॥ દ્વાદશઃ સર્ગઃ ॥
॥ સુપ્રીતપીતામ્બરઃ ॥
ગતવતિ સખીવૃન્દેઽમન્દત્રપાભરનિર્ભર-સ્મરપરવશાકૂતસ્ફીતસ્મિતસ્નપિતાધરમ્ ।
સરસમનસં દૃષ્ટ્વા રાધાં મુહુર્નવપલ્લવ-પ્રસવશયને નિક્ષિપ્તાક્ષીમુવાચ હરઃ ॥ 68 ॥
સરસમનસં દૃષ્ટ્વા રાધાં મુહુર્નવપલ્લવ-પ્રસવશયને નિક્ષિપ્તાક્ષીમુવાચ હરઃ ॥ 68 ॥
॥ ગીતં 23 ॥
કિસલયશયનતલે કુરુ કામિનિ ચરણનલિનવિનિવેશમ્ ।
તવ પદપલ્લવવૈરિપરાભવમિદમનુભવતુ સુવેશમ્ ॥
ક્ષણમધુના નારાયણમનુગતમનુસર રાધિકે ॥ 1 ॥
તવ પદપલ્લવવૈરિપરાભવમિદમનુભવતુ સુવેશમ્ ॥
ક્ષણમધુના નારાયણમનુગતમનુસર રાધિકે ॥ 1 ॥
કરકમલેન કરોમિ ચરણમહમાગમિતાસિ વિદૂરમ્ ।
ક્ષણમુપકુરુ શયનોપરિ મામિવ નૂપુરમનુગતિશૂરમ્ ॥ 2 ॥
ક્ષણમુપકુરુ શયનોપરિ મામિવ નૂપુરમનુગતિશૂરમ્ ॥ 2 ॥
વદનસુધાનિધિગલિતમમૃતમિવ રચય વચનમનુકૂલમ્ ।
વિરહમિવાપનયામિ પયોધરરોધકમુરસિ દુકૂલમ્ ॥ 3 ॥
વિરહમિવાપનયામિ પયોધરરોધકમુરસિ દુકૂલમ્ ॥ 3 ॥
પ્રિયપરિરમ્ભણરભસવલિતમિવ પુલકિતમતિદુરવાપમ્ ।
મદુરસિ કુચકલશં વિનિવેશય શોષય મનસિજતાપમ્ ॥ 4 ॥
મદુરસિ કુચકલશં વિનિવેશય શોષય મનસિજતાપમ્ ॥ 4 ॥
અધરસુધારસમુપનય ભાવિનિ જીવય મૃતમિવ દાસમ્ ।
ત્વયિ વિનિહિતમનસં વિરહાનલદગ્ધવપુષમવિલાસમ્ ॥ 5 ॥
ત્વયિ વિનિહિતમનસં વિરહાનલદગ્ધવપુષમવિલાસમ્ ॥ 5 ॥
શશિમુખિ મુખરય મણિરશનાગુણમનુગુણકણ્ઠનિદાનમ્ ।
શ્રુતિયુગલે પિકરુતવિકલે મમ શમય ચિરાદવસાદમ્ ॥ 6 ॥
શ્રુતિયુગલે પિકરુતવિકલે મમ શમય ચિરાદવસાદમ્ ॥ 6 ॥
મામતિવિફલરુષા વિકલીકૃતમવલોકિતમધુનેદમ્ ।
મીલિતલજ્જિતમિવ નયનં તવ વિરમ વિસૃજ રતિખેદમ્ ॥ 7 ॥
મીલિતલજ્જિતમિવ નયનં તવ વિરમ વિસૃજ રતિખેદમ્ ॥ 7 ॥
શ્રીજયદેવભણિતમિદમનુપદનિગદિતમધુરિપુમોદમ્ ।
જનયતુ રસિકજનેષુ મનોરમતિરસભાવવિનોદમ્ ॥ 8 ॥
જનયતુ રસિકજનેષુ મનોરમતિરસભાવવિનોદમ્ ॥ 8 ॥
મારઙ્કે રતિકેલિસઙ્કુલરણારમ્ભે તયા સાહસ-પ્રાયં કાન્તજયાય કિઞ્ચિદુપરિ પ્રારમ્ભિ યત્સમ્ભ્રમાત્ ।
નિષ્પન્દા જઘનસ્થલી શિથિલતા દોર્વલ્લિરુત્કમ્પિતં વક્ષો મીલિતમક્ષિ પૌરુષરસઃ સ્ત્રીણાં કુતઃ સિધ્યતિ॥ 69॥
નિષ્પન્દા જઘનસ્થલી શિથિલતા દોર્વલ્લિરુત્કમ્પિતં વક્ષો મીલિતમક્ષિ પૌરુષરસઃ સ્ત્રીણાં કુતઃ સિધ્યતિ॥ 69॥
અથ કાન્તં રતિક્લાન્તમપિ મણ્ડનવાઞ્છયા ।
નિજગાદ નિરાબાધા રાધા સ્વાધીનભર્તૃકા ॥ 70 ॥
નિજગાદ નિરાબાધા રાધા સ્વાધીનભર્તૃકા ॥ 70 ॥
॥ ગીતં 24 ॥
કુરુ યદુનન્દન ચન્દનશિશિરતરેણ કરેણ પયોધરે ।
મૃગમદપત્રકમત્ર મનોભવમઙ્ગલકલશસહોદરે ।
નિજગાદ સા યદુનન્દને ક્રીડતિ હૃદયાનન્દને ॥ 1 ॥
મૃગમદપત્રકમત્ર મનોભવમઙ્ગલકલશસહોદરે ।
નિજગાદ સા યદુનન્દને ક્રીડતિ હૃદયાનન્દને ॥ 1 ॥
અલિકુલગઞ્જનમઞ્જનકં રતિનાયકસાયકમોચને ।
ત્વદધરચુમ્બનલમ્બિતકજ્જલમુજ્જ્વલય પ્રિય લોચને ॥ 2 ॥
ત્વદધરચુમ્બનલમ્બિતકજ્જલમુજ્જ્વલય પ્રિય લોચને ॥ 2 ॥
નયનકુરઙ્ગતરઙ્ગવિકાસનિરાસકરે શ્રુતિમણ્ડલે ।
મનસિજપાશવિલાસધરે શુભવેશ નિવેશય કુણ્ડલે ॥ 3 ॥
મનસિજપાશવિલાસધરે શુભવેશ નિવેશય કુણ્ડલે ॥ 3 ॥
ભ્રમરચયં રચહયન્તમુપરિ રુચિરં સુચિરં મમ સમ્મુખે ।
જિતકમલે વિમલે પરિકર્મય નર્મજનકમલકં મુખે ॥ 4 ॥
જિતકમલે વિમલે પરિકર્મય નર્મજનકમલકં મુખે ॥ 4 ॥
મૃગમદરસવલિતં લલિતં કુરુ તિલકમલિકરજનીકરે ।
વિહિતકલઙ્કકલં કમલાનન વિશ્રમિતશ્રમશીકરે ॥ 5 ॥
વિહિતકલઙ્કકલં કમલાનન વિશ્રમિતશ્રમશીકરે ॥ 5 ॥
મમ રુચિરે ચિકુરે કુરુ માનદ માનસજધ્વજચામરે ।
રતિગલિતે લલિતે કુસુમાનિ શિખણ્ડિશિખણ્ડકડામરે ॥ 6 ॥
રતિગલિતે લલિતે કુસુમાનિ શિખણ્ડિશિખણ્ડકડામરે ॥ 6 ॥
સરસઘને જઘને મમ શમ્બરદારણવારણકન્દરે ।
મણિરશનાવસનાભરણાનિ શુભાશય વાસય સુન્દરે ॥ 7 ॥
મણિરશનાવસનાભરણાનિ શુભાશય વાસય સુન્દરે ॥ 7 ॥
શ્રીજયદેવવચસિ રુચિરે હૃદયં સદયં કુરુ મણ્ડને ।
હરિચરણસ્મરણામૃતકૃતકલિકલુષભવજ્વરખણ્ડને ॥ 8 ॥
હરિચરણસ્મરણામૃતકૃતકલિકલુષભવજ્વરખણ્ડને ॥ 8 ॥
રચય કુચયોઃ પત્રં ચિત્રં કુરુષ્વ કપોલયો-ર્ઘટય જઘને કાઞ્ચીમઞ્ચ સ્રજા કબરીભરમ્ ।
કલય વલયશ્રેણીં પાણૌ પદે કુરુ નૂપુરા-વિતિ નિગતિતઃ પ્રીતઃ પીતામ્બરોઽપિ તથાકરોત્ ॥ 71 ॥
કલય વલયશ્રેણીં પાણૌ પદે કુરુ નૂપુરા-વિતિ નિગતિતઃ પ્રીતઃ પીતામ્બરોઽપિ તથાકરોત્ ॥ 71 ॥
યદ્ગાન્ધ્ગર્વકલાસુ કૌશલમનુધ્યાનં ચ યદ્વૈષ્ણવં યચ્છૃઙ્ગારવિવેકતત્વમપિ યત્કાવ્યેષુ લીલાયિતમ્ ।
તત્સર્વં જયદેવપણ્ડિતકવેઃ કૃષ્ણૈકતાનાત્મનઃ સાનન્દાઃ પરિશોધયન્તુ સુધિયઃ શ્રીગીતગોવિન્દતઃ ॥ 72 ॥
તત્સર્વં જયદેવપણ્ડિતકવેઃ કૃષ્ણૈકતાનાત્મનઃ સાનન્દાઃ પરિશોધયન્તુ સુધિયઃ શ્રીગીતગોવિન્દતઃ ॥ 72 ॥
શ્રીભોજદેવપ્રભવસ્ય રામાદેવીસુતશ્રીજયદેવકસ્ય ।
પરાશરાદિપ્રિયવર્ગકણ્ઠે શ્રીગીતગોવિન્દકવિત્વમસ્તુ ॥ 73 ॥
પરાશરાદિપ્રિયવર્ગકણ્ઠે શ્રીગીતગોવિન્દકવિત્વમસ્તુ ॥ 73 ॥
॥ ઇતિ શ્રીજયદેવકૃતૌ ગીતગોવિન્દે સુપ્રીતપીતામ્બરો નામ દ્વાદશઃ સર્ગઃ ॥
॥ ઇતિ ગીતગોવિન્દં સમાપ્તમ્ ॥