ക്രമേണ സര്ഗേ പരിവര്ധമാനേ
കദാപി ദിവ്യാഃ സനകാദയസ്തേ ।
ഭവദ്വിലോകായ വികുണ്ഠലോകം
പ്രപേദിരേ മാരുതമന്ദിരേശ ॥1॥
കദാപി ദിവ്യാഃ സനകാദയസ്തേ ।
ഭവദ്വിലോകായ വികുണ്ഠലോകം
പ്രപേദിരേ മാരുതമന്ദിരേശ ॥1॥
മനോജ്ഞനൈശ്രേയസകാനനാദ്യൈ-
രനേകവാപീമണിമന്ദിരൈശ്ച ।
അനോപമം തം ഭവതോ നികേതം
മുനീശ്വരാഃ പ്രാപുരതീതകക്ഷ്യാഃ ॥2॥
രനേകവാപീമണിമന്ദിരൈശ്ച ।
അനോപമം തം ഭവതോ നികേതം
മുനീശ്വരാഃ പ്രാപുരതീതകക്ഷ്യാഃ ॥2॥
ഭവദ്ദിദ്ദൃക്ഷൂന്ഭവനം വിവിക്ഷൂന്
ദ്വാഃസ്ഥൌ ജയസ്താന് വിജയോഽപ്യരുന്ധാമ് ।
തേഷാം ച ചിത്തേ പദമാപ കോപഃ
സര്വം ഭവത്പ്രേരണയൈവ ഭൂമന് ॥3॥
ദ്വാഃസ്ഥൌ ജയസ്താന് വിജയോഽപ്യരുന്ധാമ് ।
തേഷാം ച ചിത്തേ പദമാപ കോപഃ
സര്വം ഭവത്പ്രേരണയൈവ ഭൂമന് ॥3॥
വൈകുണ്ഠലോകാനുചിതപ്രചേഷ്ടൌ
കഷ്ടൌ യുവാം ദൈത്യഗതിം ഭജേതമ് ।
ഇതി പ്രശപ്തൌ ഭവദാശ്രയൌ തൌ
ഹരിസ്മൃതിര്നോഽസ്ത്വിതി നേമതുസ്താന് ॥4॥
കഷ്ടൌ യുവാം ദൈത്യഗതിം ഭജേതമ് ।
ഇതി പ്രശപ്തൌ ഭവദാശ്രയൌ തൌ
ഹരിസ്മൃതിര്നോഽസ്ത്വിതി നേമതുസ്താന് ॥4॥
തദേതദാജ്ഞായ ഭവാനവാപ്തഃ
സഹൈവ ലക്ഷ്മ്യാ ബഹിരമ്ബുജാക്ഷ ।
ഖഗേശ്വരാംസാര്പിതചാരുബാഹു-
രാനന്ദയംസ്താനഭിരാമമൂര്ത്യാ ॥5॥
സഹൈവ ലക്ഷ്മ്യാ ബഹിരമ്ബുജാക്ഷ ।
ഖഗേശ്വരാംസാര്പിതചാരുബാഹു-
രാനന്ദയംസ്താനഭിരാമമൂര്ത്യാ ॥5॥
പ്രസാദ്യ ഗീര്ഭിഃ സ്തുവതോ മുനീന്ദ്രാ-
നനന്യനാഥാവഥ പാര്ഷദൌ തൌ ।
സംരമ്ഭയോഗേന ഭവൈസ്ത്രിഭിര്മാ-
മുപേതമിത്യാത്തകൃപം ന്യഗാദീഃ ॥6॥
നനന്യനാഥാവഥ പാര്ഷദൌ തൌ ।
സംരമ്ഭയോഗേന ഭവൈസ്ത്രിഭിര്മാ-
മുപേതമിത്യാത്തകൃപം ന്യഗാദീഃ ॥6॥
ത്വദീയഭൃത്യാവഥ കാശ്യപാത്തൌ
സുരാരിവീരാവുദിതൌ ദിതൌ ദ്വൌ ।
സന്ധ്യാസമുത്പാദനകഷ്ടചേഷ്ടൌ
യമൌ ച ലോകസ്യ യമാവിവാന്യൌ ॥7॥
സുരാരിവീരാവുദിതൌ ദിതൌ ദ്വൌ ।
സന്ധ്യാസമുത്പാദനകഷ്ടചേഷ്ടൌ
യമൌ ച ലോകസ്യ യമാവിവാന്യൌ ॥7॥
ഹിരണ്യപൂര്വഃ കശിപുഃ കിലൈകഃ
പരോ ഹിരണ്യാക്ഷ ഇതി പ്രതീതഃ ।
ഉഭൌ ഭവന്നാഥമശേഷലോകം
രുഷാ ന്യരുന്ധാം നിജവാസനാന്ധൌ ॥8॥
പരോ ഹിരണ്യാക്ഷ ഇതി പ്രതീതഃ ।
ഉഭൌ ഭവന്നാഥമശേഷലോകം
രുഷാ ന്യരുന്ധാം നിജവാസനാന്ധൌ ॥8॥
തയോര്ഹിരണ്യാക്ഷമഹാസുരേന്ദ്രോ
രണായ ധാവന്നനവാപ്തവൈരീ ।
ഭവത്പ്രിയാം ക്ഷ്മാം സലിലേ നിമജ്യ
ചചാര ഗര്വാദ്വിനദന് ഗദാവാന് ॥9॥
രണായ ധാവന്നനവാപ്തവൈരീ ।
ഭവത്പ്രിയാം ക്ഷ്മാം സലിലേ നിമജ്യ
ചചാര ഗര്വാദ്വിനദന് ഗദാവാന് ॥9॥
തതോ ജലേശാത് സദൃശം ഭവന്തം
നിശമ്യ ബഭ്രാമ ഗവേഷയംസ്ത്വാമ് ।
ഭക്തൈകദൃശ്യഃ സ കൃപാനിധേ ത്വം
നിരുന്ധി രോഗാന് മരുദാലയേശ ॥10।
നിശമ്യ ബഭ്രാമ ഗവേഷയംസ്ത്വാമ് ।
ഭക്തൈകദൃശ്യഃ സ കൃപാനിധേ ത്വം
നിരുന്ധി രോഗാന് മരുദാലയേശ ॥10।