ଦେଵୀ ମାହାତ୍ମ୍ଯଂ ଅର୍ଗଲା ସ୍ତୋତ୍ରମ୍

ଅସ୍ଯଶ୍ରୀ ଅର୍ଗଲା ସ୍ତୋତ୍ର ମନ୍ତ୍ରସ୍ଯ ଵିଷ୍ଣୁଃ ଋଷିଃ। ଅନୁଷ୍ଟୁପ୍ଛନ୍ଦଃ। ଶ୍ରୀ ମହାଲକ୍ଷୀର୍ଦେଵତା। ମନ୍ତ୍ରୋଦିତା ଦେଵ୍ଯୋବୀଜଂ।
ନଵାର୍ଣୋ ମନ୍ତ୍ର ଶକ୍ତିଃ। ଶ୍ରୀ ସପ୍ତଶତୀ ମନ୍ତ୍ରସ୍ତତ୍ଵଂ ଶ୍ରୀ ଜଗଦମ୍ବା ପ୍ରୀତ୍ଯର୍ଥେ ସପ୍ତଶତୀ ପଠାଂ ଗତ୍ଵେନ ଜପେ ଵିନିଯୋଗଃ॥
ଧ୍ଯାନଂ
ଓଁ ବନ୍ଧୂକ କୁସୁମାଭାସାଂ ପଞ୍ଚମୁଣ୍ଡାଧିଵାସିନୀଂ।
ସ୍ଫୁରଚ୍ଚନ୍ଦ୍ରକଲାରତ୍ନ ମୁକୁଟାଂ ମୁଣ୍ଡମାଲିନୀଂ॥
ତ୍ରିନେତ୍ରାଂ ରକ୍ତ ଵସନାଂ ପୀନୋନ୍ନତ ଘଟସ୍ତନୀଂ।
ପୁସ୍ତକଂ ଚାକ୍ଷମାଲାଂ ଚ ଵରଂ ଚାଭଯକଂ କ୍ରମାତ୍॥
ଦଧତୀଂ ସଂସ୍ମରେନ୍ନିତ୍ଯମୁତ୍ତରାମ୍ନାଯମାନିତାଂ।
ଅଥଵା
ଯା ଚଣ୍ଡୀ ମଧୁକୈଟଭାଦି ଦୈତ୍ଯଦଲନୀ ଯା ମାହିଷୋନ୍ମୂଲିନୀ
ଯା ଧୂମ୍ରେକ୍ଷନ ଚଣ୍ଡମୁଣ୍ଡମଥନୀ ଯା ରକ୍ତ ବୀଜାଶନୀ।
ଶକ୍ତିଃ ଶୁମ୍ଭନିଶୁମ୍ଭଦୈତ୍ଯଦଲନୀ ଯା ସିଦ୍ଧି ଦାତ୍ରୀ ପରା
ସା ଦେଵୀ ନଵ କୋଟି ମୂର୍ତି ସହିତା ମାଂ ପାତୁ ଵିଶ୍ଵେଶ୍ଵରୀ॥
ଓଁ ନମଶ୍ଚଣ୍ଡିକାଯୈ
ମାର୍କଣ୍ଡେଯ ଉଵାଚ
ଓଁ ଜଯତ୍ଵଂ ଦେଵି ଚାମୁଣ୍ଡେ ଜଯ ଭୂତାପହାରିଣି।
ଜଯ ସର୍ଵ ଗତେ ଦେଵି କାଲ ରାତ୍ରି ନମୋଽସ୍ତୁତେ॥1॥

ମଧୁକୈଠଭଵିଦ୍ରାଵି ଵିଧାତ୍ରୁ ଵରଦେ ନମଃ
ଓଁ ଜଯନ୍ତୀ ମଙ୍ଗଲା କାଲୀ ଭଦ୍ରକାଲୀ କପାଲିନୀ ॥2॥

ଦୁର୍ଗା ଶିଵା କ୍ଷମା ଧାତ୍ରୀ ସ୍ଵାହା ସ୍ଵଧା ନମୋଽସ୍ତୁତେ
ରୂପଂ ଦେହି ଜଯଂ ଦେହି ଯଶୋ ଦେହି ଦ୍ଵିଷୋ ଜହି ॥3॥

ମହିଷାସୁର ନିର୍ନାଶି ଭକ୍ତାନାଂ ସୁଖଦେ ନମଃ।
ରୂପଂ ଦେହି ଜଯଂ ଦେହି ଯଶୋ ଦେହି ଦ୍ଵିଷୋ ଜହି॥4॥

ଧୂମ୍ରନେତ୍ର ଵଧେ ଦେଵି ଧର୍ମ କାମାର୍ଥ ଦାଯିନି।
ରୂପଂ ଦେହି ଜଯଂ ଦେହି ଯଶୋ ଦେହି ଦ୍ଵିଷୋ ଜହି॥5॥

ରକ୍ତ ବୀଜ ଵଧେ ଦେଵି ଚଣ୍ଡ ମୁଣ୍ଡ ଵିନାଶିନି ।
ରୂପଂ ଦେହି ଜଯଂ ଦେହି ଯଶୋ ଦେହି ଦ୍ଵିଷୋ ଜହି॥6॥

ନିଶୁମ୍ଭଶୁମ୍ଭ ନିର୍ନାଶି ତ୍ରୈଲୋକ୍ଯ ଶୁଭଦେ ନମଃ
ରୂପଂ ଦେହି ଜଯଂ ଦେହି ଯଶୋ ଦେହି ଦ୍ଵିଷୋ ଜହି॥7॥

ଵନ୍ଦି ତାଙ୍ଘ୍ରିଯୁଗେ ଦେଵି ସର୍ଵସୌଭାଗ୍ଯ ଦାଯିନି।
ରୂପଂ ଦେହି ଜଯଂ ଦେହି ଯଶୋ ଦେହି ଦ୍ଵିଷୋ ଜହି॥8॥

ଅଚିନ୍ତ୍ଯ ରୂପ ଚରିତେ ସର୍ଵ ଶତ୍ରୁ ଵିନାଶିନି।
ରୂପଂ ଦେହି ଜଯଂ ଦେହି ଯଶୋ ଦେହି ଦ୍ଵିଷୋ ଜହି॥9॥

ନତେଭ୍ଯଃ ସର୍ଵଦା ଭକ୍ତ୍ଯା ଚାପର୍ଣେ ଦୁରିତାପହେ।
ରୂପଂ ଦେହି ଜଯଂ ଦେହି ଯଶୋ ଦେହି ଦ୍ଵିଷୋ ଜହି॥10॥

ସ୍ତୁଵଦ୍ଭ୍ଯୋଭକ୍ତିପୂର୍ଵଂ ତ୍ଵାଂ ଚଣ୍ଡିକେ ଵ୍ଯାଧି ନାଶିନି
ରୂପଂ ଦେହି ଜଯଂ ଦେହି ଯଶୋ ଦେହି ଦ୍ଵିଷୋ ଜହି॥11॥

ଚଣ୍ଡିକେ ସତତଂ ଯୁଦ୍ଧେ ଜଯନ୍ତୀ ପାପନାଶିନି।
ରୂପଂ ଦେହି ଜଯଂ ଦେହି ଯଶୋ ଦେହି ଦ୍ଵିଷୋ ଜହି॥12॥

ଦେହି ସୌଭାଗ୍ଯମାରୋଗ୍ଯଂ ଦେହି ଦେଵୀ ପରଂ ସୁଖଂ।
ରୂପଂ ଧେହି ଜଯଂ ଦେହି ଯଶୋ ଧେହି ଦ୍ଵିଷୋ ଜହି॥13॥

ଵିଧେହି ଦେଵି କଲ୍ଯାଣଂ ଵିଧେହି ଵିପୁଲାଂ ଶ୍ରିଯଂ।
ରୂପଂ ଦେହି ଜଯଂ ଦେହି ଯଶୋ ଦେହି ଦ୍ଵିଷୋ ଜହି॥14॥

ଵିଧେହି ଦ୍ଵିଷତାଂ ନାଶଂ ଵିଧେହି ବଲମୁଚ୍ଚକୈଃ।
ରୂପଂ ଦେହି ଜଯଂ ଦେହି ଯଶୋ ଦେହି ଦ୍ଵିଷୋ ଜହି॥15॥

ସୁରାସୁରଶିରୋ ରତ୍ନ ନିଘୃଷ୍ଟଚରଣେଽମ୍ବିକେ।
ରୂପଂ ଦେହି ଜଯଂ ଦେହି ଯଶୋ ଦେହି ଦ୍ଵିଷୋ ଜହି॥16॥

ଵିଧ୍ଯାଵନ୍ତଂ ଯଶସ୍ଵନ୍ତଂ ଲକ୍ଷ୍ମୀଵନ୍ତଞ୍ଚ ମାଂ କୁରୁ।
ରୂପଂ ଦେହି ଜଯଂ ଦେହି ଯଶୋ ଦେହି ଦ୍ଵିଷୋ ଜହି॥17॥

ଦେଵି ପ୍ରଚଣ୍ଡ ଦୋର୍ଦଣ୍ଡ ଦୈତ୍ଯ ଦର୍ପ ନିଷୂଦିନି।
ରୂପଂ ଦେହି ଜଯଂ ଦେହି ଯଶୋ ଦେହି ଦ୍ଵିଷୋ ଜହି॥18॥

ପ୍ରଚଣ୍ଡ ଦୈତ୍ଯଦର୍ପଘ୍ନେ ଚଣ୍ଡିକେ ପ୍ରଣତାଯମେ।
ରୂପଂ ଦେହି ଜଯଂ ଦେହି ଯଶୋ ଦେହି ଦ୍ଵିଷୋ ଜହି॥19॥

ଚତୁର୍ଭୁଜେ ଚତୁର୍ଵକ୍ତ୍ର ସଂସ୍ତୁତେ ପରମେଶ୍ଵରି।
ରୂପଂ ଦେହି ଜଯଂ ଦେହି ଯଶୋ ଦେହି ଦ୍ଵିଷୋ ଜହି॥20॥

କୃଷ୍ଣେନ ସଂସ୍ତୁତେ ଦେଵି ଶଶ୍ଵଦ୍ଭକ୍ତ୍ଯା ସଦାମ୍ବିକେ।
ରୂପଂ ଦେହି ଜଯଂ ଦେହି ଯଶୋ ଦେହି ଦ୍ଵିଷୋ ଜହି॥21॥

ହିମାଚଲସୁତାନାଥସଂସ୍ତୁତେ ପରମେଶ୍ଵରି।
ରୂପଂ ଦେହି ଜଯଂ ଦେହି ଯଶୋ ଦେହି ଦ୍ଵିଷୋ ଜହି॥22॥

ଇନ୍ଦ୍ରାଣୀ ପତିସଦ୍ଭାଵ ପୂଜିତେ ପରମେଶ୍ଵରି।
ରୂପଂ ଦେହି ଜଯଂ ଦେହି ଯଶୋ ଦେହି ଦ୍ଵିଷୋ ଜହି ॥23॥

ଦେଵି ଭକ୍ତଜନୋଦ୍ଦାମ ଦତ୍ତାନନ୍ଦୋଦଯେଽମ୍ବିକେ।
ରୂପଂ ଦେହି ଜଯଂ ଦେହି ଯଶୋ ଦେହି ଦ୍ଵିଷୋ ଜହି ॥24॥

ଭାର୍ଯାଂ ମନୋରମାଂ ଦେହି ମନୋଵୃତ୍ତାନୁସାରିଣୀଂ।
ରୂପଂ ଦେହି ଜଯଂ ଦେହି ଯଶୋ ଦେହି ଦ୍ଵିଷୋ ଜହି॥25॥

ତାରିଣୀଂ ଦୁର୍ଗ ସଂସାର ସାଗର ସ୍ଯାଚଲୋଦ୍ଭଵେ।
ରୂପଂ ଦେହି ଜଯଂ ଦେହି ଯଶୋ ଦେହି ଦ୍ଵିଷୋ ଜହି ॥26॥

ଇଦଂସ୍ତୋତ୍ରଂ ପଠିତ୍ଵା ତୁ ମହାସ୍ତୋତ୍ରଂ ପଠେନ୍ନରଃ।
ସପ୍ତଶତୀଂ ସମାରାଧ୍ଯ ଵରମାପ୍ନୋତି ଦୁର୍ଲଭଂ ॥27॥