നാരദ ഉവാച
ഇത്ഥം പുരഞ്ജനം സധ്ര്യഗ്വശമാനീയ വിഭ്രമൈഃ ।
പുരഞ്ജനീ മഹാരാജ രേമേ രമയതീ പതിമ് ॥ ൧ ॥
ഇത്ഥം പുരഞ്ജനം സധ്ര്യഗ്വശമാനീയ വിഭ്രമൈഃ ।
പുരഞ്ജനീ മഹാരാജ രേമേ രമയതീ പതിമ് ॥ ൧ ॥
സ രാജാ മഹിഷീം രാജന് സുസ്നാതാം
രുചിരാനനാമ് ।
കൃതസ്വസ്ത്യയനാം തൃപ്താമഭ്യനന്ദദുപാഗതാമ് ॥ ൨ ॥
രുചിരാനനാമ് ।
കൃതസ്വസ്ത്യയനാം തൃപ്താമഭ്യനന്ദദുപാഗതാമ് ॥ ൨ ॥
തയോപഗൂഢഃ പരിരബ്ധകന്ധരോ
രഹോഽനുമന്ത്രൈരപകൃഷ്ടചേതനഃ ।
ന
കാലരംഹോ ബുബുധേ ദുരത്യയം
ദിവാ നിശേതി പ്രമദാപരിഗ്രഹഃ ॥ ൩ ॥
രഹോഽനുമന്ത്രൈരപകൃഷ്ടചേതനഃ ।
ന
കാലരംഹോ ബുബുധേ ദുരത്യയം
ദിവാ നിശേതി പ്രമദാപരിഗ്രഹഃ ॥ ൩ ॥
ശയാന ഉന്നദ്ധമദോ മഹാമനാ
മഹാര്ഹതല്പേ മഹിഷീഭുജോപധിഃ ।
താമേവ വീരോ മനുതേ പരം യത-
സ്തമോഽഭിഭൂതോ ന നിജം പരം ച യത് ॥ ൪ ॥
മഹാര്ഹതല്പേ മഹിഷീഭുജോപധിഃ ।
താമേവ വീരോ മനുതേ പരം യത-
സ്തമോഽഭിഭൂതോ ന നിജം പരം ച യത് ॥ ൪ ॥
തയൈവം രമമാണസ്യ കാമകശ്മലചേതസഃ ।
ക്ഷണാര്ധമിവ രാജേന്ദ്ര വ്യതിക്രാന്തം നവം വയഃ ॥ ൫ ॥
ക്ഷണാര്ധമിവ രാജേന്ദ്ര വ്യതിക്രാന്തം നവം വയഃ ॥ ൫ ॥
തസ്യാമജനയത്പുത്രാന് പുരഞ്ജന്യാം പുരഞ്ജനഃ ।
ശതാന്യേകാദശ വിരാഡായുഷോഽര്ധമഥാത്യഗാത് ॥ ൬ ॥
ശതാന്യേകാദശ വിരാഡായുഷോഽര്ധമഥാത്യഗാത് ॥ ൬ ॥
ദുഹിതൃര്ദശോത്തരശതം പിതൃമാതൃയശസ്കരീഃ ।
ശീലൌദാര്യഗുണോപേതാഃ പൌരഞ്ജന്യഃ പ്രജാപതേ ॥ ൭ ॥
ശീലൌദാര്യഗുണോപേതാഃ പൌരഞ്ജന്യഃ പ്രജാപതേ ॥ ൭ ॥
സ പഞ്ചാലപതിഃ പുത്രാന് പിതൃവംശവിവര്ധനാന് ।
ദാരൈഃ സംയോജയാമാസ ദുഹിതൃഃ സദൃശൈര്വരൈഃ ॥ ൮ ॥
ദാരൈഃ സംയോജയാമാസ ദുഹിതൃഃ സദൃശൈര്വരൈഃ ॥ ൮ ॥
പുത്രാണാം ചാഭവന്പുത്രാ ഏകൈകസ്യ ശതം ശതമ് ।
യൈര്വൈ പൌരഞ്ജനോ വംശഃ പഞ്ചാലേഷു സമേധിതഃ ॥ ൯ ॥
യൈര്വൈ പൌരഞ്ജനോ വംശഃ പഞ്ചാലേഷു സമേധിതഃ ॥ ൯ ॥
തേഷു തദ്രിക്ഥഹാരേഷു ഗൃഹകോശാനുജീവിഷു ।
നിരൂഢേന മമത്വേന വിഷയേഷ്വന്വബധ്യത ॥ ൧൦ ॥
നിരൂഢേന മമത്വേന വിഷയേഷ്വന്വബധ്യത ॥ ൧൦ ॥
ഈജേ ച ക്രതുഭിര്ഘോരൈര്ദീക്ഷിതഃ പശുമാരകൈഃ ।
ദേവാന് പിതൃന് ഭൂതപതീന്നാനാകാമോ യഥാ ഭവാന് ॥ ൧൧ ॥
ദേവാന് പിതൃന് ഭൂതപതീന്നാനാകാമോ യഥാ ഭവാന് ॥ ൧൧ ॥
യുക്തേഷ്വേവം പ്രമത്തസ്യ കുടുമ്ബാസക്തചേതസഃ ।
ആസസാദ സ വൈ കാലോ യോഽപ്രിയഃ പ്രിയയോഷിതാമ് ॥ ൧൨ ॥
ആസസാദ സ വൈ കാലോ യോഽപ്രിയഃ പ്രിയയോഷിതാമ് ॥ ൧൨ ॥
ചണ്ഡവേഗ ഇതി ഖ്യാതോ ഗന്ധര്വാധിപതിര്നൃപ ।
ഗന്ധര്വാസ്തസ്യ ബലിനഃ ഷഷ്ട്യുത്തരശതത്രയമ് ॥ ൧൩ ॥
ഗന്ധര്വാസ്തസ്യ ബലിനഃ ഷഷ്ട്യുത്തരശതത്രയമ് ॥ ൧൩ ॥
ഗന്ധര്വ്യസ്താദൃശീരസ്യ മൈഥുന്യശ്ച സിതാസിതാഃ ।
പരിവൃത്ത്യാ വിലുമ്പന്തി സര്വകാമവിനിര്മിതാമ് ॥ ൧൪ ॥
പരിവൃത്ത്യാ വിലുമ്പന്തി സര്വകാമവിനിര്മിതാമ് ॥ ൧൪ ॥
തേ ചണ്ഡവേഗാനുചരാഃ പുരഞ്ജനപുരം യദാ ।
ഹര്തുമാരേഭിരേ തത്ര പ്രത്യഷേധത്പ്രജാഗരഃ ॥ ൧൫ ॥
ഹര്തുമാരേഭിരേ തത്ര പ്രത്യഷേധത്പ്രജാഗരഃ ॥ ൧൫ ॥
സ സപ്തഭിഃ ശതൈരേകോ വിംശത്യാ ച ശതം സമാഃ ।
പുരഞ്ജനപുരാധ്യക്ഷോ ഗന്ധര്വൈര്യുയുധേ ബലീ ॥ ൧൬ ॥
പുരഞ്ജനപുരാധ്യക്ഷോ ഗന്ധര്വൈര്യുയുധേ ബലീ ॥ ൧൬ ॥
ക്ഷീയമാണേ സ്വസമ്ബന്ധേ ഏകസ്മിന് ബഹുഭിര്യുധാ ।
ചിന്താം പരാം ജഗാമാര്തഃ സരാഷ്ട്രപുരബാന്ധവഃ ॥ ൧൭ ॥
ചിന്താം പരാം ജഗാമാര്തഃ സരാഷ്ട്രപുരബാന്ധവഃ ॥ ൧൭ ॥
സ ഏവ പുര്യാം മധുഭുക്പഞ്ചാലേഷു സ്വപാര്ഷദൈഃ ।
ഉപനീതം ബലിം ഗൃഹ്ണന് സ്ത്രീജിതോ നാവിദദ്ഭയമ് ॥ ൧൮ ॥
ഉപനീതം ബലിം ഗൃഹ്ണന് സ്ത്രീജിതോ നാവിദദ്ഭയമ് ॥ ൧൮ ॥
കാലസ്യ ദുഹിതാ കാചിത്ത്രിലോകീം വരമിച്ഛതീ ।
പര്യടന്തീ ന ബര്ഹിഷ്മന് പ്രത്യനന്ദത കശ്ചന ॥ ൧൯ ॥
പര്യടന്തീ ന ബര്ഹിഷ്മന് പ്രത്യനന്ദത കശ്ചന ॥ ൧൯ ॥
ദൌര്ഭാഗ്യേനാത്മനോ ലോകേ വിശ്രുതാ ദുര്ഭഗേതി സാ ।
യാ തുഷ്ടാ രാജര്ഷയേ തു വൃതാദാത്പൂരവേ വരമ് ॥ ൨൦ ॥
യാ തുഷ്ടാ രാജര്ഷയേ തു വൃതാദാത്പൂരവേ വരമ് ॥ ൨൦ ॥
കദാചിദടമാനാ സാ ബ്രഹ്മലോകാന്മഹീം ഗതമ് ।
വവ്രേ ബൃഹദ്വ്രതം മാം തു ജാനതീ കാമമോഹിതാ ॥ ൨൧ ॥
വവ്രേ ബൃഹദ്വ്രതം മാം തു ജാനതീ കാമമോഹിതാ ॥ ൨൧ ॥
മയി സംരഭ്യ വിപുലമദാച്ഛാപം സുദുഃസഹമ് ।
സ്ഥാതുമര്ഹസി നൈകത്ര മദ്യാച്ഞാവിമുഖോ മുനേ ॥ ൨൨ ॥
സ്ഥാതുമര്ഹസി നൈകത്ര മദ്യാച്ഞാവിമുഖോ മുനേ ॥ ൨൨ ॥
തതോ വിഹതസങ്കല്പാ കന്യകാ യവനേശ്വരമ് ।
മയോപദിഷ്ടമാസാദ്യ വവ്രേ നാമ്നാ ഭയം പതിമ് ॥ ൨൩ ॥
മയോപദിഷ്ടമാസാദ്യ വവ്രേ നാമ്നാ ഭയം പതിമ് ॥ ൨൩ ॥
ഋഷഭം യവനാനാം ത്വാം വൃണേ വീരേപ്സിതം പതിമ് ।
സങ്കല്പസ്ത്വയി ഭൂതാനാം കൃതഃ കില ന രിഷ്യതി ॥ ൨൪ ॥
സങ്കല്പസ്ത്വയി ഭൂതാനാം കൃതഃ കില ന രിഷ്യതി ॥ ൨൪ ॥
ദ്വാവിമാവനുശോചന്തി ബാലാവസദവഗ്രഹൌ ।
യല്ലോകശാസ്ത്രോപനതം ന രാതി ന തദിച്ഛതി ॥ ൨൫ ॥
യല്ലോകശാസ്ത്രോപനതം ന രാതി ന തദിച്ഛതി ॥ ൨൫ ॥
അഥോ ഭജസ്വ മാം ഭദ്ര ഭജന്തീം മേ ദയാം കുരു ।
ഏതാവാന് പൌരുഷോ ധര്മോ യദാര്താനനുകമ്പതേ ॥ ൨൬ ॥
ഏതാവാന് പൌരുഷോ ധര്മോ യദാര്താനനുകമ്പതേ ॥ ൨൬ ॥
കാലകന്യോദിതവചോ നിശമ്യ യവനേശ്വരഃ ।
ചികീര്ഷുര്ദേവഗുഹ്യം സ സസ്മിതം താമഭാഷത ॥ ൨൭ ॥
ചികീര്ഷുര്ദേവഗുഹ്യം സ സസ്മിതം താമഭാഷത ॥ ൨൭ ॥
മയാ നിരൂപിതസ്തുഭ്യം പതിരാത്മസമാധിനാ ।
നാഭിനന്ദതി ലോകോഽയം ത്വാമഭദ്രാമസമ്മതാമ് ॥ ൨൮ ॥
നാഭിനന്ദതി ലോകോഽയം ത്വാമഭദ്രാമസമ്മതാമ് ॥ ൨൮ ॥
ത്വമവ്യക്തഗതിര്ഭുങ്ക്ഷ്വ ലോകം കര്മവിനിര്മിതമ് ।
യാ ഹി മേ പൃതനായുക്താ പ്രജാനാശം പ്രണേഷ്യസി ॥ ൨൯ ॥
യാ ഹി മേ പൃതനായുക്താ പ്രജാനാശം പ്രണേഷ്യസി ॥ ൨൯ ॥
പ്രജ്വാരോഽയം മമ ഭ്രാതാ ത്വം ച മേ ഭഗിനീ ഭവ ।
ചരാമ്യുഭാഭ്യാം ലോകേഽസ്മിന്നവ്യക്തോ ഭീമസൈനികഃ ॥ ൩൦ ॥
ചരാമ്യുഭാഭ്യാം ലോകേഽസ്മിന്നവ്യക്തോ ഭീമസൈനികഃ ॥ ൩൦ ॥