Lord Narasimha

শ্ৰীনৃসিংহকৱচম্

(Narasimha Kavacham in Assamese)

Prahlada (from Brahmanda Purana)

Also known as srimaddivyalaksminrsimhaya namah

Language:Sanskrit
Translation:English

Sri Narasimha Kavacham is a powerful protective armor (Kavacham) chanted by the great devotee Prahlada. Found in the Brahmanda Purana, it invokes the protection of Lord Narasimha for every part of the body and destroys all sins, fears, and obstacles.

Read In:
DevanagariGujaratiBengaliAssameseOdiaTeluguTamilKannadaMalayalamEnglish (IAST)
শ্ৰী গণেশায নমঃ ।
শ্ৰীমদ্দিৱ্যলক্ষ্মীনৃসিংহায নমঃ ।
অথ শ্ৰীলক্ষ্মীনৃসিংহকৱচপ্ৰাৰম্ভঃ ।
ওঁ অস্য শ্ৰীলক্ষ্মীনৃসিংহকৱচমালামন্ত্ৰস্য ৱ্যাসপ্ৰহ্লাদ ঋষিঃ শিৰসি ।
শ্ৰীলক্ষ্মীনৃসিংহো দেৱতা হৃদযে ।
অনুষ্টুপ্ছন্দঃ মুখে ।
সৰ্ৱৱ্যাপী স্তম্ভৱাসো বীজং নাভৌ ।
শ্ৰীঃ শক্তিঃ পাদযোঃ ।
গুহ্যৰূপধৃক্ কীলকং সৰ্ৱাঙ্গে ।
শ্ৰীলক্ষ্মীনৃসিংহপ্ৰসাদসিধ্যৰ্থে শ্ৰীলক্ষ্মীনৃসিংহকৱচস্তোত্ৰমন্ত্ৰৰাজজপে ৱিনিযোগঃ ।
অথ কৰন্যাসঃ ।
ওঁ যোগিহৃত্পদ্মৱাসায অঙ্গুষ্ঠাভ্যাং নমঃ ।
ওঁ লক্ষ্মীনৃসিংহায তৰ্জনীভ্যাং নমঃ ।
ওঁ স্ৱপ্ৰকাশায মধ্যমাভ্যাং নমঃ ।
ওঁ সহস্ৰশীৰ্ষায অনামিকাভ্যাং নমঃ ।
ওঁ সোমসূৰ্যাগ্নিলোচনায কনিষ্ঠিকাভ্যাং নমঃ ।
ওঁ দিৱ্যাস্ত্ৰশোভিতভুজায কৰতলকৰপৃষ্ঠাভ্যাং নমঃ ।
অথ হৃদযাদিন্যাসঃ ।
ওঁ যোগিহৃত্পদ্মৱাসায হৃদযায নমঃ ।
ওঁ লক্ষ্মীনৃসিংহায শিৰসে স্ৱাহা ।
ওঁ স্ৱপ্ৰকাশায শিখাযৈ ৱষট্ ।
ওঁ সহস্ৰশীৰ্ষায কৱচায হুম্ ।
ওঁ সোমসূৰ্যাগ্নিলোচনায নেত্ৰত্ৰযায ৱৌষট্ ।
ওঁ দিৱ্যাস্ত্ৰশোভিতভুজায অস্ত্ৰায ফট্ ।
ওঁ ভূৰ্ভুৱস্ৱৰোম্ ।
ইতি দিগ্বন্ধঃ ।
অথ ধ্যানম্ ।
কৰ্পূৰধামবলং কটকাঙ্গদাদি-ছত্ৰং ত্ৰিনেত্ৰশশিশেখৰমণ্ডিতাস্যম্ ।
ৱামাঙ্কসংস্থিতৰমানযনাভিৰামং চক্ৰাব্জশঙ্খসগদং নৃহৰি নমামি ॥ ।
নমস্কৃত্য গণাধীশং সৰ্ৱৱিঘ্ননিৱাৰণম্ ।
নৃসিংহকৱচং ৱক্ষ্যে প্ৰহ্লাদেনোদিতং পুৰা ।
সৰ্ৱৰক্ষাকৰং পুণ্যং সৰ্ৱোপদ্ৰৱনাশনম্ ॥ ১॥
সৰ্ৱ সম্পত্কৰং চৈৱ স্ৱৰ্গমোক্ষপ্ৰদাযকম্ ।
ধ্যাত্ৱা নৃসিংহং দেৱেশং হেমসিংহাসনস্থিতম্ ॥ ২॥
ৱিৱৃতাস্যং ত্ৰিনযনং শৰদিন্দুসমপ্ৰভম্ ।
লক্ষ্ম্যালিঙ্গিতৱামাঙ্গং ৱিভূতিভিৰুপাশ্ৰিতম্ ॥ ৩॥
চতুৰ্ভুজং কোমলাঙ্গং স্ৱৰ্ণকুণ্ডলশোভিতম্ ।
সৰোজশোভিতোৰস্কং ৰত্নকেযূৰমুদ্ৰিতম্ ॥ ৪॥
তপ্তকাঞ্চনসংকাশং পীতনিৰ্মলৱাসসম্ ।
ইন্দ্ৰাদিসুৰমৌলিস্থস্ফুৰন্মাণিক্যদীপ্তিভিঃ ॥ ৫॥
ৱিৰাজিতপদদ্ৱন্দ্ৱং শঙ্খচক্ৰাদি হেতিভিঃ ।
গৰুত্মতা চ ৱিনযাত্ স্তূযমানং মুদান্ৱিতম্ ॥ ৬॥
স্ৱহৃত্কমলসংৱাসং কৃত্ৱা তু কৱচং পঠেত্ ।
নৃসিংহো মে শিৰঃ পাতু লোকৰক্ষাৰ্থসম্ভৱঃ ॥ ৭॥
সৰ্ৱগোঽপি স্তম্ভৱাসঃ ভালং মে ৰক্ষতু ধ্ৱনিম্ ।
নৃসিংহো মে দৃশৌ পাতু সোমসূৰ্যাগ্নিলোচনঃ ॥ ৮॥
স্মৃতিং মে পাতু নৃহৰিৰ্মুনিৱৰ্যস্তুতিপ্ৰিযঃ ।
নাসং মে সিংহনাসস্তু মুখং লক্ষ্মীমুখপ্ৰিযঃ ॥ ৯॥
সৰ্ৱৱিদ্যাধিপঃ পাতু নৃসিংহো ৰসনাং মম ।
ৱক্ত্ৰং পাত্ৱিন্দুৱদনং সদা প্ৰহ্লাদৱন্দিতঃ ॥ ১০॥
নৃসিংহঃ পাতু মে কণ্ঠং স্কন্ধৌ ভূভৰান্তকৃত্ ।
দিৱ্যাস্ত্ৰশোভিতভুজো নৃসিংহঃ পাতু মে ভুজৌ ॥ ১১॥
কৰৌ মে দেৱৱৰদো নৃসিংহঃ পাতু সৰ্ৱতঃ ।
হৃদযং যোগিসাধ্যশ্চ নিৱাসং পাতু মে হৰিঃ ॥ ১২॥
মধ্যং পাতু হিৰণ্যাক্ষৱক্ষঃকুক্ষিৱিদাৰণঃ ।
নাভিং মে পাতু নৃহৰিঃ স্ৱনাভি ব্ৰহ্মসংস্তুতঃ ॥ ১৩॥
ব্ৰহ্মাণ্ডকোটযঃ কট্যাং যস্যাসৌ পাতু মে কটিম্ ।
গুহ্যং মে পাতু গুহ্যানাং মন্ত্ৰাণাং গুহ্যৰূপদৃক্ ॥ ১৪॥
ঊৰু মনোভৱঃ পাতু জানুনী নৰৰূপধৃক্ ।
জঙ্ঘে পাতু ধৰাভাৰহৰ্তা যোঽসৌ নৃকেসৰী ॥ ১৫॥
সুৰৰাজ্যপ্ৰদঃ পাতু পাদৌ মে নৃহৰীশ্ৱৰঃ ।
সহস্ৰশীৰ্ষা পুৰুষঃ পাতু মে সৰ্ৱশস্তনুম্ ॥ ১৬॥
মহোগ্ৰঃ পূৰ্ৱতঃ পাতু মহাৱীৰাগ্ৰজোঽগ্নিতঃ ।
মহাৱিষ্ণুৰ্দক্ষিণে তু মহাজ্ৱালস্তু নৈৰৃতৌ ॥ ১৭॥
পশ্চিমে পাতু সৰ্ৱেশো দিশি মে সৰ্ৱতোমুখঃ ।
নৃসিংহঃ পাতু ৱাযৱ্যাং সৌম্যাং ভীষণৱিগ্ৰহঃ ॥ ১৮॥
ঈশান্যাং পাতু ভদ্ৰো মে সৰ্ৱমঙ্গলদাযকঃ ।
সংসাৰভযতঃ পাতু মৃত্যোৰ্মৃত্যুৰ্নৃকেসৰী ॥ ১৯॥
ইদং নৃসিংহকৱচং প্ৰহ্লাদমুখমণ্ডিতম্ ।
ভক্তিমান্ যঃ পঠেন্নিত্যং সৰ্ৱপাপৈঃ প্ৰমুচ্যতে ॥ ২০॥
পুত্ৰৱান্ ধনৱান্ লোকে দীৰ্ঘাযুৰুপজাযতে ।
যং যং কামযতে কামং তং তং প্ৰাপ্নোত্যসংশযম্ ॥ ২১॥
সৰ্ৱত্ৰ জযমাপ্নোতি সৰ্ৱত্ৰ ৱিজযী ভৱেত্ ।
ভূম্যন্তৰীক্ষদিৱ্যানাং গ্ৰহাণাং ৱিনিৱাৰণম্ ॥ ২২॥
ৱৃশ্চিকোৰগসম্ভূত ৱিষাপহৰণং পৰম্ ।
ব্ৰহ্মৰাক্ষসযক্ষাণাং দূৰোত্সাৰণকাৰণম্ ॥ ২৩॥
ভূৰ্জে ৱা তালপত্ৰে ৱা কৱচং লিখিতং শুভম্ ।
কৰমূলে ধৃতং যেন সিধ্যেযুঃ কৰ্মসিদ্ধযঃ ॥ ২৪॥
দেৱাসুৰমনুষ্যেষু স্ৱং স্ৱমেৱ জযং লভেত্ ।
একসন্ধ্যং ত্ৰিসন্ধ্যং ৱা যঃ পঠেন্নিযতো নৰঃ ॥ ২৫॥
সৰ্ৱমঙ্গলমাঙ্গল্যং ভুক্তিং মুক্তিং চ ৱিন্দতি ।
দ্ৱাত্ৰিংশতিসহস্ৰাণি পঠেত্ শুদ্ধাত্মনাং নৃণাম্ ॥ ২৬॥
কৱচস্যাস্য মন্ত্ৰস্য মন্ত্ৰসিদ্ধিঃ প্ৰজাযতে ।
অনেন মন্ত্ৰৰাজেন কৃত্ৱা ভস্মাভিমন্ত্ৰণম্ ॥ ২৭॥
তিলকং ৱিন্যসেদ্যস্তু তস্য গ্ৰহভযং হৰেত্ ।
ত্ৰিৱাৰং জপমানস্তু দত্তং ৱাৰ্যভিমন্ত্ৰ্য চ ॥ ২৮॥
প্ৰাশযেদ্যো নৰো মন্ত্ৰং নৃসিংহধ্যানমাচৰেত্ ।
তস্য ৰোগাঃ প্ৰণশ্যন্তি যে চ স্যুঃ কুক্ষিসম্ভৱাঃ ॥ ২৯॥
কিমত্ৰ বহুনোক্তেন নৃসিংহসদৃশো ভৱেত্ ।
মনসা চিন্তিতং যত্তু স তচ্চাপ্নোত্যসংশযম্ ॥ ৩০॥
ইতি পৰমৰহস্যসাৰমেতত্কৱচৱৰং পঠতীহ যস্তু ভক্ত্যা ।
স ভৱতি ধনধান্যপুত্ৰ ভোগী তনুৱিগমে সমুপৈতি নাৰসিংহম্ ॥ ৩১॥
তপ্তহাটককেশান্তজ্ৱলত্পাৱকলোচন ।
ৱজ্ৰাযুধনখস্পৰ্শ দিৱ্যসিংহ নমোঽস্তু তে ॥ ৩২॥
শ্ৰীনৃসিংহো দিৱ্যসিংহঃ সৰ্ৱাভীষ্টপ্ৰদাযকঃ ।
একৱীৰোঽদ্ভুতবলো মন্ত্ৰযন্ত্ৰকভঞ্জনঃ ॥ ৩৩॥
ভযং নাস্তি ভযং নাস্তি নৃসিংহপদসেৱানাত্।
সত্যং সত্যং ৱচো ৱচ্মি শঙ্কৰোঽহং ত্ৰিলোচনঃ ॥ ৩৪॥
কুতো ভীতিঃ কুতো মৃত্যুঃ কুতস্তস্য দৰিদ্ৰতা ।
মৃত্যোৰ্মৃত্যুঃ ৰমানাথো যস্য নাথো নৃকেসৰী ॥ ৩৫॥
ভৰ্জনং ভৱবীজানাং ৱৰ্ধনং সুখসম্পদাম্ ।
তৰ্জনং যমদূতানাং নৃহৰেৰ্নামগৰ্জনম্ ॥ ৩৬॥
মাতা নৃসিংহশ্চ পিতা নৃসিংহো ভ্ৰাতা নৃসিংহশ্চ সখা নৃসিংহঃ
ৱিদ্যা নৃসিংহো দ্ৰৱিণং নৃসিংহঃ স্ৱামী নৃসিংহঃ সকলং নৃসিংহঃ ॥ ৩৭॥
যতো নৃসিংহঃ পৰতো নৃসিংহো যতো যতো যামি ততো নৃসিংহঃ ।
নৃসিংহদেৱাদপৰং ন কিঞ্চিত্ ।
তস্মান্নৃসিংহং শৰণং প্ৰপদ্যে ॥ ৩৮॥
গৰ্জন্তং গৰ্জযন্তং নিজভুজপটলং স্ফোটযন্তং হঠন্তং
ৰূপ্যন্তং তাপযন্তং দিৱি ভুৱি দিতিজং ক্ষেপযন্তং ক্ষিপন্তম্ ।
ক্ৰন্দন্তং ৰোষযন্তং দিশি দিশি সততং সংহৰন্তং ভৰন্তং
ৱীক্ষন্তং ঘূৰ্ণযন্তং শৰনিকৰশতৈৰ্দিৱ্যসিংহং নমামি ॥ ৩৯॥
॥ ইতি শ্ৰীব্ৰহ্মাণ্ডপুৰাণে নাৰদাগস্তিসংৱাদে প্ৰহ্লাদপ্ৰোক্তং
শ্ৰীনৃসিংহকৱচং অথৱা শ্ৰীলক্ষ্মীনৃসিংহকৱচং সম্পূৰ্ণমস্তু ॥

More Narasimha Stotras

श्रीनृसिंह प्रपत्तिः
Narasimha Prapatti
श्री ऋणमोचन नृसिंह स्तोत्रम्
Narasimha Runavimochana
नारसिंह शतकम् (तॆलुगु)
Narasimha Shatakam
श्रीनृसिंहस्तुतिः
Narasimha Stuti
श्री निम्बाद्री लक्ष्मी नृसिंह स्तोत्रम्
Sri Nimbadri Laksmi Nrsimha Stotram
प्रह्लादकृतं नृसिंह स्तोत्रम्
Prahlada Krita Narasimha
प्रह्लाद नारद
Prahlada Narada
श्रीलक्ष्मीनृसिंहारात्रिका
Shri Lakshminrisimha Aratrika (Sanskrit Aarti)
View All Narasimha Collection →

Also Chanted For

Health & HealingPeace & Protection

Explore More

Narasimha CollectionWealthObstaclesHealthProtectionWisdomHome