প্ৰাতঃ সন্ত্ৰস্তভোজক্ষিতিপতিৱচসা প্ৰস্তুতে মল্লতূৰ্যে
সঙ্ঘে ৰাজ্ঞাং চ মঞ্চানভিযযুষি গতে নন্দগোপেঽপি হৰ্ম্যম্ ।
কংসে সৌধাধিৰূঢে ত্ৱমপি সহবলঃ সানুগশ্চাৰুৱেষো
ৰঙ্গদ্ৱাৰং গতোঽভূঃ কুপিতকুৱলযাপীডনাগাৱলীঢম্ ॥1॥
সঙ্ঘে ৰাজ্ঞাং চ মঞ্চানভিযযুষি গতে নন্দগোপেঽপি হৰ্ম্যম্ ।
কংসে সৌধাধিৰূঢে ত্ৱমপি সহবলঃ সানুগশ্চাৰুৱেষো
ৰঙ্গদ্ৱাৰং গতোঽভূঃ কুপিতকুৱলযাপীডনাগাৱলীঢম্ ॥1॥
পাপিষ্ঠাপেহি মাৰ্গাদ্দ্ৰুতমিতি ৱচসা নিষ্ঠুৰক্ৰুদ্ধবুদ্ধে-
ৰম্বষ্ঠস্য প্ৰণোদাদধিকজৱজুষা হস্তিনা গৃহ্যমাণঃ ।
কেলীমুক্তোঽথ গোপীকুচকলশচিৰস্পৰ্ধিনং কুম্ভমস্য
ৱ্যাহত্যালীযথাস্ত্ৱং চৰণভুৱি পুনৰ্নিৰ্গতো ৱল্গুহাসী ॥2॥
ৰম্বষ্ঠস্য প্ৰণোদাদধিকজৱজুষা হস্তিনা গৃহ্যমাণঃ ।
কেলীমুক্তোঽথ গোপীকুচকলশচিৰস্পৰ্ধিনং কুম্ভমস্য
ৱ্যাহত্যালীযথাস্ত্ৱং চৰণভুৱি পুনৰ্নিৰ্গতো ৱল্গুহাসী ॥2॥
হস্তপ্ৰাপ্যোঽপ্যগম্যো ঝটিতি মুনিজনস্যেৱ ধাৱন্ গজেন্দ্ৰং
ক্ৰীডন্নাপাত্য ভূমৌ পুনৰভিপততস্তস্য দন্তং সজীৱম্ ।
মূলাদুন্মূল্য তন্মূলগমহিতমহামৌক্তিকান্যাত্মমিত্ৰে
প্ৰাদাস্ত্ৱং হাৰমেভিৰ্ললিতৱিৰচিতং ৰাধিকাযৈ দিশেতি ॥3॥
ক্ৰীডন্নাপাত্য ভূমৌ পুনৰভিপততস্তস্য দন্তং সজীৱম্ ।
মূলাদুন্মূল্য তন্মূলগমহিতমহামৌক্তিকান্যাত্মমিত্ৰে
প্ৰাদাস্ত্ৱং হাৰমেভিৰ্ললিতৱিৰচিতং ৰাধিকাযৈ দিশেতি ॥3॥
গৃহ্ণানং দন্তমংসে যুতমথ হলিনা ৰঙ্গমঙ্গাৱিশন্তং
ত্ৱাং মঙ্গল্যাঙ্গভঙ্গীৰভসহৃতমনোলোচনা ৱীক্ষ্য লোকাঃ ।
হংহো ধন্যো হি নন্দো নহি নহি পশুপালাঙ্গনা নো যশোদা
নো নো ধন্যেক্ষণাঃ স্মস্ত্ৰিজগতি ৱযমেৱেতি সৰ্ৱে শশংসুঃ ॥4॥
ত্ৱাং মঙ্গল্যাঙ্গভঙ্গীৰভসহৃতমনোলোচনা ৱীক্ষ্য লোকাঃ ।
হংহো ধন্যো হি নন্দো নহি নহি পশুপালাঙ্গনা নো যশোদা
নো নো ধন্যেক্ষণাঃ স্মস্ত্ৰিজগতি ৱযমেৱেতি সৰ্ৱে শশংসুঃ ॥4॥
পূৰ্ণং ব্ৰহ্মৈৱ সাক্ষান্নিৰৱধি পৰমানন্দসান্দ্ৰপ্ৰকাশং
গোপেশু ত্ৱং ৱ্যলাসীৰ্ন খলু বহুজনৈস্তাৱদাৱেদিতোঽভূঃ ।
দৃষ্ট্ৱাঽথ ত্ৱাং তদেদম্প্ৰথমমুপগতে পুণ্যকালে জনৌঘাঃ
পূৰ্ণানন্দা ৱিপাপাঃ সৰসমভিজগুস্ত্ৱত্কৃতানি স্মৃতানি ॥5॥
গোপেশু ত্ৱং ৱ্যলাসীৰ্ন খলু বহুজনৈস্তাৱদাৱেদিতোঽভূঃ ।
দৃষ্ট্ৱাঽথ ত্ৱাং তদেদম্প্ৰথমমুপগতে পুণ্যকালে জনৌঘাঃ
পূৰ্ণানন্দা ৱিপাপাঃ সৰসমভিজগুস্ত্ৱত্কৃতানি স্মৃতানি ॥5॥
চাণূৰো মল্লৱীৰস্তদনু নৃপগিৰা মুষ্টিকো মুষ্টিশালী
ত্ৱাং ৰামং চাভিপেদে ঝটঝটিতি মিথো মুষ্টিপাতাতিৰূক্ষম্ ।
উত্পাতাপাতনাকৰ্ষণৱিৱিধৰণান্যাসতাং তত্ৰ চিত্ৰং
মৃত্যোঃ প্ৰাগেৱ মল্লপ্ৰভুৰগমদযং ভূৰিশো বন্ধমোক্ষান্ ॥6॥
ত্ৱাং ৰামং চাভিপেদে ঝটঝটিতি মিথো মুষ্টিপাতাতিৰূক্ষম্ ।
উত্পাতাপাতনাকৰ্ষণৱিৱিধৰণান্যাসতাং তত্ৰ চিত্ৰং
মৃত্যোঃ প্ৰাগেৱ মল্লপ্ৰভুৰগমদযং ভূৰিশো বন্ধমোক্ষান্ ॥6॥
হা ধিক্ কষ্টং কুমাৰৌ সুললিতৱপুষৌ মল্লৱীৰৌ কঠোৰৌ
ন দ্ৰক্ষ্যামো ৱ্ৰজামস্ত্ৱৰিতমিতি জনে ভাষমাণে তদানীম্ ।
চাণূৰং তং কৰোদ্ভ্ৰামণৱিগলদসুং পোথযামাসিথোৰ্ৱ্যাং
পিষ্টোঽভূন্মুষ্টিকোঽপি দ্ৰুতমথ হলিনা নষ্টশিষ্টৈৰ্দধাৱে ॥7॥
ন দ্ৰক্ষ্যামো ৱ্ৰজামস্ত্ৱৰিতমিতি জনে ভাষমাণে তদানীম্ ।
চাণূৰং তং কৰোদ্ভ্ৰামণৱিগলদসুং পোথযামাসিথোৰ্ৱ্যাং
পিষ্টোঽভূন্মুষ্টিকোঽপি দ্ৰুতমথ হলিনা নষ্টশিষ্টৈৰ্দধাৱে ॥7॥
কংস সংৱাৰ্য তূৰ্যং খলমতিৰৱিদন্ কাৰ্যমাৰ্যান্ পিতৃংস্তা-
নাহন্তুং ৱ্যাপ্তমূৰ্তেস্তৱ চ সমশিষদ্দূৰমুত্সাৰণায ।
ৰুষ্টো দুষ্টোক্তিভিস্ত্ৱং গৰুড ইৱ গিৰিং মঞ্চমঞ্চন্নুদঞ্চত্-
খড্গৱ্যাৱল্গদুস্সঙ্গ্ৰহমপি চ হঠাত্ প্ৰাগ্ৰহীৰৌগ্ৰসেনিম্ ॥8॥
নাহন্তুং ৱ্যাপ্তমূৰ্তেস্তৱ চ সমশিষদ্দূৰমুত্সাৰণায ।
ৰুষ্টো দুষ্টোক্তিভিস্ত্ৱং গৰুড ইৱ গিৰিং মঞ্চমঞ্চন্নুদঞ্চত্-
খড্গৱ্যাৱল্গদুস্সঙ্গ্ৰহমপি চ হঠাত্ প্ৰাগ্ৰহীৰৌগ্ৰসেনিম্ ॥8॥
সদ্যো নিষ্পিষ্টসন্ধিং ভুৱি নৰপতিমাপাত্য তস্যোপৰিষ্টা-
ত্ত্ৱয্যাপাত্যে তদৈৱ ত্ৱদুপৰি পতিতা নাকিনাং পুষ্পৱৃষ্টিঃ ।
কিং কিং ব্ৰূমস্তদানীং সততমপি ভিযা ত্ৱদ্গতাত্মা স ভেজে
সাযুজ্যং ত্ৱদ্ৱধোত্থা পৰম পৰমিযং ৱাসনা কালনেমেঃ ॥9॥
ত্ত্ৱয্যাপাত্যে তদৈৱ ত্ৱদুপৰি পতিতা নাকিনাং পুষ্পৱৃষ্টিঃ ।
কিং কিং ব্ৰূমস্তদানীং সততমপি ভিযা ত্ৱদ্গতাত্মা স ভেজে
সাযুজ্যং ত্ৱদ্ৱধোত্থা পৰম পৰমিযং ৱাসনা কালনেমেঃ ॥9॥
তদ্ভ্ৰাতৃনষ্ট পিষ্ট্ৱা দ্ৰুতমথ পিতৰৌ সন্নমন্নুগ্ৰসেনং
কৃত্ৱা ৰাজানমুচ্চৈৰ্যদুকুলমখিলং মোদযন্ কামদানৈঃ ।
ভক্তানামুত্তমং চোদ্ধৱমমৰগুৰোৰাপ্তনীতিং সখাযং
লব্ধ্ৱা তুষ্টো নগৰ্যাং পৱনপুৰপতে ৰুন্ধি মে সৰ্ৱৰোগান্ ॥10॥
কৃত্ৱা ৰাজানমুচ্চৈৰ্যদুকুলমখিলং মোদযন্ কামদানৈঃ ।
ভক্তানামুত্তমং চোদ্ধৱমমৰগুৰোৰাপ্তনীতিং সখাযং
লব্ধ্ৱা তুষ্টো নগৰ্যাং পৱনপুৰপতে ৰুন্ধি মে সৰ্ৱৰোগান্ ॥10॥