॥ ದ್ವಾದಶಃ ಸರ್ಗಃ ॥
॥ ಸುಪ್ರೀತಪೀತಾಮ್ಬರಃ ॥
ಗತವತಿ ಸಖೀವೃನ್ದೇಽಮನ್ದತ್ರಪಾಭರನಿರ್ಭರ-ಸ್ಮರಪರವಶಾಕೂತಸ್ಫೀತಸ್ಮಿತಸ್ನಪಿತಾಧರಮ್ ।
ಸರಸಮನಸಂ ದೃಷ್ಟ್ವಾ ರಾಧಾಂ ಮುಹುರ್ನವಪಲ್ಲವ-ಪ್ರಸವಶಯನೇ ನಿಕ್ಷಿಪ್ತಾಕ್ಷೀಮುವಾಚ ಹರಃ ॥ 68 ॥
ಸರಸಮನಸಂ ದೃಷ್ಟ್ವಾ ರಾಧಾಂ ಮುಹುರ್ನವಪಲ್ಲವ-ಪ್ರಸವಶಯನೇ ನಿಕ್ಷಿಪ್ತಾಕ್ಷೀಮುವಾಚ ಹರಃ ॥ 68 ॥
॥ ಗೀತಂ 23 ॥
ಕಿಸಲಯಶಯನತಲೇ ಕುರು ಕಾಮಿನಿ ಚರಣನಲಿನವಿನಿವೇಶಮ್ ।
ತವ ಪದಪಲ್ಲವವೈರಿಪರಾಭವಮಿದಮನುಭವತು ಸುವೇಶಮ್ ॥
ಕ್ಷಣಮಧುನಾ ನಾರಾಯಣಮನುಗತಮನುಸರ ರಾಧಿಕೇ ॥ 1 ॥
ತವ ಪದಪಲ್ಲವವೈರಿಪರಾಭವಮಿದಮನುಭವತು ಸುವೇಶಮ್ ॥
ಕ್ಷಣಮಧುನಾ ನಾರಾಯಣಮನುಗತಮನುಸರ ರಾಧಿಕೇ ॥ 1 ॥
ಕರಕಮಲೇನ ಕರೋಮಿ ಚರಣಮಹಮಾಗಮಿತಾಸಿ ವಿದೂರಮ್ ।
ಕ್ಷಣಮುಪಕುರು ಶಯನೋಪರಿ ಮಾಮಿವ ನೂಪುರಮನುಗತಿಶೂರಮ್ ॥ 2 ॥
ಕ್ಷಣಮುಪಕುರು ಶಯನೋಪರಿ ಮಾಮಿವ ನೂಪುರಮನುಗತಿಶೂರಮ್ ॥ 2 ॥
ವದನಸುಧಾನಿಧಿಗಲಿತಮಮೃತಮಿವ ರಚಯ ವಚನಮನುಕೂಲಮ್ ।
ವಿರಹಮಿವಾಪನಯಾಮಿ ಪಯೋಧರರೋಧಕಮುರಸಿ ದುಕೂಲಮ್ ॥ 3 ॥
ವಿರಹಮಿವಾಪನಯಾಮಿ ಪಯೋಧರರೋಧಕಮುರಸಿ ದುಕೂಲಮ್ ॥ 3 ॥
ಪ್ರಿಯಪರಿರಮ್ಭಣರಭಸವಲಿತಮಿವ ಪುಲಕಿತಮತಿದುರವಾಪಮ್ ।
ಮದುರಸಿ ಕುಚಕಲಶಂ ವಿನಿವೇಶಯ ಶೋಷಯ ಮನಸಿಜತಾಪಮ್ ॥ 4 ॥
ಮದುರಸಿ ಕುಚಕಲಶಂ ವಿನಿವೇಶಯ ಶೋಷಯ ಮನಸಿಜತಾಪಮ್ ॥ 4 ॥
ಅಧರಸುಧಾರಸಮುಪನಯ ಭಾವಿನಿ ಜೀವಯ ಮೃತಮಿವ ದಾಸಮ್ ।
ತ್ವಯಿ ವಿನಿಹಿತಮನಸಂ ವಿರಹಾನಲದಗ್ಧವಪುಷಮವಿಲಾಸಮ್ ॥ 5 ॥
ತ್ವಯಿ ವಿನಿಹಿತಮನಸಂ ವಿರಹಾನಲದಗ್ಧವಪುಷಮವಿಲಾಸಮ್ ॥ 5 ॥
ಶಶಿಮುಖಿ ಮುಖರಯ ಮಣಿರಶನಾಗುಣಮನುಗುಣಕಣ್ಠನಿದಾನಮ್ ।
ಶ್ರುತಿಯುಗಲೇ ಪಿಕರುತವಿಕಲೇ ಮಮ ಶಮಯ ಚಿರಾದವಸಾದಮ್ ॥ 6 ॥
ಶ್ರುತಿಯುಗಲೇ ಪಿಕರುತವಿಕಲೇ ಮಮ ಶಮಯ ಚಿರಾದವಸಾದಮ್ ॥ 6 ॥
ಮಾಮತಿವಿಫಲರುಷಾ ವಿಕಲೀಕೃತಮವಲೋಕಿತಮಧುನೇದಮ್ ।
ಮೀಲಿತಲಜ್ಜಿತಮಿವ ನಯನಂ ತವ ವಿರಮ ವಿಸೃಜ ರತಿಖೇದಮ್ ॥ 7 ॥
ಮೀಲಿತಲಜ್ಜಿತಮಿವ ನಯನಂ ತವ ವಿರಮ ವಿಸೃಜ ರತಿಖೇದಮ್ ॥ 7 ॥
ಶ್ರೀಜಯದೇವಭಣಿತಮಿದಮನುಪದನಿಗದಿತಮಧುರಿಪುಮೋದಮ್ ।
ಜನಯತು ರಸಿಕಜನೇಷು ಮನೋರಮತಿರಸಭಾವವಿನೋದಮ್ ॥ 8 ॥
ಜನಯತು ರಸಿಕಜನೇಷು ಮನೋರಮತಿರಸಭಾವವಿನೋದಮ್ ॥ 8 ॥
ಮಾರಙ್ಕೇ ರತಿಕೇಲಿಸಙ್ಕುಲರಣಾರಮ್ಭೇ ತಯಾ ಸಾಹಸ-ಪ್ರಾಯಂ ಕಾನ್ತಜಯಾಯ ಕಿಞ್ಚಿದುಪರಿ ಪ್ರಾರಮ್ಭಿ ಯತ್ಸಮ್ಭ್ರಮಾತ್ ।
ನಿಷ್ಪನ್ದಾ ಜಘನಸ್ಥಲೀ ಶಿಥಿಲತಾ ದೋರ್ವಲ್ಲಿರುತ್ಕಮ್ಪಿತಂ ವಕ್ಷೋ ಮೀಲಿತಮಕ್ಷಿ ಪೌರುಷರಸಃ ಸ್ತ್ರೀಣಾಂ ಕುತಃ ಸಿಧ್ಯತಿ॥ 69॥
ನಿಷ್ಪನ್ದಾ ಜಘನಸ್ಥಲೀ ಶಿಥಿಲತಾ ದೋರ್ವಲ್ಲಿರುತ್ಕಮ್ಪಿತಂ ವಕ್ಷೋ ಮೀಲಿತಮಕ್ಷಿ ಪೌರುಷರಸಃ ಸ್ತ್ರೀಣಾಂ ಕುತಃ ಸಿಧ್ಯತಿ॥ 69॥
ಅಥ ಕಾನ್ತಂ ರತಿಕ್ಲಾನ್ತಮಪಿ ಮಣ್ಡನವಾಞ್ಛಯಾ ।
ನಿಜಗಾದ ನಿರಾಬಾಧಾ ರಾಧಾ ಸ್ವಾಧೀನಭರ್ತೃಕಾ ॥ 70 ॥
ನಿಜಗಾದ ನಿರಾಬಾಧಾ ರಾಧಾ ಸ್ವಾಧೀನಭರ್ತೃಕಾ ॥ 70 ॥
॥ ಗೀತಂ 24 ॥
ಕುರು ಯದುನನ್ದನ ಚನ್ದನಶಿಶಿರತರೇಣ ಕರೇಣ ಪಯೋಧರೇ ।
ಮೃಗಮದಪತ್ರಕಮತ್ರ ಮನೋಭವಮಙ್ಗಲಕಲಶಸಹೋದರೇ ।
ನಿಜಗಾದ ಸಾ ಯದುನನ್ದನೇ ಕ್ರೀಡತಿ ಹೃದಯಾನನ್ದನೇ ॥ 1 ॥
ಮೃಗಮದಪತ್ರಕಮತ್ರ ಮನೋಭವಮಙ್ಗಲಕಲಶಸಹೋದರೇ ।
ನಿಜಗಾದ ಸಾ ಯದುನನ್ದನೇ ಕ್ರೀಡತಿ ಹೃದಯಾನನ್ದನೇ ॥ 1 ॥
ಅಲಿಕುಲಗಞ್ಜನಮಞ್ಜನಕಂ ರತಿನಾಯಕಸಾಯಕಮೋಚನೇ ।
ತ್ವದಧರಚುಮ್ಬನಲಮ್ಬಿತಕಜ್ಜಲಮುಜ್ಜ್ವಲಯ ಪ್ರಿಯ ಲೋಚನೇ ॥ 2 ॥
ತ್ವದಧರಚುಮ್ಬನಲಮ್ಬಿತಕಜ್ಜಲಮುಜ್ಜ್ವಲಯ ಪ್ರಿಯ ಲೋಚನೇ ॥ 2 ॥
ನಯನಕುರಙ್ಗತರಙ್ಗವಿಕಾಸನಿರಾಸಕರೇ ಶ್ರುತಿಮಣ್ಡಲೇ ।
ಮನಸಿಜಪಾಶವಿಲಾಸಧರೇ ಶುಭವೇಶ ನಿವೇಶಯ ಕುಣ್ಡಲೇ ॥ 3 ॥
ಮನಸಿಜಪಾಶವಿಲಾಸಧರೇ ಶುಭವೇಶ ನಿವೇಶಯ ಕುಣ್ಡಲೇ ॥ 3 ॥
ಭ್ರಮರಚಯಂ ರಚಹಯನ್ತಮುಪರಿ ರುಚಿರಂ ಸುಚಿರಂ ಮಮ ಸಮ್ಮುಖೇ ।
ಜಿತಕಮಲೇ ವಿಮಲೇ ಪರಿಕರ್ಮಯ ನರ್ಮಜನಕಮಲಕಂ ಮುಖೇ ॥ 4 ॥
ಜಿತಕಮಲೇ ವಿಮಲೇ ಪರಿಕರ್ಮಯ ನರ್ಮಜನಕಮಲಕಂ ಮುಖೇ ॥ 4 ॥
ಮೃಗಮದರಸವಲಿತಂ ಲಲಿತಂ ಕುರು ತಿಲಕಮಲಿಕರಜನೀಕರೇ ।
ವಿಹಿತಕಲಙ್ಕಕಲಂ ಕಮಲಾನನ ವಿಶ್ರಮಿತಶ್ರಮಶೀಕರೇ ॥ 5 ॥
ವಿಹಿತಕಲಙ್ಕಕಲಂ ಕಮಲಾನನ ವಿಶ್ರಮಿತಶ್ರಮಶೀಕರೇ ॥ 5 ॥
ಮಮ ರುಚಿರೇ ಚಿಕುರೇ ಕುರು ಮಾನದ ಮಾನಸಜಧ್ವಜಚಾಮರೇ ।
ರತಿಗಲಿತೇ ಲಲಿತೇ ಕುಸುಮಾನಿ ಶಿಖಣ್ಡಿಶಿಖಣ್ಡಕಡಾಮರೇ ॥ 6 ॥
ರತಿಗಲಿತೇ ಲಲಿತೇ ಕುಸುಮಾನಿ ಶಿಖಣ್ಡಿಶಿಖಣ್ಡಕಡಾಮರೇ ॥ 6 ॥
ಸರಸಘನೇ ಜಘನೇ ಮಮ ಶಮ್ಬರದಾರಣವಾರಣಕನ್ದರೇ ।
ಮಣಿರಶನಾವಸನಾಭರಣಾನಿ ಶುಭಾಶಯ ವಾಸಯ ಸುನ್ದರೇ ॥ 7 ॥
ಮಣಿರಶನಾವಸನಾಭರಣಾನಿ ಶುಭಾಶಯ ವಾಸಯ ಸುನ್ದರೇ ॥ 7 ॥
ಶ್ರೀಜಯದೇವವಚಸಿ ರುಚಿರೇ ಹೃದಯಂ ಸದಯಂ ಕುರು ಮಣ್ಡನೇ ।
ಹರಿಚರಣಸ್ಮರಣಾಮೃತಕೃತಕಲಿಕಲುಷಭವಜ್ವರಖಣ್ಡನೇ ॥ 8 ॥
ಹರಿಚರಣಸ್ಮರಣಾಮೃತಕೃತಕಲಿಕಲುಷಭವಜ್ವರಖಣ್ಡನೇ ॥ 8 ॥
ರಚಯ ಕುಚಯೋಃ ಪತ್ರಂ ಚಿತ್ರಂ ಕುರುಷ್ವ ಕಪೋಲಯೋ-ರ್ಘಟಯ ಜಘನೇ ಕಾಞ್ಚೀಮಞ್ಚ ಸ್ರಜಾ ಕಬರೀಭರಮ್ ।
ಕಲಯ ವಲಯಶ್ರೇಣೀಂ ಪಾಣೌ ಪದೇ ಕುರು ನೂಪುರಾ-ವಿತಿ ನಿಗತಿತಃ ಪ್ರೀತಃ ಪೀತಾಮ್ಬರೋಽಪಿ ತಥಾಕರೋತ್ ॥ 71 ॥
ಕಲಯ ವಲಯಶ್ರೇಣೀಂ ಪಾಣೌ ಪದೇ ಕುರು ನೂಪುರಾ-ವಿತಿ ನಿಗತಿತಃ ಪ್ರೀತಃ ಪೀತಾಮ್ಬರೋಽಪಿ ತಥಾಕರೋತ್ ॥ 71 ॥
ಯದ್ಗಾನ್ಧ್ಗರ್ವಕಲಾಸು ಕೌಶಲಮನುಧ್ಯಾನಂ ಚ ಯದ್ವೈಷ್ಣವಂ ಯಚ್ಛೃಙ್ಗಾರವಿವೇಕತತ್ವಮಪಿ ಯತ್ಕಾವ್ಯೇಷು ಲೀಲಾಯಿತಮ್ ।
ತತ್ಸರ್ವಂ ಜಯದೇವಪಣ್ಡಿತಕವೇಃ ಕೃಷ್ಣೈಕತಾನಾತ್ಮನಃ ಸಾನನ್ದಾಃ ಪರಿಶೋಧಯನ್ತು ಸುಧಿಯಃ ಶ್ರೀಗೀತಗೋವಿನ್ದತಃ ॥ 72 ॥
ತತ್ಸರ್ವಂ ಜಯದೇವಪಣ್ಡಿತಕವೇಃ ಕೃಷ್ಣೈಕತಾನಾತ್ಮನಃ ಸಾನನ್ದಾಃ ಪರಿಶೋಧಯನ್ತು ಸುಧಿಯಃ ಶ್ರೀಗೀತಗೋವಿನ್ದತಃ ॥ 72 ॥
ಶ್ರೀಭೋಜದೇವಪ್ರಭವಸ್ಯ ರಾಮಾದೇವೀಸುತಶ್ರೀಜಯದೇವಕಸ್ಯ ।
ಪರಾಶರಾದಿಪ್ರಿಯವರ್ಗಕಣ್ಠೇ ಶ್ರೀಗೀತಗೋವಿನ್ದಕವಿತ್ವಮಸ್ತು ॥ 73 ॥
ಪರಾಶರಾದಿಪ್ರಿಯವರ್ಗಕಣ್ಠೇ ಶ್ರೀಗೀತಗೋವಿನ್ದಕವಿತ್ವಮಸ್ತು ॥ 73 ॥
॥ ಇತಿ ಶ್ರೀಜಯದೇವಕೃತೌ ಗೀತಗೋವಿನ್ದೇ ಸುಪ್ರೀತಪೀತಾಮ್ಬರೋ ನಾಮ ದ್ವಾದಶಃ ಸರ್ಗಃ ॥
॥ ಇತಿ ಗೀತಗೋವಿನ್ದಂ ಸಮಾಪ್ತಮ್ ॥