঃ ক্রোধস্তথা লোভঃ তস্মাদেতত্ত্রযং ত্যজেত্ ॥21॥
এতৈর্বিমুক্তঃ কৌন্তেয তমোদ্বারৈস্ত্রিভির্নরঃ ।
আচরত্যাত্মনঃ শ্রেযঃ ততো যাতি পরাং গতিম্ ॥22॥
আচরত্যাত্মনঃ শ্রেযঃ ততো যাতি পরাং গতিম্ ॥22॥
যঃ শাস্ত্রবিধিমুত্সৃজ্য বর্ততে কামকারতঃ ।
ন স সিদ্ধিমবাপ্নোতি ন সুখং ন পরাং গতিম্ ॥23॥
ন স সিদ্ধিমবাপ্নোতি ন সুখং ন পরাং গতিম্ ॥23॥
তস্মাচ্ছাস্ত্রং প্রমাণং তে কার্যাকার্যব্যবস্থিতৌ ।
জ্ঞাত্বা শাস্ত্রবিধানোক্তং কর্ম কর্তুমিহার্হসি ॥24॥
॥ ওঁ তত্সদিতি শ্রীমদ্ভগবদ্গীতাসু উপনিষত্সু ব্রহ্মবিদ্যাযাং
যোগশাস্ত্রে শ্রীকৃষ্ণার্জুনসংবাদে দৈবাসুরসম্পদ্বিভাগযোগো নাম ষোডশোঽধ্যাযঃ ॥
জ্ঞাত্বা শাস্ত্রবিধানোক্তং কর্ম কর্তুমিহার্হসি ॥24॥
॥ ওঁ তত্সদিতি শ্রীমদ্ভগবদ্গীতাসু উপনিষত্সু ব্রহ্মবিদ্যাযাং
যোগশাস্ত্রে শ্রীকৃষ্ণার্জুনসংবাদে দৈবাসুরসম্পদ্বিভাগযোগো নাম ষোডশোঽধ্যাযঃ ॥