What is Amrita Sanjivani Dhanvantari Stotram?

Read Amrita Sanjivani Dhanvantari Stotram in Gujarati script — full lyrics with English meaning and transliteration. The Amrita Sanjivani Dhanvantari Stotram is a powerful devotional hymn originating from the Brahmanda Purana, dedicated to Lord Dhanvantari, the divine physician and avatar of Lord Vishnu. This sacred stotra is celebrated for its profound healing properties, believed to grant longevity and cure even the most incurable or life-threatening diseases. By invoking the grace of the Lord of Ayurveda, the practitioner seeks protection from premature death and physical suffering. Chanting this prayer with sincerity is said to revitalize the body, restore health, and bestow a life filled with vitality and spiritual well-being.

Which deity is Amrita Sanjivani Dhanvantari Stotram dedicated to?

Amrita Sanjivani Dhanvantari Stotram is a Sanskrit hymn dedicated to Lord Dhanvantari.

Who composed Amrita Sanjivani Dhanvantari Stotram?

Amrita Sanjivani Dhanvantari Stotram is traditionally attributed to From Brahmanda Purana.

Amrita Sanjivani Dhanvantari Stotram in Gujarati – Lyrics

અથાપરમહં વક્ષ્યેઽમૃતસઞ્જીવનં સ્તવમ્ ।
યસ્યાનુષ્ઠાનમાત્રેણ મૃત્યુર્દૂરાત્પલાયતે ॥ 1 ॥

અસાધ્યાઃ કષ્ટસાધ્યાશ્ચ મહારોગા ભયઙ્કરાઃ ।
શીઘ્રં નશ્યન્તિ પઠનાદસ્યાયુશ્ચ પ્રવર્ધતે ॥ 2 ॥

શાકિનીડાકિનીદોષાઃ કુદૃષ્ટિગ્રહશત્રુજાઃ ।
પ્રેતવેતાલયક્ષોત્થા બાધા નશ્યન્તિ ચાખિલાઃ ॥ 3 ॥

દુરિતાનિ સમસ્તાનિ નાનાજન્મોદ્ભવાનિ ચ ।
સંસર્ગજવિકારાણિ વિલીયન્તેઽસ્ય પાઠતઃ ॥ 4 ॥

સર્વોપદ્રવનાશાય સર્વબાધાપ્રશાન્તયે ।
આયુઃ પ્રવૃદ્ધયે ચૈતત્ સ્તોત્રં પરમમદ્ભુતમ્ ॥ 5 ॥

બાલગ્રહાભિભૂતાનાં બાલાનાં સુખદાયકમ્ ।
સર્વારિષ્ટહરં ચૈતદ્બલપુષ્ટિકરં પરમ્ ॥ 6 ॥

બાલાનાં જીવનાયૈતત્ સ્તોત્રં દિવ્યં સુધોપમમ્ ।
મૃતવત્સત્વહરણં ચિરઞ્જીવિત્વકારકમ્ ॥ 7 ॥

મહારોગાભિભૂતાનાં ભયવ્યાકુલિતાત્મનામ્ ।
સર્વાધિવ્યાધિહરણં ભયઘ્નમમૃતોપમમ્ ॥ 8 ॥

અલ્પમૃત્યુશ્ચાપમૃત્યુઃ પાઠાદસ્યઃ પ્રણશ્યતિ ।
જલાઽગ્નિવિષશસ્ત્રારિ ન હિ શૃઙ્ગિ ભયં તથા ॥ 9 ॥

ગર્ભરક્ષાકરં સ્ત્રીણાં બાલાનાં જીવનપ્રદમ્ ।
મહારોગહરં નૄણામલ્પમૃત્યુહરં પરમ્ ॥ 10 ॥

બાલા વૃદ્ધાશ્ચ તરુણા નરા નાર્યશ્ચ દુઃખિતાઃ ।
ભવન્તિ સુખિનઃ પાઠાદસ્ય લોકે ચિરાયુષઃ ॥ 11 ॥

અસ્માત્પરતરં નાસ્તિ જીવનોપાય ઐહિકઃ ।
તસ્માત્ સર્વપ્રયત્નેન પાઠમસ્ય સમાચરેત્ ॥ 12 ॥

અયુતાવૃત્તિકં વાથ સહસ્રાવૃત્તિકં તથા ।
તદર્ધં વા તદર્ધં વા પઠેદેતચ્ચ ભક્તિતઃ ॥ 13 ॥

કલશે વિષ્ણુમારાધ્ય દીપં પ્રજ્વાલ્ય યત્નતઃ ।
સાયં પ્રાતશ્ચ વિધિવત્ સ્તોત્રમેતત્ પઠેત્ સુધીઃ ॥ 14 ॥

સર્પિષા હવિષા વાઽપિ સંયાવેનાથ ભક્તિતઃ ।
દશાંશમાનતો હોમં કુર્યાત્ સર્વાર્થસિદ્ધયે ॥ 15 ॥

અથ સ્તોત્રમ્

નમો નમો વિશ્વવિભાવનાય
નમો નમો લોકસુખપ્રદાય ।
નમો નમો વિશ્વસૃજેશ્વરાય
નમો નમો મુક્તિવરપ્રદાય ॥ 1 ॥

નમો નમસ્તેઽખિલલોકપાય
નમો નમસ્તેઽખિલકામદાય ।
નમો નમસ્તેઽખિલકારણાય
નમો નમસ્તેઽખિલરક્ષકાય ॥ 2 ॥

નમો નમસ્તે સકલાર્તિહર્ત્રે
નમો નમસ્તે વિરુજઃ પ્રકર્ત્રે ।
નમો નમસ્તેઽખિલવિશ્વધર્ત્રે
નમો નમસ્તેઽખિલલોકભર્ત્રે ॥ 3 ॥

સૃષ્ટં દેવ ચરાચરં જગદિદં બ્રહ્મસ્વરૂપેણ તે
સર્વં તત્પરિપાલ્યતે જગદિદં વિષ્ણુસ્વરૂપેણ તે ।
વિશ્વં સંહ્રિતયે તદેવ નિખિલં રુદ્રસ્વરૂપેણ તે
સંસિચ્યામૃતશીકરૈર્હર મહારિષ્ટં ચિરં જીવય ॥ 4 ॥

યો ધન્વન્તરિસઞ્જ્ઞયા નિગદિતઃ ક્ષીરાબ્ધિતો નિઃસૃતો
હસ્તાભ્યાં જનજીવનાય કલશં પીયૂષપૂર્ણં દધત્ ।
આયુર્વેદમરીરચજ્જનરુજાં નાશાય સ ત્વં મુદા
સંસિચ્યામૃતશીકરૈર્હર મહારિષ્ટં ચિરં જીવય ॥ 5 ॥

સ્ત્રીરૂપં વરભૂષણામ્બરધરં ત્રૈલોક્યસમ્મોહનં
કૃત્વા પાયયતિ સ્મ યઃ સુરગણાન્ પીયૂષમત્યુત્તમમ્ ।
ચક્રે દૈત્યગણાન્ સુધાવિરહિતાન્ સમ્મોહ્ય સ ત્વં મુદા
સંસિચ્યામૃતશીકરૈર્હર મહારિષ્ટં ચિરં જીવય ॥ 6 ॥

ચાક્ષુષોદધિસમ્પ્લાવ ભૂવેદપ ઝષાકૃતે ।
સિઞ્ચ સિઞ્ચામૃતકણૈશ્ચિરં જીવય જીવય ॥ 7 ॥

પૃષ્ઠમન્દરનિર્ઘૂર્ણનિદ્રાક્ષ કમઠાકૃતે ।
સિઞ્ચ સિઞ્ચામૃતકણૈશ્ચિરં જીવય જીવય ॥ 8 ॥

યાઞ્ચાચ્છલબલિત્રાસમુક્તનિર્જર વામન ।
સિઞ્ચ સિઞ્ચામૃતકણૈશ્ચિરં જીવય જીવય ॥ 9 ॥

ધરોદ્ધાર હિરણ્યાક્ષઘાત ક્રોડાકૃતે પ્રભો ।
સિઞ્ચ સિઞ્ચામૃતકણૈશ્ચિરં જીવય જીવય ॥ 10 ॥

ભક્તત્રાસવિનાશાત્તચણ્ડત્વ નૃહરે વિભો ।
સિઞ્ચ સિઞ્ચામૃતકણૈશ્ચિરં જીવય જીવય ॥ 11 ॥

ક્ષત્રિયારણ્યસઞ્છેદકુઠારકરરૈણુક ।
સિઞ્ચ સિઞ્ચામૃતકણૈશ્ચિરં જીવય જીવય ॥ 12 ॥

રક્ષોરાજપ્રતાપાબ્ધિશોષણાશુગ રાઘવ ।
સિઞ્ચ સિઞ્ચામૃતકણૈશ્ચિરં જીવય જીવય ॥ 13 ॥

ભૂભારાસુરસન્દોહકાલાગ્ને રુક્મિણીપતે ।
સિઞ્ચ સિઞ્ચામૃતકણૈશ્ચિરં જીવય જીવય ॥ 14 ॥

વેદમાર્ગરતાનર્હવિભ્રાન્ત્યૈ બુદ્ધરૂપધૃક્ ।
સિઞ્ચ સિઞ્ચામૃતકણૈશ્ચિરં જીવય જીવય ॥ 15 ॥

કલિવર્ણાશ્રમાસ્પષ્ટધર્મર્ધ્યૈ કલ્કિરૂપભાક્ ।
સિઞ્ચ સિઞ્ચામૃતકણૈશ્ચિરં જીવય જીવય ॥ 16 ॥

અસાધ્યાઃ કષ્ટસાધ્યા યે મહારોગા ભયઙ્કરાઃ ।
છિન્ધિ તાનાશુ ચક્રેણ ચિરં જીવય જીવય ॥ 17 ॥

અલ્પમૃત્યું ચાપમૃત્યું મહોત્પાતાનુપદ્રવાન્ ।
ભિન્ધિ ભિન્ધિ ગદાઘાતૈશ્ચિરં જીવય જીવય ॥ 18 ॥

અહં ન જાને કિમપિ ત્વદન્યત્
સમાશ્રયે નાથ પદામ્બુજં તે ।
કુરુષ્વ તદ્યન્મનસીપ્સિતં તે
સુકર્મણા કેન સમક્ષમીયામ્ ॥ 19 ॥

ત્વમેવ તાતો જનની ત્વમેવ
ત્વમેવ નાથશ્ચ ત્વમેવ બન્ધુઃ ।
વિદ્યાધનાગારકુલં ત્વમેવ
ત્વમેવ સર્વં મમ દેવદેવ ॥ 20 ॥

ન મેઽપરાધં પ્રવિલોકય પ્રભો-
-ઽપરાધસિન્ધોશ્ચ દયાનિધિસ્ત્વમ્ ।
તાતેન દુષ્ટોઽપિ સુતઃ સુરક્ષતે
દયાલુતા તેઽવતુ સર્વદાઽસ્માન્ ॥ 21 ॥

અહહ વિસ્મર નાથ ન માં સદા
કરુણયા નિજયા પરિપૂરિતઃ ।
ભુવિ ભવાન્ યદિ મે ન હિ રક્ષકઃ
કથમહો મમ જીવનમત્ર વૈ ॥ 22 ॥

દહ દહ કૃપયા ત્વં વ્યાધિજાલં વિશાલં
હર હર કરવાલં ચાલ્પમૃત્યોઃ કરાલમ્ ।
નિજજનપરિપાલં ત્વાં ભજે ભાવયાલં
કુરુ કુરુ બહુકાલં જીવિતં મે સદાઽલમ્ ॥ 23 ॥

ન યત્ર ધર્માચરણં ન જાનં
વ્રતં ન યોગો ન ચ વિષ્ણુચર્ચા ।
ન પિતૃગોવિપ્રવરામરાર્ચા
સ્વલ્પાયુષસ્તત્ર જના ભવન્તિ ॥ 24 ॥

અથ મન્ત્રમ્
ક્લીં શ્રીં ક્લીં શ્રીં નમો ભગવતે જનાર્દનાય સકલ દુરિતાનિ નાશય નાશય ।
ક્ષ્રૌં આરોગ્યં કુરુ કુરુ । હ્રીં દીર્ઘમાયુર્દેહિ દેહિ સ્વાહા ॥

ફલશ્રુતિઃ
અસ્ય ધારણતો જાપાદલ્પમૃત્યુઃ પ્રશામ્યતિ ।
ગર્ભરક્ષાકરં સ્ત્રીણાં બાલાનાં જીવનં પરમ્ ॥ 1 ॥

શતં પઞ્ચાશતં શક્ત્યાઽથવા પઞ્ચાધિવિંશતિમ્ ।
પુસ્તકાનાં દ્વિજેભ્યસ્તુ દદ્યાદ્દીર્ઘાયુષાપ્તયે ॥ 2 ॥

ભૂર્જપત્રે વિલિખ્યેદં કણ્ઠે વા બાહુમૂલકે ।
સન્ધારયેદ્ગર્ભરક્ષા બાલરક્ષા ચ જાયતે ॥ 3 ॥

સર્વે રોગા વિનશ્યન્તિ સર્વા બાધાઃ પ્રશામ્યતિ ।
કુદૃષ્ટિજં ભયં નશ્યેત્ તથા પ્રેતાદિજં ભયમ્ ॥ 4 ॥

મયા કથિતમેતત્તેઽમૃતસઞ્જીવનં પરમ્ ।
અલ્પમૃત્યુહરં સ્તોત્રં મૃતવત્સત્વનાશનમ્ ॥ 5 ॥

ઇતિ સુદર્શનસંહિતોક્તં અમૃતસઞ્જીવન ધન્વન્તરિ સ્તોત્રમ્ ॥

અમૃત સઞ્જીવનિ ધન્વન્તરી સ્તોત્રમ્

Explore More

More Dhanvantari Stotras

Explore More