নাৰাযণীযং দশক 5 - ৱিৰাট্পুৰুষোত্পত্তিঃ

ৱ্যক্তাৱ্যক্তমিদং ন কিঞ্চিদভৱত্প্ৰাক্প্ৰাকৃতপ্ৰক্ষযে
মাযাযাং গুণসাম্যৰুদ্ধৱিকৃতৌ ত্ৱয্যাগতাযাং লযম্ ।
নো মৃত্যুশ্চ তদাঽমৃতং চ সমভূন্নাহ্নো ন ৰাত্ৰেঃ স্থিতি-
স্তত্ৰৈকস্ত্ৱমশিষ্যথাঃ কিল পৰানন্দপ্ৰকাশাত্মনা ॥1॥

কালঃ কৰ্ম গুণাশ্চ জীৱনিৱহা ৱিশ্ৱং চ কাৰ্যং ৱিভো
চিল্লীলাৰতিমেযুষি ত্ৱযি তদা নিৰ্লীনতামাযযুঃ ।
তেষাং নৈৱ ৱদন্ত্যসত্ত্ৱমযি ভোঃ শক্ত্যাত্মনা তিষ্ঠতাং
নো চেত্ কিং গগনপ্ৰসূনসদৃশাং ভূযো ভৱেত্সম্ভৱঃ ॥2॥

এৱং চ দ্ৱিপৰাৰ্ধকালৱিগতাৱীক্ষাং সিসৃক্ষাত্মিকাং
বিভ্ৰাণে ত্ৱযি চুক্ষুভে ত্ৰিভুৱনীভাৱায মাযা স্ৱযম্ ।
মাযাতঃ খলু কালশক্তিৰখিলাদৃষ্টং স্ৱভাৱোঽপি চ
প্ৰাদুৰ্ভূয গুণান্ৱিকাস্য ৱিদধুস্তস্যাস্সহাযক্ৰিযাম্ ॥3॥

মাযাসন্নিহিতোঽপ্ৰৱিষ্টৱপুষা সাক্ষীতি গীতো ভৱান্
ভেদৈস্তাং প্ৰতিবিম্বতো ৱিৱিশিৱান্ জীৱোঽপি নৈৱাপৰঃ ।
কালাদিপ্ৰতিবোধিতাঽথ ভৱতা সঞ্চোদিতা চ স্ৱযং
মাযা সা খলু বুদ্ধিতত্ত্ৱমসৃজদ্যোঽসৌ মহানুচ্যতে ॥4॥

তত্ৰাসৌ ত্ৰিগুণাত্মকোঽপি চ মহান্ সত্ত্ৱপ্ৰধানঃ স্ৱযং
জীৱেঽস্মিন্ খলু নিৰ্ৱিকল্পমহমিত্যুদ্বোধনিষ্পাদ্কঃ ।
চক্ৰেঽস্মিন্ সৱিকল্পবোধকমহন্তত্ত্ৱং মহান্ খল্ৱসৌ
সম্পুষ্টং ত্ৰিগুণৈস্তমোঽতিবহুলং ৱিষ্ণো ভৱত্প্ৰেৰণাত্ ॥5॥

সোঽহং চ ত্ৰিগুণক্ৰমাত্ ত্ৰিৱিধতামাসাদ্য ৱৈকাৰিকো
ভূযস্তৈজসতামসাৱিতি ভৱন্নাদ্যেন সত্ত্ৱাত্মনা
দেৱানিন্দ্ৰিযমানিনোঽকৃত দিশাৱাতাৰ্কপাশ্যশ্ৱিনো
ৱহ্নীন্দ্ৰাচ্যুতমিত্ৰকান্ ৱিধুৱিধিশ্ৰীৰুদ্ৰশাৰীৰকান্ ॥6॥

ভূমন্ মানসবুদ্ধ্যহঙ্কৃতিমিলচ্চিত্তাখ্যৱৃত্ত্যন্ৱিতং
তচ্চান্তঃকৰণং ৱিভো তৱ বলাত্ সত্ত্ৱাংশ এৱাসৃজত্ ।
জাতস্তৈজসতো দশেন্দ্ৰিযগণস্তত্তামসাংশাত্পুন-
স্তন্মাত্ৰং নভসো মৰুত্পুৰপতে শব্দোঽজনি ত্ৱদ্বলাত্ ॥7॥

শব্দাদ্ৱ্যোম ততঃ সসৰ্জিথ ৱিভো স্পৰ্শং ততো মাৰুতং
তস্মাদ্ৰূপমতো মহোঽথ চ ৰসং তোযং চ গন্ধং মহীম্ ।
এৱং মাধৱ পূৰ্ৱপূৰ্ৱকলনাদাদ্যাদ্যধৰ্মান্ৱিতং
ভূতগ্ৰামমিমং ত্ৱমেৱ ভগৱন্ প্ৰাকাশযস্তামসাত্ ॥8॥

এতে ভূতগণাস্তথেন্দ্ৰিযগণা দেৱাশ্চ জাতাঃ পৃথঙ্-
নো শেকুৰ্ভুৱনাণ্ডনিৰ্মিতিৱিধৌ দেৱৈৰমীভিস্তদা ।
ত্ৱং নানাৱিধসূক্তিভিৰ্নুতগুণস্তত্ত্ৱান্যমূন্যাৱিশং-
শ্চেষ্টাশক্তিমুদীৰ্য তানি ঘটযন্ হৈৰণ্যমণ্ডং ৱ্যধাঃ ॥9॥

অণ্ডং তত্খলু পূৰ্ৱসৃষ্টসলিলেঽতিষ্ঠত্ সহস্ৰং সমাঃ
নিৰ্ভিন্দন্নকৃথাশ্চতুৰ্দশজগদ্ৰূপং ৱিৰাডাহ্ৱযম্ ।
সাহস্ৰৈঃ কৰপাদমূৰ্ধনিৱহৈৰ্নিশ্শেষজীৱাত্মকো
নিৰ্ভাতোঽসি মৰুত্পুৰাধিপ স মাং ত্ৰাযস্ৱ সৰ্ৱামযাত্ ॥10॥