நாராயணீயம் தஶக 99 - வேதமந்த்ரமூலாத்மகா விஷ்ணுஸ்துதிஃ

விஷ்ணோர்வீர்யாணி கோ வா கதயது தரணேஃ கஶ்ச ரேணூந்மிமீதே
யஸ்யைவாங்க்ரித்ரயேண த்ரிஜகதபிமிதம் மோததே பூர்ணஸம்பத்
யோஸௌ விஶ்வாநி தத்தே ப்ரியமிஹ பரமம் தாம தஸ்யாபியாயாம்
த்வத்பக்தா யத்ர மாத்யந்த்யம்ரு'தரஸமரந்தஸ்ய யத்ர ப்ரவாஹஃ ॥1॥

ஆத்யாயாஶேஷகர்த்ரே ப்ரதிநிமிஷநவீநாய பர்த்ரே விபூதே-
ர்பக்தாத்மா விஷ்ணவே யஃ ப்ரதிஶதி ஹவிராதீநி யஜ்ஞார்சநாதௌ ।
க்ரு'ஷ்ணாத்யம் ஜந்ம யோ வா மஹதிஹ மஹதோ வர்ணயேத்ஸோ'யமேவ
ப்ரீதஃ பூர்ணோ யஶோபிஸ்த்வரிதமபிஸரேத் ப்ராப்யமந்தே பதம் தே ॥2॥

ஹே ஸ்தோதாரஃ கவீந்த்ராஸ்தமிஹ கலு யதா சேதயத்வே ததைவ
வ்யக்தம் வேதஸ்ய ஸாரம் ப்ரணுவத ஜநநோபாத்தலீலாகதாபிஃ ।
ஜாநந்தஶ்சாஸ்ய நாமாந்யகிலஸுககராணீதி ஸங்கீர்தயத்வம்
ஹே விஷ்ணோ கீர்தநாத்யைஸ்தவ கலு மஹதஸ்தத்த்வபோதம் பஜேயம் ॥3॥

விஷ்ணோஃ கர்மாணி ஸம்பஶ்யத மநஸி ஸதா யைஃ ஸ தர்மாநபத்நாத்
யாநீந்த்ரஸ்யைஷ ப்ரு'த்யஃ ப்ரியஸக இவ ச வ்யாதநோத் க்ஷேமகாரீ ।
வீக்ஷந்தே யோகஸித்தாஃ பரபதமநிஶம் யஸ்ய ஸம்யக்ப்ரகாஶம்
விப்ரேந்த்ரா ஜாகரூகாஃ க்ரு'தபஹுநுதயோ யச்ச நிர்பாஸயந்தே ॥4॥

நோ ஜாதோ ஜாயமாநோ'பி ச ஸமதிகதஸ்த்வந்மஹிம்நோ'வஸாநம்
தேவ ஶ்ரேயாம்ஸி வித்வாந் ப்ரதிமுஹுரபி தே நாம ஶம்ஸாமி விஷ்ணோ ।
தம் த்வாம் ஸம்ஸ்தௌமி நாநாவிதநுதிவசநைரஸ்ய லோகத்ரயஸ்யா-
ப்யூர்த்வம் விப்ராஜமாநே விரசிதவஸதிம் தத்ர வைகுண்டலோகே ॥5॥

ஆபஃ ஸ்ரு'ஷ்ட்யாதிஜந்யாஃ ப்ரதமமயி விபோ கர்பதேஶே ததுஸ்த்வாம்
யத்ர த்வய்யேவ ஜீவா ஜலஶயந ஹரே ஸங்கதா ஐக்யமாபந் ।
தஸ்யாஜஸ்ய ப்ரபோ தே விநிஹிதமபவத் பத்மமேகம் ஹி நாபௌ
திக்பத்ரம் யத் கிலாஹுஃ கநகதரணிப்ரு'த் கர்ணிகம் லோகரூபம் ॥6॥

ஹே லோகா விஷ்ணுரேதத்புவநமஜநயத்தந்ந ஜாநீத யூயம்
யுஷ்மாகம் ஹ்யந்தரஸ்தம் கிமபி ததபரம் வித்யதே விஷ்ணுரூபம் ।
நீஹாரப்ரக்யமாயாபரிவ்ரு'தமநஸோ மோஹிதா நாமரூபைஃ
ப்ராணப்ரீத்யேகத்ரு'ப்தாஶ்சரத மகபரா ஹந்த நேச்சா முகுந்தே ॥7॥

மூர்த்நாமக்ஷ்ணாம் பதாநாம் வஹஸி கலு ஸஹஸ்ராணி ஸம்பூர்ய விஶ்வம்
தத்ப்ரோத்க்ரம்யாபி திஷ்டந் பரிமிதவிவரே பாஸி சித்தாந்தரே'பி ।
பூதம் பவ்யம் ச ஸர்வம் பரபுருஷ பவாந் கிஞ்ச தேஹேந்த்ரியாதி-
ஷ்வாவிஷ்டோ'ப்யுத்கதத்வாதம்ரு'தஸுகரஸம் சாநுபுங்க்ஷே த்வமேவ ॥8॥

யத்து த்ரைலோக்யரூபம் தததபி ச ததோ நிர்கதோ'நந்தஶுத்த-
ஜ்ஞாநாத்மா வர்தஸே த்வம் தவ கலு மஹிமா ஸோ'பி தாவாந் கிமந்யத் ।
ஸ்தோகஸ்தே பாக ஏவாகிலபுவநதயா த்ரு'ஶ்யதே த்ர்யம்ஶகல்பம்
பூயிஷ்டம் ஸாந்த்ரமோதாத்மகமுபரி ததோ பாதி தஸ்மை நமஸ்தே ॥9॥

அவ்யக்தம் தே ஸ்வரூபம் துரதிகமதமம் தத்து ஶுத்தைகஸத்த்வம்
வ்யக்தம் சாப்யேததேவ ஸ்புடமம்ரு'தரஸாம்போதிகல்லோலதுல்யம் ।
ஸர்வோத்க்ரு'ஷ்டாமபீஷ்டாம் ததிஹ குணரஸேநைவ சித்தம் ஹரந்தீம்
மூர்திம் தே ஸம்ஶ்ரயே'ஹம் பவநபுரபதே பாஹி மாம் க்ரு'ஷ்ண ரோகாத் ॥10॥