ವನ್ದೇ ವಾಙ್ಮನಸಾತೀತಂ ನಿರ್ಗುಣಂ ಸಗುಣಂ ಗುರುಮ್ ।
ದತ್ತಮಾತ್ರೇಯಮಾನನ್ದಕನ್ದಂ ಭಕ್ತೇಷ್ಟಪೂರಕಮ್ ॥ ೧ ॥
ದತ್ತಮಾತ್ರೇಯಮಾನನ್ದಕನ್ದಂ ಭಕ್ತೇಷ್ಟಪೂರಕಮ್ ॥ ೧ ॥
ನಮಾಮಿ ಸತತಂ ದತ್ತಮೌದುಮ್ಬರನಿವಾಸಿನಮ್ ।
ಯತೀನ್ದ್ರರೂಪಂ ಚ ಸದಾ ನಿಜಾನನ್ದಪ್ರಬೋಧನಮ್ ॥ ೨ ॥
ಯತೀನ್ದ್ರರೂಪಂ ಚ ಸದಾ ನಿಜಾನನ್ದಪ್ರಬೋಧನಮ್ ॥ ೨ ॥
ಕೃಷ್ಣಾ ಯದಗ್ರೇ ಭುವನೇಶಾನೀ ವಿದ್ಯಾನಿಧಿಸ್ತಥಾ ।
ಔದುಮ್ಬರಾಃ ಕಲ್ಪವೃಕ್ಷಾಃ ಸರ್ವತಃ ಸುಖದಾಃ ಸದಾ ॥ ೩ ॥
ಔದುಮ್ಬರಾಃ ಕಲ್ಪವೃಕ್ಷಾಃ ಸರ್ವತಃ ಸುಖದಾಃ ಸದಾ ॥ ೩ ॥
ಭಕ್ತಬೃನ್ದಾನ್ ದರ್ಶನತಃ ಪುರುಷಾರ್ಥಚತುಷ್ಟಯಮ್ ।
ದದಾತಿ ಭಗವಾನ್ ಭೂಮಾ ಸಚ್ಚಿದಾನನ್ದವಿಗ್ರಹಃ ॥ ೪ ॥
ದದಾತಿ ಭಗವಾನ್ ಭೂಮಾ ಸಚ್ಚಿದಾನನ್ದವಿಗ್ರಹಃ ॥ ೪ ॥
ಜಾಗರ್ತಿ ಗುಪ್ತರೂಪೇಣ ಗೋಪ್ತಾ ಧ್ಯಾನಸಮಾಧಿತಃ ।
ಬ್ರಹ್ಮಬೃನ್ದಂ ಬ್ರಹ್ಮಸುಖಂ ದದಾತಿ ಸಮದೃಷ್ಟಿತಃ ॥ ೫ ॥
ಬ್ರಹ್ಮಬೃನ್ದಂ ಬ್ರಹ್ಮಸುಖಂ ದದಾತಿ ಸಮದೃಷ್ಟಿತಃ ॥ ೫ ॥
ಕೃಷ್ಣಾ ತೃಷ್ಣಾಹರಾ ಯತ್ರ ಸುಖದಾ ಭುವನೇಶ್ವರೀ ।
ಯತ್ರ ಮೋಕ್ಷದರಾಡ್ದತ್ತಪಾದುಕಾ ತಾಂ ನಮಾಮ್ಯಹಮ್ ॥ ೬ ॥
ಯತ್ರ ಮೋಕ್ಷದರಾಡ್ದತ್ತಪಾದುಕಾ ತಾಂ ನಮಾಮ್ಯಹಮ್ ॥ ೬ ॥
ಪಾದುಕಾರೂಪಿಯತಿರಾಟ್ ಶ್ರೀನೃಸಿಂಹಸರಸ್ವತೀ ।
ರಾಜತೇ ರಾಜರಾಜಶ್ರೀದತ್ತಶ್ರೀಪಾದವಲ್ಲಭಃ ॥ ೭ ॥
ರಾಜತೇ ರಾಜರಾಜಶ್ರೀದತ್ತಶ್ರೀಪಾದವಲ್ಲಭಃ ॥ ೭ ॥
ನಮಾಮಿ ಗುರುಮೂರ್ತೇ ತಂ ತಾಪತ್ರಯಹರಂ ಹರಿಮ್ ।
ಆನನ್ದಮಯಮಾತ್ಮಾನಂ ನವಭಕ್ತ್ಯಾ ಸುಖಪ್ರದಮ್ ॥ ೮ ॥
ಆನನ್ದಮಯಮಾತ್ಮಾನಂ ನವಭಕ್ತ್ಯಾ ಸುಖಪ್ರದಮ್ ॥ ೮ ॥
ಕರವೀರಸ್ಥವಿದುಷಮೂಢಪುತ್ರಂ ವಿನಿನ್ದಿತಮ್ ।
ಛಿನ್ನಜಿಹ್ವಂ ಬುಧಂ ಚಕ್ರೇ ತದ್ವನ್ಮಯಿ ಕೃಪಾಂ ಕುರು ॥ ೯ ॥
ಛಿನ್ನಜಿಹ್ವಂ ಬುಧಂ ಚಕ್ರೇ ತದ್ವನ್ಮಯಿ ಕೃಪಾಂ ಕುರು ॥ ೯ ॥
॥ ಇತಿ ಶ್ರೀವಾಸುದೇವಾನನ್ದಸರಸ್ವತೀ ವಿರಚಿತಂ ಔದುಮ್ಬರ ಪಾದುಕಾ ಸ್ತೋತ್ರಮ್ ಸಮ್ಪೂರ್ಣಮ್ ॥