What is Manidvipa Varnana - 1 (Devi Bhagavatam)?

Read Manidvipa Varnana - 1 (Devi Bhagavatam) in Assamese script — full lyrics with English meaning and transliteration. This stotra is an exquisite excerpt from the twelfth skandha of the Devi Bhagavatam, authored by Sage Vyasa. It vividly describes Manidvipa, the eternal and supreme abode of the Divine Mother, situated beyond all other celestial realms. As the highest manifestation of the Goddess's creative will, Manidvipa serves as the ultimate spiritual sanctuary. Devotees who contemplate or chant these verses are believed to attain profound inner purification, gain liberation from the cycle of worldly suffering, and experience the grace of the Supreme Mother, ultimately aligning their consciousness with the transcendent beauty and peace of her heavenly residence.

Which deity is Manidvipa Varnana - 1 (Devi Bhagavatam) dedicated to?

Manidvipa Varnana - 1 (Devi Bhagavatam) is a Sanskrit hymn dedicated to Goddess Durga.

Who composed Manidvipa Varnana - 1 (Devi Bhagavatam)?

Manidvipa Varnana - 1 (Devi Bhagavatam) is traditionally attributed to From Devi Bhagavatam.

Manidvipa Varnana - 1 (Devi Bhagavatam) in Assamese

(শ্ৰীদেৱীভাগৱতং, দ্ৱাদশ স্কন্ধং, দশমোঽধ্যাযঃ, , মণিদ্ৱীপ ৱৰ্ণন - 1)

ৱ্যাস উৱাচ–

ব্ৰহ্মলোকাদূৰ্ধ্ৱভাগে সৰ্ৱলোকোঽস্তি যঃ শ্ৰুতঃ ।
মণিদ্ৱীপঃ স এৱাস্তি যত্ৰ দেৱী ৱিৰাজতে ॥ 1 ॥

সৰ্ৱস্মাদধিকো যস্মাত্সৰ্ৱলোকস্ততঃ স্মৃতঃ ।
পুৰা পৰাম্বযৈৱাযং কল্পিতো মনসেচ্ছযা ॥ 2 ॥

সৰ্ৱাদৌ নিজৱাসাৰ্থং প্ৰকৃত্যা মূলভূতযা ।
কৈলাসাদধিকো লোকো ৱৈকুণ্ঠাদপি চোত্তমঃ ॥ 3 ॥

গোলোকাদপি সৰ্ৱস্মাত্সৰ্ৱলোকোঽধিকঃ স্মৃতঃ ।
নৈতত্সমং ত্ৰিলোক্যাং তু সুন্দৰং ৱিদ্যতে ক্ৱচিত্ ॥ 4 ॥

ছত্ৰীভূতং ত্ৰিজগতো ভৱসন্তাপনাশকম্ ।
ছাযাভূতং তদেৱাস্তি ব্ৰহ্মাণ্ডানাং তু সত্তম ॥ 5 ॥

বহুযোজনৱিস্তীৰ্ণো গম্ভীৰস্তাৱদেৱ হি ।
মণিদ্ৱীপস্য পৰিতো ৱৰ্ততে তু সুধোদধিঃ ॥ 6 ॥

মৰুত্সঙ্ঘট্টনোত্কীৰ্ণতৰঙ্গ শতসঙ্কুলঃ ।
ৰত্নাচ্ছৱালুকাযুক্তো ঝষশঙ্খসমাকুলঃ ॥ 7 ॥

ৱীচিসঙ্ঘৰ্ষসঞ্জাতলহৰীকণশীতলঃ ।
নানাধ্ৱজসমাযুক্তা নানাপোতগতাগতৈঃ ॥ 8 ॥

ৱিৰাজমানঃ পৰিতস্তীৰৰত্নদ্ৰুমো মহান্ ।
তদুত্তৰমযোধাতুনিৰ্মিতো গগনে ততঃ ॥ 9 ॥

সপ্তযোজনৱিস্তীৰ্ণঃ প্ৰাকাৰো ৱৰ্ততে মহান্ ।
নানাশস্ত্ৰপ্ৰহৰণা নানাযুদ্ধৱিশাৰদাঃ ॥ 10 ॥

ৰক্ষকা নিৱসন্ত্যত্ৰ মোদমানাঃ সমন্ততঃ ।
চতুৰ্দ্ৱাৰসমাযুক্তো দ্ৱাৰপালশতান্ৱিতঃ ॥ 11 ॥

নানাগণৈঃ পৰিৱৃতো দেৱীভক্তিযুতৈৰ্নৃপ ।
দৰ্শনাৰ্থং সমাযান্তি যে দেৱা জগদীশিতুঃ ॥ 12 ॥

তেষাং গণা ৱসন্ত্যত্ৰ ৱাহনানি চ তত্ৰ হি ।
ৱিমানশতসঙ্ঘৰ্ষঘণ্টাস্ৱনসমাকুলঃ ॥ 13 ॥

হযহেষাখুৰাঘাতবধিৰীকৃতদিম্মুখঃ ।
গণৈঃ কিলকিলাৰাৱৈৰ্ৱেত্ৰহস্তৈশ্চ তাডিতাঃ ॥ 14 ॥

সেৱকা দেৱসঙ্গানাং ভ্ৰাজন্তে তত্ৰ ভূমিপ ।
তস্মিঙ্কোলাহলে ৰাজন্নশব্দঃ কেনচিত্ক্ৱচিত্ ॥ 15 ॥

কস্যচিচ্ছ্ৰূযতেঽত্যন্তং নানাধ্ৱনিসমাকুলে ।
পদে পদে মিষ্টৱাৰিপৰিপূৰ্ণসৰান্সি চ ॥ 16 ॥

ৱাটিকা ৱিৱিধা ৰাজন্ ৰত্নদ্ৰুমৱিৰাজিতাঃ ।
তদুত্তৰং মহাসাৰধাতুনিৰ্মিতমণ্ডলঃ ॥ 17 ॥

সালোঽপৰো মহানস্তি গগনস্পৰ্শি যচ্ছিৰঃ ।
তেজসা স্যাচ্ছতগুণঃ পূৰ্ৱসালাদযং পৰঃ ॥ 18 ॥

গোপুৰদ্ৱাৰসহিতো বহুৱৃক্ষসমন্ৱিতঃ ।
যা ৱৃক্ষজাতযঃ সন্তি সৰ্ৱাস্তাস্তত্ৰ সন্তি চ ॥ 19 ॥

নিৰন্তৰং পুষ্পযুতাঃ সদা ফলসমন্ৱিতাঃ ।
নৱপল্লৱসংযুক্তাঃ পৰসৌৰভসঙ্কুলাঃ ॥ 20 ॥

পনসা বকুলা লোধ্ৰাঃ কৰ্ণিকাৰাশ্চ শিংশপাঃ ।
দেৱদাৰুকাঞ্চনাৰা আম্ৰাশ্চৈৱ সুমেৰৱঃ ॥ 21 ॥

লিকুচা হিঙ্গুলাশ্চৈলা লৱঙ্গাঃ কট্ফলাস্তথা ।
পাটলা মুচুকুন্দাশ্চ ফলিন্যো জঘনেফলাঃ ॥ 22 ॥

তালাস্তমালাঃ সালাশ্চ কঙ্কোলা নাগভদ্ৰকাঃ ।
পুন্নাগাঃ পীলৱঃ সাল্ৱকা ৱৈ কৰ্পূৰশাখিনঃ ॥ 23 ॥

অশ্ৱকৰ্ণা হস্তিকৰ্ণাস্তালপৰ্ণাশ্চ দাডিমাঃ ।
গণিকা বন্ধুজীৱাশ্চ জম্বীৰাশ্চ কুৰণ্ডকাঃ ॥ 24 ॥

চাম্পেযা বন্ধুজীৱাশ্চ তথা ৱৈ কনকদ্ৰুমাঃ ।
কালাগুৰুদ্ৰুমাশ্চৈৱ তথা চন্দনপাদপাঃ ॥ 25 ॥

খৰ্জূৰা যূথিকাস্তালপৰ্ণ্যশ্চৈৱ তথেক্ষৱঃ ।
ক্ষীৰৱৃক্ষাশ্চ খদিৰাশ্চিঞ্চাভল্লাতকাস্তথা ॥ 26 ॥

ৰুচকাঃ কুটজা ৱৃক্ষা বিল্ৱৱৃক্ষাস্তথৈৱ চ ।
তুলসীনাং ৱনান্যেৱং মল্লিকানাং তথৈৱ চ ॥ 27 ॥

ইত্যাদিতৰুজাতীনাং ৱনান্যুপৱনানি চ ।
নানাৱাপীশতৈৰ্যুক্তান্যেৱং সন্তি ধৰাধিপ ॥ 28 ॥

কোকিলাৰাৱসংযুক্তা গুন্জদ্ভ্ৰমৰভূষিতাঃ ।
নিৰ্যাসস্ৰাৱিণঃ সৰ্ৱে স্নিগ্ধচ্ছাযাস্তৰূত্তমাঃ ॥ 29 ॥

নানাঋতুভৱা ৱৃক্ষা নানাপক্ষিসমাকুলাঃ ।
নানাৰসস্ৰাৱিণীভিৰ্নদীভিৰতিশোভিতাঃ ॥ 30 ॥

পাৰাৱতশুকৱ্ৰাতসাৰিকাপক্ষমাৰুতৈঃ ।
হংসপক্ষসমুদ্ভূত ৱাতৱ্ৰাতৈশ্চলদ্দ্ৰুমম্ ॥ 31 ॥

সুগন্ধগ্ৰাহিপৱনপূৰিতং তদ্ৱনোত্তমম্ ।
সহিতং হৰিণীযূথৈৰ্ধাৱমানৈৰিতস্ততঃ ॥ 32 ॥

নৃত্যদ্বৰ্হিকদম্বস্য কেকাৰাৱৈঃ সুখপ্ৰদৈঃ ।
নাদিতং তদ্ৱনং দিৱ্যং মধুস্ৰাৱি সমন্ততঃ ॥ 33 ॥

কাংস্যসালাদুত্তৰে তু তাম্ৰসালঃ প্ৰকীৰ্তিতঃ ।
চতুৰস্ৰসমাকাৰ উন্নত্যা সপ্তযোজনঃ ॥ 34 ॥

দ্ৱযোস্তু সালযোৰ্মধ্যে সম্প্ৰোক্তা কল্পৱাটিকা ।
যেষাং তৰূণাং পুষ্পাণি কাঞ্চনাভানি ভূমিপ ॥ 35 ॥

পত্ৰাণি কাঞ্চনাভানি ৰত্নবীজফলানি চ ।
দশযোজনগন্ধো হি প্ৰসৰ্পতি সমন্ততঃ ॥ 36 ॥

তদ্ৱনং ৰক্ষিতং ৰাজন্ৱসন্তেনৰ্তুনানিশম্ ।
পুষ্পসিংহাসনাসীনঃ পুষ্পচ্ছত্ৰৱিৰাজিতঃ ॥ 37 ॥

পুষ্পভূষাভূষিতশ্চ পুষ্পাসৱৱিঘূৰ্ণিতঃ ।
মধুশ্ৰীৰ্মাধৱশ্ৰীশ্চ দ্ৱে ভাৰ্যে তস্য সম্মতে ॥ 38 ॥

ক্ৰীডতঃ স্মেৰৱদনে সুমস্তবককন্দুকৈঃ ।
অতীৱ ৰম্যং ৱিপিনং মধুস্ৰাৱি সমন্ততঃ ॥ 39 ॥

দশযোজনপৰ্যন্তং কুসুমামোদৱাযুনা ।
পূৰিতং দিৱ্যগন্ধৰ্ৱৈঃ সাঙ্গনৈৰ্গানলোলুপৈঃ ॥ 40 ॥

শোভিতং তদ্ৱনং দিৱ্যং মত্তকোকিলনাদিতম্ ।
ৱসন্তলক্ষ্মীসংযুক্তং কামিকামপ্ৰৱৰ্ধনম্ ॥ 41 ॥

তাম্ৰসালাদুত্তৰত্ৰ সীসসালঃ প্ৰকীৰ্তিতঃ ।
সমুচ্ছ্ৰাযঃ স্মৃতোঽপ্যস্য সপ্তযোজনসঙ্খ্যযা ॥ 42 ॥

সন্তানৱাটিকামধ্যে সালযোস্তু দ্ৱযোৰ্নৃপ ।
দশযোজনগন্ধস্তু প্ৰসূনানাং সমন্ততঃ ॥ 43 ॥

হিৰণ্যাভানি কুসুমান্যুত্ফুল্লানি নিৰন্তৰম্ ।
অমৃতদ্ৰৱসংযুক্তফলানি মধুৰাণি চ ॥ 44 ॥

গ্ৰীষ্মৰ্তুৰ্নাযকস্তস্যা ৱাটিকাযা নৃপোত্তম ।
শুক্ৰশ্ৰীশ্চ শুচিশ্ৰীশ্চ দ্ৱে ভাৰ্যে তস্য সম্মতে ॥ 45 ॥

সন্তাপত্ৰস্তলোকাস্তু ৱৃক্ষমূলেষু সংস্থিতাঃ ।
নানাসিদ্ধৈঃ পৰিৱৃতো নানাদেৱৈঃ সমন্ৱিতঃ ॥ 46 ॥

ৱিলাসিনীনাং বৃন্দৈস্তু চন্দনদ্ৰৱপঙ্কিলৈঃ ।
পুষ্পমালাভূষিতৈস্তু তালৱৃন্তকৰাম্বুজৈঃ ॥ 47 ॥

[পাঠভেদঃ- প্ৰাকাৰঃ]
প্ৰকাৰঃ শোভিতো এজচ্ছীতলাম্বুনিষেৱিভিঃ ।
সীসসালাদুত্তৰত্ৰাপ্যাৰকূটমযঃ শুভঃ ॥ 48 ॥

প্ৰাকাৰো ৱৰ্ততে ৰাজন্মুনিযোজনদৈৰ্ঘ্যৱান্ ।
হৰিচন্দনৱৃক্ষাণাং ৱাটী মধ্যে তযোঃ স্মৃতা ॥ 49 ॥

সালযোৰধিনাথস্তু ৱৰ্ষৰ্তুৰ্মেঘৱাহনঃ ।
ৱিদ্যুত্পিঙ্গলনেত্ৰশ্চ জীমূতকৱচঃ স্মৃতঃ ॥ 50 ॥

ৱজ্ৰনিৰ্ঘোষমুখৰশ্চেন্দ্ৰধন্ৱা সমন্ততঃ ।
সহস্ৰশো ৱাৰিধাৰা মুঞ্চন্নাস্তে গণাৱৃতঃ ॥ 51 ॥

নভঃ শ্ৰীশ্চ নভস্যশ্ৰীঃ স্ৱৰস্যা ৰস্যমালিনী ।
অম্বা দুলা নিৰত্নিশ্চাভ্ৰমন্তী মেঘযন্তিকা ॥ 52 ॥

ৱৰ্ষযন্তী চিবুণিকা ৱাৰিধাৰা চ সম্মতাঃ ।
ৱৰ্ষৰ্তোৰ্দ্ৱাদশ প্ৰোক্তাঃ শক্তযো মদৱিহ্ৱলাঃ ॥ 53 ॥

নৱপল্লৱৱৃক্ষাশ্চ নৱীনলতিকান্ৱিতাঃ ।
হৰিতানি তৃণান্যেৱ ৱেষ্টিতা যৈৰ্ধৰাঽখিলা ॥ 54 ॥

নদীনদপ্ৰৱাহাশ্চ প্ৰৱহন্তি চ ৱেগতঃ ।
সৰাংসি কলুষাম্বূনি ৰাগিচিত্তসমানি চ ॥ 55 ॥

ৱসন্তি দেৱাঃ সিদ্ধাশ্চ যে দেৱীকৰ্মকাৰিণঃ ।
ৱাপীকূপতডাগাশ্চ যে দেৱ্যৰ্থং সমৰ্পিতাঃ ॥ 56 ॥

তে গণা নিৱসন্ত্যত্ৰ সৱিলাসাশ্চ সাঙ্গনাঃ ।
আৰকূটমযাদগ্ৰে সপ্তযোজনদৈৰ্ঘ্যৱান্ ॥ 57 ॥

পঞ্চলোহাত্মকঃ সালো মধ্যে মন্দাৰৱাটিকা ।
নানাপুষ্পলতাকীৰ্ণা নানাপল্লৱশোভিতা ॥ 58 ॥

অধিষ্ঠাতাঽত্ৰ সম্প্ৰোক্তঃ শৰদৃতুৰনামযঃ ।
ইষলক্ষ্মীৰূৰ্জলক্ষ্মীৰ্দ্ৱে ভাৰ্যে তস্য সম্মতে ॥ 59 ॥

নানাসিদ্ধা ৱসন্ত্যত্ৰ সাঙ্গনাঃ সপৰিচ্ছদাঃ ।
পঞ্চলোহমযাদগ্ৰে সপ্তযোজনদৈৰ্ঘ্যৱান্ ॥ 60 ॥

দীপ্যমানো মহাশৃঙ্গৈৰ্ৱৰ্ততে ৰৌপ্যসালকঃ ।
পাৰিজাতাটৱীমধ্যে প্ৰসূনস্তবকান্ৱিতা ॥ 61 ॥

দশযোজনগন্ধীনি কুসুমানি সমন্ততঃ ।
মোদযন্তি গণান্সৰ্ৱান্যে দেৱীকৰ্মকাৰিণঃ ॥ 62 ॥

তত্ৰাধিনাথঃ সম্প্ৰোক্তো হেমন্তৰ্তুৰ্মহোজ্জ্ৱলঃ ।
সগণঃ সাযুধঃ সৰ্ৱান্ ৰাগিণো ৰঞ্জযন্নপঃ ॥ 63 ॥

সহশ্ৰীশ্চ সহস্যশ্ৰীৰ্দ্ৱে ভাৰ্যে তস্য সম্মতে ।
ৱসন্তি তত্ৰ সিদ্ধাশ্চ যে দেৱীৱ্ৰতকাৰিণঃ ॥ 64 ॥

ৰৌপ্যসালমযাদগ্ৰে সপ্তযোজনদৈৰ্ঘ্যৱান্ ।
সৌৱৰ্ণসালঃ সম্প্ৰোক্তস্তপ্তহাটককল্পিতঃ ॥ 65 ॥

মধ্যে কদম্বৱাটী তু পুষ্পপল্লৱশোভিতা ।
কদম্বমদিৰাধাৰাঃ প্ৰৱৰ্তন্তে সহস্ৰশঃ ॥ 66 ॥

যাভিৰ্নিপীতপীতাভিৰ্নিজানন্দোঽনুভূযতে ।
তত্ৰাধিনাথঃ সম্প্ৰোক্তঃ শৈশিৰৰ্তুৰ্মহোদযঃ ॥ 67 ॥

তপঃশ্ৰীশ্চ তপস্যশ্ৰীৰ্দ্ৱে ভাৰ্যে তস্য সম্মতে ।
মোদমানঃ সহৈতাভ্যাং ৱৰ্ততে শিশিৰাকৃতিঃ ॥ 68 ॥

নানাৱিলাসসংযুক্তো নানাগণসমাৱৃতঃ ।
নিৱসন্তি মহাসিদ্ধা যে দেৱীদানকাৰিণঃ ॥ 69 ॥

নানাভোগসমুত্পন্নমহানন্দসমন্ৱিতাঃ ।
সাঙ্গনাঃ পৰিৱাৰৈস্তু সঙ্ঘশঃ পৰিৱাৰিতাঃ ॥ 70 ॥

স্ৱৰ্ণসালমযাদগ্ৰে মুনিযোজনদৈৰ্ঘ্যৱান্ ।
পুষ্পৰাগমযঃ সালঃ কুঙ্কুমাৰুণৱিগ্ৰহঃ ॥ 71 ॥

পুষ্পৰাগমযী ভূমিৰ্ৱনান্যুপৱনানি চ ।
ৰত্নৱৃক্ষালৱালাশ্চ পুষ্পৰাগমযাঃ স্মৃতাঃ ॥ 72 ॥

প্ৰাকাৰো যস্য ৰত্নস্য তদ্ৰত্নৰচিতা দ্ৰুমাঃ ।
ৱনভূঃ পক্ষিনশ্চৈৱ ৰত্নৱৰ্ণজলানি চ ॥ 73 ॥

মণ্ডপা মণ্ডপস্তম্ভাঃ সৰান্সি কমলানি চ ।
প্ৰাকাৰে তত্ৰ যদ্যত্স্যাত্তত্সৰ্ৱং তত্সমং ভৱেত্ ॥ 74 ॥

পৰিভাষেযমুদ্দিষ্টা ৰত্নসালাদিষু প্ৰভো ।
তেজসা স্যাল্লক্ষগুণঃ পূৰ্ৱসালাত্পৰো নৃপ ॥ 75 ॥

দিক্পালা নিৱসন্ত্যত্ৰ প্ৰতিব্ৰহ্মান্ডৱৰ্তিনাম্ ।
দিক্পালানাং সমষ্ট্যাত্মৰূপাঃ স্ফূৰ্জদ্ৱৰাযুধাঃ ॥ 76 ॥

পূৰ্ৱাশাযাং সমুত্তুঙ্গশৃঙ্গা পূৰমৰাৱতী ।
নানোপৱনসংযুক্তা মহেন্দ্ৰস্তত্ৰ ৰাজতে ॥ 77 ॥

স্ৱৰ্গশোভা চ যা স্ৱৰ্গে যাৱতী স্যাত্ততোঽধিকা ।
সমষ্টিশতনেত্ৰস্য সহস্ৰগুণতঃ স্মৃতা ॥ 78 ॥

ঐৰাৱতসমাৰূঢো ৱজ্ৰহস্তঃ প্ৰতাপৱান্ ।
দেৱসেনাপৰিৱৃতো ৰাজতেঽত্ৰ শতক্ৰতুঃ ॥ 79 ॥

দেৱাঙ্গনাগণযুতা শচী তত্ৰ ৱিৰাজতে ।
ৱহ্নিকোণে ৱহ্নিপুৰী ৱহ্নিপূঃ সদৃশী নৃপ ॥ 80 ॥

স্ৱাহাস্ৱধাসমাযুক্তো ৱহ্নিস্তত্ৰ ৱিৰাজতে ।
নিজৱাহনভূষাঢ্যো নিজদেৱগণৈৰ্ৱৃতঃ ॥ 81 ॥

যাম্যাশাযাং যমপুৰী তত্ৰ দণ্ডধৰো মহান্ ।
স্ৱভটৈৰ্ৱেষ্টিতো ৰাজন্ চিত্ৰগুপ্তপুৰোগমৈঃ ॥ 82 ॥

নিজশক্তিযুতো ভাস্ৱত্তনযোঽস্তি যমো মহান্ ।
নৈৰৃত্যাং দিশি ৰাক্ষস্যাং ৰাক্ষসৈঃ পৰিৱাৰিতঃ ॥ 83 ॥

খড্গধাৰী স্ফুৰন্নাস্তে নিৰৃতিৰ্নিজশক্তিযুক্ ।
ৱাৰুণ্যাং ৱৰুণো ৰাজা পাশধাৰী প্ৰতাপৱান্ ॥ 84 ॥

মহাঝশসমাৰূঢো ৱাৰুণীমধুৱিহ্ৱলঃ ।
নিজশক্তিসমাযুক্তো নিজযাদোগণান্ৱিতঃ ॥ 85 ॥

সমাস্তে ৱাৰুণে লোকে ৱৰুণানীৰতাকুলঃ ।
ৱাযুকোণে ৱাযুলোকো ৱাযুস্তত্ৰাধিতিষ্ঠতি ॥ 86 ॥

ৱাযুসাধনসংসিদ্ধযোগিভিঃ পৰিৱাৰিতঃ ।
ধ্ৱজহস্তো ৱিশালাক্ষো মৃগৱাহনসংস্থিতঃ ॥ 87 ॥

মৰুদ্গণৈঃ পৰিৱৃতো নিজশক্তিসমন্ৱিতঃ ।
উত্তৰস্যাং দিশি মহান্যক্ষলোকোঽস্তি ভূমিপ ॥ 88 ॥

যক্ষাধিৰাজস্তত্ৰাঽঽস্তে ৱৃদ্ধিঋদ্ধ্যাদিশক্তিভিঃ ।
নৱভিৰ্নিধিভিৰ্যুক্তস্তুন্দিলো ধননাযকঃ ॥ 89 ॥

মণিভদ্ৰঃ পূৰ্ণভদ্ৰো মণিমান্মণিকন্ধৰঃ ।
মণিভূষো মণিস্ৰগ্ৱী মণিকাৰ্মুকধাৰকঃ ॥ 90 ॥

ইত্যাদিযক্ষসেনানীসহিতো নিজশক্তিযুক্ ।
ঈশানকোণে সম্প্ৰোক্তো ৰুদ্ৰলোকো মহত্তৰঃ ॥ 91 ॥

অনৰ্ঘ্যৰত্নখচিতো যত্ৰ ৰুদ্ৰোঽধিদৈৱতম্ ।
মন্যুমান্দীপ্তনযনো বদ্ধপৃষ্ঠমহেষুধিঃ ॥ 92 ॥

স্ফূৰ্জদ্ধনুৰ্ৱামহস্তোঽধিজ্যধন্ৱভিৰাৱৃতঃ ।
স্ৱসমানৈৰসঙ্খ্যাতৰুদ্ৰৈঃ শূলৱৰাযুধৈঃ ॥ 93 ॥

ৱিকৃতাস্যৈঃ কৰালাস্যৈৰ্ৱমদ্ৱহ্নিভিৰাস্যতঃ ।
দশহস্তৈঃ শতকৰৈঃ সহস্ৰভুজসংযুতৈঃ ॥ 94 ॥

দশপাদৈৰ্দশগ্ৰীৱৈস্ত্ৰিনেত্ৰৈৰুগ্ৰমূৰ্তিভিঃ ।
অন্তৰিক্ষচৰা যে চ যে চ ভূমিচৰাঃ স্মৃতাঃ ॥ 95 ॥

ৰুদ্ৰাধ্যাযে স্মৃতা ৰুদ্ৰাস্তৈঃ সৰ্ৱৈশ্চ সমাৱৃতঃ ।
ৰুদ্ৰাণীকোটিসহিতো ভদ্ৰকাল্যাদিমাতৃভিঃ ॥ 96 ॥

নানাশক্তিসমাৱিষ্টডামৰ্যাদিগণাৱৃতঃ ।
ৱীৰভদ্ৰাদিসহিতো ৰুদ্ৰো ৰাজন্ৱিৰাজতে ॥ 97 ॥

মুণ্ডমালাধৰো নাগৱলযো নাগকন্ধৰঃ ।
ৱ্যাঘ্ৰচৰ্মপৰীধানো গজচৰ্মোত্তৰীযকঃ ॥ 98 ॥

চিতাভস্মাঙ্গলিপ্তাঙ্গঃ প্ৰমথাদিগণাৱৃতঃ ।
নিনদড্ডমৰুধ্ৱানৈৰ্বধিৰীকৃতদিম্মুখঃ ॥ 99 ॥

অট্টহাসাস্ফোটশব্দৈঃ সন্ত্ৰাসিতনভস্তলঃ ।
ভূতসঙ্ঘসমাৱিষ্টো ভূতাৱাসো মহেশ্ৱৰঃ ॥ 100 ॥

ঈশানদিক্পতিঃ সোঽযং নাম্না চেশান এৱ চ ॥ 101 ॥

ইতি শ্ৰীদেৱীভাগৱতে মহাপুৰাণে দ্ৱাদশস্কন্ধে মণিদ্ৱীপৱৰ্ণনং নাম দশমোঽধ্যাযঃ ॥

মণিদ্ৱীপ ৱৰ্ণন - 1 (দেৱী ভাগৱতম্)

Explore More

More Durga Stotras

Explore More