শ্ৰীভগৱানুৱাচ ।
জ্ঞানং পৰমগুহ্যং মে যদ্ৱিজ্ঞানসমন্ৱিতম্ ।
সৰহস্যং তদঙ্গং চ গৃহাণ গদিতং মযা ॥ 1 ॥
সৰহস্যং তদঙ্গং চ গৃহাণ গদিতং মযা ॥ 1 ॥
যাৱানহং যথাভাৱো যদ্ৰূপগুণকৰ্মকঃ ।
তথৈৱ তত্ত্ৱৱিজ্ঞানমস্তু তে মদনুগ্ৰহাত্ ॥ 2 ॥
তথৈৱ তত্ত্ৱৱিজ্ঞানমস্তু তে মদনুগ্ৰহাত্ ॥ 2 ॥
অহমেৱাসমেৱাগ্ৰে নান্যদ্যত্সদসত্পৰম্ ।
পশ্চাদহং যদেতচ্চ যোঽৱশিষ্যেত সোঽস্ম্যহম্ ॥ 3 ॥
পশ্চাদহং যদেতচ্চ যোঽৱশিষ্যেত সোঽস্ম্যহম্ ॥ 3 ॥
ঋতেঽৰ্থং যত্প্ৰতীযেত ন প্ৰতীযেত চাত্মনি ।
তদ্ৱিদ্যাদাত্মনো মাযাং যথাঽভাসো যথা তমঃ ॥ 4 ॥
তদ্ৱিদ্যাদাত্মনো মাযাং যথাঽভাসো যথা তমঃ ॥ 4 ॥
যথা মহান্তি ভূতানি ভূতেষূচ্চাৱচেষ্ৱনু ।
প্ৰৱিষ্টান্যপ্ৰৱিষ্টানি তথা তেষু ন তেষ্ৱহম্ ॥ 5 ॥
প্ৰৱিষ্টান্যপ্ৰৱিষ্টানি তথা তেষু ন তেষ্ৱহম্ ॥ 5 ॥
এতাৱদেৱ জিজ্ঞাস্যং তত্ত্ৱজিজ্ঞাসুনাঽত্মনঃ ।
অন্ৱযৱ্যতিৰেকাভ্যাং যত্স্যাত্সৰ্ৱত্ৰ সৰ্ৱদা ॥ 6 ॥
অন্ৱযৱ্যতিৰেকাভ্যাং যত্স্যাত্সৰ্ৱত্ৰ সৰ্ৱদা ॥ 6 ॥
এতন্মতং সমাতিষ্ঠ পৰমেণ সমাধিনা ।
ভৱান্কল্পৱিকল্পেষু ন ৱিমুহ্যতি কৰ্হিচিত্ ॥ 7 ॥
ভৱান্কল্পৱিকল্পেষু ন ৱিমুহ্যতি কৰ্হিচিত্ ॥ 7 ॥
ইতি শ্ৰীমদ্ভাগৱতে মহাপুৰাণেঽষ্টাদশসাহস্ৰ্যাং
সংহিতাযাং ৱৈযসিক্যাং দ্ৱিতীযস্কন্ধে ভগৱদ্ব্ৰহ্মসংৱাদে
নৱমাধ্যাযান্তৰ্গতং চতুঃশ্লোকীভাগৱতং সমাপ্তম্ . ।
ভাগৱতপুৰাণ . অধ্যায 2/9/30-36 . ।