মদনাতুৰচেতসোঽন্ৱহং ভৱদঙ্ঘ্ৰিদ্ৱযদাস্যকাম্যযা ।
যমুনাতটসীম্নি সৈকতীং তৰলাক্ষ্যো গিৰিজাং সমাৰ্চিচন্ ॥1॥
যমুনাতটসীম্নি সৈকতীং তৰলাক্ষ্যো গিৰিজাং সমাৰ্চিচন্ ॥1॥
তৱ নামকথাৰতাঃ সমং সুদৃশঃ প্ৰাতৰুপাগতা নদীম্ ।
উপহাৰশতৈৰপূজযন্ দযিতো নন্দসুতো ভৱেদিতি ॥2॥
উপহাৰশতৈৰপূজযন্ দযিতো নন্দসুতো ভৱেদিতি ॥2॥
ইতি মাসমুপাহিতৱ্ৰতাস্তৰলাক্ষীৰভিৱীক্ষ্য তা ভৱান্ ।
কৰুণামৃদুলো নদীতটং সমযাসীত্তদনুগ্ৰহেচ্ছযা ॥3॥
কৰুণামৃদুলো নদীতটং সমযাসীত্তদনুগ্ৰহেচ্ছযা ॥3॥
নিযমাৱসিতৌ নিজাম্বৰং তটসীমন্যৱমুচ্য তাস্তদা ।
যমুনাজলখেলনাকুলাঃ পুৰতস্ত্ৱামৱলোক্য লজ্জিতাঃ ॥4॥
যমুনাজলখেলনাকুলাঃ পুৰতস্ত্ৱামৱলোক্য লজ্জিতাঃ ॥4॥
ত্ৰপযা নমিতাননাস্ৱথো ৱনিতাস্ৱম্বৰজালমন্তিকে ।
নিহিতং পৰিগৃহ্য ভূৰুহো ৱিটপং ত্ৱং তৰসাঽধিৰূঢৱান্ ॥5॥
নিহিতং পৰিগৃহ্য ভূৰুহো ৱিটপং ত্ৱং তৰসাঽধিৰূঢৱান্ ॥5॥
ইহ তাৱদুপেত্য নীযতাং ৱসনং ৱঃ সুদৃশো যথাযথম্ ।
ইতি নৰ্মমৃদুস্মিতে ত্ৱযি ব্ৰুৱতি ৱ্যামুমুহে ৱধূজনৈঃ ॥6॥
ইতি নৰ্মমৃদুস্মিতে ত্ৱযি ব্ৰুৱতি ৱ্যামুমুহে ৱধূজনৈঃ ॥6॥
অযি জীৱ চিৰং কিশোৰ নস্তৱ দাসীৰৱশীকৰোষি কিম্ ।
প্ৰদিশাম্বৰমম্বুজেক্ষণেত্যুদিতস্ত্ৱং স্মিতমেৱ দত্তৱান্ ॥7॥
প্ৰদিশাম্বৰমম্বুজেক্ষণেত্যুদিতস্ত্ৱং স্মিতমেৱ দত্তৱান্ ॥7॥
অধিৰুহ্য তটং কৃতাঞ্জলীঃ পৰিশুদ্ধাঃ স্ৱগতীৰ্নিৰীক্ষ্য তাঃ ।
ৱসনান্যখিলান্যনুগ্ৰহং পুনৰেৱং গিৰমপ্যদা মুদা ॥8॥
ৱসনান্যখিলান্যনুগ্ৰহং পুনৰেৱং গিৰমপ্যদা মুদা ॥8॥
ৱিদিতং ননু ৱো মনীষিতং ৱদিতাৰস্ত্ৱিহ যোগ্যমুত্তৰম্ ।
যমুনাপুলিনে সচন্দ্ৰিকাঃ ক্ষণদা ইত্যবলাস্ত্ৱমূচিৱান্ ॥9॥
যমুনাপুলিনে সচন্দ্ৰিকাঃ ক্ষণদা ইত্যবলাস্ত্ৱমূচিৱান্ ॥9॥
উপকৰ্ণ্য ভৱন্মুখচ্যুতং মধুনিষ্যন্দি ৱচো মৃগীদৃশঃ ।
প্ৰণযাদযি ৱীক্ষ্য ৱীক্ষ্য তে ৱদনাব্জং শনকৈৰ্গৃহং গতাঃ ॥10॥
প্ৰণযাদযি ৱীক্ষ্য ৱীক্ষ্য তে ৱদনাব্জং শনকৈৰ্গৃহং গতাঃ ॥10॥
ইতি নন্ৱনুগৃহ্য ৱল্লৱীৰ্ৱিপিনান্তেষু পুৰেৱ সঞ্চৰন্ ।
কৰুণাশিশিৰো হৰে হৰ ত্ৱৰযা মে সকলামযাৱলিম্ ॥11॥
কৰুণাশিশিৰো হৰে হৰ ত্ৱৰযা মে সকলামযাৱলিম্ ॥11॥