அம்ரு'த ஸஞ்ஜீவநி தந்வந்தரீ ஸ்தோத்ரம்

அதாபரமஹம் வக்ஷ்யேऽம்ரு'தஸஞ்ஜீவநம் ஸ்தவம் ।
யஸ்யாநுஷ்டாநமாத்ரேண ம்ரு'த்யுர்தூராத்பலாயதே ॥ 1 ॥

அஸாத்யாஃ கஷ்டஸாத்யாஶ்ச மஹாரோகா பயங்கராஃ ।
ஶீக்ரம் நஶ்யந்தி படநாதஸ்யாயுஶ்ச ப்ரவர்ததே ॥ 2 ॥

ஶாகிநீடாகிநீதோஷாஃ குத்ரு'ஷ்டிக்ரஹஶத்ருஜாஃ ।
ப்ரேதவேதாலயக்ஷோத்தா பாதா நஶ்யந்தி சாகிலாஃ ॥ 3 ॥

துரிதாநி ஸமஸ்தாநி நாநாஜந்மோத்பவாநி ச ।
ஸம்ஸர்கஜவிகாராணி விலீயந்தேऽஸ்ய பாடதஃ ॥ 4 ॥

ஸர்வோபத்ரவநாஶாய ஸர்வபாதாப்ரஶாந்தயே ।
ஆயுஃ ப்ரவ்ரு'த்தயே சைதத் ஸ்தோத்ரம் பரமமத்புதம் ॥ 5 ॥

பாலக்ரஹாபிபூதாநாம் பாலாநாம் ஸுகதாயகம் ।
ஸர்வாரிஷ்டஹரம் சைதத்பலபுஷ்டிகரம் பரம் ॥ 6 ॥

பாலாநாம் ஜீவநாயைதத் ஸ்தோத்ரம் திவ்யம் ஸுதோபமம் ।
ம்ரு'தவத்ஸத்வஹரணம் சிரஞ்ஜீவித்வகாரகம் ॥ 7 ॥

மஹாரோகாபிபூதாநாம் பயவ்யாகுலிதாத்மநாம் ।
ஸர்வாதிவ்யாதிஹரணம் பயக்நமம்ரு'தோபமம் ॥ 8 ॥

அல்பம்ரு'த்யுஶ்சாபம்ரு'த்யுஃ பாடாதஸ்யஃ ப்ரணஶ்யதி ।
ஜலாऽக்நிவிஷஶஸ்த்ராரி ந ஹி ஶ்ரு'ங்கி பயம் ததா ॥ 9 ॥

கர்பரக்ஷாகரம் ஸ்த்ரீணாம் பாலாநாம் ஜீவநப்ரதம் ।
மஹாரோகஹரம் ந்ரூ'ணாமல்பம்ரு'த்யுஹரம் பரம் ॥ 10 ॥

பாலா வ்ரு'த்தாஶ்ச தருணா நரா நார்யஶ்ச துஃகிதாஃ ।
பவந்தி ஸுகிநஃ பாடாதஸ்ய லோகே சிராயுஷஃ ॥ 11 ॥

அஸ்மாத்பரதரம் நாஸ்தி ஜீவநோபாய ஐஹிகஃ ।
தஸ்மாத் ஸர்வப்ரயத்நேந பாடமஸ்ய ஸமாசரேத் ॥ 12 ॥

அயுதாவ்ரு'த்திகம் வாத ஸஹஸ்ராவ்ரு'த்திகம் ததா ।
ததர்தம் வா ததர்தம் வா படேதேதச்ச பக்திதஃ ॥ 13 ॥

கலஶே விஷ்ணுமாராத்ய தீபம் ப்ரஜ்வால்ய யத்நதஃ ।
ஸாயம் ப்ராதஶ்ச விதிவத் ஸ்தோத்ரமேதத் படேத் ஸுதீஃ ॥ 14 ॥

ஸர்பிஷா ஹவிஷா வாऽபி ஸம்யாவேநாத பக்திதஃ ।
தஶாம்ஶமாநதோ ஹோமம் குர்யாத் ஸர்வார்தஸித்தயே ॥ 15 ॥
அத ஸ்தோத்ரம்
நமோ நமோ விஶ்வவிபாவநாய
நமோ நமோ லோகஸுகப்ரதாய ।
நமோ நமோ விஶ்வஸ்ரு'ஜேஶ்வராய
நமோ நமோ முக்திவரப்ரதாய ॥ 1 ॥
நமோ நமஸ்தேऽகிலலோகபாய
நமோ நமஸ்தேऽகிலகாமதாய ।
நமோ நமஸ்தேऽகிலகாரணாய
நமோ நமஸ்தேऽகிலரக்ஷகாய ॥ 2 ॥
நமோ நமஸ்தே ஸகலார்திஹர்த்ரே
நமோ நமஸ்தே விருஜஃ ப்ரகர்த்ரே ।
நமோ நமஸ்தேऽகிலவிஶ்வதர்த்ரே
நமோ நமஸ்தேऽகிலலோகபர்த்ரே ॥ 3 ॥
ஸ்ரு'ஷ்டம் தேவ சராசரம் ஜகதிதம் ப்ரஹ்மஸ்வரூபேண தே
ஸர்வம் தத்பரிபால்யதே ஜகதிதம் விஷ்ணுஸ்வரூபேண தே ।
விஶ்வம் ஸம்ஹ்ரிதயே ததேவ நிகிலம் ருத்ரஸ்வரூபேண தே
ஸம்ஸிச்யாம்ரு'தஶீகரைர்ஹர மஹாரிஷ்டம் சிரம் ஜீவய ॥ 4 ॥
யோ தந்வந்தரிஸஞ்ஜ்ஞயா நிகதிதஃ க்ஷீராப்திதோ நிஃஸ்ரு'தோ
ஹஸ்தாப்யாம் ஜநஜீவநாய கலஶம் பீயூஷபூர்ணம் ததத் ।
ஆயுர்வேதமரீரசஜ்ஜநருஜாம் நாஶாய ஸ த்வம் முதா
ஸம்ஸிச்யாம்ரு'தஶீகரைர்ஹர மஹாரிஷ்டம் சிரம் ஜீவய ॥ 5 ॥
ஸ்த்ரீரூபம் வரபூஷணாம்பரதரம் த்ரைலோக்யஸம்மோஹநம்
க்ரு'த்வா பாயயதி ஸ்ம யஃ ஸுரகணாந் பீயூஷமத்யுத்தமம் ।
சக்ரே தைத்யகணாந் ஸுதாவிரஹிதாந் ஸம்மோஹ்ய ஸ த்வம் முதா
ஸம்ஸிச்யாம்ரு'தஶீகரைர்ஹர மஹாரிஷ்டம் சிரம் ஜீவய ॥ 6 ॥
சாக்ஷுஷோததிஸம்ப்லாவ பூவேதப சஷாக்ரு'தே ।
ஸிஞ்ச ஸிஞ்சாம்ரு'தகணைஶ்சிரம் ஜீவய ஜீவய ॥ 7 ॥
ப்ரு'ஷ்டமந்தரநிர்கூர்ணநித்ராக்ஷ கமடாக்ரு'தே ।
ஸிஞ்ச ஸிஞ்சாம்ரு'தகணைஶ்சிரம் ஜீவய ஜீவய ॥ 8 ॥
யாஞ்சாச்சலபலித்ராஸமுக்தநிர்ஜர வாமந ।
ஸிஞ்ச ஸிஞ்சாம்ரு'தகணைஶ்சிரம் ஜீவய ஜீவய ॥ 9 ॥
தரோத்தார ஹிரண்யாக்ஷகாத க்ரோடாக்ரு'தே ப்ரபோ ।
ஸிஞ்ச ஸிஞ்சாம்ரு'தகணைஶ்சிரம் ஜீவய ஜீவய ॥ 10 ॥
பக்தத்ராஸவிநாஶாத்தசண்டத்வ ந்ரு'ஹரே விபோ ।
ஸிஞ்ச ஸிஞ்சாம்ரு'தகணைஶ்சிரம் ஜீவய ஜீவய ॥ 11 ॥
க்ஷத்ரியாரண்யஸஞ்சேதகுடாரகரரைணுக ।
ஸிஞ்ச ஸிஞ்சாம்ரு'தகணைஶ்சிரம் ஜீவய ஜீவய ॥ 12 ॥
ரக்ஷோராஜப்ரதாபாப்திஶோஷணாஶுக ராகவ ।
ஸிஞ்ச ஸிஞ்சாம்ரு'தகணைஶ்சிரம் ஜீவய ஜீவய ॥ 13 ॥
பூபாராஸுரஸந்தோஹகாலாக்நே ருக்மிணீபதே ।
ஸிஞ்ச ஸிஞ்சாம்ரு'தகணைஶ்சிரம் ஜீவய ஜீவய ॥ 14 ॥
வேதமார்கரதாநர்ஹவிப்ராந்த்யை புத்தரூபத்ரு'க் ।
ஸிஞ்ச ஸிஞ்சாம்ரு'தகணைஶ்சிரம் ஜீவய ஜீவய ॥ 15 ॥
கலிவர்ணாஶ்ரமாஸ்பஷ்டதர்மர்த்யை கல்கிரூபபாக் ।
ஸிஞ்ச ஸிஞ்சாம்ரு'தகணைஶ்சிரம் ஜீவய ஜீவய ॥ 16 ॥
அஸாத்யாஃ கஷ்டஸாத்யா யே மஹாரோகா பயங்கராஃ ।
சிந்தி தாநாஶு சக்ரேண சிரம் ஜீவய ஜீவய ॥ 17 ॥
அல்பம்ரு'த்யும் சாபம்ரு'த்யும் மஹோத்பாதாநுபத்ரவாந் ।
பிந்தி பிந்தி கதாகாதைஶ்சிரம் ஜீவய ஜீவய ॥ 18 ॥
அஹம் ந ஜாநே கிமபி த்வதந்யத்
ஸமாஶ்ரயே நாத பதாம்புஜம் தே ।
குருஷ்வ தத்யந்மநஸீப்ஸிதம் தே
ஸுகர்மணா கேந ஸமக்ஷமீயாம் ॥ 19 ॥
த்வமேவ தாதோ ஜநநீ த்வமேவ
த்வமேவ நாதஶ்ச த்வமேவ பந்துஃ ।
வித்யாதநாகாரகுலம் த்வமேவ
த்வமேவ ஸர்வம் மம தேவதேவ ॥ 20 ॥
ந மேऽபராதம் ப்ரவிலோகய ப்ரபோ-
-ऽபராதஸிந்தோஶ்ச தயாநிதிஸ்த்வம் ।
தாதேந துஷ்டோऽபி ஸுதஃ ஸுரக்ஷதே
தயாலுதா தேऽவது ஸர்வதாऽஸ்மாந் ॥ 21 ॥
அஹஹ விஸ்மர நாத ந மாம் ஸதா
கருணயா நிஜயா பரிபூரிதஃ ।
புவி பவாந் யதி மே ந ஹி ரக்ஷகஃ
கதமஹோ மம ஜீவநமத்ர வை ॥ 22 ॥
தஹ தஹ க்ரு'பயா த்வம் வ்யாதிஜாலம் விஶாலம்
ஹர ஹர கரவாலம் சால்பம்ரு'த்யோஃ கராலம் ।
நிஜஜநபரிபாலம் த்வாம் பஜே பாவயாலம்
குரு குரு பஹுகாலம் ஜீவிதம் மே ஸதாऽலம் ॥ 23 ॥
ந யத்ர தர்மாசரணம் ந ஜாநம்
வ்ரதம் ந யோகோ ந ச விஷ்ணுசர்சா ।
ந பித்ரு'கோவிப்ரவராமரார்சா
ஸ்வல்பாயுஷஸ்தத்ர ஜநா பவந்தி ॥ 24 ॥
அத மந்த்ரம்
க்லீம் ஶ்ரீம் க்லீம் ஶ்ரீம் நமோ பகவதே ஜநார்தநாய ஸகல துரிதாநி நாஶய நாஶய ।
க்ஷ்ரௌம் ஆரோக்யம் குரு குரு । ஹ்ரீம் தீர்கமாயுர்தேஹி தேஹி ஸ்வாஹா ॥
பலஶ்ருதிஃ
அஸ்ய தாரணதோ ஜாபாதல்பம்ரு'த்யுஃ ப்ரஶாம்யதி ।
கர்பரக்ஷாகரம் ஸ்த்ரீணாம் பாலாநாம் ஜீவநம் பரம் ॥ 1 ॥
ஶதம் பஞ்சாஶதம் ஶக்த்யாऽதவா பஞ்சாதிவிம்ஶதிம் ।
புஸ்தகாநாம் த்விஜேப்யஸ்து தத்யாத்தீர்காயுஷாப்தயே ॥ 2 ॥
பூர்ஜபத்ரே விலிக்யேதம் கண்டே வா பாஹுமூலகே ।
ஸந்தாரயேத்கர்பரக்ஷா பாலரக்ஷா ச ஜாயதே ॥ 3 ॥
ஸர்வே ரோகா விநஶ்யந்தி ஸர்வா பாதாஃ ப்ரஶாம்யதி ।
குத்ரு'ஷ்டிஜம் பயம் நஶ்யேத் ததா ப்ரேதாதிஜம் பயம் ॥ 4 ॥
மயா கதிதமேதத்தேऽம்ரு'தஸஞ்ஜீவநம் பரம் ।
அல்பம்ரு'த்யுஹரம் ஸ்தோத்ரம் ம்ரு'தவத்ஸத்வநாஶநம் ॥ 5 ॥