അഷ്ടാവക്ര ഗീതാ അഷ്ടമോഽധ്യായഃ

തദാ ബന്ധോ യദാ ചിത്തം കിഞ്ചിദ് വാഞ്ഛതി ശോചതി ।

കിഞ്ചിന് മുഞ്ചതി ഗൃഹ്ണാതി കിഞ്ചിദ്ധൃഷ്യതി കുപ്യതി ॥ 8-1॥
തദാ മുക്തിര്യദാ ചിത്തം ന വാഞ്ഛതി ന ശോചതി ।

ന മുഞ്ചതി ന ഗൃഹ്ണാതി ന ഹൃഷ്യതി ന കുപ്യതി ॥ 8-2॥
തദാ ബന്ധോ യദാ ചിത്തം സക്തം കാസ്വപി ദൃഷ്ടിഷു ।

തദാ മോക്ഷോ യദാ ചിത്തമസക്തം സര്വദൃഷ്ടിഷു ॥ 8-3॥
യദാ നാഹം തദാ മോക്ഷോ യദാഹം ബന്ധനം തദാ ।

മത്വേതി ഹേലയാ കിഞ്ചിന്മാ ഗൃഹാണ വിമുഞ്ച മാ ॥ 8-4॥