মুহূৰ্তমপি জীৱেচ্চ নৰঃ শুক্লেন কৰ্মণা ।
ন কল্পমপি কষ্টেন লোকদ্ৱযৱিৰোধিনা ॥ 01 ॥
ন কল্পমপি কষ্টেন লোকদ্ৱযৱিৰোধিনা ॥ 01 ॥
গতে শোকো ন কৰ্তৱ্যো ভৱিষ্যং নৈৱ চিন্তযেত্ ।
ৱৰ্তমানেন কালেন ৱৰ্তযন্তি ৱিচক্ষণাঃ ॥ 02 ॥
ৱৰ্তমানেন কালেন ৱৰ্তযন্তি ৱিচক্ষণাঃ ॥ 02 ॥
স্ৱভাৱেন হি তুষ্যন্তি দেৱাঃ সত্পুৰুষাঃ পিতা ।
জ্ঞাতযঃ স্নানপানাভ্যাং ৱাক্যদানেন পণ্ডিতাঃ ॥ 03 ॥
জ্ঞাতযঃ স্নানপানাভ্যাং ৱাক্যদানেন পণ্ডিতাঃ ॥ 03 ॥
আযুঃ কৰ্ম চ ৱিত্তং চ ৱিদ্যা নিধনমেৱ চ ।
পঞ্চৈতানি হি সৃজ্যন্তে গৰ্ভস্থস্যৈৱ দেহিনঃ ॥ 04 (4.1) ॥
পঞ্চৈতানি হি সৃজ্যন্তে গৰ্ভস্থস্যৈৱ দেহিনঃ ॥ 04 (4.1) ॥
অহো বত ৱিচিত্ৰাণি চৰিতানি মহাত্মনাম্ ।
লক্ষ্মীং তৃণায মন্যন্তে তদ্ভাৰেণ নমন্তি চ ॥ 05 ॥
লক্ষ্মীং তৃণায মন্যন্তে তদ্ভাৰেণ নমন্তি চ ॥ 05 ॥
যস্য স্নেহো ভযং তস্য স্নেহো দুঃখস্য ভাজনম্ ।
স্নেহমূলানি দুঃখানি তানি ত্যক্ত্ৱা ৱসেত্ সুখম্ ॥ 06 ॥
স্নেহমূলানি দুঃখানি তানি ত্যক্ত্ৱা ৱসেত্ সুখম্ ॥ 06 ॥
অনাগতৱিধাতা চ প্ৰত্যুত্পন্নমতিস্তথা ।
দ্ৱাৱেতৌ সুখমেধেতে যদ্ভৱিষ্যো ৱিনশ্যতি ॥ 07 ॥
দ্ৱাৱেতৌ সুখমেধেতে যদ্ভৱিষ্যো ৱিনশ্যতি ॥ 07 ॥
ৰাজ্ঞি ধৰ্মিণি ধৰ্মিষ্ঠাঃ পাপে পাপাঃ সমে সমাঃ ।
ৰাজানমনুৱৰ্তন্তে যথা ৰাজা তথা প্ৰজাঃ ॥ 08 ॥
ৰাজানমনুৱৰ্তন্তে যথা ৰাজা তথা প্ৰজাঃ ॥ 08 ॥
জীৱন্তং মৃতৱন্মন্যে দেহিনং ধৰ্মৱৰ্জিতম্ ।
মৃতো ধৰ্মেণ সংযুক্তো দীৰ্ঘজীৱী ন সংশযঃ ॥ 09 ॥
মৃতো ধৰ্মেণ সংযুক্তো দীৰ্ঘজীৱী ন সংশযঃ ॥ 09 ॥
ধৰ্মাৰ্থকামমোক্ষাণাং যস্যৈকোঽপি ন ৱিদ্যতে ।
অজাগলস্তনস্যেৱ তস্য জন্ম নিৰৰ্থকম্ ॥ 10 ॥
অজাগলস্তনস্যেৱ তস্য জন্ম নিৰৰ্থকম্ ॥ 10 ॥
দহ্যমানাঃ সুতীৱ্ৰেণ নীচাঃ পৰযশোঽগ্নিনা ।
অশক্তাস্তত্পদং গন্তুং ততো নিণ্ডাং প্ৰকুৰ্ৱতে ॥ 11 ॥
অশক্তাস্তত্পদং গন্তুং ততো নিণ্ডাং প্ৰকুৰ্ৱতে ॥ 11 ॥
বন্ধায ৱিষযাসঙ্গো মুক্ত্যৈ নিৰ্ৱিষযং মনঃ ।
মন এৱ মনুষ্যাণাং কাৰণং বন্ধমোক্ষযোঃ ॥ 12 ॥
মন এৱ মনুষ্যাণাং কাৰণং বন্ধমোক্ষযোঃ ॥ 12 ॥
দেহাভিমানে গলিতং জ্ঞানেন পৰমাত্মনি ।
যত্ৰ যত্ৰ মনো যাতি তত্ৰ তত্ৰ সমাধযঃ ॥ 13 ॥
যত্ৰ যত্ৰ মনো যাতি তত্ৰ তত্ৰ সমাধযঃ ॥ 13 ॥
ঈপ্সিতং মনসঃ সৰ্ৱং কস্য সম্পদ্যতে সুখম্ ।
দৈৱাযত্তং যতঃ সৰ্ৱং তস্মাত্সন্তোষমাশ্ৰযেত্ ॥ 14 ॥
দৈৱাযত্তং যতঃ সৰ্ৱং তস্মাত্সন্তোষমাশ্ৰযেত্ ॥ 14 ॥
যথা ধেনুসহস্ৰেষু ৱত্সো গচ্ছতি মাতৰম্ ।
তথা যচ্চ কৃতং কৰ্ম কৰ্তাৰমনুগচ্ছতি ॥ 15 ॥
তথা যচ্চ কৃতং কৰ্ম কৰ্তাৰমনুগচ্ছতি ॥ 15 ॥
অনৱস্থিতকাৰ্যস্য ন জনে ন ৱনে সুখম্ ।
জনো দহতি সংসৰ্গাদ্ৱনং সঙ্গৱিৱৰ্জনাত্ ॥ 16 ॥
জনো দহতি সংসৰ্গাদ্ৱনং সঙ্গৱিৱৰ্জনাত্ ॥ 16 ॥
খনিত্ৱা হি খনিত্ৰেণ ভূতলে ৱাৰি ৱিন্দতি ।
তথা গুৰুগতাং ৱিদ্যাং শুশ্ৰূষুৰধিগচ্ছতি ॥ 17 ॥
তথা গুৰুগতাং ৱিদ্যাং শুশ্ৰূষুৰধিগচ্ছতি ॥ 17 ॥
কৰ্মাযত্তং ফলং পুংসাং বুদ্ধিঃ কৰ্মানুসাৰিণী ।
তথাপি সুধিযশ্চাৰ্যা সুৱিচাৰ্যৈৱ কুৰ্ৱতে ॥ 18 ॥
তথাপি সুধিযশ্চাৰ্যা সুৱিচাৰ্যৈৱ কুৰ্ৱতে ॥ 18 ॥
একাক্ষৰপ্ৰদাতাৰং যো গুৰুং নাভিৱন্দতে ।
শ্ৱানযোনিশতং গত্ৱা চাণ্ডালেষ্ৱভিজাযতে ॥ 19 ॥
শ্ৱানযোনিশতং গত্ৱা চাণ্ডালেষ্ৱভিজাযতে ॥ 19 ॥
যুগান্তে প্ৰচলেন্মেৰুঃ কল্পান্তে সপ্ত সাগৰাঃ ।
সাধৱঃ প্ৰতিপন্নাৰ্থান্ন চলন্তি কদাচন ॥ 20 ॥
সাধৱঃ প্ৰতিপন্নাৰ্থান্ন চলন্তি কদাচন ॥ 20 ॥
পৃথিৱ্যাং ত্ৰীণি ৰত্নানি জলমন্নং সুভাষিতম্ ।
মূঢৈঃ পাষাণখণ্ডেষু ৰত্নসঞ্জ্ঞা ৱিধীযতে ॥ 21 ॥
মূঢৈঃ পাষাণখণ্ডেষু ৰত্নসঞ্জ্ঞা ৱিধীযতে ॥ 21 ॥