॥ ద్వాదశః సర్గః ॥
॥ సుప్రీతపీతామ్బరః ॥
గతవతి సఖీవృన్దేఽమన్దత్రపాభరనిర్భర-స్మరపరవశాకూతస్ఫీతస్మితస్నపితాధరమ్ ।
సరసమనసం దృష్ట్వా రాధాం ముహుర్నవపల్లవ-ప్రసవశయనే నిక్షిప్తాక్షీమువాచ హరః ॥ 68 ॥
సరసమనసం దృష్ట్వా రాధాం ముహుర్నవపల్లవ-ప్రసవశయనే నిక్షిప్తాక్షీమువాచ హరః ॥ 68 ॥
॥ గీతం 23 ॥
కిసలయశయనతలే కురు కామిని చరణనలినవినివేశమ్ ।
తవ పదపల్లవవైరిపరాభవమిదమనుభవతు సువేశమ్ ॥
క్షణమధునా నారాయణమనుగతమనుసర రాధికే ॥ 1 ॥
తవ పదపల్లవవైరిపరాభవమిదమనుభవతు సువేశమ్ ॥
క్షణమధునా నారాయణమనుగతమనుసర రాధికే ॥ 1 ॥
కరకమలేన కరోమి చరణమహమాగమితాసి విదూరమ్ ।
క్షణముపకురు శయనోపరి మామివ నూపురమనుగతిశూరమ్ ॥ 2 ॥
క్షణముపకురు శయనోపరి మామివ నూపురమనుగతిశూరమ్ ॥ 2 ॥
వదనసుధానిధిగలితమమృతమివ రచయ వచనమనుకూలమ్ ।
విరహమివాపనయామి పయోధరరోధకమురసి దుకూలమ్ ॥ 3 ॥
విరహమివాపనయామి పయోధరరోధకమురసి దుకూలమ్ ॥ 3 ॥
ప్రియపరిరమ్భణరభసవలితమివ పులకితమతిదురవాపమ్ ।
మదురసి కుచకలశం వినివేశయ శోషయ మనసిజతాపమ్ ॥ 4 ॥
మదురసి కుచకలశం వినివేశయ శోషయ మనసిజతాపమ్ ॥ 4 ॥
అధరసుధారసముపనయ భావిని జీవయ మృతమివ దాసమ్ ।
త్వయి వినిహితమనసం విరహానలదగ్ధవపుషమవిలాసమ్ ॥ 5 ॥
త్వయి వినిహితమనసం విరహానలదగ్ధవపుషమవిలాసమ్ ॥ 5 ॥
శశిముఖి ముఖరయ మణిరశనాగుణమనుగుణకణ్ఠనిదానమ్ ।
శ్రుతియుగలే పికరుతవికలే మమ శమయ చిరాదవసాదమ్ ॥ 6 ॥
శ్రుతియుగలే పికరుతవికలే మమ శమయ చిరాదవసాదమ్ ॥ 6 ॥
మామతివిఫలరుషా వికలీకృతమవలోకితమధునేదమ్ ।
మీలితలజ్జితమివ నయనం తవ విరమ విసృజ రతిఖేదమ్ ॥ 7 ॥
మీలితలజ్జితమివ నయనం తవ విరమ విసృజ రతిఖేదమ్ ॥ 7 ॥
శ్రీజయదేవభణితమిదమనుపదనిగదితమధురిపుమోదమ్ ।
జనయతు రసికజనేషు మనోరమతిరసభావవినోదమ్ ॥ 8 ॥
జనయతు రసికజనేషు మనోరమతిరసభావవినోదమ్ ॥ 8 ॥
మారఙ్కే రతికేలిసఙ్కులరణారమ్భే తయా సాహస-ప్రాయం కాన్తజయాయ కిఞ్చిదుపరి ప్రారమ్భి యత్సమ్భ్రమాత్ ।
నిష్పన్దా జఘనస్థలీ శిథిలతా దోర్వల్లిరుత్కమ్పితం వక్షో మీలితమక్షి పౌరుషరసః స్త్రీణాం కుతః సిధ్యతి॥ 69॥
నిష్పన్దా జఘనస్థలీ శిథిలతా దోర్వల్లిరుత్కమ్పితం వక్షో మీలితమక్షి పౌరుషరసః స్త్రీణాం కుతః సిధ్యతి॥ 69॥
అథ కాన్తం రతిక్లాన్తమపి మణ్డనవాఞ్ఛయా ।
నిజగాద నిరాబాధా రాధా స్వాధీనభర్తృకా ॥ 70 ॥
నిజగాద నిరాబాధా రాధా స్వాధీనభర్తృకా ॥ 70 ॥
॥ గీతం 24 ॥
కురు యదునన్దన చన్దనశిశిరతరేణ కరేణ పయోధరే ।
మృగమదపత్రకమత్ర మనోభవమఙ్గలకలశసహోదరే ।
నిజగాద సా యదునన్దనే క్రీడతి హృదయానన్దనే ॥ 1 ॥
మృగమదపత్రకమత్ర మనోభవమఙ్గలకలశసహోదరే ।
నిజగాద సా యదునన్దనే క్రీడతి హృదయానన్దనే ॥ 1 ॥
అలికులగఞ్జనమఞ్జనకం రతినాయకసాయకమోచనే ।
త్వదధరచుమ్బనలమ్బితకజ్జలముజ్జ్వలయ ప్రియ లోచనే ॥ 2 ॥
త్వదధరచుమ్బనలమ్బితకజ్జలముజ్జ్వలయ ప్రియ లోచనే ॥ 2 ॥
నయనకురఙ్గతరఙ్గవికాసనిరాసకరే శ్రుతిమణ్డలే ।
మనసిజపాశవిలాసధరే శుభవేశ నివేశయ కుణ్డలే ॥ 3 ॥
మనసిజపాశవిలాసధరే శుభవేశ నివేశయ కుణ్డలే ॥ 3 ॥
భ్రమరచయం రచహయన్తముపరి రుచిరం సుచిరం మమ సమ్ముఖే ।
జితకమలే విమలే పరికర్మయ నర్మజనకమలకం ముఖే ॥ 4 ॥
జితకమలే విమలే పరికర్మయ నర్మజనకమలకం ముఖే ॥ 4 ॥
మృగమదరసవలితం లలితం కురు తిలకమలికరజనీకరే ।
విహితకలఙ్కకలం కమలానన విశ్రమితశ్రమశీకరే ॥ 5 ॥
విహితకలఙ్కకలం కమలానన విశ్రమితశ్రమశీకరే ॥ 5 ॥
మమ రుచిరే చికురే కురు మానద మానసజధ్వజచామరే ।
రతిగలితే లలితే కుసుమాని శిఖణ్డిశిఖణ్డకడామరే ॥ 6 ॥
రతిగలితే లలితే కుసుమాని శిఖణ్డిశిఖణ్డకడామరే ॥ 6 ॥
సరసఘనే జఘనే మమ శమ్బరదారణవారణకన్దరే ।
మణిరశనావసనాభరణాని శుభాశయ వాసయ సున్దరే ॥ 7 ॥
మణిరశనావసనాభరణాని శుభాశయ వాసయ సున్దరే ॥ 7 ॥
శ్రీజయదేవవచసి రుచిరే హృదయం సదయం కురు మణ్డనే ।
హరిచరణస్మరణామృతకృతకలికలుషభవజ్వరఖణ్డనే ॥ 8 ॥
హరిచరణస్మరణామృతకృతకలికలుషభవజ్వరఖణ్డనే ॥ 8 ॥
రచయ కుచయోః పత్రం చిత్రం కురుష్వ కపోలయో-ర్ఘటయ జఘనే కాఞ్చీమఞ్చ స్రజా కబరీభరమ్ ।
కలయ వలయశ్రేణీం పాణౌ పదే కురు నూపురా-వితి నిగతితః ప్రీతః పీతామ్బరోఽపి తథాకరోత్ ॥ 71 ॥
కలయ వలయశ్రేణీం పాణౌ పదే కురు నూపురా-వితి నిగతితః ప్రీతః పీతామ్బరోఽపి తథాకరోత్ ॥ 71 ॥
యద్గాన్ధ్గర్వకలాసు కౌశలమనుధ్యానం చ యద్వైష్ణవం యచ్ఛృఙ్గారవివేకతత్వమపి యత్కావ్యేషు లీలాయితమ్ ।
తత్సర్వం జయదేవపణ్డితకవేః కృష్ణైకతానాత్మనః సానన్దాః పరిశోధయన్తు సుధియః శ్రీగీతగోవిన్దతః ॥ 72 ॥
తత్సర్వం జయదేవపణ్డితకవేః కృష్ణైకతానాత్మనః సానన్దాః పరిశోధయన్తు సుధియః శ్రీగీతగోవిన్దతః ॥ 72 ॥
శ్రీభోజదేవప్రభవస్య రామాదేవీసుతశ్రీజయదేవకస్య ।
పరాశరాదిప్రియవర్గకణ్ఠే శ్రీగీతగోవిన్దకవిత్వమస్తు ॥ 73 ॥
పరాశరాదిప్రియవర్గకణ్ఠే శ్రీగీతగోవిన్దకవిత్వమస్తు ॥ 73 ॥
॥ ఇతి శ్రీజయదేవకృతౌ గీతగోవిన్దే సుప్రీతపీతామ్బరో నామ ద్వాదశః సర్గః ॥
॥ ఇతి గీతగోవిన్దం సమాప్తమ్ ॥