দেবী মাহাত্ম্যং অর্গলা স্তোত্রম্

অস্যশ্রী অর্গলা স্তোত্র মন্ত্রস্য বিষ্ণুঃ ঋষিঃ। অনুষ্টুপ্ছন্দঃ। শ্রী মহালক্ষীর্দেবতা। মন্ত্রোদিতা দেব্যোবীজং।
নবার্ণো মন্ত্র শক্তিঃ। শ্রী সপ্তশতী মন্ত্রস্তত্বং শ্রী জগদম্বা প্রীত্যর্থে সপ্তশতী পঠাং গত্বেন জপে বিনিযোগঃ॥
ধ্যানং
ওঁ বন্ধূক কুসুমাভাসাং পঞ্চমুণ্ডাধিবাসিনীং।
স্ফুরচ্চন্দ্রকলারত্ন মুকুটাং মুণ্ডমালিনীং॥
ত্রিনেত্রাং রক্ত বসনাং পীনোন্নত ঘটস্তনীং।
পুস্তকং চাক্ষমালাং চ বরং চাভযকং ক্রমাত্॥
দধতীং সংস্মরেন্নিত্যমুত্তরাম্নাযমানিতাং।
অথবা
যা চণ্ডী মধুকৈটভাদি দৈত্যদলনী যা মাহিষোন্মূলিনী
যা ধূম্রেক্ষন চণ্ডমুণ্ডমথনী যা রক্ত বীজাশনী।
শক্তিঃ শুম্ভনিশুম্ভদৈত্যদলনী যা সিদ্ধি দাত্রী পরা
সা দেবী নব কোটি মূর্তি সহিতা মাং পাতু বিশ্বেশ্বরী॥
ওঁ নমশ্চণ্ডিকাযৈ
মার্কণ্ডেয উবাচ
ওঁ জযত্বং দেবি চামুণ্ডে জয ভূতাপহারিণি।
জয সর্ব গতে দেবি কাল রাত্রি নমোঽস্তুতে॥1॥

মধুকৈঠভবিদ্রাবি বিধাত্রু বরদে নমঃ
ওঁ জযন্তী মঙ্গলা কালী ভদ্রকালী কপালিনী ॥2॥

দুর্গা শিবা ক্ষমা ধাত্রী স্বাহা স্বধা নমোঽস্তুতে
রূপং দেহি জযং দেহি যশো দেহি দ্বিষো জহি ॥3॥

মহিষাসুর নির্নাশি ভক্তানাং সুখদে নমঃ।
রূপং দেহি জযং দেহি যশো দেহি দ্বিষো জহি॥4॥

ধূম্রনেত্র বধে দেবি ধর্ম কামার্থ দাযিনি।
রূপং দেহি জযং দেহি যশো দেহি দ্বিষো জহি॥5॥

রক্ত বীজ বধে দেবি চণ্ড মুণ্ড বিনাশিনি ।
রূপং দেহি জযং দেহি যশো দেহি দ্বিষো জহি॥6॥

নিশুম্ভশুম্ভ নির্নাশি ত্রৈলোক্য শুভদে নমঃ
রূপং দেহি জযং দেহি যশো দেহি দ্বিষো জহি॥7॥

বন্দি তাঙ্ঘ্রিযুগে দেবি সর্বসৌভাগ্য দাযিনি।
রূপং দেহি জযং দেহি যশো দেহি দ্বিষো জহি॥8॥

অচিন্ত্য রূপ চরিতে সর্ব শত্রু বিনাশিনি।
রূপং দেহি জযং দেহি যশো দেহি দ্বিষো জহি॥9॥

নতেভ্যঃ সর্বদা ভক্ত্যা চাপর্ণে দুরিতাপহে।
রূপং দেহি জযং দেহি যশো দেহি দ্বিষো জহি॥10॥

স্তুবদ্ভ্যোভক্তিপূর্বং ত্বাং চণ্ডিকে ব্যাধি নাশিনি
রূপং দেহি জযং দেহি যশো দেহি দ্বিষো জহি॥11॥

চণ্ডিকে সততং যুদ্ধে জযন্তী পাপনাশিনি।
রূপং দেহি জযং দেহি যশো দেহি দ্বিষো জহি॥12॥

দেহি সৌভাগ্যমারোগ্যং দেহি দেবী পরং সুখং।
রূপং ধেহি জযং দেহি যশো ধেহি দ্বিষো জহি॥13॥

বিধেহি দেবি কল্যাণং বিধেহি বিপুলাং শ্রিযং।
রূপং দেহি জযং দেহি যশো দেহি দ্বিষো জহি॥14॥

বিধেহি দ্বিষতাং নাশং বিধেহি বলমুচ্চকৈঃ।
রূপং দেহি জযং দেহি যশো দেহি দ্বিষো জহি॥15॥

সুরাসুরশিরো রত্ন নিঘৃষ্টচরণেঽম্বিকে।
রূপং দেহি জযং দেহি যশো দেহি দ্বিষো জহি॥16॥

বিধ্যাবন্তং যশস্বন্তং লক্ষ্মীবন্তঞ্চ মাং কুরু।
রূপং দেহি জযং দেহি যশো দেহি দ্বিষো জহি॥17॥

দেবি প্রচণ্ড দোর্দণ্ড দৈত্য দর্প নিষূদিনি।
রূপং দেহি জযং দেহি যশো দেহি দ্বিষো জহি॥18॥

প্রচণ্ড দৈত্যদর্পঘ্নে চণ্ডিকে প্রণতাযমে।
রূপং দেহি জযং দেহি যশো দেহি দ্বিষো জহি॥19॥

চতুর্ভুজে চতুর্বক্ত্র সংস্তুতে পরমেশ্বরি।
রূপং দেহি জযং দেহি যশো দেহি দ্বিষো জহি॥20॥

কৃষ্ণেন সংস্তুতে দেবি শশ্বদ্ভক্ত্যা সদাম্বিকে।
রূপং দেহি জযং দেহি যশো দেহি দ্বিষো জহি॥21॥

হিমাচলসুতানাথসংস্তুতে পরমেশ্বরি।
রূপং দেহি জযং দেহি যশো দেহি দ্বিষো জহি॥22॥

ইন্দ্রাণী পতিসদ্ভাব পূজিতে পরমেশ্বরি।
রূপং দেহি জযং দেহি যশো দেহি দ্বিষো জহি ॥23॥

দেবি ভক্তজনোদ্দাম দত্তানন্দোদযেঽম্বিকে।
রূপং দেহি জযং দেহি যশো দেহি দ্বিষো জহি ॥24॥

ভার্যাং মনোরমাং দেহি মনোবৃত্তানুসারিণীং।
রূপং দেহি জযং দেহি যশো দেহি দ্বিষো জহি॥25॥

তারিণীং দুর্গ সংসার সাগর স্যাচলোদ্ভবে।
রূপং দেহি জযং দেহি যশো দেহি দ্বিষো জহি ॥26॥

ইদংস্তোত্রং পঠিত্বা তু মহাস্তোত্রং পঠেন্নরঃ।
সপ্তশতীং সমারাধ্য বরমাপ্নোতি দুর্লভং ॥27॥