What is Mooka Panchashati - Arya Shatakam?

Read Mooka Panchashati - Arya Shatakam in Assamese script — full lyrics with English meaning and transliteration. The Arya Shatakam is the first of five centuries of verses composed by Mooka Kavi, a devotee who regained his speech through the grace of Goddess Kamakshi at Kanchipuram. This profound work captures the beauty, compassion, and divine form of the Goddess in exquisite Sanskrit poetry. Reciting these verses is believed to bestow eloquence, sharpen the intellect, and deepen one's meditative connection to the Divine Mother. It serves as a quintessential text for Sri Vidya practitioners, offering an immersive experience into the aesthetic and spiritual glory of the Kanchi Kamakshi deity.

Which deity is Mooka Panchashati - Arya Shatakam dedicated to?

Mooka Panchashati - Arya Shatakam is a Sanskrit hymn dedicated to Goddess Kamakshi.

Who composed Mooka Panchashati - Arya Shatakam?

Mooka Panchashati - Arya Shatakam is traditionally attributed to Mooka Kavi.

Mooka Panchashati - Arya Shatakam in Assamese – Lyrics

কাৰণপৰচিদ্ৰূপা কাঞ্চীপুৰসীম্নি কামপীঠগতা ।
কাচন ৱিহৰতি কৰুণা কাশ্মীৰস্তবককোমলাঙ্গলতা ॥1॥

কঞ্চন কাঞ্চীনিলযং কৰধৃতকোদণ্ডবাণসৃণিপাশম্ ।
কঠিনস্তনভৰনম্ৰং কৈৱল্যানন্দকন্দমৱলম্বে ॥2॥

চিন্তিতফলপৰিপোষণচিন্তামণিৰেৱ কাঞ্চিনিলযা মে ।
চিৰতৰসুচৰিতসুলভা চিত্তং শিশিৰযতু চিত্সুখাধাৰা ॥3॥

কুটিলকচং কঠিনকুচং কুন্দস্মিতকান্তি কুঙ্কুমচ্ছাযম্ ।
কুৰুতে ৱিহৃতিং কাঞ্চ্যাং কুলপৰ্ৱতসাৰ্ৱভৌমসৰ্ৱস্ৱম্ ॥4॥

পঞ্চশৰশাস্ত্ৰবোধনপৰমাচাৰ্যেণ দৃষ্টিপাতেন ।
কাঞ্চীসীম্নি কুমাৰী কাচন মোহযতি কামজেতাৰম্ ॥5॥

পৰযা কাঞ্চীপুৰযা পৰ্ৱতপৰ্যাযপীনকুচভৰযা ।
পৰতন্ত্ৰা ৱযমনযা পঙ্কজসব্ৰহ্মচাৰিলোচনযা ॥6॥

ঐশ্ৱৰ্যমিন্দুমৌলেৰৈকত্ম্যপ্ৰকৃতি কাঞ্চিমধ্যগতম্ ।
ঐন্দৱকিশোৰশেখৰমৈদম্পৰ্যং চকাস্তি নিগমানাম্ ॥7॥

শ্ৰিতকম্পসীমানং শিথিলিতপৰমশিৱধৈৰ্যমহিমানম্ ।
কলযে পটলিমানং কঞ্চন কঞ্চুকিতভুৱনভূমানম্ ॥8॥

আদৃতকাঞ্চীনিলযমাদ্যামাৰূঢযৌৱনাটোপাম্ ।
আগমৱতংসকলিকামানন্দাদ্ৱৈতকন্দলীং ৱন্দে ॥9॥

তুঙ্গাভিৰামকুচভৰশৃঙ্গাৰিতমাশ্ৰযামি কাঞ্চিগতম্ ।
গঙ্গাধৰপৰতন্ত্ৰং শৃঙ্গাৰাদ্ৱৈততন্ত্ৰসিদ্ধান্তম্ ॥10॥

কাঞ্চীৰত্নৱিভূষাং কামপি কন্দৰ্পসূতিকাপাঙ্গীম্ ।
পৰমাং কলামুপাসে পৰশিৱৱামাঙ্কপীঠিকাসীনাম্ ॥11॥

কম্পাতীচৰাণাং কৰুণাকোৰকিতদৃষ্টিপাতানাম্ ।
কেলীৱনং মনো মে কেষাঞ্চিদ্ভৱতু চিদ্ৱিলাসানাম্ ॥12॥

আম্ৰতৰুমূলৱসতেৰাদিমপুৰুষস্য নযনপীযূষম্ ।
আৰব্ধযৌৱনোত্সৱমাম্নাযৰহস্যমন্তৰৱলম্বে ॥13॥

অধিকাঞ্চি পৰমযোগিভিৰাদিমপৰপীঠসীম্নি দৃশ্যেন ।
অনুবদ্ধং মম মানসমৰুণিমসৰ্ৱস্ৱসম্প্ৰদাযেন ॥14॥

অঙ্কিতশঙ্কৰদেহামঙ্কুৰিতোৰোজকঙ্কণাশ্লেষৈঃ ।
অধিকাঞ্চি নিত্যতৰুণীমদ্ৰাক্ষং কাঞ্চিদদ্ভুতাং বালাম্ ॥15॥

মধুৰধনুষা মহীধৰজনুষা নন্দামি সুৰভিবাণজুষা ।
চিদ্ৱপুষা কাঞ্চিপুৰে কেলিজুষা বন্ধুজীৱকান্তিমুষা ॥16॥

মধুৰস্মিতেন ৰমতে মাংসলকুচভাৰমন্দগমনেন ।
মধ্যেকাঞ্চি মনো মে মনসিজসাম্ৰাজ্যগৰ্ৱবীজেন ॥17॥

ধৰণিমযীং তৰণিমযীং পৱনমযীং গগনদহনহোতৃমযীম্ ।
অম্বুমযীমিন্দুমযীমম্বামনুকম্পমাদিমামীক্ষে ॥18॥

লীনস্থিতি মুনিহৃদযে ধ্যানস্তিমিতং তপস্যদুপকম্পম্ ।
পীনস্তনভৰমীডে মীনধ্ৱজতন্ত্ৰপৰমতাত্পৰ্যম্ ॥19॥

শ্ৱেতা মন্থৰহসিতে শাতা মধ্যে চ ৱাড্ভনোঽতীতা ।
শীতা লোচনপাতে স্ফীতা কুচসীম্নি শাশ্ৱতী মাতা ॥20॥

পুৰতঃ কদা ন কৰৱৈ পুৰৱৈৰিৱিমৰ্দপুলকিতাঙ্গলতাম্ ।
পুনতীং কাঞ্চীদেশং পুষ্পাযুধৱীৰ্যসৰসপৰিপাটীম্ ॥21॥

পুণ্যা কাঽপি পুৰন্ধ্ৰী পুঙ্খিতকন্দৰ্পসম্পদা ৱপুষা ।
পুলিনচৰী কম্পাযাঃ পুৰমথনং পুলকনিচুলিতং কুৰুতে ॥22॥

তনিমাদ্ৱৈতৱলগ্নং তৰুণাৰুণসম্প্ৰদাযতনুলেখম্ ।
তটসীমনি কম্পাযাস্তৰুণিমসৰ্ৱস্ৱমাদ্যমদ্ৰাক্ষম্ ॥23॥

পৌষ্টিককৰ্মৱিপাকং পৌষ্পশৰং সৱিধসীম্নি কম্পাযাঃ ।
অদ্ৰাক্ষমাত্তযৌৱনমভ্যুদযং কঞ্চিদৰ্ধশশিমৌলৈঃ ॥24॥

সংশ্ৰিতকাঞ্চীদেশে সৰসিজদৌৰ্ভাগ্যজাগ্ৰদুত্তংসে ।
সংৱিন্মযে ৱিলীযে সাৰস্ৱতপুৰুষকাৰসাম্ৰাজ্যে ॥25॥

মোদিতমধুকৰৱিশিখং স্ৱাদিমসমুদাযসাৰকোদণ্ডম্ ।
আদৃতকাঞ্চীখেলনমাদিমমাৰুণ্যভেদমাকলযে ॥26॥

উৰৰীকৃতকাঞ্চিপুৰীমুপনিষদৰৱিন্দকুহৰমধুধাৰাম্ ।
উন্নম্ৰস্তনকলশীমুত্সৱলহৰীমুপাস্মহে শম্ভোঃ ॥27॥

এণশিশুদীৰ্ঘলোচনমেনঃপৰিপন্থি সন্ততং ভজতাম্ ।
একাম্ৰনাথজীৱিতমেৱম্পদদূৰমেকমৱলম্বে ॥28॥

স্মযমানমুখং কাঞ্চীভযমানং কমপি দেৱতাভেদম্ ।
দযমানং ৱীক্ষ্য মুহুৰ্ৱযমানন্দামৃতাম্বুধৌ মগ্নাঃ ॥29॥

কুতুকজুষি কাঞ্চিদেশে কুমুদতপোৰাশিপাকশেখৰিতে ।
কুৰুতে মনোৱিহাৰং কুলগিৰিপৰিবৃঢকুলৈকমণিদীপে ॥30॥

ৱীক্ষেমহি কাঞ্চিপুৰে ৱিপুলস্তনকলশগৰিমপৰৱশিতম্ ।
ৱিদ্ৰুমসহচৰদেহং ৱিভ্ৰমসমৱাযসাৰসন্নাহম্ ॥31॥

কুৰুৱিন্দগোত্ৰগাত্ৰং কূলচৰং কমপি নৌমি কম্পাযাঃ ।
কূলঙ্কষকুচকুম্ভং কুসুমাযুধৱীৰ্যসাৰসংৰম্ভম্ ॥32॥

কুডূমলিতকুচকিশোৰৈঃ কুৰ্ৱাণৈঃ কাঞ্চিদেশসৌহাৰ্দম্ ।
কুঙ্কুমশোণৈৰ্নিচিতং কুশলপথং শম্ভুসুকৃতসম্ভাৰৈঃ ॥33॥

অঙ্কিতকচেন কেনচিদন্ধঙ্কৰণৌষধেন কমলানাম্ ।
অন্তঃপুৰেণ শম্ভোৰলঙ্ক্ৰিযা কাঽপি কল্প্যতে কাঞ্চ্যাম্ ॥34॥

ঊৰীকৰোমি সন্ততমূষ্মলফালেন ললিতং পুংসা ।
উপকম্পমুচিতখেলনমুৰ্ৱীধৰৱংশসম্পদুন্মেষম্ ॥35॥

অঙ্কুৰিতস্তনকোৰকমঙ্কালঙ্কাৰমেকচূতপতেঃ ।
আলোকেমহি কোমলমাগমসংলাপসাৰযাথাৰ্থ্যম্ ॥36॥

পুঞ্জিতকৰুণমুদঞ্চিতশিঞ্জিতমণিকাঞ্চি কিমপি কাঞ্চিপুৰে ।
মঞ্জৰিতমৃদুলহাসং পিঞ্জৰতনুৰুচি পিনাকিমূলধনম্ ॥37॥

লোলহৃদযোঽস্তি শম্ভোৰ্লোচনযুগলেন লেহ্যমানাযাম্ ।
ললিতপৰমশিৱাযাং লাৱণ্যামৃততৰঙ্গমালাযাম্ ॥38॥

মধুকৰসহচৰচিকুৰৈৰ্মদনাগমসমযদীক্ষিতকটাক্ষৈঃ ।
মণ্ডিতকম্পাতীৰৈৰ্মঙ্গলকন্দৈৰ্মমাস্তু সাৰূপ্যম্ ॥39॥

ৱদনাৰৱিন্দৱক্ষোৱামাঙ্কতটীৱশংৱদীভূতা ।
পূৰুষত্ৰিতযে ত্ৰেধা পুৰন্ধ্ৰিৰূপা ত্ৱমেৱ কামাক্ষি ॥40॥

বাধাকৰীং ভৱাব্ধেৰাধাৰাদ্যম্বুজেষু ৱিচৰন্তীম্ ।
আধাৰীকৃতকাঞ্চী বোধামৃতৱীচিমেৱ ৱিমৃশামঃ ॥41॥

কলযাম্যন্তঃ শশধৰকলযাঽঙ্কিতমৌলিমমলচিদ্ৱলযাম্ ।
অলযামাগমপীঠীনিলযাং ৱলযাঙ্কসুন্দৰীমম্বাম্ ॥42॥

শৰ্ৱাদিপৰমসাধকগুৰ্ৱানীতায কামপীঠজুষে ।
সৰ্ৱাকৃতযে শোণিমগৰ্ৱাযাস্মৈ সমৰ্প্যতে হৃদযম্ ॥43॥

সমযা সান্ধ্যমযূখৈঃ সমযা বুদ্ধযা সদৈৱ শীলিতযা ।
উমযা কাঞ্চীৰতযা ন মযা লভ্যতে কিং নু তাদাত্ম্যম্ ॥44॥

জন্তোস্তৱ পদপূজনসন্তোষতৰঙ্গিতস্য কামাক্ষি ।
ৱন্ধো যদি ভৱতি পুনঃ সিন্ধোৰম্ভস্সু বম্ভ্ৰমীতি শিলা ॥45॥

কুণ্ডলি কুমাৰি কুটিলে চণ্ডি চৰাচৰসৱিত্ৰি চামুণ্ডে ।
গুণিনি গুহাৰিণি গুহ্যে গুৰুমূৰ্তে ত্ৱাং নমামি কামাক্ষি ॥46॥

অভিদাকৃতিৰ্ভিদাকৃতিৰচিদাকৃতিৰপি চিদাকৃতিৰ্মাতঃ ।
অনহন্তা ত্ৱমহন্তা ভ্ৰমযসি কামাক্ষি শাশ্ৱতী ৱিশ্ৱম্ ॥47॥

শিৱ শিৱ পশ্যন্তি সমং শ্ৰীকামাক্ষীকটাক্ষিতাঃ পুৰুষাঃ ।
ৱিপিনং ভৱনমমিত্ৰং মিত্ৰং লোষ্টং চ যুৱতিবিম্বোষ্ঠম্ ॥48॥

কামপৰিপন্থিকামিনি কামেশ্ৱৰি কামপীঠমধ্যগতে ।
কামদুঘা ভৱ কমলে কামকলে কামকোটি কামাক্ষি ॥49॥

মধ্যেহৃদযং মধ্যেনিটিলং মধ্যেশিৰোঽপি ৱাস্তৱ্যাম্ ।
চণ্ডকৰশক্ৰকাৰ্মুকচন্দ্ৰসমাভাং নমামি কামাক্ষীম্ ॥50॥

অধিকাঞ্চি কেলিলোলৈৰখিলাগমযন্ত্ৰতন্ত্ৰমযৈঃ ।
অতিশীতং মম মানসমসমশৰদ্ৰোহিজীৱনোপাযৈঃ ॥51॥

নন্দতি মম হৃদি কাচন মন্দিৰযন্তী নিৰন্তৰং কাঞ্চীম্ ।
ইন্দুৰৱিমণ্ডলকুচা বিন্দুৱিযন্নাদপৰিণতা তৰুণী ॥52॥

শম্পালতাসৱৰ্ণং সম্পাদযিতুং ভৱজ্ৱৰচিকিত্সাম্ ।
লিম্পামি মনসি কিঞ্চন কম্পাতটৰোহি সিদ্ধভৈষজ্যম্ ॥53॥

অনুমিতকুচকাঠিন্যামধিৱক্ষঃপীঠমঙ্গজন্মৰিপোঃ ।
আনন্দদাং ভজে তামানঙ্গব্ৰহ্মতত্ৱবোধসিৰাম্ ॥54॥

ঐক্ষিষি পাশাঙ্কুশধৰহস্তান্তং ৱিস্মযাৰ্হৱৃত্তান্তম্ ।
অধিকাঞ্চি নিগমৱাচাং সিদ্ধান্তং শূলপাণিশুদ্ধান্তম্ ॥55॥

আহিতৱিলাসভঙ্গীমাব্ৰহ্মস্তম্বশিল্পকল্পনযা ।
আশ্ৰিতকাঞ্চীমতুলামাদ্যাং ৱিস্ফূৰ্তিমাদ্ৰিযে ৱিদ্যাম্ ॥56॥

মূকোঽপি জটিলদুৰ্গতিশোকোঽপি স্মৰতি যঃ ক্ষণং ভৱতীম্ ।
একো ভৱতি স জন্তুৰ্লোকোত্তৰকীৰ্তিৰেৱ কামাক্ষি ॥57॥

পঞ্চদশৱৰ্ণৰূপং কঞ্চন কাঞ্চীৱিহাৰধৌৰেযম্ ।
পঞ্চশৰীযং শম্ভোৰ্ৱঞ্চনৱৈদগ্ধ্যমূলমৱলম্বে ॥58॥

পৰিণতিমতীং চতুৰ্ধা পদৱীং সুধিযাং সমেত্য সৌষুম্নীম্ ।
পঞ্চাশদৰ্ণকল্পিতমদশিল্পাং ত্ৱাং নমামি কামাক্ষি ॥59॥

আদিক্ষন্মম গুৰুৰাডাদিক্ষান্তাক্ষৰাত্মিকাং ৱিদ্যাম্ ।
স্ৱাদিষ্ঠচাপদণ্ডাং নেদিষ্ঠামেৱ কামপীঠগতাম্ ॥60॥

তুষ্যামি হৰ্ষিতস্মৰশাসনযা কাঞ্চিপুৰকৃতাসনযা ।
স্ৱাসনযা সকলজগদ্ভাসনযা কলিতশম্বৰাসনযা ॥61॥

প্ৰেমৱতী কম্পাযাং স্থেমৱতী যতিমনস্সু ভূমৱতী ।
সামৱতী নিত্যগিৰা সোমৱতী শিৰসি ভাতি হৈমৱতী ॥62॥

কৌতুকিনা কম্পাযাং কৌসুমচাপেন কীলিতেনান্তঃ ।
কুলদৈৱতেন মহতা কুড্মলমুদ্ৰাং ধুনোতু নঃপ্ৰতিভা ॥63॥

যূনা কেনাপি মিলদ্দেহা স্ৱাহাসহাযতিলকেন ।
সহকাৰমূলদেশে সংৱিদ্ৰূপা কুটুম্বিনী ৰমতে ॥64॥

কুসুমশৰগৰ্ৱসম্পত্কোশগৃহং ভাতি কাঞ্চিদেশগতম্ ।
স্থাপিতমস্মিন্কথমপি গোপিতমন্তৰ্মযা মনোৰত্নম্ ॥65॥

দগ্ধষডধ্ৱাৰণ্যং দৰদলিতকুসুম্ভসম্ভৃতাৰুণ্যম্ ।
কলযে নৱতাৰুণ্যং কম্পাতটসীম্নি কিমপি কাৰুণ্যম্ ॥66॥

অধিকাঞ্চি ৱৰ্ধমানামতুলাং কৰৱাণি পাৰণামক্ষ্ণোঃ ।
আনন্দপাকভেদামৰুণিমপৰিণামগৰ্ৱপল্লৱিতাম্ ॥67॥

বাণসৃণিপাশকাৰ্মুকপাণিমমুং কমপি কামপীঠগতম্ ।
এণধৰকোণচূডং শোণিমপৰিপাকভেদমাকলযে ॥68॥

কিং ৱা ফলতি মমান্যৌৰ্বিম্বাধৰচুম্বিমন্দহাসমুখী ।
সম্বাধকৰী তমসামম্বা জাগৰ্তি মনসি কামাক্ষী ॥69॥

মঞ্চে সদাশিৱমযে পৰিশিৱমযললিতপৌষ্পপৰ্যঙ্কে ।
অধিচক্ৰমধ্যমাস্তে কামাক্ষী নাম কিমপি মম ভাগ্যম্ ॥70॥

ৰক্ষ্যোঽস্মি কামপীঠীলাসিকযা ঘনকৃপাম্বুৰাশিকযা ।
শ্ৰুতিযুৱতিকুন্তলীমণিমালিকযা তুহিনশৈলবালিকযা ॥71॥

লীযে পুৰহৰজাযে মাযে তৱ তৰুণপল্লৱচ্ছাযে ।
চৰণে চন্দ্ৰাভৰণে কাঞ্চীশৰণে নতাৰ্তিসংহৰণে ॥72॥

মূৰ্তিমতি মুক্তিবীজে মূৰ্ধ্নি স্তবকিতচকোৰসাম্ৰাজ্যে ।
মোদিতকম্পাকূলে মুহুৰ্মুহুৰ্মনসি মুমুদিষাঽস্মাকম্ ॥73॥

ৱেদমযীং নাদমযীং বিন্দুমযীং পৰপদোদ্যদিন্দুমযীম্ ।
মন্ত্ৰমযীং তন্ত্ৰমযীং প্ৰকৃতিমযীং নৌমি ৱিশ্ৱৱিকৃতিমযীম্ ॥74॥

পুৰমথনপুণ্যকোটী পুঞ্জিতকৱিলোকসূক্তিৰসধাটী ।
মনসি মম কামকোটী ৱিহৰতু কৰুণাৱিপাকপৰিপাটী ॥75॥

কুটিলং চটুলং পৃথুলং মৃদুলং কচনযনজঘনচৰণেষু ।
অৱলোকিতমৱলম্বিতমধিকম্পাতটমমেযমস্মাভিঃ ॥76॥

প্ৰত্যঙ্মুখ্যা দৃষ্টযা প্ৰসাদদীপাঙ্কুৰেণ কামাক্ষ্যাঃ ।
পশ্যামি নিস্তুলমহো পচেলিমং কমপি পৰশিৱোল্লাসম্ ॥77॥

ৱিদ্যে ৱিধাতৃৱিষযে কাত্যাযনি কালি কামকোটিকলে ।
ভাৰতি ভৈৰৱি ভদ্ৰে শাকিনি শাম্ভৱি শিৱে স্তুৱে ভৱতীম্ ॥78॥

মালিনি মহেশচালিনি কাঞ্চীখেলিনি ৱিপক্ষকালিনি তে ।
শূলিনি ৱিদ্ৰুমশালিনি সুৰজনপালিনি কপালিনি নমোঽস্তু ॥79॥

দেশিক ইতি কিং শঙ্কে তত্তাদৃক্তৱ নু তৰুণিমোন্মেষঃ ।
কামাক্ষি শূলপাণেঃ কামাগমসমযদীক্ষাযাম্ ॥80॥

ৱেতণ্ডকুম্ভডম্বৰৱৈতণ্ডিককুচভৰাৰ্তমধ্যায ।
কুঙ্কুমৰুচে নমস্যাং শঙ্কৰনযনামৃতায ৰচযামঃ ॥81॥

অধিকাঞ্চিতমণিকাঞ্চনকাঞ্চীমধিকাঞ্চি কাঞ্চিদদ্ৰাক্ষম্ ।
অৱনতজনানুকম্পামনুকম্পাকূলমস্মদনুকূলাম্ ॥82॥

পৰিচিতকম্পাতীৰং পৰ্ৱতৰাজন্যসুকৃতসন্নাহম্ ।
পৰগুৰুকৃপযা ৱীক্ষে পৰমশিৱোত্সঙ্গমঙ্গলাভৰণম্ ॥83॥

দগ্ধমদনস্য শম্ভোঃ প্ৰথীযসীং ব্ৰহ্মচৰ্যৱৈদগ্ধীম্ ।
তৱ দেৱি তৰুণিমশ্ৰীচতুৰিমপাকো ন চক্ষমে মাতঃ ॥84॥

মদজলতমালপত্ৰা ৱসনিতপত্ৰা কৰাদৃতখানিত্ৰা ।
ৱিহৰতি পুলিন্দযোষা গুঞ্জাভূষা ফণীন্দ্ৰকৃতৱেষা ॥85॥

অঙ্কে শুকিনী গীতে কৌতুকিনী পৰিসৰে চ গাযকিনী ।
জযসি সৱিধেঽম্ব ভৈৰৱমণ্ডলিনী শ্ৰৱসি শঙ্খকুন্ডলিনী ॥86॥

প্ৰণতজনতাপৱৰ্গা কৃতবহুসৰ্গা সসিংহসংসৰ্গা ।
কামাক্ষি মুদিতভৰ্গা হতৰিপুৱৰ্গা ত্ৱমেৱ সা দুৰ্গা ॥87॥

শ্ৰৱণচলদ্ৱেতণ্ডা সমৰোদ্দণ্ডা ধুতাসুৰশিখণ্ডা ।
দেৱি কলিতান্ত্ৰষণ্ডা ধৃতনৰমুণ্ডা ত্ৱমেৱ চামুণ্ডা ॥88॥

উৰ্ৱীধৰেন্দ্ৰকন্যে দৰ্ৱীভৰিতেন ভক্তপূৰেণ ।
গুৰ্ৱীমকিঞ্চনাৰ্তি খৰ্ৱীকুৰুষে ত্ৱমেৱ কামাক্ষি ॥89॥

তাডিতৰিপুপৰিপীডনভযহৰণ নিপুণহলমুসলা ।
ক্ৰোডপতিভীষণমুখী ক্ৰীডসি জগতি ত্ৱমেৱ কামাক্ষি ॥90॥

স্মৰমথনৱৰণলোলা মন্মথহেলাৱিলাসমণিশালা ।
কনকৰুচিচৌৰ্যশীলা ত্ৱমম্ব বালা কৰাব্জধৃতমালা ॥91॥

ৱিমলপটী কমলকুটী পুস্তকৰুদ্ৰাক্ষশস্তহস্তপুটী ।
কামাক্ষি পক্ষ্মলাক্ষী কলিতৱিপঞ্চী ৱিভাসি ৱৈৰিঞ্চী ॥92॥

কুঙ্কুমৰুচিপিঙ্গমসৃক্পঙ্কিলমুণ্ডালিমণ্ডিতং মাতঃ ।
শ্ৰীকামাক্ষি তদীযসঙ্গমকলামন্দীভৱত্কৌতুকঃ
জযতি তৱ ৰূপধেযং জপপটপুস্তকৱৰাভযকৰাব্জম্ ॥93॥

কনকমণিকলিতভূষাং কালাযসকলহশীলকান্তিকলাম্ ।
কামাক্ষি শীলযে ত্ৱাং কপালশূলাভিৰামকৰকমলাম্ ॥94॥

লোহিতিমপুঞ্জমধ্যে মোহিতভুৱনে মুদা নিৰীক্ষন্তে ।
ৱদনং তৱ কুৱযুগলং কাঞ্চীসীমাং চ কেঽপি কামাক্ষি ॥95॥

জলধিদ্ৱিগুণিতহুতবহদিশাদিনেশ্ৱৰকলাশ্ৱিনেযদলৈঃ ।
নলিনৈৰ্মহেশি গচ্ছসি সৰ্ৱোত্তৰকৰকমলদলমমলম্ ॥96॥

সত্কৃতদেশিকচৰণাঃ সবীজনিৰ্বীজযোগনিশ্ৰেণ্যা ।
অপৱৰ্গসৌধৱলভীমাৰোহন্ত্যম্ব কেঽপি তৱ কৃপযা ॥97॥

অন্তৰপি বহিৰপি ত্ৱং জন্তুততেৰন্তকান্তকৃদহন্তে ।
চিন্তিতসন্তানৱতাং সন্ততমপি তন্তনীষি মহিমানম্ ॥98॥

কলমঞ্জুলৱাগনুমিতগলপঞ্জৰগতশুকগ্ৰহৌত্কণ্ঠ্যাত্ ।
অম্ব ৰদনাম্বৰং তে বিম্বফলং শম্বৰাৰিণা ন্যস্তম্ ॥99॥

জয জয জগদম্ব শিৱে জয জয কামাক্ষি জয জযাদ্ৰিসুতে ।
জয জয মহেশদযিতে জয জয চিদ্গগনকৌমুদীধাৰে ॥100॥

আৰ্যাশতকং ভক্ত্যা পঠতামাৰ্যাকটাক্ষেণ ।
নিস্সৰতি ৱদনকমলাদ্ৱাণী পীযূষধোৰণী দিৱ্যা ॥101॥

॥ ইতি আৰ্যাশতকং সম্পূৰ্ণম্ ॥

মূক পঞ্চ শতি 1 - আৰ্য শতকম্

Explore More

More Kamakshi Stotras

Explore More