আলোক্য শৈলোদ্ধৰণাদিৰূপং প্ৰভাৱমুচ্চৈস্তৱ গোপলোকাঃ ।
ৱিশ্ৱেশ্ৱৰং ত্ৱামভিমত্য ৱিশ্ৱে নন্দং ভৱজ্জাতকমন্ৱপৃচ্ছন্ ॥1॥
ৱিশ্ৱেশ্ৱৰং ত্ৱামভিমত্য ৱিশ্ৱে নন্দং ভৱজ্জাতকমন্ৱপৃচ্ছন্ ॥1॥
গৰ্গোদিতো নিৰ্গদিতো নিজায ৱৰ্গায তাতেন তৱ প্ৰভাৱঃ ।
পূৰ্ৱাধিকস্ত্ৱয্যনুৰাগ এষামৈধিষ্ট তাৱত্ বহুমানভাৰঃ ॥2॥
পূৰ্ৱাধিকস্ত্ৱয্যনুৰাগ এষামৈধিষ্ট তাৱত্ বহুমানভাৰঃ ॥2॥
ততোঽৱমানোদিততত্ত্ৱবোধঃ সুৰাধিৰাজঃ সহ দিৱ্যগৱ্যা।
উপেত্য তুষ্টাৱ স নষ্টগৰ্ৱঃ স্পৃষ্ট্ৱা পদাব্জং মণিমৌলিনা তে ॥3॥
উপেত্য তুষ্টাৱ স নষ্টগৰ্ৱঃ স্পৃষ্ট্ৱা পদাব্জং মণিমৌলিনা তে ॥3॥
স্নেহস্নুতৈস্ত্ৱাং সুৰভিঃ পযোভিৰ্গোৱিন্দনামাঙ্কিতমভ্যষিঞ্চত্ ।
ঐৰাৱতোপাহৃতদিৱ্যগঙ্গাপাথোভিৰিন্দ্ৰোঽপি চ জাতহৰ্ষঃ ॥4॥
ঐৰাৱতোপাহৃতদিৱ্যগঙ্গাপাথোভিৰিন্দ্ৰোঽপি চ জাতহৰ্ষঃ ॥4॥
জগত্ত্ৰযেশে ত্ৱযি গোকুলেশে তথাঽভিষিক্তে সতি গোপৱাটঃ ।
নাকেঽপি ৱৈকুণ্ঠপদেঽপ্যলভ্যাং শ্ৰিযং প্ৰপেদে ভৱতঃ প্ৰভাৱাত্ ॥5॥
নাকেঽপি ৱৈকুণ্ঠপদেঽপ্যলভ্যাং শ্ৰিযং প্ৰপেদে ভৱতঃ প্ৰভাৱাত্ ॥5॥
কদাচিদন্তৰ্যমুনং প্ৰভাতে স্নাযন্ পিতা ৱাৰুণপূৰুষেণ ।
নীতস্তমানেতুমগাঃ পুৰীং ত্ৱং তাং ৱাৰুণীং কাৰণমৰ্ত্যৰূপঃ ॥6॥
নীতস্তমানেতুমগাঃ পুৰীং ত্ৱং তাং ৱাৰুণীং কাৰণমৰ্ত্যৰূপঃ ॥6॥
সসম্ভ্ৰমং তেন জলাধিপেন প্ৰপূজিতস্ত্ৱং প্ৰতিগৃহ্য তাতম্ ।
উপাগতস্তত্ক্ষণমাত্মগেহং পিতাঽৱদত্তচ্চৰিতং নিজেভ্যঃ ॥7॥
উপাগতস্তত্ক্ষণমাত্মগেহং পিতাঽৱদত্তচ্চৰিতং নিজেভ্যঃ ॥7॥
হৰিং ৱিনিশ্চিত্য ভৱন্তমেতান্ ভৱত্পদালোকনবদ্ধতৃষ্ণান্ ॥
নিৰীক্ষ্য ৱিষ্ণো পৰমং পদং তদ্দুৰাপমন্যৈস্ত্ৱমদীদৃশস্তান্ ॥8॥
নিৰীক্ষ্য ৱিষ্ণো পৰমং পদং তদ্দুৰাপমন্যৈস্ত্ৱমদীদৃশস্তান্ ॥8॥
স্ফুৰত্পৰানন্দৰসপ্ৰৱাহপ্ৰপূৰ্ণকৈৱল্যমহাপযোধৌ ।
চিৰং নিমগ্নাঃ খলু গোপসঙ্ঘাস্ত্ৱযৈৱ ভূমন্ পুনৰুদ্ধৃতাস্তে ॥9॥
চিৰং নিমগ্নাঃ খলু গোপসঙ্ঘাস্ত্ৱযৈৱ ভূমন্ পুনৰুদ্ধৃতাস্তে ॥9॥
কৰবদৰৱদেৱং দেৱ কুত্ৰাৱতাৰে
নিজপদমনৱাপ্যং দৰ্শিতং ভক্তিভাজাম্ ।
তদিহ পশুপৰূপী ত্ৱং হি সাক্ষাত্ পৰাত্মা
পৱনপুৰনিৱাসিন্ পাহি মামামযেভ্যঃ ॥10॥
নিজপদমনৱাপ্যং দৰ্শিতং ভক্তিভাজাম্ ।
তদিহ পশুপৰূপী ত্ৱং হি সাক্ষাত্ পৰাত্মা
পৱনপুৰনিৱাসিন্ পাহি মামামযেভ্যঃ ॥10॥