శ్రీరాజోవాచ
యయా గుప్తః సహస్రాక్షః సవాహాన్ రిపుసైనికాన్ ।
క్రీడన్నివ వినిర్జిత్య త్రిలోక్యా బుభుజే శ్రియమ్ ॥ ౧ ॥
యయా గుప్తః సహస్రాక్షః సవాహాన్ రిపుసైనికాన్ ।
క్రీడన్నివ వినిర్జిత్య త్రిలోక్యా బుభుజే శ్రియమ్ ॥ ౧ ॥
భగవంస్తన్మమాఖ్యాహి వర్మ నారాయణాత్మకమ్ ।
యథాతతాయినః శత్రూన్యేన గుప్తోఽజయన్మృధే ॥ ౨ ॥
యథాతతాయినః శత్రూన్యేన గుప్తోఽజయన్మృధే ॥ ౨ ॥
శ్రీబాదరాయణిరువాచ
వృతః పురోహితస్త్వాష్ట్రో మహేన్ద్రాయానుపృచ్ఛతే ।
నారాయణాఖ్యం వర్మాహ తదిహైకమనాః శృణు ॥ ౩ ॥
వృతః పురోహితస్త్వాష్ట్రో మహేన్ద్రాయానుపృచ్ఛతే ।
నారాయణాఖ్యం వర్మాహ తదిహైకమనాః శృణు ॥ ౩ ॥
శ్రీవిశ్వరూప ఉవాచ
ధౌతాఙ్ఘ్రిపాణిరాచమ్య సపవిత్ర ఉదఙ్ముఖః ।
కృతస్వాఙ్గకరన్యాసో మన్త్రాభ్యాం వాగ్యతః శుచిః ॥ ౪ ॥
ధౌతాఙ్ఘ్రిపాణిరాచమ్య సపవిత్ర ఉదఙ్ముఖః ।
కృతస్వాఙ్గకరన్యాసో మన్త్రాభ్యాం వాగ్యతః శుచిః ॥ ౪ ॥
నారాయణపరం వర్మ సన్నహ్యేద్ భయ ఆగతే ।
పాదయోర్జానునోరూర్వోరుదరే హృద్యథోరసి ॥ ౫ ॥
పాదయోర్జానునోరూర్వోరుదరే హృద్యథోరసి ॥ ౫ ॥
ముఖే శిరస్యానుపూర్వ్యాదోంఙ్కారాదీని విన్యసేత్ ।
ఓం నమో నారాయణాయేతి విపర్యయమథాపి వా ॥ ౬ ॥
ఓం నమో నారాయణాయేతి విపర్యయమథాపి వా ॥ ౬ ॥
కరన్యాసం తతః కుర్యాద్ ద్వాదశాక్షరవిద్యయా ।
ప్రణవాదియకారాన్తమఙ్గుల్యఙ్గుష్ఠపర్వసు ॥ ౭ ॥
ప్రణవాదియకారాన్తమఙ్గుల్యఙ్గుష్ఠపర్వసు ॥ ౭ ॥
న్యసేద్ధృదయ ఓంఙ్కారం వికారమను మూర్ధని ।
షకారం తు భ్రువోర్మధ్యే ణకారం శిఖయా న్యసేత్ ॥ ౮ ॥
షకారం తు భ్రువోర్మధ్యే ణకారం శిఖయా న్యసేత్ ॥ ౮ ॥
వేకారం నేత్రయోర్యుఞ్జ్యాన్నకారం సర్వసన్ధిషు ।
మకారమస్త్రముద్దిశ్య మన్త్రమూర్తిర్భవేద్ బుధః ॥ ౯ ॥
మకారమస్త్రముద్దిశ్య మన్త్రమూర్తిర్భవేద్ బుధః ॥ ౯ ॥
సవిసర్గం ఫడన్తం తత్సర్వదిక్షు వినిర్దిశేత్ ।
ఓం విష్ణవే నమ ఇతి ॥ ౧౦ ॥
ఓం విష్ణవే నమ ఇతి ॥ ౧౦ ॥
ఆత్మానం పరమం ధ్యాయేద్ ధ్యేయం షట్శక్తిభిర్యుతమ్ ।
విద్యాతేజస్తపోమూర్తిమిమం మన్త్రముదాహరేత్ ॥ ౧౧ ॥
విద్యాతేజస్తపోమూర్తిమిమం మన్త్రముదాహరేత్ ॥ ౧౧ ॥
ఓం హరిర్విదధ్యాన్మమ సర్వరక్షాం
న్యస్తాఙ్ఘ్రిపద్మః పతగేన్ద్రపృష్ఠే ।
దరారిచర్మాసిగదేషుచాప-
పాశాన్ దధానోఽష్టగుణోఽష్టబాహుః ॥ ౧౨ ॥
న్యస్తాఙ్ఘ్రిపద్మః పతగేన్ద్రపృష్ఠే ।
దరారిచర్మాసిగదేషుచాప-
పాశాన్ దధానోఽష్టగుణోఽష్టబాహుః ॥ ౧౨ ॥
జలేషు మాం రక్షతు మత్స్యమూర్తి-
ర్యాదోగణేభ్యో వరుణస్య పాశాత్ ।
స్థలేషు మాయావటువామనోఽవ్యాత్
త్రివిక్రమః ఖేఽవతు విశ్వరూపః ॥ ౧౩ ॥
ర్యాదోగణేభ్యో వరుణస్య పాశాత్ ।
స్థలేషు మాయావటువామనోఽవ్యాత్
త్రివిక్రమః ఖేఽవతు విశ్వరూపః ॥ ౧౩ ॥
దుర్గేష్వటవ్యాజిముఖాదిషు ప్రభుః
పాయాన్నృసింహోఽసురయూథపారిః ।
విముఞ్చతో యస్య మహాట్టహాసం
దిశో వినేదుర్న్యపతంశ్చ గర్భాః ॥ ౧౪ ॥
పాయాన్నృసింహోఽసురయూథపారిః ।
విముఞ్చతో యస్య మహాట్టహాసం
దిశో వినేదుర్న్యపతంశ్చ గర్భాః ॥ ౧౪ ॥
రక్షత్వసౌ మాధ్వని యజ్ఞకల్పః
స్వదంష్ట్రయోన్నీతధరో వరాహః ।
రామోఽద్రికూటేష్వథ విప్రవాసే
సలక్ష్మణోఽవ్యాద్ భరతాగ్రజోఽస్మాన్ ॥ ౧౫ ॥
స్వదంష్ట్రయోన్నీతధరో వరాహః ।
రామోఽద్రికూటేష్వథ విప్రవాసే
సలక్ష్మణోఽవ్యాద్ భరతాగ్రజోఽస్మాన్ ॥ ౧౫ ॥
మాముగ్రధర్మాదఖిలాత్ప్రమాదా-
న్నారాయణః పాతు నరశ్చ హాసాత్ ।
దత్తస్త్వయోగాదథ యోగనాథః
పాయాద్గుణేశః కపిలః కర్మబన్ధాత్ ॥ ౧౬ ॥
న్నారాయణః పాతు నరశ్చ హాసాత్ ।
దత్తస్త్వయోగాదథ యోగనాథః
పాయాద్గుణేశః కపిలః కర్మబన్ధాత్ ॥ ౧౬ ॥
సనత్కుమారోఽవతు కామదేవా-
ద్ధయశీర్షా మాం పథి దేవహేలనాత్ ।
దేవర్షివర్యః పురుషార్చనాన్తరాత్
కూర్మో హరిర్మాం నిరయాదశేషాత్ ॥ ౧౭ ॥
ద్ధయశీర్షా మాం పథి దేవహేలనాత్ ।
దేవర్షివర్యః పురుషార్చనాన్తరాత్
కూర్మో హరిర్మాం నిరయాదశేషాత్ ॥ ౧౭ ॥
ధన్వన్తరిర్భగవాన్ పాత్వపథ్యాద్
ద్వన్ద్వాద్ భయాదృషభో నిర్జితాత్మా ।
యజ్ఞశ్చ లోకాదవతాజ్జనాన్తాద్
బలో గణాత్ క్రోధవశాదహీన్ద్రః ॥ ౧౮ ॥
ద్వన్ద్వాద్ భయాదృషభో నిర్జితాత్మా ।
యజ్ఞశ్చ లోకాదవతాజ్జనాన్తాద్
బలో గణాత్ క్రోధవశాదహీన్ద్రః ॥ ౧౮ ॥
ద్వైపాయనో భగవానప్రబోధాద్
బుద్ధస్తు పాషణ్డగణప్రమాదాత్ ।
కల్కిః కలేః కాలమలాత్ ప్రపాతు
ధర్మావనాయోరుకృతావతారః ॥ ౧౯ ॥
బుద్ధస్తు పాషణ్డగణప్రమాదాత్ ।
కల్కిః కలేః కాలమలాత్ ప్రపాతు
ధర్మావనాయోరుకృతావతారః ॥ ౧౯ ॥
మాం కేశవో గదయా ప్రాతరవ్యాద్
గోవిన్ద ఆసఙ్గవమాత్తవేణుః ।
నారాయణః ప్రాహ్ణ ఉదాత్తశక్తి-
ర్మధ్యన్దినే విష్ణురరీన్ద్రపాణిః ॥ ౨౦ ॥
గోవిన్ద ఆసఙ్గవమాత్తవేణుః ।
నారాయణః ప్రాహ్ణ ఉదాత్తశక్తి-
ర్మధ్యన్దినే విష్ణురరీన్ద్రపాణిః ॥ ౨౦ ॥
దేవోఽపరాహ్ణే మధుహోగ్రధన్వా
సాయం త్రిధామావతు మాధవో మామ్ ।
దోషే హృషీకేశ ఉతార్ధరాత్రే
నిశీథ ఏకోఽవతు పద్మనాభః ॥ ౨౧ ॥
సాయం త్రిధామావతు మాధవో మామ్ ।
దోషే హృషీకేశ ఉతార్ధరాత్రే
నిశీథ ఏకోఽవతు పద్మనాభః ॥ ౨౧ ॥
శ్రీవత్సధామాపరరాత్ర ఈశః
ప్రత్యూష ఈశోఽసిధరో జనార్దనః ।
దామోదరోఽవ్యాదనుసన్ధ్యం ప్రభాతే
విశ్వేశ్వరో భగవాన్ కాలమూర్తిః ॥ ౨౨ ॥
ప్రత్యూష ఈశోఽసిధరో జనార్దనః ।
దామోదరోఽవ్యాదనుసన్ధ్యం ప్రభాతే
విశ్వేశ్వరో భగవాన్ కాలమూర్తిః ॥ ౨౨ ॥
చక్రం యుగాన్తానలతిగ్మనేమి
భ్రమత్ సమన్తాద్ భగవత్ప్రయుక్తమ్ ।
దన్దగ్ధి దన్దగ్ధ్యరిసైన్యమాశు
కక్షం యథా వాతసఖో హుతాశః ॥ ౨౩ ॥
భ్రమత్ సమన్తాద్ భగవత్ప్రయుక్తమ్ ।
దన్దగ్ధి దన్దగ్ధ్యరిసైన్యమాశు
కక్షం యథా వాతసఖో హుతాశః ॥ ౨౩ ॥
గదేఽశనిస్పర్శనవిస్ఫులిఙ్గే
నిష్పిణ్ఢి నిష్పిణ్ఢ్యజితప్రియాసి ।
కుష్మాణ్డవైనాయకయక్షరక్షో-
భూతగ్రహాంశ్చూర్ణయ చూర్ణయారీన్ ॥ ౨౪ ॥
నిష్పిణ్ఢి నిష్పిణ్ఢ్యజితప్రియాసి ।
కుష్మాణ్డవైనాయకయక్షరక్షో-
భూతగ్రహాంశ్చూర్ణయ చూర్ణయారీన్ ॥ ౨౪ ॥
త్వం యాతుధానప్రమథప్రేతమాతృ-
పిశాచవిప్రగ్రహఘోరదృష్టీన్ ।
దరేన్ద్ర విద్రావయ కృష్ణపూరితో
భీమస్వనోఽరేర్హృదయాని కమ్పయన్ ॥ ౨౫ ॥
పిశాచవిప్రగ్రహఘోరదృష్టీన్ ।
దరేన్ద్ర విద్రావయ కృష్ణపూరితో
భీమస్వనోఽరేర్హృదయాని కమ్పయన్ ॥ ౨౫ ॥
త్వం తిగ్మధారాసివరారిసైన్య-
మీశప్రయుక్తో మమ ఛిన్ధి ఛిన్ధి ।
చక్షూంషి చర్మఞ్ఛతచన్ద్ర ఛాదయ
ద్విషామఘోనాం హర పాపచక్షుషామ్ ॥ ౨౬ ॥
మీశప్రయుక్తో మమ ఛిన్ధి ఛిన్ధి ।
చక్షూంషి చర్మఞ్ఛతచన్ద్ర ఛాదయ
ద్విషామఘోనాం హర పాపచక్షుషామ్ ॥ ౨౬ ॥
యన్నో భయం గ్రహేభ్యోఽభూత్ కేతుభ్యో నృభ్య ఏవ చ ।
సరీసృపేభ్యో దంష్ట్రిభ్యో భూతేభ్యోంహోభ్య ఏవ చ ॥ ౨౭ ॥
సరీసృపేభ్యో దంష్ట్రిభ్యో భూతేభ్యోంహోభ్య ఏవ చ ॥ ౨౭ ॥
సర్వాణ్యేతాని భగవన్నామరూపానుకీర్తనాత్ ।
ప్రయాన్తు సఙ్క్షయం సద్యో యే నః శ్రేయఃప్రతీపకాః ॥ ౨౮ ॥
ప్రయాన్తు సఙ్క్షయం సద్యో యే నః శ్రేయఃప్రతీపకాః ॥ ౨౮ ॥
గరుడో భగవాన్ స్తోత్రస్తోభశ్ఛన్దోమయః ప్రభుః ।
రక్షత్వశేషకృచ్ఛ్రేభ్యో విష్వక్సేనః స్వనామభిః ॥ ౨౯ ॥
రక్షత్వశేషకృచ్ఛ్రేభ్యో విష్వక్సేనః స్వనామభిః ॥ ౨౯ ॥
సర్వాపద్భ్యో హరేర్నామరూపయానాయుధాని నః ।
బుద్ధీన్ద్రియమనఃప్రాణాన్ పాన్తు పార్షదభూషణాః ॥ ౩౦ ॥
బుద్ధీన్ద్రియమనఃప్రాణాన్ పాన్తు పార్షదభూషణాః ॥ ౩౦ ॥
యథా హి భగవానేవ వస్తుతః సదసచ్చ యత్ ।
సత్యేనానేన నః సర్వే యాన్తు నాశముపద్రవాః ॥ ౩౧ ॥
సత్యేనానేన నః సర్వే యాన్తు నాశముపద్రవాః ॥ ౩౧ ॥
యథైకాత్మ్యానుభావానాం వికల్పరహితః స్వయమ్ ।
భూషణాయుధలిఙ్గాఖ్యా ధత్తే శక్తీః స్వమాయయా ॥ ౩౨ ॥
భూషణాయుధలిఙ్గాఖ్యా ధత్తే శక్తీః స్వమాయయా ॥ ౩౨ ॥
తేనైవ సత్యమానేన సర్వజ్ఞో భగవాన్ హరిః ।
పాతు సర్వైః స్వరూపైర్నః సదా సర్వత్ర సర్వగః ॥ ౩౩ ॥
పాతు సర్వైః స్వరూపైర్నః సదా సర్వత్ర సర్వగః ॥ ౩౩ ॥
విదిక్షు దిక్షూర్ధ్వమధః సమన్తా-
దన్తర్బహిర్భగవాన్నారసింహః ।
ప్రహాపయఁల్లోకభయం స్వనేన
స్వతేజసా గ్రస్తసమస్తతేజాః ॥ ౩౪ ॥
దన్తర్బహిర్భగవాన్నారసింహః ।
ప్రహాపయఁల్లోకభయం స్వనేన
స్వతేజసా గ్రస్తసమస్తతేజాః ॥ ౩౪ ॥
మఘవన్నిదమాఖ్యాతం వర్మ నారాయణాత్మకమ్ ।
విజేష్యసేఽఞ్జసా యేన దంశితోఽసురయూథపాన్ ॥ ౩౫ ॥
విజేష్యసేఽఞ్జసా యేన దంశితోఽసురయూథపాన్ ॥ ౩౫ ॥
ఏతద్ ధారయమాణస్తు యం యం పశ్యతి చక్షుషా ।
పదా వా సంస్పృశేత్ సద్యః సాధ్వసాత్ స విముచ్యతే ॥ ౩౬ ॥
పదా వా సంస్పృశేత్ సద్యః సాధ్వసాత్ స విముచ్యతే ॥ ౩౬ ॥
న కుతశ్చిద్భయం తస్య విద్యాం ధారయతో భవేత్ ।
రాజదస్యుగ్రహాదిభ్యో వ్యాధ్యాదిభ్యశ్చ కర్హిచిత్ ॥ ౩౭ ॥
రాజదస్యుగ్రహాదిభ్యో వ్యాధ్యాదిభ్యశ్చ కర్హిచిత్ ॥ ౩౭ ॥
ఇమాం విద్యాం పురా కశ్చిత్కౌశికో ధారయన్ ద్విజః ।
యోగధారణయా స్వాఙ్గం జహౌ స మరుధన్వని ॥ ౩౮ ॥
యోగధారణయా స్వాఙ్గం జహౌ స మరుధన్వని ॥ ౩౮ ॥
తస్యోపరి విమానేన గన్ధర్వపతిరేకదా ।
యయౌ చిత్రరథః స్త్రీభిర్వృతో యత్ర ద్విజక్షయః ॥ ౩౯ ॥
యయౌ చిత్రరథః స్త్రీభిర్వృతో యత్ర ద్విజక్షయః ॥ ౩౯ ॥
గగనాన్న్యపతత్ సద్యః సవిమానో హ్యవాక్ శిరాః ।
స వాలిఖిల్యవచనాదస్థీన్యాదాయ విస్మితః ।
ప్రాస్య ప్రాచీసరస్వత్యాం స్నాత్వా ధామ స్వమన్వగాత్ ॥ ౪౦ ॥
స వాలిఖిల్యవచనాదస్థీన్యాదాయ విస్మితః ।
ప్రాస్య ప్రాచీసరస్వత్యాం స్నాత్వా ధామ స్వమన్వగాత్ ॥ ౪౦ ॥
శ్రీశుక ఉవాచ
య ఇదం శృణుయాత్కాలే యో ధారయతి చాదృతః ।
తం నమస్యన్తి భూతాని ముచ్యతే సర్వతో భయాత్ ॥ ౪౧ ॥
య ఇదం శృణుయాత్కాలే యో ధారయతి చాదృతః ।
తం నమస్యన్తి భూతాని ముచ్యతే సర్వతో భయాత్ ॥ ౪౧ ॥
ఏతాం విద్యామధిగతో విశ్వరూపాచ్ఛతక్రతుః ।
త్రైలోక్యలక్ష్మీం బుభుజే వినిర్జిత్య మృధేఽసురాన్ ॥ ౪౨ ॥
త్రైలోక్యలక్ష్మీం బుభుజే వినిర్జిత్య మృధేఽసురాన్ ॥ ౪౨ ॥