নীতস্সুগ্রীবমৈত্রীং তদনু হনুমতা দুন্দুভেঃ কাযমুচ্চৈঃ
ক্ষিপ্ত্বাঙ্গুষ্ঠেন ভূযো লুলুবিথ যুগপত্ পত্রিণা সপ্ত সালান্ ।
হত্বা সুগ্রীবঘাতোদ্যতমতুলবলং বালিনং ব্যাজবৃত্ত্যা
বর্ষাবেলামনৈষীর্বিরহতরলিতস্ত্বং মতঙ্গাশ্রমান্তে ॥1॥
ক্ষিপ্ত্বাঙ্গুষ্ঠেন ভূযো লুলুবিথ যুগপত্ পত্রিণা সপ্ত সালান্ ।
হত্বা সুগ্রীবঘাতোদ্যতমতুলবলং বালিনং ব্যাজবৃত্ত্যা
বর্ষাবেলামনৈষীর্বিরহতরলিতস্ত্বং মতঙ্গাশ্রমান্তে ॥1॥
সুগ্রীবেণানুজোক্ত্যা সভযমভিযতা ব্যূহিতাং বাহিনীং তা-
মৃক্ষাণাং বীক্ষ্য দিক্ষু দ্রুতমথ দযিতামার্গণাযাবনম্রাম্ ।
সন্দেশং চাঙ্গুলীযং পবনসুতকরে প্রাদিশো মোদশালী
মার্গে মার্গে মমার্গে কপিভিরপি তদা ত্বত্প্রিযা সপ্রযাসৈঃ ॥2॥
মৃক্ষাণাং বীক্ষ্য দিক্ষু দ্রুতমথ দযিতামার্গণাযাবনম্রাম্ ।
সন্দেশং চাঙ্গুলীযং পবনসুতকরে প্রাদিশো মোদশালী
মার্গে মার্গে মমার্গে কপিভিরপি তদা ত্বত্প্রিযা সপ্রযাসৈঃ ॥2॥
ত্বদ্বার্তাকর্ণনোদ্যদ্গরুদুরুজবসম্পাতিসম্পাতিবাক্য-
প্রোত্তীর্ণার্ণোধিরন্তর্নগরি জনকজাং বীক্ষ্য দত্বাঙ্গুলীযম্ ।
প্রক্ষুদ্যোদ্যানমক্ষক্ষপণচণরণঃ সোঢবন্ধো দশাস্যং
দৃষ্ট্বা প্লুষ্ট্বা চ লঙ্কাং ঝটিতি স হনুমান্ মৌলিরত্নং দদৌ তে ॥3॥
প্রোত্তীর্ণার্ণোধিরন্তর্নগরি জনকজাং বীক্ষ্য দত্বাঙ্গুলীযম্ ।
প্রক্ষুদ্যোদ্যানমক্ষক্ষপণচণরণঃ সোঢবন্ধো দশাস্যং
দৃষ্ট্বা প্লুষ্ট্বা চ লঙ্কাং ঝটিতি স হনুমান্ মৌলিরত্নং দদৌ তে ॥3॥
ত্বং সুগ্রীবাঙ্গদাদিপ্রবলকপিচমূচক্রবিক্রান্তভূমী-
চক্রোঽভিক্রম্য পারেজলধি নিশিচরেন্দ্রানুজাশ্রীযমাণঃ ।
তত্প্রোক্তাং শত্রুবার্তাং রহসি নিশমযন্ প্রার্থনাপার্থ্যরোষ-
প্রাস্তাগ্নেযাস্ত্রতেজস্ত্রসদুদধিগিরা লব্ধবান্ মধ্যমার্গম্ ॥4॥
চক্রোঽভিক্রম্য পারেজলধি নিশিচরেন্দ্রানুজাশ্রীযমাণঃ ।
তত্প্রোক্তাং শত্রুবার্তাং রহসি নিশমযন্ প্রার্থনাপার্থ্যরোষ-
প্রাস্তাগ্নেযাস্ত্রতেজস্ত্রসদুদধিগিরা লব্ধবান্ মধ্যমার্গম্ ॥4॥
কীশৈরাশান্তরোপাহৃতগিরিনিকরৈঃ সেতুমাধাপ্য যাতো
যাতূন্যামর্দ্য দংষ্ট্রানখশিখরিশিলাসালশস্ত্রৈঃ স্বসৈন্যৈঃ ।
ব্যাকুর্বন্ সানুজস্ত্বং সমরভুবি পরং বিক্রমং শক্রজেত্রা
বেগান্নাগাস্ত্রবদ্ধঃ পতগপতিগরুন্মারুতৈর্মোচিতোঽভূঃ ॥5॥
যাতূন্যামর্দ্য দংষ্ট্রানখশিখরিশিলাসালশস্ত্রৈঃ স্বসৈন্যৈঃ ।
ব্যাকুর্বন্ সানুজস্ত্বং সমরভুবি পরং বিক্রমং শক্রজেত্রা
বেগান্নাগাস্ত্রবদ্ধঃ পতগপতিগরুন্মারুতৈর্মোচিতোঽভূঃ ॥5॥
সৌমিত্রিস্ত্বত্র শক্তিপ্রহৃতিগলদসুর্বাতজানীতশৈল-
ঘ্রাণাত্ প্রাণানুপেতো ব্যকৃণুত কুসৃতিশ্লাঘিনং মেঘনাদম্ ।
মাযাক্ষোভেষু বৈভীষণবচনহৃতস্তম্ভনঃ কুম্ভকর্ণং
সম্প্রাপ্তং কম্পিতোর্বীতলমখিলচমূভক্ষিণং ব্যক্ষিণোস্ত্বম্ ॥6॥
ঘ্রাণাত্ প্রাণানুপেতো ব্যকৃণুত কুসৃতিশ্লাঘিনং মেঘনাদম্ ।
মাযাক্ষোভেষু বৈভীষণবচনহৃতস্তম্ভনঃ কুম্ভকর্ণং
সম্প্রাপ্তং কম্পিতোর্বীতলমখিলচমূভক্ষিণং ব্যক্ষিণোস্ত্বম্ ॥6॥
গৃহ্ণন্ জম্ভারিসম্প্রেষিতরথকবচৌ রাবণেনাভিযুদ্ধ্যন্
ব্রহ্মাস্ত্রেণাস্য ভিন্দন্ গলততিমবলামগ্নিশুদ্ধাং প্রগৃহ্ণন্ ।
দেবশ্রেণীবরোজ্জীবিতসমরমৃতৈরক্ষতৈঃ ঋক্ষসঙ্ঘৈ-
র্লঙ্কাভর্ত্রা চ সাকং নিজনগরমগাঃ সপ্রিযঃ পুষ্পকেণ ॥7॥
ব্রহ্মাস্ত্রেণাস্য ভিন্দন্ গলততিমবলামগ্নিশুদ্ধাং প্রগৃহ্ণন্ ।
দেবশ্রেণীবরোজ্জীবিতসমরমৃতৈরক্ষতৈঃ ঋক্ষসঙ্ঘৈ-
র্লঙ্কাভর্ত্রা চ সাকং নিজনগরমগাঃ সপ্রিযঃ পুষ্পকেণ ॥7॥
প্রীতো দিব্যাভিষেকৈরযুতসমধিকান্ বত্সরান্ পর্যরংসী-
র্মৈথিল্যাং পাপবাচা শিব! শিব! কিল তাং গর্ভিণীমভ্যহাসীঃ ।
শত্রুঘ্নেনার্দযিত্বা লবণনিশিচরং প্রার্দযঃ শূদ্রপাশং
তাবদ্বাল্মীকিগেহে কৃতবসতিরুপাসূত সীতা সুতৌ তে ॥8॥
র্মৈথিল্যাং পাপবাচা শিব! শিব! কিল তাং গর্ভিণীমভ্যহাসীঃ ।
শত্রুঘ্নেনার্দযিত্বা লবণনিশিচরং প্রার্দযঃ শূদ্রপাশং
তাবদ্বাল্মীকিগেহে কৃতবসতিরুপাসূত সীতা সুতৌ তে ॥8॥
বাল্মীকেস্ত্বত্সুতোদ্গাপিতমধুরকৃতেরাজ্ঞযা যজ্ঞবাটে
সীতাং ত্বয্যাপ্তুকামে ক্ষিতিমবিশদসৌ ত্বং চ কালার্থিতোঽভূঃ ।
হেতোঃ সৌমিত্রিঘাতী স্বযমথ সরযূমগ্ননিশ্শেষভৃত্যৈঃ
সাকং নাকং প্রযাতো নিজপদমগমো দেব বৈকুণ্ঠমাদ্যম্ ॥9॥
সীতাং ত্বয্যাপ্তুকামে ক্ষিতিমবিশদসৌ ত্বং চ কালার্থিতোঽভূঃ ।
হেতোঃ সৌমিত্রিঘাতী স্বযমথ সরযূমগ্ননিশ্শেষভৃত্যৈঃ
সাকং নাকং প্রযাতো নিজপদমগমো দেব বৈকুণ্ঠমাদ্যম্ ॥9॥
সোঽযং মর্ত্যাবতারস্তব খলু নিযতং মর্ত্যশিক্ষার্থমেবং
বিশ্লেষার্তির্নিরাগস্ত্যজনমপি ভবেত্ কামধর্মাতিসক্ত্যা ।
নো চেত্ স্বাত্মানুভূতেঃ ক্ব নু তব মনসো বিক্রিযা চক্রপাণে
স ত্বং সত্ত্বৈকমূর্তে পবনপুরপতে ব্যাধুনু ব্যাধিতাপান্ ॥10॥
বিশ্লেষার্তির্নিরাগস্ত্যজনমপি ভবেত্ কামধর্মাতিসক্ত্যা ।
নো চেত্ স্বাত্মানুভূতেঃ ক্ব নু তব মনসো বিক্রিযা চক্রপাণে
স ত্বং সত্ত্বৈকমূর্তে পবনপুরপতে ব্যাধুনু ব্যাধিতাপান্ ॥10॥