গোপ্য ঊচুঃ
জযতি তেঽধিকং জন্মনা ব্রজঃ
শ্রযত ইন্দিরা শশ্বদত্র হি ।
দযিত দৃশ্যতাং দিক্ষু তাবকা-
স্ত্বযি ধৃতাসবস্ত্বাং বিচিন্বতে ॥ ১ ॥
জযতি তেঽধিকং জন্মনা ব্রজঃ
শ্রযত ইন্দিরা শশ্বদত্র হি ।
দযিত দৃশ্যতাং দিক্ষু তাবকা-
স্ত্বযি ধৃতাসবস্ত্বাং বিচিন্বতে ॥ ১ ॥
শরদুদাশযে সাধুজাতসত্-
সরসিজোদরশ্রীমুষা দৃশা ।
সুরতনাথ তেঽশুল্কদাসিকা
বরদ নিঘ্নতো নেহ কিং বধঃ ॥ ২ ॥
সরসিজোদরশ্রীমুষা দৃশা ।
সুরতনাথ তেঽশুল্কদাসিকা
বরদ নিঘ্নতো নেহ কিং বধঃ ॥ ২ ॥
বিষজলাপ্যযাদ্ ব্যালরাক্ষসাদ্
বর্ষমারুতাদ্ বৈদ্যুতানলাত্ ।
বৃষমযাত্মজাদ্ বিশ্বতো ভযা-
দৃষভ তে বযং রক্ষিতা মুহুঃ ॥ ৩ ॥
বর্ষমারুতাদ্ বৈদ্যুতানলাত্ ।
বৃষমযাত্মজাদ্ বিশ্বতো ভযা-
দৃষভ তে বযং রক্ষিতা মুহুঃ ॥ ৩ ॥
ন খলু গোপীকানন্দনো ভবান্
অখিলদেহিনামন্তরাত্মদৃক্ ।
বিখনসার্থিতো বিশ্বগুপ্তযে
সখ উদেযিবান্ সাত্বতাং কুলে ॥ ৪ ॥
অখিলদেহিনামন্তরাত্মদৃক্ ।
বিখনসার্থিতো বিশ্বগুপ্তযে
সখ উদেযিবান্ সাত্বতাং কুলে ॥ ৪ ॥
বিরচিতাভযং বৃষ্ণিধূর্য তে
চরণমীযুষাং সংসৃতের্ভযাত্ ।
করসরোরুহং কান্ত কামদং
শিরসি ধেহি নঃ শ্রীকরগ্রহম্ ॥ ৫ ॥
চরণমীযুষাং সংসৃতের্ভযাত্ ।
করসরোরুহং কান্ত কামদং
শিরসি ধেহি নঃ শ্রীকরগ্রহম্ ॥ ৫ ॥
ব্রজজনার্তিহন্ বীর যোষিতাং
নিজজনস্মযধ্বংসনস্মিত ।
ভজ সখে ভবত্কিঙ্করীঃ স্ম নো
জলরুহাননং চারু দর্শয ॥ ৬ ॥
নিজজনস্মযধ্বংসনস্মিত ।
ভজ সখে ভবত্কিঙ্করীঃ স্ম নো
জলরুহাননং চারু দর্শয ॥ ৬ ॥
প্রণতদেহিনাং পাপকর্ষণং
তৃণচরানুগং শ্রীনিকেতনম্ ।
ফণিফণার্পিতং তে পদাম্বুজং
কৃণু কুচেষু নঃ কৃন্ধি হৃচ্ছযম্ ॥ ৭ ॥
তৃণচরানুগং শ্রীনিকেতনম্ ।
ফণিফণার্পিতং তে পদাম্বুজং
কৃণু কুচেষু নঃ কৃন্ধি হৃচ্ছযম্ ॥ ৭ ॥
মধুরযা গিরা বল্গুবাক্যযা
বুধমনোজ্ঞযা পুষ্করেক্ষণ ।
বিধিকরীরিমা বীর মুহ্যতীর্
অধরসীধুনাপ্যাযযস্ব নঃ ॥ ৮ ॥
বুধমনোজ্ঞযা পুষ্করেক্ষণ ।
বিধিকরীরিমা বীর মুহ্যতীর্
অধরসীধুনাপ্যাযযস্ব নঃ ॥ ৮ ॥
তব কথামৃতং তপ্তজীবনং
কবিভিরীডিতং কল্মষাপহম্ ।
শ্রবণমঙ্গলং শ্রীমদাততং
ভুবি গৃণন্তি যে ভূরিদা জনাঃ ॥ ৯ ॥
কবিভিরীডিতং কল্মষাপহম্ ।
শ্রবণমঙ্গলং শ্রীমদাততং
ভুবি গৃণন্তি যে ভূরিদা জনাঃ ॥ ৯ ॥
প্রহসিতং প্রিয প্রেমবীক্ষণং
বিহরণং চ তে ধ্যানমঙ্গলম্ ।
রহসি সংবিদো যা হৃদিস্পৃশঃ
কুহক নো মনঃ ক্ষোভযন্তি হি ॥ ১০ ॥
বিহরণং চ তে ধ্যানমঙ্গলম্ ।
রহসি সংবিদো যা হৃদিস্পৃশঃ
কুহক নো মনঃ ক্ষোভযন্তি হি ॥ ১০ ॥
চলসি যদ্ ব্রজাচ্চারযন্ পশূন্
নলিনসুন্দরং নাথ তে পদম্ ।
শিলতৃণাঙ্কুরৈঃ সীদতীতি নঃ
কলিলতাং মনঃ কান্ত গচ্ছতি ॥ ১১ ॥
নলিনসুন্দরং নাথ তে পদম্ ।
শিলতৃণাঙ্কুরৈঃ সীদতীতি নঃ
কলিলতাং মনঃ কান্ত গচ্ছতি ॥ ১১ ॥
দিনপরিক্ষযে নীলকুন্তলৈ-
র্বনরুহাননং বিভ্রদাবৃতম্ ।
ঘনরজস্বলং দর্শযন্ মুহু-
র্মনসি নঃ স্মরং বীর যচ্ছসি ॥ ১২ ॥
র্বনরুহাননং বিভ্রদাবৃতম্ ।
ঘনরজস্বলং দর্শযন্ মুহু-
র্মনসি নঃ স্মরং বীর যচ্ছসি ॥ ১২ ॥
প্রণতকামদং পদ্মজার্চিতং
ধরণিমণ্ডনং ধ্যেযমাপদি ।
চরণপঙ্কজং শন্তমং চ তে
রমণ নঃ স্তনেষ্বর্পযাধিহন্ ॥ ১৩ ॥
ধরণিমণ্ডনং ধ্যেযমাপদি ।
চরণপঙ্কজং শন্তমং চ তে
রমণ নঃ স্তনেষ্বর্পযাধিহন্ ॥ ১৩ ॥
সুরতবর্ধনং শোকনাশনং
স্বরিতবেণুনা সুষ্ঠু চুম্বিতম্ ।
ইতররাগবিস্মারণং নৃণাং
বিতর বীর নস্তেঽধরামৃতম্ ॥ ১৪ ॥
স্বরিতবেণুনা সুষ্ঠু চুম্বিতম্ ।
ইতররাগবিস্মারণং নৃণাং
বিতর বীর নস্তেঽধরামৃতম্ ॥ ১৪ ॥
অটতি যদ্ ভবানহ্নি কাননং
ত্রুটি যুগাযতে ত্বামপশ্যতাম্ ।
কুটিলকুন্তলং শ্রীমুখং চ তে
জড উদীক্ষতাং পক্ষ্মকৃদ্ দৃশাম্ ॥ ১৫ ॥
ত্রুটি যুগাযতে ত্বামপশ্যতাম্ ।
কুটিলকুন্তলং শ্রীমুখং চ তে
জড উদীক্ষতাং পক্ষ্মকৃদ্ দৃশাম্ ॥ ১৫ ॥
পতিসুতান্বযভ্রাতৃবান্ধবা-
নতিবিলঙ্ঘ্য তেঽন্ত্যচ্যুতাগতাঃ ।
গতিবিদস্তবোদ্গীতমোহিতাঃ
কিতব যোষিতঃ কস্ত্যজেন্নিশি ॥ ১৬ ॥
নতিবিলঙ্ঘ্য তেঽন্ত্যচ্যুতাগতাঃ ।
গতিবিদস্তবোদ্গীতমোহিতাঃ
কিতব যোষিতঃ কস্ত্যজেন্নিশি ॥ ১৬ ॥
রহসি সংবিদং হৃচ্ছযোদযং
প্রহসিতাননং প্রেমবীক্ষণম্ ।
বৃহদুরঃ শ্রিযো বীক্ষ্য ধাম তে
মুহুরতিস্পৃহা মুহ্যতে মনঃ ॥ ১৭ ॥
প্রহসিতাননং প্রেমবীক্ষণম্ ।
বৃহদুরঃ শ্রিযো বীক্ষ্য ধাম তে
মুহুরতিস্পৃহা মুহ্যতে মনঃ ॥ ১৭ ॥
ব্রজবনৌকসাং ব্যক্তিরঙ্গ তে
বৃজিনহন্ত্র্যলং বিশ্বমঙ্গলম্ ।
ত্যজ মনাক্ চ নস্ত্বত্স্পৃহাত্মনাং
স্বজনহৃদ্রুজাং যন্নিষূদনম্ ॥ ১৮ ॥
বৃজিনহন্ত্র্যলং বিশ্বমঙ্গলম্ ।
ত্যজ মনাক্ চ নস্ত্বত্স্পৃহাত্মনাং
স্বজনহৃদ্রুজাং যন্নিষূদনম্ ॥ ১৮ ॥
যত্তে সুজাতচরণাম্বুরুহং স্তনেষু
ভীতাঃ শনৈঃ প্রিয দধীমহি কর্কশেষু ।
তেনাটবীমটসি তদ্ ব্যথতে ন কিংস্বিত্
কূর্পাদিভির্ভ্রমতি ধীর্ভবদাযুষাং নঃ ॥ ১৯ ॥
ভীতাঃ শনৈঃ প্রিয দধীমহি কর্কশেষু ।
তেনাটবীমটসি তদ্ ব্যথতে ন কিংস্বিত্
কূর্পাদিভির্ভ্রমতি ধীর্ভবদাযুষাং নঃ ॥ ১৯ ॥