অষ্টাবক্র গীতা অষ্টমোঽধ্যাযঃ

তদা বন্ধো যদা চিত্তং কিঞ্চিদ্ বাঞ্ছতি শোচতি ।

কিঞ্চিন্ মুঞ্চতি গৃহ্ণাতি কিঞ্চিদ্ধৃষ্যতি কুপ্যতি ॥ 8-1॥
তদা মুক্তির্যদা চিত্তং ন বাঞ্ছতি ন শোচতি ।

ন মুঞ্চতি ন গৃহ্ণাতি ন হৃষ্যতি ন কুপ্যতি ॥ 8-2॥
তদা বন্ধো যদা চিত্তং সক্তং কাস্বপি দৃষ্টিষু ।

তদা মোক্ষো যদা চিত্তমসক্তং সর্বদৃষ্টিষু ॥ 8-3॥
যদা নাহং তদা মোক্ষো যদাহং বন্ধনং তদা ।

মত্বেতি হেলযা কিঞ্চিন্মা গৃহাণ বিমুঞ্চ মা ॥ 8-4॥