శ్రీశుక ఉవాచ
కుశస్య చాతిథిస్తస్మాన్నిషధస్తత్సుతో నభః ।
పుణ్డరీకోఽథ తత్పుత్రః క్షేమధన్వాభవత్తతః ॥ ౧ ॥
కుశస్య చాతిథిస్తస్మాన్నిషధస్తత్సుతో నభః ।
పుణ్డరీకోఽథ తత్పుత్రః క్షేమధన్వాభవత్తతః ॥ ౧ ॥
దేవానీకస్తతోఽనీహః పారియాత్రోఽథ తత్సుతః ।
తతో బలస్థలస్తస్మాద్ వజ్రనాభోఽర్కసమ్భవః ॥ ౨ ॥
తతో బలస్థలస్తస్మాద్ వజ్రనాభోఽర్కసమ్భవః ॥ ౨ ॥
సగణస్తత్సుతస్తస్మాద్ విధృతిశ్చాభవత్ సుతః ।
తతో హిరణ్యనాభోఽభూద్ యోగాచార్యస్తు జైమినేః ॥ ౩ ॥
తతో హిరణ్యనాభోఽభూద్ యోగాచార్యస్తు జైమినేః ॥ ౩ ॥
శిష్యః కౌశల్య ఆధ్యాత్మం యాజ్ఞవల్క్యోఽధ్యగాద్ యతః ।
యోగం మహోదయమ్ ఋషిర్హృదయగ్రన్థిభేదకమ్ ॥ ౪ ॥
యోగం మహోదయమ్ ఋషిర్హృదయగ్రన్థిభేదకమ్ ॥ ౪ ॥
పుష్పో హిరణ్యనాభస్య ధ్రువసన్ధిస్తతోఽభవత్ ।
సుదర్శనోఽథాగ్నివర్ణః శీఘ్రస్తస్య మరుః సుతః ॥ ౫ ॥
సుదర్శనోఽథాగ్నివర్ణః శీఘ్రస్తస్య మరుః సుతః ॥ ౫ ॥
సోఽసావాస్తే యోగసిద్ధః కలాపగ్రామమాస్థితః ।
కలేరన్తే సూర్యవంశం నష్టం భావయితా పునః ॥ ౬ ॥
కలేరన్తే సూర్యవంశం నష్టం భావయితా పునః ॥ ౬ ॥
తస్మాత్ ప్రసుశ్రుతస్తస్య సన్ధిస్తస్యాప్యమర్షణః ।
మహస్వాంస్తత్సుతస్తస్మాద్ విశ్వబాహురజాయత ॥ ౭ ॥
మహస్వాంస్తత్సుతస్తస్మాద్ విశ్వబాహురజాయత ॥ ౭ ॥
తతః ప్రసేనజిత్ తస్మాత్ తక్షకో భవితా పునః ।
తతో బృహద్బలో యస్తు పిత్రా తే సమరే హతః ॥ ౮ ॥
తతో బృహద్బలో యస్తు పిత్రా తే సమరే హతః ॥ ౮ ॥
ఏతే హీక్ష్వాకుభూపాలా అతీతాః శృణ్వనాగతాన్ ।
బృహద్బలస్య భవితా పుత్రో నామ్నా బృహద్రణః ॥ ౯ ॥
బృహద్బలస్య భవితా పుత్రో నామ్నా బృహద్రణః ॥ ౯ ॥
ఊరుక్రియః సుతస్తస్య వత్సవృద్ధో భవిష్యతి ।
ప్రతివ్యోమస్తతో భానుర్దివాకో వాహినీపతిః ॥ ౧౦ ॥
ప్రతివ్యోమస్తతో భానుర్దివాకో వాహినీపతిః ॥ ౧౦ ॥
సహదేవస్తతో వీరో బృహదశ్వోఽథ భానుమాన్ ।
ప్రతీకాశ్వో భానుమతః సుప్రతీకోఽథ తత్సుతః ॥ ౧౧ ॥
ప్రతీకాశ్వో భానుమతః సుప్రతీకోఽథ తత్సుతః ॥ ౧౧ ॥
భవితా మరుదేవోఽథ సునక్షత్రోఽథ పుష్కరః ।
తస్యాన్తరిక్షస్తత్పుత్రః సుతపాస్తదమిత్రజిత్ ॥ ౧౨ ॥
తస్యాన్తరిక్షస్తత్పుత్రః సుతపాస్తదమిత్రజిత్ ॥ ౧౨ ॥
బృహద్రాజస్తు తస్యాపి బర్హిస్తస్మాత్ కృతఞ్జయః ।
రణఞ్జయస్తస్య సుతః సఞ్జయో భవితా తతః ॥ ౧౩ ॥
రణఞ్జయస్తస్య సుతః సఞ్జయో భవితా తతః ॥ ౧౩ ॥
తస్మాచ్ఛాక్యోఽథ శుద్ధోదో లాఙ్గలస్తత్సుతః స్మృతః ।
తతః ప్రసేనజిత్ తస్మాత్ క్షుద్రకో భవితా తతః ॥ ౧౪ ॥
తతః ప్రసేనజిత్ తస్మాత్ క్షుద్రకో భవితా తతః ॥ ౧౪ ॥
రణకో భవితా తస్మాత్ సురథస్తనయస్తతః ।
సుమిత్రో నామ నిష్ఠాన్త ఏతే బార్హద్బలాన్వయాః ॥ ౧౫ ॥
సుమిత్రో నామ నిష్ఠాన్త ఏతే బార్హద్బలాన్వయాః ॥ ౧౫ ॥
ఇక్ష్వాకూణామయం వంశః సుమిత్రాన్తో భవిష్యతి ।
యతస్తం ప్రాప్య రాజానం సంస్థాం ప్రాప్స్యతి వై కలౌ ॥ ౧౬ ॥
యతస్తం ప్రాప్య రాజానం సంస్థాం ప్రాప్స్యతి వై కలౌ ॥ ౧౬ ॥