অত্ৰেঃ পুত্ৰতযা পুৰা ত্ৱমনসূযাযাং হি দত্তাভিধো
জাতঃ শিষ্যনিবন্ধতন্দ্ৰিতমনাঃ স্ৱস্থশ্চৰন্ কান্তযা ।
দৃষ্টো ভক্ততমেন হেহযমহীপালেন তস্মৈ ৱৰা-
নষ্টৈশ্ৱৰ্যমুখান্ প্ৰদায দদিথ স্ৱেনৈৱ চান্তে ৱধম্ ॥1॥
জাতঃ শিষ্যনিবন্ধতন্দ্ৰিতমনাঃ স্ৱস্থশ্চৰন্ কান্তযা ।
দৃষ্টো ভক্ততমেন হেহযমহীপালেন তস্মৈ ৱৰা-
নষ্টৈশ্ৱৰ্যমুখান্ প্ৰদায দদিথ স্ৱেনৈৱ চান্তে ৱধম্ ॥1॥
সত্যং কৰ্তুমথাৰ্জুনস্য চ ৱৰং তচ্ছক্তিমাত্ৰানতং
ব্ৰহ্মদ্ৱেষি তদাখিলং নৃপকুলং হন্তুং চ ভূমেৰ্ভৰম্ ।
সঞ্জাতো জমদগ্নিতো ভৃগুকুলে ত্ৱং ৰেণুকাযাং হৰে
ৰামো নাম তদাত্মজেষ্ৱৱৰজঃ পিত্ৰোৰধাঃ সম্মদম্ ॥2॥
ব্ৰহ্মদ্ৱেষি তদাখিলং নৃপকুলং হন্তুং চ ভূমেৰ্ভৰম্ ।
সঞ্জাতো জমদগ্নিতো ভৃগুকুলে ত্ৱং ৰেণুকাযাং হৰে
ৰামো নাম তদাত্মজেষ্ৱৱৰজঃ পিত্ৰোৰধাঃ সম্মদম্ ॥2॥
লব্ধাম্নাযগণশ্চতুৰ্দশৱযা গন্ধৰ্ৱৰাজে মনা-
গাসক্তাং কিল মাতৰং প্ৰতি পিতুঃ ক্ৰোধাকুলস্যাজ্ঞযা ।
তাতাজ্ঞাতিগসোদৰৈঃ সমমিমাং ছিত্ৱাঽথ শান্তাত্ পিতু-
স্তেষাং জীৱনযোগমাপিথ ৱৰং মাতা চ তেঽদাদ্ৱৰান্ ॥3॥
গাসক্তাং কিল মাতৰং প্ৰতি পিতুঃ ক্ৰোধাকুলস্যাজ্ঞযা ।
তাতাজ্ঞাতিগসোদৰৈঃ সমমিমাং ছিত্ৱাঽথ শান্তাত্ পিতু-
স্তেষাং জীৱনযোগমাপিথ ৱৰং মাতা চ তেঽদাদ্ৱৰান্ ॥3॥
পিত্ৰা মাতৃমুদে স্তৱাহৃতৱিযদ্ধেনোৰ্নিজাদাশ্ৰমাত্
প্ৰস্থাযাথ ভৃগোৰ্গিৰা হিমগিৰাৱাৰাধ্য গৌৰীপতিম্ ।
লব্ধ্ৱা তত্পৰশুং তদুক্তদনুজচ্ছেদী মহাস্ত্ৰাদিকং
প্ৰাপ্তো মিত্ৰমথাকৃতৱ্ৰণমুনিং প্ৰাপ্যাগমঃ স্ৱাশ্ৰমম্ ॥4॥
প্ৰস্থাযাথ ভৃগোৰ্গিৰা হিমগিৰাৱাৰাধ্য গৌৰীপতিম্ ।
লব্ধ্ৱা তত্পৰশুং তদুক্তদনুজচ্ছেদী মহাস্ত্ৰাদিকং
প্ৰাপ্তো মিত্ৰমথাকৃতৱ্ৰণমুনিং প্ৰাপ্যাগমঃ স্ৱাশ্ৰমম্ ॥4॥
আখেটোপগতোঽৰ্জুনঃ সুৰগৱীসম্প্ৰাপ্তসম্পদ্গণৈ-
স্ত্ৱত্পিত্ৰা পৰিপূজিতঃ পুৰগতো দুৰ্মন্ত্ৰিৱাচা পুনঃ ।
গাং ক্ৰেতুং সচিৱং ন্যযুঙ্ক্ত কুধিযা তেনাপি ৰুন্ধন্মুনি-
প্ৰাণক্ষেপসৰোষগোহতচমূচক্ৰেণ ৱত্সো হৃতঃ ॥5॥
স্ত্ৱত্পিত্ৰা পৰিপূজিতঃ পুৰগতো দুৰ্মন্ত্ৰিৱাচা পুনঃ ।
গাং ক্ৰেতুং সচিৱং ন্যযুঙ্ক্ত কুধিযা তেনাপি ৰুন্ধন্মুনি-
প্ৰাণক্ষেপসৰোষগোহতচমূচক্ৰেণ ৱত্সো হৃতঃ ॥5॥
শুক্ৰোজ্জীৱিততাতৱাক্যচলিতক্ৰোধোঽথ সখ্যা সমং
বিভ্ৰদ্ধ্যাতমহোদৰোপনিহিতং চাপং কুঠাৰং শৰান্ ।
আৰূঢঃ সহৱাহযন্তৃকৰথং মাহিষ্মতীমাৱিশন্
ৱাগ্ভিৰ্ৱত্সমদাশুষি ক্ষিতিপতৌ সম্প্ৰাস্তুথাঃ সঙ্গৰম্ ॥6॥
বিভ্ৰদ্ধ্যাতমহোদৰোপনিহিতং চাপং কুঠাৰং শৰান্ ।
আৰূঢঃ সহৱাহযন্তৃকৰথং মাহিষ্মতীমাৱিশন্
ৱাগ্ভিৰ্ৱত্সমদাশুষি ক্ষিতিপতৌ সম্প্ৰাস্তুথাঃ সঙ্গৰম্ ॥6॥
পুত্ৰাণামযুতেন সপ্তদশভিশ্চাক্ষৌহিণীভিৰ্মহা-
সেনানীভিৰনেকমিত্ৰনিৱহৈৰ্ৱ্যাজৃম্ভিতাযোধনঃ ।
সদ্যস্ত্ৱত্ককুঠাৰবাণৱিদলন্নিশ্শেষসৈন্যোত্কৰো
ভীতিপ্ৰদ্ৰুতনষ্টশিষ্টতনযস্ত্ৱামাপতত্ হেহযঃ ॥7॥
সেনানীভিৰনেকমিত্ৰনিৱহৈৰ্ৱ্যাজৃম্ভিতাযোধনঃ ।
সদ্যস্ত্ৱত্ককুঠাৰবাণৱিদলন্নিশ্শেষসৈন্যোত্কৰো
ভীতিপ্ৰদ্ৰুতনষ্টশিষ্টতনযস্ত্ৱামাপতত্ হেহযঃ ॥7॥
লীলাৱাৰিতনৰ্মদাজলৱলল্লঙ্কেশগৰ্ৱাপহ-
শ্ৰীমদ্বাহুসহস্ৰমুক্তবহুশস্ত্ৰাস্ত্ৰং নিৰুন্ধন্নমুম্ ।
চক্ৰে ত্ৱয্যথ ৱৈষ্ণৱেঽপি ৱিফলে বুদ্ধ্ৱা হৰিং ত্ৱাং মুদা
ধ্যাযন্তং ছিতসৰ্ৱদোষমৱধীঃ সোঽগাত্ পৰং তে পদম্ ॥8॥
শ্ৰীমদ্বাহুসহস্ৰমুক্তবহুশস্ত্ৰাস্ত্ৰং নিৰুন্ধন্নমুম্ ।
চক্ৰে ত্ৱয্যথ ৱৈষ্ণৱেঽপি ৱিফলে বুদ্ধ্ৱা হৰিং ত্ৱাং মুদা
ধ্যাযন্তং ছিতসৰ্ৱদোষমৱধীঃ সোঽগাত্ পৰং তে পদম্ ॥8॥
ভূযোঽমৰ্ষিতহেহযাত্মজগণৈস্তাতে হতে ৰেণুকা-
মাঘ্নানাং হৃদযং নিৰীক্ষ্য বহুশো ঘোৰাং প্ৰতিজ্ঞাং ৱহন্ ।
ধ্যানানীতৰথাযুধস্ত্ৱমকৃথা ৱিপ্ৰদ্ৰুহঃ ক্ষত্ৰিযান্
দিক্চক্ৰেষু কুঠাৰযন্ ৱিশিখযন্ নিঃক্ষত্ৰিযাং মেদিনীম্ ॥9॥
মাঘ্নানাং হৃদযং নিৰীক্ষ্য বহুশো ঘোৰাং প্ৰতিজ্ঞাং ৱহন্ ।
ধ্যানানীতৰথাযুধস্ত্ৱমকৃথা ৱিপ্ৰদ্ৰুহঃ ক্ষত্ৰিযান্
দিক্চক্ৰেষু কুঠাৰযন্ ৱিশিখযন্ নিঃক্ষত্ৰিযাং মেদিনীম্ ॥9॥
তাতোজ্জীৱনকৃন্নৃপালককুলং ত্ৰিস্সপ্তকৃত্ৱো জযন্
সন্তৰ্প্যাথ সমন্তপঞ্চকমহাৰক্তহৃদৌঘে পিতৃন্
যজ্ঞে ক্ষ্মামপি কাশ্যপাদিষু দিশন্ সাল্ৱেন যুধ্যন্ পুনঃ
কৃষ্ণোঽমুং নিহনিষ্যতীতি শমিতো যুদ্ধাত্ কুমাৰৈৰ্ভৱান্ ॥10॥
সন্তৰ্প্যাথ সমন্তপঞ্চকমহাৰক্তহৃদৌঘে পিতৃন্
যজ্ঞে ক্ষ্মামপি কাশ্যপাদিষু দিশন্ সাল্ৱেন যুধ্যন্ পুনঃ
কৃষ্ণোঽমুং নিহনিষ্যতীতি শমিতো যুদ্ধাত্ কুমাৰৈৰ্ভৱান্ ॥10॥
ন্যস্যাস্ত্ৰাণি মহেন্দ্ৰভূভৃতি তপস্তন্ৱন্ পুনৰ্মজ্জিতাং
গোকৰ্ণাৱধি সাগৰেণ ধৰণীং দৃষ্ট্ৱাৰ্থিতস্তাপসৈঃ ।
ধ্যাতেষ্ৱাসধৃতানলাস্ত্ৰচকিতং সিন্ধুং স্ৰুৱক্ষেপণা-
দুত্সাৰ্যোদ্ধৃতকেৰলো ভৃগুপতে ৱাতেশ সংৰক্ষ মাম্ ॥11॥
গোকৰ্ণাৱধি সাগৰেণ ধৰণীং দৃষ্ট্ৱাৰ্থিতস্তাপসৈঃ ।
ধ্যাতেষ্ৱাসধৃতানলাস্ত্ৰচকিতং সিন্ধুং স্ৰুৱক্ষেপণা-
দুত্সাৰ্যোদ্ধৃতকেৰলো ভৃগুপতে ৱাতেশ সংৰক্ষ মাম্ ॥11॥