യാമാമനന്തി മുനയഃ പ്രകൃതിം പുരാണീം
വിദ്യേതി യാം ശ്രുതിരഹസ്യവിദോ വദന്തി ।
താമര്ധപല്ലവിതശങ്കരരൂപമുദ്രാം
ദേവീമനന്യശരണഃ ശരണം പ്രപദ്യേ ॥ 1 ॥
വിദ്യേതി യാം ശ്രുതിരഹസ്യവിദോ വദന്തി ।
താമര്ധപല്ലവിതശങ്കരരൂപമുദ്രാം
ദേവീമനന്യശരണഃ ശരണം പ്രപദ്യേ ॥ 1 ॥
അമ്ബ സ്തവേഷു തവ താവദകര്തൃകാണി
കുണ്ഠീഭവന്തി വചസാമപി ഗുമ്ഭനാനി ।
ഡിമ്ഭസ്യ മേ സ്തുതിരസാവസമഞ്ജസാപി
വാത്സല്യനിഘ്നഹൃദയാം ഭവതീം ധിനോതു ॥ 2 ॥
കുണ്ഠീഭവന്തി വചസാമപി ഗുമ്ഭനാനി ।
ഡിമ്ഭസ്യ മേ സ്തുതിരസാവസമഞ്ജസാപി
വാത്സല്യനിഘ്നഹൃദയാം ഭവതീം ധിനോതു ॥ 2 ॥
വ്യോമേതി ബിന്ദുരിതി നാദ ഇതീന്ദുലേഖാ-
-രൂപേതി വാഗ്ഭവതനൂരിതി മാതൃകേതി ।
നിഃസ്യന്ദമാനസുഖബോധസുധാസ്വരൂപാ
വിദ്യോതസേ മനസി ഭാഗ്യവതാം ജനാനാമ് ॥ 3 ॥
-രൂപേതി വാഗ്ഭവതനൂരിതി മാതൃകേതി ।
നിഃസ്യന്ദമാനസുഖബോധസുധാസ്വരൂപാ
വിദ്യോതസേ മനസി ഭാഗ്യവതാം ജനാനാമ് ॥ 3 ॥
ആവിര്ഭവത്പുലകസന്തതിഭിഃ ശരീരൈ-
-ര്നിഃസ്യന്ദമാനസലിലൈര്നയനൈശ്ച നിത്യമ് ।
വാഗ്ഭിശ്ച ഗദ്ഗദപദാഭിരുപാസതേ യേ
പാദൌ തവാമ്ബ ഭുവനേഷു ത ഏവ ധന്യാഃ ॥ 4 ॥
-ര്നിഃസ്യന്ദമാനസലിലൈര്നയനൈശ്ച നിത്യമ് ।
വാഗ്ഭിശ്ച ഗദ്ഗദപദാഭിരുപാസതേ യേ
പാദൌ തവാമ്ബ ഭുവനേഷു ത ഏവ ധന്യാഃ ॥ 4 ॥
വക്ത്രം യദുദ്യതമഭിഷ്ടുതയേ ഭവത്യാ-
-സ്തുഭ്യം നമോ യദപി ദേവി ശിരഃ കരോതി ।
ചേതശ്ച യത്ത്വയി പരായണമമ്ബ താനി
കസ്യാപി കൈരപി ഭവന്തി തപോവിശേഷൈഃ ॥ 5 ॥
-സ്തുഭ്യം നമോ യദപി ദേവി ശിരഃ കരോതി ।
ചേതശ്ച യത്ത്വയി പരായണമമ്ബ താനി
കസ്യാപി കൈരപി ഭവന്തി തപോവിശേഷൈഃ ॥ 5 ॥
മൂലാലവാലകുഹരാദുദിതാ ഭവാനി
നിര്ഭിദ്യ ഷട്സരസിജാനി തടില്ലതേവ ।
ഭൂയോഽപി തത്ര വിശസി ധ്രുവമണ്ഡലേന്ദു-
-നിഃസ്യന്ദമാനപരമാമൃതതോയരൂപാ ॥ 6 ॥
നിര്ഭിദ്യ ഷട്സരസിജാനി തടില്ലതേവ ।
ഭൂയോഽപി തത്ര വിശസി ധ്രുവമണ്ഡലേന്ദു-
-നിഃസ്യന്ദമാനപരമാമൃതതോയരൂപാ ॥ 6 ॥
ദഗ്ധം യദാ മദനമേകമനേകധാ തേ
മുഗ്ധഃ കടാക്ഷവിധിരങ്കുരയാഞ്ചകാര ।
ധത്തേ തദാപ്രഭൃതി ദേവി ലലാടനേത്രം
സത്യം ഹ്രിയൈവ മുകുലീകൃതമിന്ദുമൌലേഃ ॥ 7 ॥
മുഗ്ധഃ കടാക്ഷവിധിരങ്കുരയാഞ്ചകാര ।
ധത്തേ തദാപ്രഭൃതി ദേവി ലലാടനേത്രം
സത്യം ഹ്രിയൈവ മുകുലീകൃതമിന്ദുമൌലേഃ ॥ 7 ॥
അജ്ഞാതസമ്ഭവമനാകലിതാന്വവായം
ഭിക്ഷും കപാലിനമവാസസമദ്വിതീയമ് ।
പൂര്വം കരഗ്രഹണമങ്ഗലതോ ഭവത്യാഃ
ശമ്ഭും ക ഏവ ബുബുധേ ഗിരിരാജകന്യേ ॥ 8 ॥
ഭിക്ഷും കപാലിനമവാസസമദ്വിതീയമ് ।
പൂര്വം കരഗ്രഹണമങ്ഗലതോ ഭവത്യാഃ
ശമ്ഭും ക ഏവ ബുബുധേ ഗിരിരാജകന്യേ ॥ 8 ॥
ചര്മാമ്ബരം ച ശവഭസ്മവിലേപനം ച
ഭിക്ഷാടനം ച നടനം ച പരേതഭൂമൌ ।
വേതാലസംഹതിപരിഗ്രഹതാ ച ശമ്ഭോഃ
ശോഭാം ബിഭര്തി ഗിരിജേ തവ സാഹചര്യാത് ॥ 9 ॥
ഭിക്ഷാടനം ച നടനം ച പരേതഭൂമൌ ।
വേതാലസംഹതിപരിഗ്രഹതാ ച ശമ്ഭോഃ
ശോഭാം ബിഭര്തി ഗിരിജേ തവ സാഹചര്യാത് ॥ 9 ॥
കല്പോപസംഹരണകേലിഷു പണ്ഡിതാനി
ചണ്ഡാനി ഖണ്ഡപരശോരപി താണ്ഡവാനി ।
ആലോകനേന തവ കോമലിതാനി മാത-
-ര്ലാസ്യാത്മനാ പരിണമന്തി ജഗദ്വിഭൂത്യൈ ॥ 10 ॥
ചണ്ഡാനി ഖണ്ഡപരശോരപി താണ്ഡവാനി ।
ആലോകനേന തവ കോമലിതാനി മാത-
-ര്ലാസ്യാത്മനാ പരിണമന്തി ജഗദ്വിഭൂത്യൈ ॥ 10 ॥
ജന്തോരപശ്ചിമതനോഃ സതി കര്മസാമ്യേ
നിഃശേഷപാശപടലച്ഛിദുരാ നിമേഷാത് ।
കല്യാണി ദേശികകടാക്ഷസമാശ്രയേണ
കാരുണ്യതോ ഭവതി ശാമ്ഭവവേദദീക്ഷാ ॥ 11 ॥
നിഃശേഷപാശപടലച്ഛിദുരാ നിമേഷാത് ।
കല്യാണി ദേശികകടാക്ഷസമാശ്രയേണ
കാരുണ്യതോ ഭവതി ശാമ്ഭവവേദദീക്ഷാ ॥ 11 ॥
മുക്താവിഭൂഷണവതീ നവവിദ്രുമാഭാ
യച്ചേതസി സ്ഫുരസി താരകിതേവ സന്ധ്യാ ।
ഏകഃ സ ഏവ ഭുവനത്രയസുന്ദരീണാം
കന്ദര്പതാം വ്രജതി പഞ്ചശരീം വിനാപി ॥ 12 ॥
യച്ചേതസി സ്ഫുരസി താരകിതേവ സന്ധ്യാ ।
ഏകഃ സ ഏവ ഭുവനത്രയസുന്ദരീണാം
കന്ദര്പതാം വ്രജതി പഞ്ചശരീം വിനാപി ॥ 12 ॥
യേ ഭാവയന്ത്യമൃതവാഹിഭിരംശുജാലൈ-
-രാപ്യായമാനഭുവനാമമൃതേശ്വരീം ത്വാമ് ।
തേ ലങ്ഘയന്തി നനു മാതരലങ്ഘനീയാം
ബ്രഹ്മാദിഭിഃ സുരവരൈരപി കാലകക്ഷാമ് ॥ 13 ॥
-രാപ്യായമാനഭുവനാമമൃതേശ്വരീം ത്വാമ് ।
തേ ലങ്ഘയന്തി നനു മാതരലങ്ഘനീയാം
ബ്രഹ്മാദിഭിഃ സുരവരൈരപി കാലകക്ഷാമ് ॥ 13 ॥
യഃ സ്ഫാടികാക്ഷഗുണപുസ്തകകുണ്ഡികാഢ്യാം
വ്യാഖ്യാസമുദ്യതകരാം ശരദിന്ദുശുഭ്രാമ് ।
പദ്മാസനാം ച ഹൃദയേ ഭവതീമുപാസ്തേ
മാതഃ സ വിശ്വകവിതാര്കികചക്രവര്തീ ॥ 14 ॥
വ്യാഖ്യാസമുദ്യതകരാം ശരദിന്ദുശുഭ്രാമ് ।
പദ്മാസനാം ച ഹൃദയേ ഭവതീമുപാസ്തേ
മാതഃ സ വിശ്വകവിതാര്കികചക്രവര്തീ ॥ 14 ॥
ബര്ഹാവതംസയുതബര്ബരകേശപാശാം
ഗുഞ്ജാവലീകൃതഘനസ്തനഹാരശോഭാമ് ।
ശ്യാമാം പ്രവാലവദനാം സുകുമാരഹസ്താം
ത്വാമേവ നൌമി ശബരീം ശബരസ്യ ജായാമ് ॥ 15 ॥
ഗുഞ്ജാവലീകൃതഘനസ്തനഹാരശോഭാമ് ।
ശ്യാമാം പ്രവാലവദനാം സുകുമാരഹസ്താം
ത്വാമേവ നൌമി ശബരീം ശബരസ്യ ജായാമ് ॥ 15 ॥
അര്ധേന കിം നവലതാലലിതേന മുഗ്ധേ
ക്രീതം വിഭോഃ പരുഷമര്ധമിദം ത്വയേതി ।
ആലീജനസ്യ പരിഹാസവചാംസി മന്യേ
മന്ദസ്മിതേന തവ ദേവി ജഡീ ഭവന്തി ॥ 16 ॥
ക്രീതം വിഭോഃ പരുഷമര്ധമിദം ത്വയേതി ।
ആലീജനസ്യ പരിഹാസവചാംസി മന്യേ
മന്ദസ്മിതേന തവ ദേവി ജഡീ ഭവന്തി ॥ 16 ॥
ബ്രഹ്മാണ്ഡ ബുദ്ബുദകദമ്ബകസങ്കുലോഽയം
മായോദധിര്വിവിധദുഃഖതരങ്ഗമാലഃ ।
ആശ്ചര്യമമ്ബ ഝടിതി പ്രലയം പ്രയാതി
ത്വദ്ധ്യാനസന്തതിമഹാബഡബാമുഖാഗ്നൌ ॥ 17 ॥
മായോദധിര്വിവിധദുഃഖതരങ്ഗമാലഃ ।
ആശ്ചര്യമമ്ബ ഝടിതി പ്രലയം പ്രയാതി
ത്വദ്ധ്യാനസന്തതിമഹാബഡബാമുഖാഗ്നൌ ॥ 17 ॥
ദാക്ഷായണീതി കുടിലേതി കുഹാരിണീതി
കാത്യായനീതി കമലേതി കലാവതീതി ।
ഏകാ സതീ ഭഗവതീ പരമാര്ഥതോഽപി
സന്ദൃശ്യസേ ബഹുവിധാ നനു നര്തകീവ ॥ 18 ॥
കാത്യായനീതി കമലേതി കലാവതീതി ।
ഏകാ സതീ ഭഗവതീ പരമാര്ഥതോഽപി
സന്ദൃശ്യസേ ബഹുവിധാ നനു നര്തകീവ ॥ 18 ॥
ആനന്ദലക്ഷണമനാഹതനാമ്നി ദേശേ
നാദാത്മനാ പരിണതം തവ രൂപമീശേ ।
പ്രത്യങ്മുഖേന മനസാ പരിചീയമാനം
ശംസന്തി നേത്രസലിലൈഃ പുലകൈശ്ച ധന്യാഃ ॥ 19 ॥
നാദാത്മനാ പരിണതം തവ രൂപമീശേ ।
പ്രത്യങ്മുഖേന മനസാ പരിചീയമാനം
ശംസന്തി നേത്രസലിലൈഃ പുലകൈശ്ച ധന്യാഃ ॥ 19 ॥
ത്വം ചന്ദ്രികാ ശശിനി തിഗ്മരുചൌ രുചിസ്ത്വം
ത്വം ചേതനാസി പുരുഷേ പവനേ ബലം ത്വമ് ।
ത്വം സ്വാദുതാസി സലിലേ ശിഖിനി ത്വമൂഷ്മാ
നിഃസാരമേവ നിഖിലം ത്വദൃതേ യദി സ്യാത് ॥ 20 ॥
ത്വം ചേതനാസി പുരുഷേ പവനേ ബലം ത്വമ് ।
ത്വം സ്വാദുതാസി സലിലേ ശിഖിനി ത്വമൂഷ്മാ
നിഃസാരമേവ നിഖിലം ത്വദൃതേ യദി സ്യാത് ॥ 20 ॥
ജ്യോതീംഷി യദ്ദിവി ചരന്തി യദന്തരിക്ഷം
സൂതേ പയാംസി യദഹിര്ധരണീം ച ധത്തേ ।
യദ്വാതി വായുരനലോ യദുദര്ചിരാസ്തേ
തത്സര്വമമ്ബ തവ കേവലമാജ്ഞയൈവ ॥ 21 ॥
സൂതേ പയാംസി യദഹിര്ധരണീം ച ധത്തേ ।
യദ്വാതി വായുരനലോ യദുദര്ചിരാസ്തേ
തത്സര്വമമ്ബ തവ കേവലമാജ്ഞയൈവ ॥ 21 ॥
സങ്കോചമിച്ഛസി യദാ ഗിരിജേ തദാനീം
വാക്തര്കയോസ്ത്വമസി ഭൂമിരനാമരൂപാ ।
യദ്വാ വികാസമുപയാസി യദാ തദാനീം
ത്വന്നാമരൂപഗണനാഃ സുകരാ ഭവന്തി ॥ 22 ॥
വാക്തര്കയോസ്ത്വമസി ഭൂമിരനാമരൂപാ ।
യദ്വാ വികാസമുപയാസി യദാ തദാനീം
ത്വന്നാമരൂപഗണനാഃ സുകരാ ഭവന്തി ॥ 22 ॥
ഭോഗായ ദേവി ഭവതീം കൃതിനഃ പ്രണമ്യ
ഭ്രൂകിങ്കരീകൃതസരോജഗൃഹാഃ സഹസ്രമ് ।
ചിന്താമണിപ്രചയകല്പിതകേലിശൈലേ
കല്പദ്രുമോപവന ഏവ ചിരം രമന്തേ ॥ 23 ॥
ഭ്രൂകിങ്കരീകൃതസരോജഗൃഹാഃ സഹസ്രമ് ।
ചിന്താമണിപ്രചയകല്പിതകേലിശൈലേ
കല്പദ്രുമോപവന ഏവ ചിരം രമന്തേ ॥ 23 ॥
ഹര്തും ത്വമേവ ഭവസി ത്വദധീനമീശേ
സംസാരതാപമഖിലം ദയയാ പശൂനാമ് ।
വൈകര്തനീ കിരണസംഹതിരേവ ശക്താ
ധര്മം നിജം ശമയിതും നിജയൈവ വൃഷ്ട്യാ ॥ 24 ॥
സംസാരതാപമഖിലം ദയയാ പശൂനാമ് ।
വൈകര്തനീ കിരണസംഹതിരേവ ശക്താ
ധര്മം നിജം ശമയിതും നിജയൈവ വൃഷ്ട്യാ ॥ 24 ॥
ശക്തിഃ ശരീരമധിദൈവതമന്തരാത്മാ
ജ്ഞാനം ക്രിയാ കരണമാസനജാലമിച്ഛാ ।
ഐശ്വര്യമായതനമാവരണാനി ച ത്വം
കിം തന്ന യദ്ഭവസി ദേവി ശശാങ്കമൌലേഃ ॥ 25 ॥
ജ്ഞാനം ക്രിയാ കരണമാസനജാലമിച്ഛാ ।
ഐശ്വര്യമായതനമാവരണാനി ച ത്വം
കിം തന്ന യദ്ഭവസി ദേവി ശശാങ്കമൌലേഃ ॥ 25 ॥
ഭൂമൌ നിവൃത്തിരുദിതാ പയസി പ്രതിഷ്ഠാ
വിദ്യാഽനലേ മരുതി ശാന്തിരതീവകാന്തിഃ ।
വ്യോമ്നീതി യാഃ കില കലാഃ കലയന്തി വിശ്വം
താസാം ഹി ദൂരതരമമ്ബ പദം ത്വദീയമ് ॥ 26 ॥
വിദ്യാഽനലേ മരുതി ശാന്തിരതീവകാന്തിഃ ।
വ്യോമ്നീതി യാഃ കില കലാഃ കലയന്തി വിശ്വം
താസാം ഹി ദൂരതരമമ്ബ പദം ത്വദീയമ് ॥ 26 ॥
യാവത്പദം പദസരോജയുഗം ത്വദീയം
നാങ്ഗീകരോതി ഹൃദയേഷു ജഗച്ഛരണ്യേ ।
താവദ്വികല്പജടിലാഃ കുടിലപ്രകാരാ-
-സ്തര്കഗ്രഹാഃ സമയിനാം പ്രലയം ന യാന്തി ॥ 27 ॥
നാങ്ഗീകരോതി ഹൃദയേഷു ജഗച്ഛരണ്യേ ।
താവദ്വികല്പജടിലാഃ കുടിലപ്രകാരാ-
-സ്തര്കഗ്രഹാഃ സമയിനാം പ്രലയം ന യാന്തി ॥ 27 ॥
നിര്ദേവയാനപിതൃയാനവിഹാരമേകേ
കൃത്വാ മനഃ കരണമണ്ഡലസാര്വഭൌമമ് ।
ധ്യാനേ നിവേശ്യ തവ കാരണപഞ്ചകസ്യ
പര്വാണി പാര്വതി നയന്തി നിജാസനത്വമ് ॥ 28 ॥
കൃത്വാ മനഃ കരണമണ്ഡലസാര്വഭൌമമ് ।
ധ്യാനേ നിവേശ്യ തവ കാരണപഞ്ചകസ്യ
പര്വാണി പാര്വതി നയന്തി നിജാസനത്വമ് ॥ 28 ॥
സ്ഥൂലാസു മൂര്തിഷു മഹീപ്രമുഖാസു മൂര്തേഃ
കസ്യാശ്ചനാപി തവ വൈഭവമമ്ബ യസ്യാഃ ।
പത്യാ ഗിരാമപി ന ശക്യത ഏവ വക്തും
സാപി സ്തുതാ കില മയേതി തിതിക്ഷിതവ്യമ് ॥ 29 ॥
കസ്യാശ്ചനാപി തവ വൈഭവമമ്ബ യസ്യാഃ ।
പത്യാ ഗിരാമപി ന ശക്യത ഏവ വക്തും
സാപി സ്തുതാ കില മയേതി തിതിക്ഷിതവ്യമ് ॥ 29 ॥
കാലാഗ്നികോടിരുചിമമ്ബ ഷഡധ്വശുദ്ധൌ
ആപ്ലാവനേഷു ഭവതീമമൃതൌഘവൃഷ്ടിമ് ।
ശ്യാമാം ഘനസ്തനതടാം ശകലീകൃതാഘാം
ധ്യായന്ത ഏവ ജഗതാം ഗുരവോ ഭവന്തി ॥ 30 ॥
ആപ്ലാവനേഷു ഭവതീമമൃതൌഘവൃഷ്ടിമ് ।
ശ്യാമാം ഘനസ്തനതടാം ശകലീകൃതാഘാം
ധ്യായന്ത ഏവ ജഗതാം ഗുരവോ ഭവന്തി ॥ 30 ॥
വിദ്യാം പരാം കതിചിദമ്ബരമമ്ബ കേചി-
-ദാനന്ദമേവ കതിചിത്കതിചിച്ച മായാമ് ।
ത്വാം വിശ്വമാഹുരപരേ വയമാമനാമഃ
സാക്ഷാദപാരകരുണാം ഗുരുമൂര്തിമേവ ॥ 31 ॥
-ദാനന്ദമേവ കതിചിത്കതിചിച്ച മായാമ് ।
ത്വാം വിശ്വമാഹുരപരേ വയമാമനാമഃ
സാക്ഷാദപാരകരുണാം ഗുരുമൂര്തിമേവ ॥ 31 ॥
കുവലയദലനീലം ബര്ബരസ്നിഗ്ധകേശം
പൃഥുതരകുചഭാരാക്രാന്തകാന്താവലഗ്നമ് ।
കിമിഹ ബഹുഭിരുക്തൈസ്ത്വത്സ്വരൂപം പരം നഃ
സകലജനനി മാതഃ സന്തതം സന്നിധത്താമ് ॥ 32 ॥
പൃഥുതരകുചഭാരാക്രാന്തകാന്താവലഗ്നമ് ।
കിമിഹ ബഹുഭിരുക്തൈസ്ത്വത്സ്വരൂപം പരം നഃ
സകലജനനി മാതഃ സന്തതം സന്നിധത്താമ് ॥ 32 ॥
ഇതി ശ്രീകാലിദാസ വിരചിത പഞ്ചസ്തവ്യാം ചതുര്ഥഃ അമ്ബാസ്തവഃ ।