জনক উৱাচ ॥
ক্ৱ ভূতানি ক্ৱ দেহো ৱা ক্ৱেন্দ্ৰিযাণি ক্ৱ ৱা মনঃ ।
ক্ৱ শূন্যং ক্ৱ চ নৈৰাশ্যং মত্স্ৱৰূপে নিৰঞ্জনে ॥ 20-1॥
ক্ৱ শূন্যং ক্ৱ চ নৈৰাশ্যং মত্স্ৱৰূপে নিৰঞ্জনে ॥ 20-1॥
ক্ৱ শাস্ত্ৰং ক্ৱাত্মৱিজ্ঞানং ক্ৱ ৱা নিৰ্ৱিষযং মনঃ ।
ক্ৱ তৃপ্তিঃ ক্ৱ ৱিতৃষ্ণাত্ৱং গতদ্ৱন্দ্ৱস্য মে সদা ॥ 20-2॥
ক্ৱ তৃপ্তিঃ ক্ৱ ৱিতৃষ্ণাত্ৱং গতদ্ৱন্দ্ৱস্য মে সদা ॥ 20-2॥
ক্ৱ ৱিদ্যা ক্ৱ চ ৱাৱিদ্যা ক্ৱাহং ক্ৱেদং মম ক্ৱ ৱা ।
ক্ৱ বন্ধঃ ক্ৱ চ ৱা মোক্ষঃ স্ৱৰূপস্য ক্ৱ ৰূপিতা ॥ 20-3॥
ক্ৱ বন্ধঃ ক্ৱ চ ৱা মোক্ষঃ স্ৱৰূপস্য ক্ৱ ৰূপিতা ॥ 20-3॥
ক্ৱ প্ৰাৰব্ধানি কৰ্মাণি জীৱন্মুক্তিৰপি ক্ৱ ৱা ।
ক্ৱ তদ্ ৱিদেহকৈৱল্যং নিৰ্ৱিশেষস্য সৰ্ৱদা ॥ 20-4॥
ক্ৱ তদ্ ৱিদেহকৈৱল্যং নিৰ্ৱিশেষস্য সৰ্ৱদা ॥ 20-4॥
ক্ৱ কৰ্তা ক্ৱ চ ৱা ভোক্তা নিষ্ক্ৰিযং স্ফুৰণং ক্ৱ ৱা ।
ক্ৱাপৰোক্ষং ফলং ৱা ক্ৱ নিঃস্ৱভাৱস্য মে সদা ॥ 20-5॥
ক্ৱাপৰোক্ষং ফলং ৱা ক্ৱ নিঃস্ৱভাৱস্য মে সদা ॥ 20-5॥
ক্ৱ লোকং ক্ৱ মুমুক্ষুৰ্ৱা ক্ৱ যোগী জ্ঞানৱান্ ক্ৱ ৱা ।
ক্ৱ বদ্ধঃ ক্ৱ চ ৱা মুক্তঃ স্ৱস্ৱৰূপেঽহমদ্ৱযে ॥ 20-6॥
ক্ৱ বদ্ধঃ ক্ৱ চ ৱা মুক্তঃ স্ৱস্ৱৰূপেঽহমদ্ৱযে ॥ 20-6॥
ক্ৱ সৃষ্টিঃ ক্ৱ চ সংহাৰঃ ক্ৱ সাধ্যং ক্ৱ চ সাধনম্ ।
ক্ৱ সাধকঃ ক্ৱ সিদ্ধিৰ্ৱা স্ৱস্ৱৰূপেঽহমদ্ৱযে ॥ 20-7॥
ক্ৱ সাধকঃ ক্ৱ সিদ্ধিৰ্ৱা স্ৱস্ৱৰূপেঽহমদ্ৱযে ॥ 20-7॥
ক্ৱ প্ৰমাতা প্ৰমাণং ৱা ক্ৱ প্ৰমেযং ক্ৱ চ প্ৰমা ।
ক্ৱ কিঞ্চিত্ ক্ৱ ন কিঞ্চিদ্ ৱা সৰ্ৱদা ৱিমলস্য মে ॥ 20-8॥
ক্ৱ কিঞ্চিত্ ক্ৱ ন কিঞ্চিদ্ ৱা সৰ্ৱদা ৱিমলস্য মে ॥ 20-8॥
ক্ৱ ৱিক্ষেপঃ ক্ৱ চৈকাগ্ৰ্যং ক্ৱ নিৰ্বোধঃ ক্ৱ মূঢতা ।
ক্ৱ হৰ্ষঃ ক্ৱ ৱিষাদো ৱা সৰ্ৱদা নিষ্ক্ৰিযস্য মে ॥ 20-9॥
ক্ৱ হৰ্ষঃ ক্ৱ ৱিষাদো ৱা সৰ্ৱদা নিষ্ক্ৰিযস্য মে ॥ 20-9॥
ক্ৱ চৈষ ৱ্যৱহাৰো ৱা ক্ৱ চ সা পৰমাৰ্থতা ।
ক্ৱ সুখং ক্ৱ চ ৱা দুঃখং নিৰ্ৱিমৰ্শস্য মে সদা ॥ 20-10॥
ক্ৱ সুখং ক্ৱ চ ৱা দুঃখং নিৰ্ৱিমৰ্শস্য মে সদা ॥ 20-10॥
ক্ৱ মাযা ক্ৱ চ সংসাৰঃ ক্ৱ প্ৰীতিৰ্ৱিৰতিঃ ক্ৱ ৱা ।
ক্ৱ জীৱঃ ক্ৱ চ তদ্ব্ৰহ্ম সৰ্ৱদা ৱিমলস্য মে ॥ 20-11॥
ক্ৱ জীৱঃ ক্ৱ চ তদ্ব্ৰহ্ম সৰ্ৱদা ৱিমলস্য মে ॥ 20-11॥
ক্ৱ প্ৰৱৃত্তিৰ্নিৰ্ৱৃত্তিৰ্ৱা ক্ৱ মুক্তিঃ ক্ৱ চ বন্ধনম্ ।
কূটস্থনিৰ্ৱিভাগস্য স্ৱস্থস্য মম সৰ্ৱদা ॥ 20-12॥
কূটস্থনিৰ্ৱিভাগস্য স্ৱস্থস্য মম সৰ্ৱদা ॥ 20-12॥
ক্ৱোপদেশঃ ক্ৱ ৱা শাস্ত্ৰং ক্ৱ শিষ্যঃ ক্ৱ চ ৱা গুৰুঃ ।
ক্ৱ চাস্তি পুৰুষাৰ্থো ৱা নিৰুপাধেঃ শিৱস্য মে ॥ 20-13॥
ক্ৱ চাস্তি পুৰুষাৰ্থো ৱা নিৰুপাধেঃ শিৱস্য মে ॥ 20-13॥
ক্ৱ চাস্তি ক্ৱ চ ৱা নাস্তি ক্ৱাস্তি চৈকং ক্ৱ চ দ্ৱযম্ ।
বহুনাত্ৰ কিমুক্তেন কিঞ্চিন্নোত্তিষ্ঠতে মম ॥ 20-14॥
বহুনাত্ৰ কিমুক্তেন কিঞ্চিন্নোত্তিষ্ঠতে মম ॥ 20-14॥
ইতি অষ্টাৱক্ৰগীতা সমাপ্তা ।