॥ ദ്വാദശഃ സര്ഗഃ ॥
॥ സുപ്രീതപീതാമ്ബരഃ ॥
ഗതവതി സഖീവൃന്ദേഽമന്ദത്രപാഭരനിര്ഭര-സ്മരപരവശാകൂതസ്ഫീതസ്മിതസ്നപിതാധരമ് ।
സരസമനസം ദൃഷ്ട്വാ രാധാം മുഹുര്നവപല്ലവ-പ്രസവശയനേ നിക്ഷിപ്താക്ഷീമുവാച ഹരഃ ॥ 68 ॥
സരസമനസം ദൃഷ്ട്വാ രാധാം മുഹുര്നവപല്ലവ-പ്രസവശയനേ നിക്ഷിപ്താക്ഷീമുവാച ഹരഃ ॥ 68 ॥
॥ ഗീതം 23 ॥
കിസലയശയനതലേ കുരു കാമിനി ചരണനലിനവിനിവേശമ് ।
തവ പദപല്ലവവൈരിപരാഭവമിദമനുഭവതു സുവേശമ് ॥
ക്ഷണമധുനാ നാരായണമനുഗതമനുസര രാധികേ ॥ 1 ॥
തവ പദപല്ലവവൈരിപരാഭവമിദമനുഭവതു സുവേശമ് ॥
ക്ഷണമധുനാ നാരായണമനുഗതമനുസര രാധികേ ॥ 1 ॥
കരകമലേന കരോമി ചരണമഹമാഗമിതാസി വിദൂരമ് ।
ക്ഷണമുപകുരു ശയനോപരി മാമിവ നൂപുരമനുഗതിശൂരമ് ॥ 2 ॥
ക്ഷണമുപകുരു ശയനോപരി മാമിവ നൂപുരമനുഗതിശൂരമ് ॥ 2 ॥
വദനസുധാനിധിഗലിതമമൃതമിവ രചയ വചനമനുകൂലമ് ।
വിരഹമിവാപനയാമി പയോധരരോധകമുരസി ദുകൂലമ് ॥ 3 ॥
വിരഹമിവാപനയാമി പയോധരരോധകമുരസി ദുകൂലമ് ॥ 3 ॥
പ്രിയപരിരമ്ഭണരഭസവലിതമിവ പുലകിതമതിദുരവാപമ് ।
മദുരസി കുചകലശം വിനിവേശയ ശോഷയ മനസിജതാപമ് ॥ 4 ॥
മദുരസി കുചകലശം വിനിവേശയ ശോഷയ മനസിജതാപമ് ॥ 4 ॥
അധരസുധാരസമുപനയ ഭാവിനി ജീവയ മൃതമിവ ദാസമ് ।
ത്വയി വിനിഹിതമനസം വിരഹാനലദഗ്ധവപുഷമവിലാസമ് ॥ 5 ॥
ത്വയി വിനിഹിതമനസം വിരഹാനലദഗ്ധവപുഷമവിലാസമ് ॥ 5 ॥
ശശിമുഖി മുഖരയ മണിരശനാഗുണമനുഗുണകണ്ഠനിദാനമ് ।
ശ്രുതിയുഗലേ പികരുതവികലേ മമ ശമയ ചിരാദവസാദമ് ॥ 6 ॥
ശ്രുതിയുഗലേ പികരുതവികലേ മമ ശമയ ചിരാദവസാദമ് ॥ 6 ॥
മാമതിവിഫലരുഷാ വികലീകൃതമവലോകിതമധുനേദമ് ।
മീലിതലജ്ജിതമിവ നയനം തവ വിരമ വിസൃജ രതിഖേദമ് ॥ 7 ॥
മീലിതലജ്ജിതമിവ നയനം തവ വിരമ വിസൃജ രതിഖേദമ് ॥ 7 ॥
ശ്രീജയദേവഭണിതമിദമനുപദനിഗദിതമധുരിപുമോദമ് ।
ജനയതു രസികജനേഷു മനോരമതിരസഭാവവിനോദമ് ॥ 8 ॥
ജനയതു രസികജനേഷു മനോരമതിരസഭാവവിനോദമ് ॥ 8 ॥
മാരങ്കേ രതികേലിസങ്കുലരണാരമ്ഭേ തയാ സാഹസ-പ്രായം കാന്തജയായ കിഞ്ചിദുപരി പ്രാരമ്ഭി യത്സമ്ഭ്രമാത് ।
നിഷ്പന്ദാ ജഘനസ്ഥലീ ശിഥിലതാ ദോര്വല്ലിരുത്കമ്പിതം വക്ഷോ മീലിതമക്ഷി പൌരുഷരസഃ സ്ത്രീണാം കുതഃ സിധ്യതി॥ 69॥
നിഷ്പന്ദാ ജഘനസ്ഥലീ ശിഥിലതാ ദോര്വല്ലിരുത്കമ്പിതം വക്ഷോ മീലിതമക്ഷി പൌരുഷരസഃ സ്ത്രീണാം കുതഃ സിധ്യതി॥ 69॥
അഥ കാന്തം രതിക്ലാന്തമപി മണ്ഡനവാഞ്ഛയാ ।
നിജഗാദ നിരാബാധാ രാധാ സ്വാധീനഭര്തൃകാ ॥ 70 ॥
നിജഗാദ നിരാബാധാ രാധാ സ്വാധീനഭര്തൃകാ ॥ 70 ॥
॥ ഗീതം 24 ॥
കുരു യദുനന്ദന ചന്ദനശിശിരതരേണ കരേണ പയോധരേ ।
മൃഗമദപത്രകമത്ര മനോഭവമങ്ഗലകലശസഹോദരേ ।
നിജഗാദ സാ യദുനന്ദനേ ക്രീഡതി ഹൃദയാനന്ദനേ ॥ 1 ॥
മൃഗമദപത്രകമത്ര മനോഭവമങ്ഗലകലശസഹോദരേ ।
നിജഗാദ സാ യദുനന്ദനേ ക്രീഡതി ഹൃദയാനന്ദനേ ॥ 1 ॥
അലികുലഗഞ്ജനമഞ്ജനകം രതിനായകസായകമോചനേ ।
ത്വദധരചുമ്ബനലമ്ബിതകജ്ജലമുജ്ജ്വലയ പ്രിയ ലോചനേ ॥ 2 ॥
ത്വദധരചുമ്ബനലമ്ബിതകജ്ജലമുജ്ജ്വലയ പ്രിയ ലോചനേ ॥ 2 ॥
നയനകുരങ്ഗതരങ്ഗവികാസനിരാസകരേ ശ്രുതിമണ്ഡലേ ।
മനസിജപാശവിലാസധരേ ശുഭവേശ നിവേശയ കുണ്ഡലേ ॥ 3 ॥
മനസിജപാശവിലാസധരേ ശുഭവേശ നിവേശയ കുണ്ഡലേ ॥ 3 ॥
ഭ്രമരചയം രചഹയന്തമുപരി രുചിരം സുചിരം മമ സമ്മുഖേ ।
ജിതകമലേ വിമലേ പരികര്മയ നര്മജനകമലകം മുഖേ ॥ 4 ॥
ജിതകമലേ വിമലേ പരികര്മയ നര്മജനകമലകം മുഖേ ॥ 4 ॥
മൃഗമദരസവലിതം ലലിതം കുരു തിലകമലികരജനീകരേ ।
വിഹിതകലങ്കകലം കമലാനന വിശ്രമിതശ്രമശീകരേ ॥ 5 ॥
വിഹിതകലങ്കകലം കമലാനന വിശ്രമിതശ്രമശീകരേ ॥ 5 ॥
മമ രുചിരേ ചികുരേ കുരു മാനദ മാനസജധ്വജചാമരേ ।
രതിഗലിതേ ലലിതേ കുസുമാനി ശിഖണ്ഡിശിഖണ്ഡകഡാമരേ ॥ 6 ॥
രതിഗലിതേ ലലിതേ കുസുമാനി ശിഖണ്ഡിശിഖണ്ഡകഡാമരേ ॥ 6 ॥
സരസഘനേ ജഘനേ മമ ശമ്ബരദാരണവാരണകന്ദരേ ।
മണിരശനാവസനാഭരണാനി ശുഭാശയ വാസയ സുന്ദരേ ॥ 7 ॥
മണിരശനാവസനാഭരണാനി ശുഭാശയ വാസയ സുന്ദരേ ॥ 7 ॥
ശ്രീജയദേവവചസി രുചിരേ ഹൃദയം സദയം കുരു മണ്ഡനേ ।
ഹരിചരണസ്മരണാമൃതകൃതകലികലുഷഭവജ്വരഖണ്ഡനേ ॥ 8 ॥
ഹരിചരണസ്മരണാമൃതകൃതകലികലുഷഭവജ്വരഖണ്ഡനേ ॥ 8 ॥
രചയ കുചയോഃ പത്രം ചിത്രം കുരുഷ്വ കപോലയോ-ര്ഘടയ ജഘനേ കാഞ്ചീമഞ്ച സ്രജാ കബരീഭരമ് ।
കലയ വലയശ്രേണീം പാണൌ പദേ കുരു നൂപുരാ-വിതി നിഗതിതഃ പ്രീതഃ പീതാമ്ബരോഽപി തഥാകരോത് ॥ 71 ॥
കലയ വലയശ്രേണീം പാണൌ പദേ കുരു നൂപുരാ-വിതി നിഗതിതഃ പ്രീതഃ പീതാമ്ബരോഽപി തഥാകരോത് ॥ 71 ॥
യദ്ഗാന്ധ്ഗര്വകലാസു കൌശലമനുധ്യാനം ച യദ്വൈഷ്ണവം യച്ഛൃങ്ഗാരവിവേകതത്വമപി യത്കാവ്യേഷു ലീലായിതമ് ।
തത്സര്വം ജയദേവപണ്ഡിതകവേഃ കൃഷ്ണൈകതാനാത്മനഃ സാനന്ദാഃ പരിശോധയന്തു സുധിയഃ ശ്രീഗീതഗോവിന്ദതഃ ॥ 72 ॥
തത്സര്വം ജയദേവപണ്ഡിതകവേഃ കൃഷ്ണൈകതാനാത്മനഃ സാനന്ദാഃ പരിശോധയന്തു സുധിയഃ ശ്രീഗീതഗോവിന്ദതഃ ॥ 72 ॥
ശ്രീഭോജദേവപ്രഭവസ്യ രാമാദേവീസുതശ്രീജയദേവകസ്യ ।
പരാശരാദിപ്രിയവര്ഗകണ്ഠേ ശ്രീഗീതഗോവിന്ദകവിത്വമസ്തു ॥ 73 ॥
പരാശരാദിപ്രിയവര്ഗകണ്ഠേ ശ്രീഗീതഗോവിന്ദകവിത്വമസ്തു ॥ 73 ॥
॥ ഇതി ശ്രീജയദേവകൃതൌ ഗീതഗോവിന്ദേ സുപ്രീതപീതാമ്ബരോ നാമ ദ്വാദശഃ സര്ഗഃ ॥
॥ ഇതി ഗീതഗോവിന്ദം സമാപ്തമ് ॥