What is Amrita Sanjivani Dhanvantari Stotram?

Read Amrita Sanjivani Dhanvantari Stotram in Kannada script — full lyrics with English meaning and transliteration. The Amrita Sanjivani Dhanvantari Stotram is a powerful devotional hymn originating from the Brahmanda Purana, dedicated to Lord Dhanvantari, the divine physician and avatar of Lord Vishnu. This sacred stotra is celebrated for its profound healing properties, believed to grant longevity and cure even the most incurable or life-threatening diseases. By invoking the grace of the Lord of Ayurveda, the practitioner seeks protection from premature death and physical suffering. Chanting this prayer with sincerity is said to revitalize the body, restore health, and bestow a life filled with vitality and spiritual well-being.

Which deity is Amrita Sanjivani Dhanvantari Stotram dedicated to?

Amrita Sanjivani Dhanvantari Stotram is a Sanskrit hymn dedicated to Lord Dhanvantari.

Who composed Amrita Sanjivani Dhanvantari Stotram?

Amrita Sanjivani Dhanvantari Stotram is traditionally attributed to From Brahmanda Purana.

Amrita Sanjivani Dhanvantari Stotram in Kannada – Lyrics

ಅಥಾಪರಮಹಂ ವಕ್ಷ್ಯೇಽಮೃತಸಞ್ಜೀವನಂ ಸ್ತವಮ್ ।
ಯಸ್ಯಾನುಷ್ಠಾನಮಾತ್ರೇಣ ಮೃತ್ಯುರ್ದೂರಾತ್ಪಲಾಯತೇ ॥ 1 ॥

ಅಸಾಧ್ಯಾಃ ಕಷ್ಟಸಾಧ್ಯಾಶ್ಚ ಮಹಾರೋಗಾ ಭಯಙ್ಕರಾಃ ।
ಶೀಘ್ರಂ ನಶ್ಯನ್ತಿ ಪಠನಾದಸ್ಯಾಯುಶ್ಚ ಪ್ರವರ್ಧತೇ ॥ 2 ॥

ಶಾಕಿನೀಡಾಕಿನೀದೋಷಾಃ ಕುದೃಷ್ಟಿಗ್ರಹಶತ್ರುಜಾಃ ।
ಪ್ರೇತವೇತಾಲಯಕ್ಷೋತ್ಥಾ ಬಾಧಾ ನಶ್ಯನ್ತಿ ಚಾಖಿಲಾಃ ॥ 3 ॥

ದುರಿತಾನಿ ಸಮಸ್ತಾನಿ ನಾನಾಜನ್ಮೋದ್ಭವಾನಿ ಚ ।
ಸಂಸರ್ಗಜವಿಕಾರಾಣಿ ವಿಲೀಯನ್ತೇಽಸ್ಯ ಪಾಠತಃ ॥ 4 ॥

ಸರ್ವೋಪದ್ರವನಾಶಾಯ ಸರ್ವಬಾಧಾಪ್ರಶಾನ್ತಯೇ ।
ಆಯುಃ ಪ್ರವೃದ್ಧಯೇ ಚೈತತ್ ಸ್ತೋತ್ರಂ ಪರಮಮದ್ಭುತಮ್ ॥ 5 ॥

ಬಾಲಗ್ರಹಾಭಿಭೂತಾನಾಂ ಬಾಲಾನಾಂ ಸುಖದಾಯಕಮ್ ।
ಸರ್ವಾರಿಷ್ಟಹರಂ ಚೈತದ್ಬಲಪುಷ್ಟಿಕರಂ ಪರಮ್ ॥ 6 ॥

ಬಾಲಾನಾಂ ಜೀವನಾಯೈತತ್ ಸ್ತೋತ್ರಂ ದಿವ್ಯಂ ಸುಧೋಪಮಮ್ ।
ಮೃತವತ್ಸತ್ವಹರಣಂ ಚಿರಞ್ಜೀವಿತ್ವಕಾರಕಮ್ ॥ 7 ॥

ಮಹಾರೋಗಾಭಿಭೂತಾನಾಂ ಭಯವ್ಯಾಕುಲಿತಾತ್ಮನಾಮ್ ।
ಸರ್ವಾಧಿವ್ಯಾಧಿಹರಣಂ ಭಯಘ್ನಮಮೃತೋಪಮಮ್ ॥ 8 ॥

ಅಲ್ಪಮೃತ್ಯುಶ್ಚಾಪಮೃತ್ಯುಃ ಪಾಠಾದಸ್ಯಃ ಪ್ರಣಶ್ಯತಿ ।
ಜಲಾಽಗ್ನಿವಿಷಶಸ್ತ್ರಾರಿ ನ ಹಿ ಶೃಙ್ಗಿ ಭಯಂ ತಥಾ ॥ 9 ॥

ಗರ್ಭರಕ್ಷಾಕರಂ ಸ್ತ್ರೀಣಾಂ ಬಾಲಾನಾಂ ಜೀವನಪ್ರದಮ್ ।
ಮಹಾರೋಗಹರಂ ನೄಣಾಮಲ್ಪಮೃತ್ಯುಹರಂ ಪರಮ್ ॥ 10 ॥

ಬಾಲಾ ವೃದ್ಧಾಶ್ಚ ತರುಣಾ ನರಾ ನಾರ್ಯಶ್ಚ ದುಃಖಿತಾಃ ।
ಭವನ್ತಿ ಸುಖಿನಃ ಪಾಠಾದಸ್ಯ ಲೋಕೇ ಚಿರಾಯುಷಃ ॥ 11 ॥

ಅಸ್ಮಾತ್ಪರತರಂ ನಾಸ್ತಿ ಜೀವನೋಪಾಯ ಐಹಿಕಃ ।
ತಸ್ಮಾತ್ ಸರ್ವಪ್ರಯತ್ನೇನ ಪಾಠಮಸ್ಯ ಸಮಾಚರೇತ್ ॥ 12 ॥

ಅಯುತಾವೃತ್ತಿಕಂ ವಾಥ ಸಹಸ್ರಾವೃತ್ತಿಕಂ ತಥಾ ।
ತದರ್ಧಂ ವಾ ತದರ್ಧಂ ವಾ ಪಠೇದೇತಚ್ಚ ಭಕ್ತಿತಃ ॥ 13 ॥

ಕಲಶೇ ವಿಷ್ಣುಮಾರಾಧ್ಯ ದೀಪಂ ಪ್ರಜ್ವಾಲ್ಯ ಯತ್ನತಃ ।
ಸಾಯಂ ಪ್ರಾತಶ್ಚ ವಿಧಿವತ್ ಸ್ತೋತ್ರಮೇತತ್ ಪಠೇತ್ ಸುಧೀಃ ॥ 14 ॥

ಸರ್ಪಿಷಾ ಹವಿಷಾ ವಾಽಪಿ ಸಂಯಾವೇನಾಥ ಭಕ್ತಿತಃ ।
ದಶಾಂಶಮಾನತೋ ಹೋಮಂ ಕುರ್ಯಾತ್ ಸರ್ವಾರ್ಥಸಿದ್ಧಯೇ ॥ 15 ॥

ಅಥ ಸ್ತೋತ್ರಮ್

ನಮೋ ನಮೋ ವಿಶ್ವವಿಭಾವನಾಯ
ನಮೋ ನಮೋ ಲೋಕಸುಖಪ್ರದಾಯ ।
ನಮೋ ನಮೋ ವಿಶ್ವಸೃಜೇಶ್ವರಾಯ
ನಮೋ ನಮೋ ಮುಕ್ತಿವರಪ್ರದಾಯ ॥ 1 ॥

ನಮೋ ನಮಸ್ತೇಽಖಿಲಲೋಕಪಾಯ
ನಮೋ ನಮಸ್ತೇಽಖಿಲಕಾಮದಾಯ ।
ನಮೋ ನಮಸ್ತೇಽಖಿಲಕಾರಣಾಯ
ನಮೋ ನಮಸ್ತೇಽಖಿಲರಕ್ಷಕಾಯ ॥ 2 ॥

ನಮೋ ನಮಸ್ತೇ ಸಕಲಾರ್ತಿಹರ್ತ್ರೇ
ನಮೋ ನಮಸ್ತೇ ವಿರುಜಃ ಪ್ರಕರ್ತ್ರೇ ।
ನಮೋ ನಮಸ್ತೇಽಖಿಲವಿಶ್ವಧರ್ತ್ರೇ
ನಮೋ ನಮಸ್ತೇಽಖಿಲಲೋಕಭರ್ತ್ರೇ ॥ 3 ॥

ಸೃಷ್ಟಂ ದೇವ ಚರಾಚರಂ ಜಗದಿದಂ ಬ್ರಹ್ಮಸ್ವರೂಪೇಣ ತೇ
ಸರ್ವಂ ತತ್ಪರಿಪಾಲ್ಯತೇ ಜಗದಿದಂ ವಿಷ್ಣುಸ್ವರೂಪೇಣ ತೇ ।
ವಿಶ್ವಂ ಸಂಹ್ರಿತಯೇ ತದೇವ ನಿಖಿಲಂ ರುದ್ರಸ್ವರೂಪೇಣ ತೇ
ಸಂಸಿಚ್ಯಾಮೃತಶೀಕರೈರ್ಹರ ಮಹಾರಿಷ್ಟಂ ಚಿರಂ ಜೀವಯ ॥ 4 ॥

ಯೋ ಧನ್ವನ್ತರಿಸಞ್ಜ್ಞಯಾ ನಿಗದಿತಃ ಕ್ಷೀರಾಬ್ಧಿತೋ ನಿಃಸೃತೋ
ಹಸ್ತಾಭ್ಯಾಂ ಜನಜೀವನಾಯ ಕಲಶಂ ಪೀಯೂಷಪೂರ್ಣಂ ದಧತ್ ।
ಆಯುರ್ವೇದಮರೀರಚಜ್ಜನರುಜಾಂ ನಾಶಾಯ ಸ ತ್ವಂ ಮುದಾ
ಸಂಸಿಚ್ಯಾಮೃತಶೀಕರೈರ್ಹರ ಮಹಾರಿಷ್ಟಂ ಚಿರಂ ಜೀವಯ ॥ 5 ॥

ಸ್ತ್ರೀರೂಪಂ ವರಭೂಷಣಾಮ್ಬರಧರಂ ತ್ರೈಲೋಕ್ಯಸಮ್ಮೋಹನಂ
ಕೃತ್ವಾ ಪಾಯಯತಿ ಸ್ಮ ಯಃ ಸುರಗಣಾನ್ ಪೀಯೂಷಮತ್ಯುತ್ತಮಮ್ ।
ಚಕ್ರೇ ದೈತ್ಯಗಣಾನ್ ಸುಧಾವಿರಹಿತಾನ್ ಸಮ್ಮೋಹ್ಯ ಸ ತ್ವಂ ಮುದಾ
ಸಂಸಿಚ್ಯಾಮೃತಶೀಕರೈರ್ಹರ ಮಹಾರಿಷ್ಟಂ ಚಿರಂ ಜೀವಯ ॥ 6 ॥

ಚಾಕ್ಷುಷೋದಧಿಸಮ್ಪ್ಲಾವ ಭೂವೇದಪ ಝಷಾಕೃತೇ ।
ಸಿಞ್ಚ ಸಿಞ್ಚಾಮೃತಕಣೈಶ್ಚಿರಂ ಜೀವಯ ಜೀವಯ ॥ 7 ॥

ಪೃಷ್ಠಮನ್ದರನಿರ್ಘೂರ್ಣನಿದ್ರಾಕ್ಷ ಕಮಠಾಕೃತೇ ।
ಸಿಞ್ಚ ಸಿಞ್ಚಾಮೃತಕಣೈಶ್ಚಿರಂ ಜೀವಯ ಜೀವಯ ॥ 8 ॥

ಯಾಞ್ಚಾಚ್ಛಲಬಲಿತ್ರಾಸಮುಕ್ತನಿರ್ಜರ ವಾಮನ ।
ಸಿಞ್ಚ ಸಿಞ್ಚಾಮೃತಕಣೈಶ್ಚಿರಂ ಜೀವಯ ಜೀವಯ ॥ 9 ॥

ಧರೋದ್ಧಾರ ಹಿರಣ್ಯಾಕ್ಷಘಾತ ಕ್ರೋಡಾಕೃತೇ ಪ್ರಭೋ ।
ಸಿಞ್ಚ ಸಿಞ್ಚಾಮೃತಕಣೈಶ್ಚಿರಂ ಜೀವಯ ಜೀವಯ ॥ 10 ॥

ಭಕ್ತತ್ರಾಸವಿನಾಶಾತ್ತಚಣ್ಡತ್ವ ನೃಹರೇ ವಿಭೋ ।
ಸಿಞ್ಚ ಸಿಞ್ಚಾಮೃತಕಣೈಶ್ಚಿರಂ ಜೀವಯ ಜೀವಯ ॥ 11 ॥

ಕ್ಷತ್ರಿಯಾರಣ್ಯಸಞ್ಛೇದಕುಠಾರಕರರೈಣುಕ ।
ಸಿಞ್ಚ ಸಿಞ್ಚಾಮೃತಕಣೈಶ್ಚಿರಂ ಜೀವಯ ಜೀವಯ ॥ 12 ॥

ರಕ್ಷೋರಾಜಪ್ರತಾಪಾಬ್ಧಿಶೋಷಣಾಶುಗ ರಾಘವ ।
ಸಿಞ್ಚ ಸಿಞ್ಚಾಮೃತಕಣೈಶ್ಚಿರಂ ಜೀವಯ ಜೀವಯ ॥ 13 ॥

ಭೂಭಾರಾಸುರಸನ್ದೋಹಕಾಲಾಗ್ನೇ ರುಕ್ಮಿಣೀಪತೇ ।
ಸಿಞ್ಚ ಸಿಞ್ಚಾಮೃತಕಣೈಶ್ಚಿರಂ ಜೀವಯ ಜೀವಯ ॥ 14 ॥

ವೇದಮಾರ್ಗರತಾನರ್ಹವಿಭ್ರಾನ್ತ್ಯೈ ಬುದ್ಧರೂಪಧೃಕ್ ।
ಸಿಞ್ಚ ಸಿಞ್ಚಾಮೃತಕಣೈಶ್ಚಿರಂ ಜೀವಯ ಜೀವಯ ॥ 15 ॥

ಕಲಿವರ್ಣಾಶ್ರಮಾಸ್ಪಷ್ಟಧರ್ಮರ್ಧ್ಯೈ ಕಲ್ಕಿರೂಪಭಾಕ್ ।
ಸಿಞ್ಚ ಸಿಞ್ಚಾಮೃತಕಣೈಶ್ಚಿರಂ ಜೀವಯ ಜೀವಯ ॥ 16 ॥

ಅಸಾಧ್ಯಾಃ ಕಷ್ಟಸಾಧ್ಯಾ ಯೇ ಮಹಾರೋಗಾ ಭಯಙ್ಕರಾಃ ।
ಛಿನ್ಧಿ ತಾನಾಶು ಚಕ್ರೇಣ ಚಿರಂ ಜೀವಯ ಜೀವಯ ॥ 17 ॥

ಅಲ್ಪಮೃತ್ಯುಂ ಚಾಪಮೃತ್ಯುಂ ಮಹೋತ್ಪಾತಾನುಪದ್ರವಾನ್ ।
ಭಿನ್ಧಿ ಭಿನ್ಧಿ ಗದಾಘಾತೈಶ್ಚಿರಂ ಜೀವಯ ಜೀವಯ ॥ 18 ॥

ಅಹಂ ನ ಜಾನೇ ಕಿಮಪಿ ತ್ವದನ್ಯತ್
ಸಮಾಶ್ರಯೇ ನಾಥ ಪದಾಮ್ಬುಜಂ ತೇ ।
ಕುರುಷ್ವ ತದ್ಯನ್ಮನಸೀಪ್ಸಿತಂ ತೇ
ಸುಕರ್ಮಣಾ ಕೇನ ಸಮಕ್ಷಮೀಯಾಮ್ ॥ 19 ॥

ತ್ವಮೇವ ತಾತೋ ಜನನೀ ತ್ವಮೇವ
ತ್ವಮೇವ ನಾಥಶ್ಚ ತ್ವಮೇವ ಬನ್ಧುಃ ।
ವಿದ್ಯಾಧನಾಗಾರಕುಲಂ ತ್ವಮೇವ
ತ್ವಮೇವ ಸರ್ವಂ ಮಮ ದೇವದೇವ ॥ 20 ॥

ನ ಮೇಽಪರಾಧಂ ಪ್ರವಿಲೋಕಯ ಪ್ರಭೋ-
-ಽಪರಾಧಸಿನ್ಧೋಶ್ಚ ದಯಾನಿಧಿಸ್ತ್ವಮ್ ।
ತಾತೇನ ದುಷ್ಟೋಽಪಿ ಸುತಃ ಸುರಕ್ಷತೇ
ದಯಾಲುತಾ ತೇಽವತು ಸರ್ವದಾಽಸ್ಮಾನ್ ॥ 21 ॥

ಅಹಹ ವಿಸ್ಮರ ನಾಥ ನ ಮಾಂ ಸದಾ
ಕರುಣಯಾ ನಿಜಯಾ ಪರಿಪೂರಿತಃ ।
ಭುವಿ ಭವಾನ್ ಯದಿ ಮೇ ನ ಹಿ ರಕ್ಷಕಃ
ಕಥಮಹೋ ಮಮ ಜೀವನಮತ್ರ ವೈ ॥ 22 ॥

ದಹ ದಹ ಕೃಪಯಾ ತ್ವಂ ವ್ಯಾಧಿಜಾಲಂ ವಿಶಾಲಂ
ಹರ ಹರ ಕರವಾಲಂ ಚಾಲ್ಪಮೃತ್ಯೋಃ ಕರಾಲಮ್ ।
ನಿಜಜನಪರಿಪಾಲಂ ತ್ವಾಂ ಭಜೇ ಭಾವಯಾಲಂ
ಕುರು ಕುರು ಬಹುಕಾಲಂ ಜೀವಿತಂ ಮೇ ಸದಾಽಲಮ್ ॥ 23 ॥

ನ ಯತ್ರ ಧರ್ಮಾಚರಣಂ ನ ಜಾನಂ
ವ್ರತಂ ನ ಯೋಗೋ ನ ಚ ವಿಷ್ಣುಚರ್ಚಾ ।
ನ ಪಿತೃಗೋವಿಪ್ರವರಾಮರಾರ್ಚಾ
ಸ್ವಲ್ಪಾಯುಷಸ್ತತ್ರ ಜನಾ ಭವನ್ತಿ ॥ 24 ॥

ಅಥ ಮನ್ತ್ರಮ್
ಕ್ಲೀಂ ಶ್ರೀಂ ಕ್ಲೀಂ ಶ್ರೀಂ ನಮೋ ಭಗವತೇ ಜನಾರ್ದನಾಯ ಸಕಲ ದುರಿತಾನಿ ನಾಶಯ ನಾಶಯ ।
ಕ್ಷ್ರೌಂ ಆರೋಗ್ಯಂ ಕುರು ಕುರು । ಹ್ರೀಂ ದೀರ್ಘಮಾಯುರ್ದೇಹಿ ದೇಹಿ ಸ್ವಾಹಾ ॥

ಫಲಶ್ರುತಿಃ
ಅಸ್ಯ ಧಾರಣತೋ ಜಾಪಾದಲ್ಪಮೃತ್ಯುಃ ಪ್ರಶಾಮ್ಯತಿ ।
ಗರ್ಭರಕ್ಷಾಕರಂ ಸ್ತ್ರೀಣಾಂ ಬಾಲಾನಾಂ ಜೀವನಂ ಪರಮ್ ॥ 1 ॥

ಶತಂ ಪಞ್ಚಾಶತಂ ಶಕ್ತ್ಯಾಽಥವಾ ಪಞ್ಚಾಧಿವಿಂಶತಿಮ್ ।
ಪುಸ್ತಕಾನಾಂ ದ್ವಿಜೇಭ್ಯಸ್ತು ದದ್ಯಾದ್ದೀರ್ಘಾಯುಷಾಪ್ತಯೇ ॥ 2 ॥

ಭೂರ್ಜಪತ್ರೇ ವಿಲಿಖ್ಯೇದಂ ಕಣ್ಠೇ ವಾ ಬಾಹುಮೂಲಕೇ ।
ಸನ್ಧಾರಯೇದ್ಗರ್ಭರಕ್ಷಾ ಬಾಲರಕ್ಷಾ ಚ ಜಾಯತೇ ॥ 3 ॥

ಸರ್ವೇ ರೋಗಾ ವಿನಶ್ಯನ್ತಿ ಸರ್ವಾ ಬಾಧಾಃ ಪ್ರಶಾಮ್ಯತಿ ।
ಕುದೃಷ್ಟಿಜಂ ಭಯಂ ನಶ್ಯೇತ್ ತಥಾ ಪ್ರೇತಾದಿಜಂ ಭಯಮ್ ॥ 4 ॥

ಮಯಾ ಕಥಿತಮೇತತ್ತೇಽಮೃತಸಞ್ಜೀವನಂ ಪರಮ್ ।
ಅಲ್ಪಮೃತ್ಯುಹರಂ ಸ್ತೋತ್ರಂ ಮೃತವತ್ಸತ್ವನಾಶನಮ್ ॥ 5 ॥

ಇತಿ ಸುದರ್ಶನಸಂಹಿತೋಕ್ತಂ ಅಮೃತಸಞ್ಜೀವನ ಧನ್ವನ್ತರಿ ಸ್ತೋತ್ರಮ್ ॥

ಅಮೃತ ಸಞ್ಜೀವನಿ ಧನ್ವನ್ತರೀ ಸ್ತೋತ್ರಮ್

Explore More

More Dhanvantari Stotras

Explore More