অতীত্য বাল্যং জগতাং পতে ত্ৱমুপেত্য পৌগণ্ডৱযো মনোজ্ঞম্ ।
উপেক্ষ্য ৱত্সাৱনমুত্সৱেন প্ৰাৱৰ্তথা গোগণপালনাযাম্ ॥1॥
উপেক্ষ্য ৱত্সাৱনমুত্সৱেন প্ৰাৱৰ্তথা গোগণপালনাযাম্ ॥1॥
উপক্ৰমস্যানুগুণৈৱ সেযং মৰুত্পুৰাধীশ তৱ প্ৰৱৃত্তিঃ ।
গোত্ৰাপৰিত্ৰাণকৃতেঽৱতীৰ্ণস্তদেৱ দেৱাঽঽৰভথাস্তদা যত্ ॥2॥
গোত্ৰাপৰিত্ৰাণকৃতেঽৱতীৰ্ণস্তদেৱ দেৱাঽঽৰভথাস্তদা যত্ ॥2॥
কদাপি ৰামেণ সমং ৱনান্তে ৱনশ্ৰিযং ৱীক্ষ্য চৰন্ সুখেন ।
শ্ৰীদামনাম্নঃ স্ৱসখস্য ৱাচা মোদাদগা ধেনুককাননং ত্ৱম্ ॥3॥
শ্ৰীদামনাম্নঃ স্ৱসখস্য ৱাচা মোদাদগা ধেনুককাননং ত্ৱম্ ॥3॥
উত্তালতালীনিৱহে ত্ৱদুক্ত্যা বলেন ধূতেঽথ বলেন দোৰ্ভ্যাম্ ।
মৃদুঃ খৰশ্চাভ্যপতত্পুৰস্তাত্ ফলোত্কৰো ধেনুকদানৱোঽপি ॥4॥
মৃদুঃ খৰশ্চাভ্যপতত্পুৰস্তাত্ ফলোত্কৰো ধেনুকদানৱোঽপি ॥4॥
সমুদ্যতো ধৈনুকপালনেঽহং কথং ৱধং ধৈনুকমদ্য কুৰ্ৱে ।
ইতীৱ মত্ৱা ধ্ৰুৱমগ্ৰজেন সুৰৌঘযোদ্ধাৰমজীঘনস্ত্ৱম্ ॥5॥
ইতীৱ মত্ৱা ধ্ৰুৱমগ্ৰজেন সুৰৌঘযোদ্ধাৰমজীঘনস্ত্ৱম্ ॥5॥
তদীযভৃত্যানপি জম্বুকত্ৱেনোপাগতানগ্ৰজসংযুতস্ত্ৱম্ ।
জম্বূফলানীৱ তদা নিৰাস্থস্তালেষু খেলন্ ভগৱন্ নিৰাস্থঃ ॥6॥
জম্বূফলানীৱ তদা নিৰাস্থস্তালেষু খেলন্ ভগৱন্ নিৰাস্থঃ ॥6॥
ৱিনিঘ্নতি ত্ৱয্যথ জম্বুকৌঘং সনামকত্ৱাদ্ৱৰুণস্তদানীম্ ।
ভযাকুলো জম্বুকনামধেযং শ্ৰুতিপ্ৰসিদ্ধং ৱ্যধিতেতি মন্যে ॥7॥
ভযাকুলো জম্বুকনামধেযং শ্ৰুতিপ্ৰসিদ্ধং ৱ্যধিতেতি মন্যে ॥7॥
তৱাৱতাৰস্য ফলং মুৰাৰে সঞ্জাতমদ্যেতি সুৰৈৰ্নুতস্ত্ৱম্ ।
সত্যং ফলং জাতমিহেতি হাসী বালৈঃ সমং তালফলান্যভুঙ্ক্থাঃ ॥8॥
সত্যং ফলং জাতমিহেতি হাসী বালৈঃ সমং তালফলান্যভুঙ্ক্থাঃ ॥8॥
মধুদ্ৰৱস্ৰুন্তি বৃহন্তি তানি ফলানি মেদোভৰভৃন্তি ভুক্ত্ৱা ।
তৃপ্তৈশ্চ দৃপ্তৈৰ্ভৱনং ফলৌঘং ৱহদ্ভিৰাগাঃ খলু বালকৈস্ত্ৱম্ ॥9॥
তৃপ্তৈশ্চ দৃপ্তৈৰ্ভৱনং ফলৌঘং ৱহদ্ভিৰাগাঃ খলু বালকৈস্ত্ৱম্ ॥9॥
হতো হতো ধেনুক ইত্যুপেত্য ফলান্যদদ্ভিৰ্মধুৰাণি লোকৈঃ ।
জযেতি জীৱেতি নুতো ৱিভো ত্ৱং মৰুত্পুৰাধীশ্ৱৰ পাহি ৰোগাত্ ॥10॥
জযেতি জীৱেতি নুতো ৱিভো ত্ৱং মৰুত্পুৰাধীশ্ৱৰ পাহি ৰোগাত্ ॥10॥