কল্যতাং মম কুৰুষ্ৱ তাৱতীং কল্যতে ভৱদুপাসনং যযা ।
স্পষ্টমষ্টৱিধযোগচৰ্যযা পুষ্টযাশু তৱ তুষ্টিমাপ্নুযাম্ ॥1॥
স্পষ্টমষ্টৱিধযোগচৰ্যযা পুষ্টযাশু তৱ তুষ্টিমাপ্নুযাম্ ॥1॥
ব্ৰহ্মচৰ্যদৃঢতাদিভিৰ্যমৈৰাপ্লৱাদিনিযমৈশ্চ পাৱিতাঃ ।
কুৰ্মহে দৃঢমমী সুখাসনং পঙ্কজাদ্যমপি ৱা ভৱত্পৰাঃ ॥2॥
কুৰ্মহে দৃঢমমী সুখাসনং পঙ্কজাদ্যমপি ৱা ভৱত্পৰাঃ ॥2॥
তাৰমন্তৰনুচিন্ত্য সন্ততং প্ৰাণৱাযুমভিযম্য নিৰ্মলাঃ ।
ইন্দ্ৰিযাণি ৱিষযাদথাপহৃত্যাস্মহে ভৱদুপাসনোন্মুখাঃ ॥3॥
ইন্দ্ৰিযাণি ৱিষযাদথাপহৃত্যাস্মহে ভৱদুপাসনোন্মুখাঃ ॥3॥
অস্ফুটে ৱপুষি তে প্ৰযত্নতো ধাৰযেম ধিষণাং মুহুৰ্মুহুঃ ।
তেন ভক্তিৰসমন্তৰাৰ্দ্ৰতামুদ্ৱহেম ভৱদঙ্ঘ্ৰিচিন্তকা ॥4॥
তেন ভক্তিৰসমন্তৰাৰ্দ্ৰতামুদ্ৱহেম ভৱদঙ্ঘ্ৰিচিন্তকা ॥4॥
ৱিস্ফুটাৱযৱভেদসুন্দৰং ত্ৱদ্ৱপুঃ সুচিৰশীলনাৱশাত্ ।
অশ্ৰমং মনসি চিন্তযামহে ধ্যানযোগনিৰতাস্ত্ৱদাশ্ৰযাঃ ॥5॥
অশ্ৰমং মনসি চিন্তযামহে ধ্যানযোগনিৰতাস্ত্ৱদাশ্ৰযাঃ ॥5॥
ধ্যাযতাং সকলমূৰ্তিমীদৃশীমুন্মিষন্মধুৰতাহৃতাত্মনাম্ ।
সান্দ্ৰমোদৰসৰূপমান্তৰং ব্ৰহ্ম ৰূপমযি তেঽৱভাসতে ॥6॥
সান্দ্ৰমোদৰসৰূপমান্তৰং ব্ৰহ্ম ৰূপমযি তেঽৱভাসতে ॥6॥
তত্সমাস্ৱদনৰূপিণীং স্থিতিং ত্ৱত্সমাধিমযি ৱিশ্ৱনাযক ।
আশ্ৰিতাঃ পুনৰতঃ পৰিচ্যুতাৱাৰভেমহি চ ধাৰণাদিকম্ ॥7॥
আশ্ৰিতাঃ পুনৰতঃ পৰিচ্যুতাৱাৰভেমহি চ ধাৰণাদিকম্ ॥7॥
ইত্থমভ্যসননিৰ্ভৰোল্লসত্ত্ৱত্পৰাত্মসুখকল্পিতোত্সৱাঃ ।
মুক্তভক্তকুলমৌলিতাং গতাঃ সঞ্চৰেম শুকনাৰদাদিৱত্ ॥8॥
মুক্তভক্তকুলমৌলিতাং গতাঃ সঞ্চৰেম শুকনাৰদাদিৱত্ ॥8॥
ত্ৱত্সমাধিৱিজযে তু যঃ পুনৰ্মঙ্ক্ষু মোক্ষৰসিকঃ ক্ৰমেণ ৱা ।
যোগৱশ্যমনিলং ষডাশ্ৰযৈৰুন্নযত্যজ সুষুম্নযা শনৈঃ ॥9॥
যোগৱশ্যমনিলং ষডাশ্ৰযৈৰুন্নযত্যজ সুষুম্নযা শনৈঃ ॥9॥
লিঙ্গদেহমপি সন্ত্যজন্নথো লীযতে ত্ৱযি পৰে নিৰাগ্ৰহঃ ।
ঊৰ্ধ্ৱলোককুতুকী তু মূৰ্ধতঃ সাৰ্ধমেৱ কৰণৈৰ্নিৰীযতে ॥10॥
ঊৰ্ধ্ৱলোককুতুকী তু মূৰ্ধতঃ সাৰ্ধমেৱ কৰণৈৰ্নিৰীযতে ॥10॥
অগ্নিৱাসৰৱলৰ্ক্ষপক্ষগৈৰুত্তৰাযণজুষা চ দৈৱতৈঃ ।
প্ৰাপিতো ৰৱিপদং ভৱত্পৰো মোদৱান্ ধ্ৰুৱপদান্তমীযতে ॥11॥
প্ৰাপিতো ৰৱিপদং ভৱত্পৰো মোদৱান্ ধ্ৰুৱপদান্তমীযতে ॥11॥
আস্থিতোঽথ মহৰালযে যদা শেষৱক্ত্ৰদহনোষ্মণাৰ্দ্যতে ।
ঈযতে ভৱদুপাশ্ৰযস্তদা ৱেধসঃ পদমতঃ পুৰৈৱ ৱা ॥12॥
ঈযতে ভৱদুপাশ্ৰযস্তদা ৱেধসঃ পদমতঃ পুৰৈৱ ৱা ॥12॥
তত্ৰ ৱা তৱ পদেঽথৱা ৱসন্ প্ৰাকৃতপ্ৰলয এতি মুক্ততাম্ ।
স্ৱেচ্ছযা খলু পুৰা ৱিমুচ্যতে সংৱিভিদ্য জগদণ্ডমোজসা ॥13॥
স্ৱেচ্ছযা খলু পুৰা ৱিমুচ্যতে সংৱিভিদ্য জগদণ্ডমোজসা ॥13॥
তস্য চ ক্ষিতিপযোমহোঽনিলদ্যোমহত্প্ৰকৃতিসপ্তকাৱৃতীঃ ।
তত্তদাত্মকতযা ৱিশন্ সুখী যাতি তে পদমনাৱৃতং ৱিভো ॥14॥
তত্তদাত্মকতযা ৱিশন্ সুখী যাতি তে পদমনাৱৃতং ৱিভো ॥14॥
অৰ্চিৰাদিগতিমীদৃশীং ৱ্ৰজন্ ৱিচ্যুতিং ন ভজতে জগত্পতে ।
সচ্চিদাত্মক ভৱত্ গুণোদযানুচ্চৰন্তমনিলেশ পাহি মাম্ ॥15॥
সচ্চিদাত্মক ভৱত্ গুণোদযানুচ্চৰন্তমনিলেশ পাহি মাম্ ॥15॥