namo viśadabodhavidagdhā | vidyāraviṃdaprabodhā |
parāprameyapramadā | vilāsiyā || 1 ||
parāprameyapramadā | vilāsiyā || 1 ||
namo saṃsāratamasūryā | apratimaparamavīryā |
taruṇataratūryā | lālanalīlā || 2 ||
taruṇataratūryā | lālanalīlā || 2 ||
namo jagadakhilapālanā | maṃgal̤amaṇinidhānā |
sajjanavanacaṃdanā | ārādhyaliṃgā || 3 ||
sajjanavanacaṃdanā | ārādhyaliṃgā || 3 ||
namo caturacittacakoracaṃdrā | ātmānubhavanareṃdrā |
śrutisārasamudrā | manmathamanmathā || 4 ||
śrutisārasamudrā | manmathamanmathā || 4 ||
namo subhāvabhajanabhājanā | bhavebhakuṃbhabhaṃjanā |
viśvodbhavabhuvanā | śrīgururāyā || 5 ||
viśvodbhavabhuvanā | śrīgururāyā || 5 ||
tumacā anugraho gaṇeśu | jaiṃ de āpulā saurasu |
taiṃ sārasvatīṃ praveśu | bāl̤akāhī āthī || 6 ||
taiṃ sārasvatīṃ praveśu | bāl̤akāhī āthī || 6 ||
jī daivikīṃ udāra vācā | jaiṃ uddeśu de nābhikārācā |
taiṃ navarasasudhābdhīcā | thāvo lābhe || 7 ||
taiṃ navarasasudhābdhīcā | thāvo lābhe || 7 ||
jī āpuliyā snehācī vāgeśvarī | jarī mukeyāteṃ aṃgikārī |
to vācaspatīśīṃ karī | prabaṃdhuhoḍā || 8 ||
to vācaspatīśīṃ karī | prabaṃdhuhoḍā || 8 ||
heṃ aso diṭhī jayāvarī jhal̤ake | kīṃ hā padmakaru māthāṃ pārukhe |
to jīvaci pari tuke | maheśeṃsīṃ || 9 ||
to jīvaci pari tuke | maheśeṃsīṃ || 9 ||
evaḍheṃ jiye mahimeceṃ karaṇeṃ | teṃ vācābal̤eṃ vānūṃ mī kavaṇeṃ |
kāṃ sūryāciyā āṃgā uṭaṇeṃ | lāgata ase ? || 10 ||
kāṃ sūryāciyā āṃgā uṭaṇeṃ | lāgata ase ? || 10 ||
keutā kalpataruvarī phulaurā ? | kāyaseni pāhuṇeru kṣīrasāgarā ? |
kavaṇeṃ vāsīṃ kāpurā | suvāsu devoṃ ? || 11 ||
kavaṇeṃ vāsīṃ kāpurā | suvāsu devoṃ ? || 11 ||
caṃdanāteṃ kāyaseni carcāveṃ | amṛtāteṃ keuteṃ rāṃdhāveṃ |
gaganāvarī ubhavāveṃ | ghaḍe kevīṃ ? || 12 ||
gaganāvarī ubhavāveṃ | ghaḍe kevīṃ ? || 12 ||
taiseṃ śrīgurūceṃ mahimāna | ākal̤iteṃ keṃ ase sādhana ? |
heṃ jāṇoni miyāṃ namana | nivāṃta keleṃ || 13 ||
heṃ jāṇoni miyāṃ namana | nivāṃta keleṃ || 13 ||
jarī prajñeceni āthilepaṇeṃ | śrīgurūsāmarthyā rūpa karūṃ mhaṇe |
tari teṃ motiyāṃ bhiṃga deṇeṃ | taiseṃ hoīla || 14 ||
tari teṃ motiyāṃ bhiṃga deṇeṃ | taiseṃ hoīla || 14 ||
kāṃ sāḍepaṃdharayā rajatavaṇī | taiśīṃ stutīṃcīṃ bolaṇīṃ |
ugiyāci māthā ṭhevije caraṇīṃ | heṃci bhaleṃ || 15 ||
ugiyāci māthā ṭhevije caraṇīṃ | heṃci bhaleṃ || 15 ||
maga mhaṇitaleṃ jī svāmī | bhaleni mamatveṃ dekhileṃ tumhīṃ |
mhaṇauni kṛṣṇārjunasaṃgamīṃ | prayāgavaṭu jāhaloṃ || 16 ||
mhaṇauni kṛṣṇārjunasaṃgamīṃ | prayāgavaṭu jāhaloṃ || 16 ||
māgāṃ dūdha de mhaṇataliyāsāṭhīṃ | āghaviyā kṣīrābdhīcī karūni vāṭī |
upamanyūpuḍheṃ dhūrjaṭī | ṭhevilī jaisī || 17 ||
upamanyūpuḍheṃ dhūrjaṭī | ṭhevilī jaisī || 17 ||
nā tarī vaikuṃṭhapīṭhanāyakeṃ | rusalā dhruva kavatikeṃ |
bujhāvilā deūni bhātukeṃ | dhruvapadāceṃ || 18 ||
bujhāvilā deūni bhātukeṃ | dhruvapadāceṃ || 18 ||
taisī je brahmavidyārāvo | sakal̤a śāstrāṃcā visaṃvatā ṭhāvo |
te bhagavadgītā voṃviye gāvoṃ | aiseṃ keleṃ || 19 ||
te bhagavadgītā voṃviye gāvoṃ | aiseṃ keleṃ || 19 ||
je bolaṇiyāce rānīṃ hiṃḍatāṃ | nāyakije phal̤aliyā akṣarācī vārtā |
pari te vācāci kelī kalpalatā | vivekācī || 20 ||
pari te vācāci kelī kalpalatā | vivekācī || 20 ||
hotī dehabuddhī ekasarī | te ānaṃdabhāṃḍārā kelī vovarī |
mana gītārthasāgarīṃ | jal̤aśayana jāleṃ || 21 ||
mana gītārthasāgarīṃ | jal̤aśayana jāleṃ || 21 ||
aiseṃ ekeka devāṃceṃ karaṇeṃ | teṃ apāra boloṃ kevīṃ mī jāṇeṃ |
taṟhī anuvādaloṃ dhīṭapaṇeṃ | te upasāhijo jī || 22 ||
taṟhī anuvādaloṃ dhīṭapaṇeṃ | te upasāhijo jī || 22 ||
ātāṃ āpuleni kṛpāprasādeṃ | miyāṃ bhagavadgītā voṃvīprabaṃdheṃ |
pūrvakhaṃḍa vinodeṃ | vākhāṇileṃ || 23 ||
pūrvakhaṃḍa vinodeṃ | vākhāṇileṃ || 23 ||
prathamīṃ arjunācā viṣādu | dujīṃ bolilā yogu viśadu |
pari sāṃkhyabuddhīsi bhedu | dāūniyāṃ || 24 ||
pari sāṃkhyabuddhīsi bhedu | dāūniyāṃ || 24 ||
tijīṃ keval̤a karma pratiṣṭhileṃ | teṃci caturthīṃ jñāneṃśīṃ pragaṭileṃ |
paṃcamīṃ gavharileṃ | yogatattva || 25 ||
paṃcamīṃ gavharileṃ | yogatattva || 25 ||
teci ṣaṣṭhāmājīṃ pragaṭa | āsanālāgoni spaṣṭa |
jīvātmabhāva ekavaṭa | hotī jeṇeṃ || 26 ||
jīvātmabhāva ekavaṭa | hotī jeṇeṃ || 26 ||
taisī je yogasthitī | āṇi yogabhraṣṭāṃ je gatī |
teṃ āghavīci upapattī | sāṃgitalī ṣaṣṭhīṃ || 27 ||
teṃ āghavīci upapattī | sāṃgitalī ṣaṣṭhīṃ || 27 ||
tayāvarī saptamīṃ | prakṛtiparihāra upakramīṃ |
karūni bhajatī je puruṣottamīṃ | te bolile cāṟhī || 28 ||
karūni bhajatī je puruṣottamīṃ | te bolile cāṟhī || 28 ||
pāṭhīṃ saptamīṃcī praśnasiddhī | boloni prayāṇasamayasiddhī |
evaṃ te sakal̤avākyaavadhi | aṣṭamādhyāyīṃ || 29 ||
evaṃ te sakal̤avākyaavadhi | aṣṭamādhyāyīṃ || 29 ||
maga śabdabrahmīṃ asaṃkhyākeṃ | jetulā kāṃhīṃ abhiprāya pike |
tetulā mahābhārateṃ ekeṃ | lakṣeṃ joḍe || 30 ||
tetulā mahābhārateṃ ekeṃ | lakṣeṃ joḍe || 30 ||
tiye āghavāṃci jeṃ mahābhāratīṃ | teṃ lābhe kṛṣṇārjunavācoktīṃ |
āṇi jo abhiprāvo sāteṃśatīṃ | to ekalāci navamīṃ || 31 ||
āṇi jo abhiprāvo sāteṃśatīṃ | to ekalāci navamīṃ || 31 ||
mhaṇauni navamīṃciyā abhiprāyā | sahasā mudrā lāvāvayā |
bihālā maga mī vāyāṃ | garva kāṃ karūṃ ? || 32 ||
bihālā maga mī vāyāṃ | garva kāṃ karūṃ ? || 32 ||
aho gūl̤āsākhare mālayāce | he bāṃdhe tarī ekāci rasāce |
pari svāda goḍiyece | ānaāna jaise || 33 ||
pari svāda goḍiyece | ānaāna jaise || 33 ||
eka jāṇoniyāṃ bolatī | eka ṭhāyeṃ ṭhāvo jāṇavitī |
eka jāṇoṃ jātāṃ hārapatī | jāṇate guṇeṃśīṃ || 34 ||
eka jāṇoṃ jātāṃ hārapatī | jāṇate guṇeṃśīṃ || 34 ||
heṃ aiseṃ adhyāya gītece | pari anirvācyapaṇa navamāceṃ |
to anuvādaloṃ heṃ tumaceṃ | sāmarthya prabhū || 35 ||
to anuvādaloṃ heṃ tumaceṃ | sāmarthya prabhū || 35 ||
aho ekāci śāṭī tapinnalī | ekīṃ sṛṣṭīvarī sṛṣṭī kelī |
ekīṃ pāṣāṇīṃ vāūni utaralīṃ | samudrīṃ kaṭakeṃ || 36 ||
ekīṃ pāṣāṇīṃ vāūni utaralīṃ | samudrīṃ kaṭakeṃ || 36 ||
ekīṃ ākāśīṃ sūryāteṃ dharileṃ | ekīṃ cul̤īṃci sāgarāteṃ bharileṃ |
taiseṃ maja mukayākaravīṃ bolavileṃ | anirvācya tumhīṃ || 37 ||
taiseṃ maja mukayākaravīṃ bolavileṃ | anirvācya tumhīṃ || 37 ||
pari heṃ aso etha aiseṃ | rāma rāvaṇa jhuṃjinnale kaise |
rāma rāvaṇa jaise | mīnale samarīṃ || 38 ||
rāma rāvaṇa jaise | mīnale samarīṃ || 38 ||
taiseṃ navamīṃ kṛṣṇāceṃ bolaṇeṃ | teṃ navamīciyāci aiseṃ mī mhaṇeṃ |
yā nivāḍā tattvajñu jāṇeṃ | jayā gītārthu hātīṃ || 39 ||
yā nivāḍā tattvajñu jāṇeṃ | jayā gītārthu hātīṃ || 39 ||
evaṃ navahī adhyāya pahile | miyāṃ matīsārikhe vākhāṇile |
ātāṃ uttarakhaṃḍa uvāileṃ | graṃthāceṃ aikā || 40 ||
ātāṃ uttarakhaṃḍa uvāileṃ | graṃthāceṃ aikā || 40 ||
jetha vibhūti prativibhūtī | prastuta arjunā sāṃgijetī |
te vidagdhā rasavṛttī | mhaṇipaila kathā || 41 ||
te vidagdhā rasavṛttī | mhaṇipaila kathā || 41 ||
deśiyeceni nāgarapaṇeṃ | śāṃtu śṛṃgārāteṃ jiṇeṃ |
tari oṃviyā hotī leṇeṃ | sāhityāsi || 42 ||
tari oṃviyā hotī leṇeṃ | sāhityāsi || 42 ||
mūl̤a graṃthīṃciyā saṃskṛtā | vari maṟhāṭhī nīṭa paḍhatāṃ |
abhiprāya mānaliyā ucitā | kavaṇa bhūmī heṃ na cojave || 43 ||
abhiprāya mānaliyā ucitā | kavaṇa bhūmī heṃ na cojave || 43 ||
jaiseṃ aṃgāceni suṃdarapaṇeṃ | leṇiyā āṃgaci hoya leṇeṃ |
tetha al̤aṃkārileṃ kavaṇa kavaṇeṃ | heṃ nirvacenā || 44 ||
tetha al̤aṃkārileṃ kavaṇa kavaṇeṃ | heṃ nirvacenā || 44 ||
taisī deśī āṇi saṃskṛta vāṇī | ekā bhāvārthācyā sokāsanīṃ |
śobhatī āyaṇī | cokhaṭa āikā || 45 ||
śobhatī āyaṇī | cokhaṭa āikā || 45 ||
uṭhāvaliyā bhāvā rūpa | karitāṃ rasavṛttīceṃ lāge vaḍapa |
cāturya mhaṇe paḍapa | joḍaleṃ āmhāṃ || 46 ||
cāturya mhaṇe paḍapa | joḍaleṃ āmhāṃ || 46 ||
taiseṃ deśiyeceṃ lāvaṇya | hironi āṇileṃ tāruṇya |
maga racileṃ agaṇya | gītātattva || 47 ||
maga racileṃ agaṇya | gītātattva || 47 ||
jo carācara paramaguru | catura cittacamatkāru |
to aikā yādaveśvaru | bolatā jāhalā || 48 ||
to aikā yādaveśvaru | bolatā jāhalā || 48 ||
jñānadeva nivṛttīcā mhaṇe | aiseṃ bolileṃ śrīharī teṇeṃ |
arjunā āghaviyācī mātu aṃtaḥkaraṇeṃ | dhaḍautā āhāsi || 49 ||
arjunā āghaviyācī mātu aṃtaḥkaraṇeṃ | dhaḍautā āhāsi || 49 ||
śrībhagavānuvācaḥ bhūya eva mahābāho śrṛṇu me paramaṃ vacaḥ |
yatte'haṃ prīyamāṇāya vakṣyāmi hitakāmyayā || 1||
yatte'haṃ prīyamāṇāya vakṣyāmi hitakāmyayā || 1||
āmhīṃ māgīla jeṃ nirūpaṇa keleṃ | teṃ tujheṃ avadhānaci pāhileṃ |
tavaṃ ṭāceṃ navheṃ bhaleṃ | purateṃ āhe || 50 ||
tavaṃ ṭāceṃ navheṃ bhaleṃ | purateṃ āhe || 50 ||
ghaṭīṃ thoḍeseṃ udaka ghālije | teṇeṃ na gal̤e tarī varitā bharije |
aisā parisauni pāhilāsi taṃva parisavije | aiseṃci hotase || 51 ||
aisā parisauni pāhilāsi taṃva parisavije | aiseṃci hotase || 51 ||
avacitayāvarī sarvasva sāṃḍije | maga cokha tarī toci bhāṃḍārī kīje |
taisā kirīṭī tūṃ ātāṃ mājheṃ | nijadhāma kīṃ || 52 ||
taisā kirīṭī tūṃ ātāṃ mājheṃ | nijadhāma kīṃ || 52 ||
aiseṃ arjunā yeuteṃ sarveśvareṃ | pāhoni bolileṃ atyādareṃ |
girī dekhoni subhareṃ | meghu jaisā || 53 ||
girī dekhoni subhareṃ | meghu jaisā || 53 ||
taisā kṛpāl̤uvāṃcā rāvo | mhaṇe āikeṃ gā mahābāho |
sāṃgitalāci abhiprāvo | sāṃgena puḍhatī || 54 ||
sāṃgitalāci abhiprāvo | sāṃgena puḍhatī || 54 ||
paiṃ prativarṣīṃ kṣetra perije | pikācī jaṃva jaṃva vāḍhī dekhije |
yālāgīṃ nubagije | vāho karitāṃ || 55 ||
yālāgīṃ nubagije | vāho karitāṃ || 55 ||
puḍhatapuḍhatī puṭeṃ detāṃ | joḍe vāniyecī adhikatā |
mhaṇauni soneṃ paṃḍusutā | śodhūṃci āvaḍe || 56 ||
mhaṇauni soneṃ paṃḍusutā | śodhūṃci āvaḍe || 56 ||
taiseṃ etha pārthā | tuja ābhāra nāhīṃ sarvathā |
āmhī āpuliyāci svārthā | boloṃ puḍhatī || 57 ||
āmhī āpuliyāci svārthā | boloṃ puḍhatī || 57 ||
jaiseṃ bāl̤akā levavije leṇeṃ | tayā śṛṃgārā bāl̤a kāi jāṇe ? |
pari te sukhāce sohal̤e bhogaṇeṃ | māuliye diṭhī || 58 ||
pari te sukhāce sohal̤e bhogaṇeṃ | māuliye diṭhī || 58 ||
taiseṃ tujheṃ hita āghaveṃ | jaṃva jaṃva kāṃ tuja phāve |
taṃva taṃva āmuceṃ sukha duṇāve | aiseṃ āhe || 59 ||
taṃva taṃva āmuceṃ sukha duṇāve | aiseṃ āhe || 59 ||
ātāṃ arjunā aso he vikaḍī | maja ughaḍa tujhī āvaḍī |
mhaṇauni tṛptīcī savaḍī | bolatāṃ na paḍe || 60 ||
mhaṇauni tṛptīcī savaḍī | bolatāṃ na paḍe || 60 ||
āmhāṃ yetuliyāci kāraṇeṃ | teṃci teṃ tujaśīṃ bolaṇeṃ |
pari aso heṃ aṃtaḥkaraṇeṃ | avadhāna deīṃ || 61 ||
pari aso heṃ aṃtaḥkaraṇeṃ | avadhāna deīṃ || 61 ||
tarī aikeṃ gā suvarma | vākya mājheṃ parama |
jeṃ akṣareṃ leūnī parabrahma | tuja kheṃvāsi āleṃ || 62 ||
jeṃ akṣareṃ leūnī parabrahma | tuja kheṃvāsi āleṃ || 62 ||
parī kirīṭī tūṃ māteṃ | neṇasī nā niruteṃ |
tari to gā jo mī etheṃ | teṃ viśvaci heṃ || 63 ||
tari to gā jo mī etheṃ | teṃ viśvaci heṃ || 63 ||
na me viduḥ suragaṇāḥ prabhavaṃ na maharṣayaḥ |
ahamādirhi devānāṃ maharṣīṇāṃ ca sarvaśaḥ || 2||
ahamādirhi devānāṃ maharṣīṇāṃ ca sarvaśaḥ || 2||
etha veda muke jāhāle | mana pavana pāṃgul̤ale |
rātīviṇa māval̤ale | raviśaśī jetha || 64 ||
rātīviṇa māval̤ale | raviśaśī jetha || 64 ||
agā udarīṃcā garbhu jaisā | na dekheṃ āpuliye mātecī vayasā |
mī āghaveyā devāṃ taisā | neṇave kāṃhīṃ || 65 ||
mī āghaveyā devāṃ taisā | neṇave kāṃhīṃ || 65 ||
āṇi jal̤acarāṃ udadhīceṃ māna | maśakā nolāṃḍaveci gagana |
tevīṃ maharṣīṃceṃ jñāna | na dekheci māteṃ || 66 ||
tevīṃ maharṣīṃceṃ jñāna | na dekheci māteṃ || 66 ||
mī kavaṇa pāṃ ketulā | kavaṇācā kaiṃ jāhalā |
yā nirutī karitāṃ bolā | kalpa gele || 67 ||
yā nirutī karitāṃ bolā | kalpa gele || 67 ||
kāṃ je maharṣīṃ āṇi yā devāṃ | yerāṃ bhūtajātāṃ sarvāṃ |
mī ādi mhaṇauni pāṃḍavā | avaghaḍa jāṇatāṃ || 68 ||
mī ādi mhaṇauni pāṃḍavā | avaghaḍa jāṇatāṃ || 68 ||
utaraleṃ udaka parvata val̤aghe | jarī jhāḍa vāḍhata mul̤īṃ lāge |
tarī miyāṃ jāleni jageṃ | jāṇije māteṃ || 69 ||
tarī miyāṃ jāleni jageṃ | jāṇije māteṃ || 69 ||
kāṃ gābhevaneṃ vaṭu giṃvasave | jarī taraṃgīṃ sāgarū sāṃṭhave |
kāṃ paramāṇūmājīṃ sāmāve | bhūgolu hā || 70 ||
kāṃ paramāṇūmājīṃ sāmāve | bhūgolu hā || 70 ||
tarī miyāṃ jāliyā jīvāṃ | maharṣīṃ athavā devāṃ |
māteṃ jāṇāvayā hoāvā | avakāśu gā || 71 ||
māteṃ jāṇāvayā hoāvā | avakāśu gā || 71 ||
aisāhī jarī vipāyeṃ | sāṃḍūni puḍhīle pāye |
sarveṃdriyāṃsi hoye | pāṭhimorā jo || 72 ||
sarveṃdriyāṃsi hoye | pāṭhimorā jo || 72 ||
pravartalāhī vegīṃ bahuḍe | deha sāṃḍūni māgalīkaḍe |
mahābhūtāṃciyā caḍhe | māthayāvarī || 73 ||
mahābhūtāṃciyā caḍhe | māthayāvarī || 73 ||
yo māmajamanādiṃ ca vetti lokamaheśvaram |
asaṃmūḍhaḥ sa martyeṣu sarvapāpaiḥ pramucyate || 3||
asaṃmūḍhaḥ sa martyeṣu sarvapāpaiḥ pramucyate || 3||
taisā rāhoni ṭhāyaṭhike | svaprakāśeṃ cokheṃ |
ajatva mājheṃ dekhe | āpuliyā ḍol̤āṃ || 74 ||
ajatva mājheṃ dekhe | āpuliyā ḍol̤āṃ || 74 ||
mī ādīsiṃ paru | sakal̤alokamaheśvaru |
aisiyā māteṃ jo naru | yāparī jāṇeṃ || 75 ||
aisiyā māteṃ jo naru | yāparī jāṇeṃ || 75 ||
to pāṣāṇāṃmājīṃ parisu | rasāṃmājī siddharasu |
taisā manuṣyākṛti aṃśu | to mājhāci jāṇa || 76 ||
taisā manuṣyākṛti aṃśu | to mājhāci jāṇa || 76 ||
to cālateṃ jñānāceṃ biṃba | tayāce avayava te sukhāce koṃbha |
pari māṇusapaṇācī bhāṃba | lokāci bhāgu || 77 ||
pari māṇusapaṇācī bhāṃba | lokāci bhāgu || 77 ||
agā avacitā kāpurā- | mājīṃ sāṃpaḍalā hirā |
varī paḍiliyā nīrā | na nige kevīṃ || 78 ||
varī paḍiliyā nīrā | na nige kevīṃ || 78 ||
taisā manuṣyalokāāṃtu | to jarī jāhalā prākṛtu |
taṟhī prakṛtidoṣācī mātu | neṇije tetha || 79 ||
taṟhī prakṛtidoṣācī mātu | neṇije tetha || 79 ||
to āpasayeṃci sāṃḍije pāpīṃ | jaisā jal̤ata caṃdanu sarpīṃ |
taisā māteṃ jāṇeṃ to saṃkalpīṃ | varjūni ghālije || 80 ||
taisā māteṃ jāṇeṃ to saṃkalpīṃ | varjūni ghālije || 80 ||
teṃci māteṃ kaiseṃ jāṇije | aiseṃ kalpī jarī citta tujheṃ |
tarī mī aisā heṃ mājheṃ | bhāva aikeṃ || 81 ||
tarī mī aisā heṃ mājheṃ | bhāva aikeṃ || 81 ||
je vegal̤ālāṃ bhūtīṃ | sārikhe hoūni prakṛtī |
vikhurale āhetī trijagatīṃ | āghaviye || 82 ||
vikhurale āhetī trijagatīṃ | āghaviye || 82 ||
buddhirjñānamasaṃmohaḥ kṣamā satyaṃ damaḥ śamaḥ |
sukhaṃ duḥkhaṃ bhavo'bhāvo bhayaṃ cābhayameva ca || 4||
sukhaṃ duḥkhaṃ bhavo'bhāvo bhayaṃ cābhayameva ca || 4||
ahiṃsā samatā tuṣṭistapo dānaṃ yaśo'yaśaḥ |
bhavanti bhāvā bhūtānāṃ matta eva pṛthagvidhāḥ || 5||
bhavanti bhāvā bhūtānāṃ matta eva pṛthagvidhāḥ || 5||
te prathama jāṇa buddhī | maga jñāna jeṃ niravadhī |
asaṃmoha sahanasiddhī | kṣamā satya || 83 ||
asaṃmoha sahanasiddhī | kṣamā satya || 83 ||
maga śama dama donhī | sukha duḥkha vartata janīṃ |
arjunā bhāvābhāva mānīṃ | bhāvācimājīṃ || 84 ||
arjunā bhāvābhāva mānīṃ | bhāvācimājīṃ || 84 ||
ātāṃ bhaya āṇi nirbhayatā | ahiṃsā āṇi samatā |
he mama rupacī pāṃḍusutā | ol̤akha tū || 85 ||
he mama rupacī pāṃḍusutā | ol̤akha tū || 85 ||
dāna yaśa apakīrtī | te je bhāva sarvatra vasatī |
te majaci pāsūni hotī | bhūtāṃcā ṭhāyīṃ || 86 ||
te majaci pāsūni hotī | bhūtāṃcā ṭhāyīṃ || 86 ||
jaisīṃ bhūteṃ āhāti sinānīṃ | taiseci hehī vegal̤āle mānīṃ |
eka upajatī mājhāṃ jñānīṃ | eka neṇatī māteṃ || 87 ||
eka upajatī mājhāṃ jñānīṃ | eka neṇatī māteṃ || 87 ||
agā prakāśa āṇi kaḍavaseṃ | heṃ sūryācistava jaiseṃ |
prakāśa udayīṃ dise | tama astusīṃ || 88 ||
prakāśa udayīṃ dise | tama astusīṃ || 88 ||
āṇi mājheṃ je jāṇaṇeṃ neṇaṇeṃ | teṃ taṃva bhūtāṃciyā daivāceṃ karaṇeṃ |
mhaṇauni bhūtīṃ bhāvāceṃ hoṇeṃ | viṣama paḍe || 89 ||
mhaṇauni bhūtīṃ bhāvāceṃ hoṇeṃ | viṣama paḍe || 89 ||
yāparī mājhāṃ bhāvīṃ | he jīvasṛṣṭi āhe āghavī |
guṃtalī ase jāṇāvī | paṃḍukumarā || 90 ||
guṃtalī ase jāṇāvī | paṃḍukumarā || 90 ||
ātāṃ iye sṛṣṭīce pālaka | tayāṃ ādhīna vartatī loka |
te akarā bhāva āṇika | sāṃgena tuja || 91 ||
te akarā bhāva āṇika | sāṃgena tuja || 91 ||
maharṣayaḥ sapta pūrve catvārī manavastathā |
madbhavā mānasā jātā yeṣāṃ loka imāḥ prajāḥ || 6||
madbhavā mānasā jātā yeṣāṃ loka imāḥ prajāḥ || 6||
tarī āghavāṃci guṇīṃ vṛddha | je maharṣīṃmājīṃ prabuddha |
kaśyapādi prasiddha | sapta ṛṣī || 92 ||
kaśyapādi prasiddha | sapta ṛṣī || 92 ||
āṇikahī sāṃgijatīla | je caudā āṃtīla |
svāyaṃbhū mukhya muddala | cārī manu || 93 ||
svāyaṃbhū mukhya muddala | cārī manu || 93 ||
aiseṃ he akarā | mājhāṃ manīṃ jāhāle dhanurdharā |
sṛṣṭīciyā vyāpārā- | lāgoniyāṃ || 94 ||
sṛṣṭīciyā vyāpārā- | lāgoniyāṃ || 94 ||
jaiṃ lokāṃcī vyavasthā na paḍe | jaiṃ yā tribhuvanāce kāṃhīṃ na māṃḍe |
taiṃ mahābhūtāṃce dal̤avāḍeṃ | acuṃbita ase || 95 ||
taiṃ mahābhūtāṃce dal̤avāḍeṃ | acuṃbita ase || 95 ||
taiṃci he jāhāle | ihīṃ lokapāl̤a kele |
adhyakṣa racūni ṭhevile | ihīṃ jana || 96 ||
adhyakṣa racūni ṭhevile | ihīṃ jana || 96 ||
mhaṇauni akarā he rājā | maga yera loka yāṃciyā prajā |
aisā hā vistāru mājhā | ol̤akha tūṃ || 97 ||
aisā hā vistāru mājhā | ol̤akha tūṃ || 97 ||
pāheṃ pāṃ āraṃbhīṃ bīja ekaleṃ | maga teṃci virūḍhaliyā būḍa jāhāleṃ |
buḍīṃ koṃbha nighāle | khāṃdiyāṃce || 98 ||
buḍīṃ koṃbha nighāle | khāṃdiyāṃce || 98 ||
khāṃdiyāṃpāsūni anekā | pasaraliyā śākhopaśākhā |
śākhāṃstava dekhā | pallavapāneṃ || 99 ||
śākhāṃstava dekhā | pallavapāneṃ || 99 ||
pallavīṃ phūla phal̤a | evaṃ vṛkṣatva jāhāleṃ sakal̤a |
teṃ nirdhāritāṃ keval̤a | bījaci teṃ || 100 ||
teṃ nirdhāritāṃ keval̤a | bījaci teṃ || 100 ||
aiseṃ mī ekaci pahileṃ | maga mī teṃ manāteṃ vyāleṃ |
tetha saptaṛṣi jāhāle | āṇi cārī manu || 101 ||
tetha saptaṛṣi jāhāle | āṇi cārī manu || 101 ||
ihīṃ lokapāl̤a kele | lokapāl̤īṃ vividha loka sṛjile |
lokāṃpāsūni nipajale | prajājāta || 102 ||
lokāṃpāsūni nipajale | prajājāta || 102 ||
aiseni heṃ viśva yetheṃ | mīci prasavalā nā niruteṃ |
parī bhāvāceni hāteṃ | māne jayā || 103 ||
parī bhāvāceni hāteṃ | māne jayā || 103 ||
etāṃ vibhūtiṃ yogaṃ ca mama yo vetti tattvataḥ |
so'vikaṃpena yogena yujyate nātra saṃśayaḥ || 7||
so'vikaṃpena yogena yujyate nātra saṃśayaḥ || 7||
yālāgīṃ subhadrāpatī | he bhāva iyā mājhiyā vibhūtī |
āṇi yāṃciyā vyāptī | vyāpileṃ viśva || 104 ||
āṇi yāṃciyā vyāptī | vyāpileṃ viśva || 104 ||
mhaṇoni gā yāparī | brahmādipipīlikāvarī |
mīvāṃcūni dusarī | goṭhī nāhīṃ || 105 ||
mīvāṃcūni dusarī | goṭhī nāhīṃ || 105 ||
aiseṃ jāṇe jo sāceṃ | tayā ceireṃ jāhāleṃ jñānāceṃ |
mhaṇoni uttama madhyama bhedāceṃ | duḥsvapna tayāṃ || 106 ||
mhaṇoni uttama madhyama bhedāceṃ | duḥsvapna tayāṃ || 106 ||
mī mājhiyā vibhūtī | vibhūtīṃ adhiṣṭhiliyā vyaktī |
heṃ āghaveṃ yogapratītī | ekaci mānī || 107 ||
heṃ āghaveṃ yogapratītī | ekaci mānī || 107 ||
mhaṇoni niḥśaṃkeṃ yeṇeṃ mahāyogeṃ | maja mīnalā manāceni āṃgeṃ |
etha saṃśaya karaṇeṃ na lage | to triśuddhī jāhalā || 108 ||
etha saṃśaya karaṇeṃ na lage | to triśuddhī jāhalā || 108 ||
kāṃ je aiseṃ kirīṭī | māteṃ bhaje jo abhedā diṭhī |
tayāciye bhajanāciye nāṭīṃ | sūtī maja || 109 ||
tayāciye bhajanāciye nāṭīṃ | sūtī maja || 109 ||
mhaṇaūni abhedeṃ jo bhaktiyogu | tetha śaṃkā nāhīṃ naye khaṃgu |
karitāṃ ṭhelā tarī cāṃgu | teṃ sāṃgitaleṃ ṣaṣṭhīṃ || 110 ||
karitāṃ ṭhelā tarī cāṃgu | teṃ sāṃgitaleṃ ṣaṣṭhīṃ || 110 ||
toci abhedu kaisā | heṃ jāṇāvayā mānasā |
sāda jālī tarī pariyesā | bolijela || 111 ||
sāda jālī tarī pariyesā | bolijela || 111 ||
ahaṃ sarvasya prabhavo mattaḥ sarvaṃ pravartate |
iti matvā bhajante māṃ budhā bhāvasamanvitāḥ || 8||
iti matvā bhajante māṃ budhā bhāvasamanvitāḥ || 8||
tari mīci eka sarvāṃ | yā jagā janma pāṃḍavā |
āṇi majacipāsūni āghavā | nirvāho yāṃcā || 112 ||
āṇi majacipāsūni āghavā | nirvāho yāṃcā || 112 ||
kallol̤amāl̤ā anegā | janma jal̤īṃci paiṃ gā |
āṇi tayāṃ jal̤aci āśrayo taraṃgā | jīvanahī jal̤a || 113 ||
āṇi tayāṃ jal̤aci āśrayo taraṃgā | jīvanahī jal̤a || 113 ||
aiseṃ āghavāṃci ṭhāyīṃ | tayā jal̤aci jeviṃ pāhīṃ |
taisā mīvāṃcūni nāhīṃ | viśvīṃ iye || 114 ||
taisā mīvāṃcūni nāhīṃ | viśvīṃ iye || 114 ||
aisiyā vyāpakā māteṃ | mānūni je bhajatī bhalatetheṃ |
pari sācokāreṃ uditeṃ | premabhāveṃ || 115 ||
pari sācokāreṃ uditeṃ | premabhāveṃ || 115 ||
deśakāl̤avartamāna | āghaveṃ majasīṃ karūni abhinna |
jaisā vāyu hoūna gagana | gaganīṃci vicare || 116 ||
jaisā vāyu hoūna gagana | gaganīṃci vicare || 116 ||
aiseni je nijajñānī | khel̤ata sukheṃ tribhuvanīṃ |
jagadrūpā manīṃ | sāṃṭhaūni māteṃ || 117 ||
jagadrūpā manīṃ | sāṃṭhaūni māteṃ || 117 ||
jeṃ jeṃ bheṭe bhūta | teṃ teṃ mānije bhagavaṃta |
hā bhaktiyogu niścita | jāṇa mājhā || 118 ||
hā bhaktiyogu niścita | jāṇa mājhā || 118 ||
maccittā madgataprāṇā bodhayantaḥ parasparam |
kathayantaśca māṃ nityaṃ tuṣyanti ca ramanti ca || 9||
kathayantaśca māṃ nityaṃ tuṣyanti ca ramanti ca || 9||
citteṃ mīci jāhāle | miyāṃci prāṇeṃ dhāle |
jīvoṃ maroṃ visarale | bodhāciyā bhulī || 119 ||
jīvoṃ maroṃ visarale | bodhāciyā bhulī || 119 ||
maga tayā bodhāceni māje | nācatī saṃvādasukhācīṃ bhojeṃ |
ātāṃ ekamekāṃ ghepe dīje | bodhaci varī || 120 ||
ātāṃ ekamekāṃ ghepe dīje | bodhaci varī || 120 ||
jaiśīṃ javal̤ikeṃcīṃ sarovareṃ | ucaṃbal̤aliyā kālavatī paraspareṃ |
maga taraṃgāsi dhaval̤āreṃ | taraṃgaci hotī || 121 ||
maga taraṃgāsi dhaval̤āreṃ | taraṃgaci hotī || 121 ||
taisī yerayerāṃciye mil̤aṇī | paḍata ānaṃdakallol̤āṃcī veṇī |
tetha bodha bodhācīṃ leṇīṃ | bodheṃci miravī || 122 ||
tetha bodha bodhācīṃ leṇīṃ | bodheṃci miravī || 122 ||
jaiseṃ sūryeṃ sūryāteṃ voṃvāl̤ileṃ | kīṃ caṃdreṃ caṃdramyā kṣema didhaleṃ |
nā tarī sariseni pāḍeṃ mīnale | donī vogha || 123 ||
nā tarī sariseni pāḍeṃ mīnale | donī vogha || 123 ||
taiseṃ prayāga hota sāmarasyāceṃ | varī vosāṇa tarata sāttvikāceṃ |
te saṃvādacatuṣpathīṃce | gaṇeśa jāhale || 124 ||
te saṃvādacatuṣpathīṃce | gaṇeśa jāhale || 124 ||
tevhāṃ tayā mahāsukhāceni bhareṃ | dhāṃvoni dehāciye gāṃvābāhereṃ |
miyāṃ dhāle teṇeṃ udgāreṃ | lāgatī gājoṃ || 125 ||
miyāṃ dhāle teṇeṃ udgāreṃ | lāgatī gājoṃ || 125 ||
paiṃ guruśiṣyāṃcāṃ ekāṃtīṃ | je akṣarā ekācī vadaṃtī |
te meghāciyāparī trijagatīṃ | garjatī saiṃgha || 126 ||
te meghāciyāparī trijagatīṃ | garjatī saiṃgha || 126 ||
jaisī kamal̤akal̤ikā jālepaṇeṃ | hṛdayīṃciyā makaraṃdāteṃ rākhoṃ neṇeṃ |
de rāyā raṃkā pāraṇeṃ | āmodāceṃ || 127 ||
de rāyā raṃkā pāraṇeṃ | āmodāceṃ || 127 ||
taiseṃci māteṃ viśvīṃ kathita | kathiteni toṣeṃ kathūṃ visarata |
maga tayā visarāmājīṃ virata | āṃgeṃ jīveṃ || 128 ||
maga tayā visarāmājīṃ virata | āṃgeṃ jīveṃ || 128 ||
aiseṃ premāceni bahuvasapaṇeṃ | nāhīṃ rātī divo jāṇaṇeṃ |
keleṃ mājheṃ sukha avyaṃgavāṇeṃ | āpaṇapeyāṃ jihīṃ || 129 ||
keleṃ mājheṃ sukha avyaṃgavāṇeṃ | āpaṇapeyāṃ jihīṃ || 129 ||
teṣāṃ satatayuktānāṃ bhajatāṃ prītipūrvakam |
dadāmi buddhiyogaṃ taṃ yena māmupayānti te || 10||
dadāmi buddhiyogaṃ taṃ yena māmupayānti te || 10||
tayāṃ maga jeṃ āmhī kāṃhīṃ | dyāveṃ arjunā pāhīṃ |
te ṭhāyīṃcīca tihīṃ | ghetalī sela || 130 ||
te ṭhāyīṃcīca tihīṃ | ghetalī sela || 130 ||
kāṃ je te jiyā vāṭā | nigāle gā subhaṭā |
te soya pāhoni avhāṃṭā | svargāpavarga || 131 ||
te soya pāhoni avhāṃṭā | svargāpavarga || 131 ||
mhaṇoni tihīṃ jeṃ prema dharileṃ | teṃci āmuceṃ deṇeṃ upāileṃ |
pari āmhīṃ deyāveṃ heṃhi keleṃ | tihīṃcī mhaṇiyeṃ || 132 ||
pari āmhīṃ deyāveṃ heṃhi keleṃ | tihīṃcī mhaṇiyeṃ || 132 ||
ātāṃ yāvarī yetuleṃ ghaḍe | jeṃ teṃci sukha āgal̤eṃ vāḍheṃ |
āṇi kāl̤ācī diṭhī na paḍe | heṃ āmhāṃ karaṇeṃ || 133 ||
āṇi kāl̤ācī diṭhī na paḍe | heṃ āmhāṃ karaṇeṃ || 133 ||
lal̤eyāciyā bāl̤akā kirīṭī | gavasaṇī karūni snehāciyā diṭhī |
jaisī khel̤atāṃ pāṭhopāṭhīṃ | māulī dhāṃve || 134 ||
jaisī khel̤atāṃ pāṭhopāṭhīṃ | māulī dhāṃve || 134 ||
teṃ jo jo khel̤a dāvī | to to puḍheṃ sonayācā karūni ṭhevī |
taisī upāstīcī padavī | poṣita mī jāyeṃ || 135 ||
taisī upāstīcī padavī | poṣita mī jāyeṃ || 135 ||
jiye padavīceni poṣakeṃ | te māteṃ pāvatī yathāsukheṃ |
he pāl̤atī maja viśekheṃ | āvaḍe karūṃ || 136 ||
he pāl̤atī maja viśekheṃ | āvaḍe karūṃ || 136 ||
paiṃ gā bhaktāsi mājheṃ koḍa | maja tayāce ananyagatīcī cāḍa |
kāṃ je premal̤āṃceṃ sāṃkaḍa | āmute gharīṃ || 137 ||
kāṃ je premal̤āṃceṃ sāṃkaḍa | āmute gharīṃ || 137 ||
pāheṃ pāṃ svarga mokṣa upāyile | donhī mārga tayāciye vāhaṇī kele |
āmhīṃ āṃgahī śekhīṃ veṃcileṃ | lakṣmiyesīṃ || 138 ||
āmhīṃ āṃgahī śekhīṃ veṃcileṃ | lakṣmiyesīṃ || 138 ||
pari āpaṇapeṃvīṇa jeṃ eka | teṃ taiseṃci sukha sājuka |
sapremal̤ālāgīṃ dekha | ṭhevileṃ jatana || 139 ||
sapremal̤ālāgīṃ dekha | ṭhevileṃ jatana || 139 ||
hā ṭhāyavarī kirīṭī | āmhī premal̤u ghevoṃ āpaṇapayāsāṭhīṃ |
yā bolīṃ bolijata goṣṭī | taisiyā navhatī gā || 140 ||
yā bolīṃ bolijata goṣṭī | taisiyā navhatī gā || 140 ||
teṣāmevānukampārthamahamajñānajaṃ tamaḥ |
nāśayāmyātmabhāvastho jñānadīpena bhāsvatā || 11||
nāśayāmyātmabhāvastho jñānadīpena bhāsvatā || 11||
mhaṇoni maja ātmayācā bhāvo | jihīṃ jiyāvayā kelā ṭhāvo |
eka mīvāṃcūni vāvo | yera mānileṃ jihīṃ || 141 ||
eka mīvāṃcūni vāvo | yera mānileṃ jihīṃ || 141 ||
tayāṃ tattvajñāṃ cokhaṭāṃ | divī potāsācī subhaṭā |
maga mīci hoūni divaṭā | puḍhāṃ puḍhāṃ cāleṃ || 142 ||
maga mīci hoūni divaṭā | puḍhāṃ puḍhāṃ cāleṃ || 142 ||
ajñānāciye rātī- | mājīṃ tamāci mil̤aṇī dāṭatī |
te nāśūni ghālīṃ parautī | karīṃ nityodayo || 143 ||
te nāśūni ghālīṃ parautī | karīṃ nityodayo || 143 ||
aiseṃ premal̤āceni priyottameṃ | bolileṃ jetha puruṣottameṃ |
tetha arjuna manodharmeṃ | nivāloṃ mhaṇatase || 144 ||
tetha arjuna manodharmeṃ | nivāloṃ mhaṇatase || 144 ||
aho jī avadhārā | bhalā keru pheḍilā saṃsārā |
jāhaloṃ jananījaṭharajoharā- | vegal̤ā prabhū || 145 ||
jāhaloṃ jananījaṭharajoharā- | vegal̤ā prabhū || 145 ||
jī janmalepaṇa āpuleṃ | heṃ āji miyāṃ ḍol̤āṃ dekhileṃ |
jīvita hātāṃ caḍhaleṃ | āvaḍataseṃ || 146 ||
jīvita hātāṃ caḍhaleṃ | āvaḍataseṃ || 146 ||
āji āyuṣyā ujavaṇa jāhalī | mājhiyā daivā daśā udayalī |
je vākyakṛpā lādhalī | daivikeni mukheṃ || 147 ||
je vākyakṛpā lādhalī | daivikeni mukheṃ || 147 ||
ātāṃ yeṇeṃ vacana tejākāreṃ | phiṭaleṃ āṃtīla bāherīla āṃdhāreṃ |
mhaṇoni dekhataseṃ sācokāreṃ | svarūpa tujheṃ || 148 ||
mhaṇoni dekhataseṃ sācokāreṃ | svarūpa tujheṃ || 148 ||
arjuna uvāca| paraṃ brahma paraṃ dhāma pavitraṃ paramaṃ bhavān |
puruṣaṃ śāśvataṃ divyamādidevamajaṃ vibhum || 12||
puruṣaṃ śāśvataṃ divyamādidevamajaṃ vibhum || 12||
tarī hosī gā tūṃ parabrahma | jeṃ yā mahābhūtāṃ visaṃvateṃ dhāma |
pavitra tūṃ parama | jagannāthā || 149 ||
pavitra tūṃ parama | jagannāthā || 149 ||
tūṃ parama daivata tihīṃ devāṃ | tūṃ puruṣa jī paṃcavisāvā |
divya tūṃ prakṛtibhāvā- | pailīkaḍīla || 150 ||
divya tūṃ prakṛtibhāvā- | pailīkaḍīla || 150 ||
anādisiddha tūṃ svāmī | jo nākal̤ijasī janmadharmīṃ |
to tūṃ heṃ āmhī | jāṇitaleṃ ātāṃ || 151 ||
to tūṃ heṃ āmhī | jāṇitaleṃ ātāṃ || 151 ||
tūṃ yā kālayaṃtrāsi sūtrī | tūṃ jīvakal̤ecī adhiṣṭhātrī |
tūṃ brahmakaṭāhadhātrī | heṃ kal̤aleṃ phuḍeṃ || 152 ||
tūṃ brahmakaṭāhadhātrī | heṃ kal̤aleṃ phuḍeṃ || 152 ||
āhustvāmṛṣayaḥ sarve devarṣināradastathā |
asito devalo vyāsaḥ svayaṃ caiva bravīṣi me || 13||
asito devalo vyāsaḥ svayaṃ caiva bravīṣi me || 13||
paiṃ āṇikahī eka parī | iye pratītīcī yetase thorī |
je māgeṃ aiseṃci ṛṣīśvarīṃ | sāṃgitaleṃ tūṃteṃ || 153 ||
je māgeṃ aiseṃci ṛṣīśvarīṃ | sāṃgitaleṃ tūṃteṃ || 153 ||
pari tayā sāṃgitaliyāceṃ sācapaṇa | heṃ ātāṃ mājheṃ dekhatase aṃtaḥkaraṇa |
je kṛpā kelī āpaṇa | mhaṇoni devā || 154 ||
je kṛpā kelī āpaṇa | mhaṇoni devā || 154 ||
eṟhavīṃ nāradu akhaṃḍa javal̤āṃ ye | tohī aiseṃci vacanīṃ gāye |
pari artha na bujoni ṭhāye | gītasukhaci aikoṃ || 155 ||
pari artha na bujoni ṭhāye | gītasukhaci aikoṃ || 155 ||
jī āṃdhal̤eyāṃcāṃ gāṃvīṃ | āpaṇapeṃ pragaṭaleṃ ravī |
tarī tihīṃ votapalīci ghyāvī | vāṃcūni prakāśu kaiṃcā ? || 156 ||
tarī tihīṃ votapalīci ghyāvī | vāṃcūni prakāśu kaiṃcā ? || 156 ||
yeravīṃ devarṣi adhyātma gātāṃ | āhāca rāgāṃgeṃsīṃ je madhuratā |
teci phāve yera cittā | nalageci kāṃhīṃ || 157 ||
teci phāve yera cittā | nalageci kāṃhīṃ || 157 ||
paiṃ asitā devalācenihi mukheṃ | mī evaṃvidhā tūṃteṃ āikeṃ |
parī taiṃ buddhi viṣayavikheṃ | ghārilī hotī || 158 ||
parī taiṃ buddhi viṣayavikheṃ | ghārilī hotī || 158 ||
viṣayaviṣācā paḍipāḍū | goḍa paramārthu lāge kaḍū |
kaḍū viṣaya to goḍū | jīvāsī jāhalā || 159 ||
kaḍū viṣaya to goḍū | jīvāsī jāhalā || 159 ||
āṇi heṃ āṇikāṃceṃ kāya sāṃgāveṃ | rāul̤ā āpaṇaci yeūni vyāsadeveṃ |
tujheṃ svarūpa āghaveṃ | sarvadā sāṃgije || 160 ||
tujheṃ svarūpa āghaveṃ | sarvadā sāṃgije || 160 ||
pari to aṃdhārīṃ ciṃtāmaṇi dekhilā | jevīṃ navhe yā buddhī upekṣilā |
pāṭhīṃ dinodayīṃ vol̤akhilā | hoya mhaṇauni || 161 ||
pāṭhīṃ dinodayīṃ vol̤akhilā | hoya mhaṇauni || 161 ||
taisīṃ vyāsādikāṃcīṃ bolaṇīṃ | tiyā majapāśīṃ cidratnāṃciyā khāṇī |
pari upekṣilyā jāta hotīyā taraṇī | tujavīṇa kṛṣṇā || 162 ||
pari upekṣilyā jāta hotīyā taraṇī | tujavīṇa kṛṣṇā || 162 ||
sarvametadṛtaṃ manye yanmāṃ vadasi keśava |
na hi te bhagavan vyaktiṃ vidurdevā na dānavāḥ || 14||
na hi te bhagavan vyaktiṃ vidurdevā na dānavāḥ || 14||
te ātāṃ vākyasūryakara tujhe phāṃkale | āṇi ṛṣīṃ mārga hote je kathile |
tayāṃ āghaviyāṃceṃci phiṭaleṃ | anol̤akhapaṇa || 163 ||
tayāṃ āghaviyāṃceṃci phiṭaleṃ | anol̤akhapaṇa || 163 ||
jī jñānāceṃ bīja tayāṃce bola | mājīṃ hṛdayabhūmike paḍile sakhola |
vari iye kṛpecī jāhālī vola | mhaṇoni saṃvādaphal̤eṃśīṃ uṭhaleṃ || 164 ||
vari iye kṛpecī jāhālī vola | mhaṇoni saṃvādaphal̤eṃśīṃ uṭhaleṃ || 164 ||
aho nāradādikāṃ saṃtāṃ | tyāṃciyā uktirūpa saritā |
mī mahodadhīṃ jālāṃ anaṃtā | saṃvādasukhācā || 165 ||
mī mahodadhīṃ jālāṃ anaṃtā | saṃvādasukhācā || 165 ||
prabhu āghaveni yeṇeṃ janmeṃ | jiyeṃ puṇyeṃ kelīṃ miyāṃ uttameṃ |
tayāṃcīṃ na ṭhakatīci aṃgīṃ kāmeṃ | sadguru tuvāṃ || 166 ||
tayāṃcīṃ na ṭhakatīci aṃgīṃ kāmeṃ | sadguru tuvāṃ || 166 ||
eṟhavīṃ vaḍilavaḍilāṃceni mukheṃ | mī sadāṃ tūṃteṃ kānīṃ āikeṃ |
pari kṛpā na kījeci tuvāṃ ekeṃ | taṃva neṇaveci kāṃhīṃ || 167 ||
pari kṛpā na kījeci tuvāṃ ekeṃ | taṃva neṇaveci kāṃhīṃ || 167 ||
mhaṇoni bhāgya jaiṃ sānukūl̤a | jāliyā kele udyama sadāṃ saphal̤a |
taiseṃ śrutādhīta sakal̤a | gurukṛpā sāca || 168 ||
taiseṃ śrutādhīta sakal̤a | gurukṛpā sāca || 168 ||
jī banakaru jhāḍeṃ siṃpī jīveṃsāṭīṃ | pāḍūni janmeṃ kāḍhī āṭī |
pari phal̤eṃsī taiṃci bheṭī | jaiṃ vasaṃtu pāve || 169 ||
pari phal̤eṃsī taiṃci bheṭī | jaiṃ vasaṃtu pāve || 169 ||
aho viṣamā jaiṃ vohaṭa paḍe | taiṃ madhura teṃ madhura āvaḍe |
paiṃ rasāyaneṃ taiṃ goḍeṃ | jaiṃ ārogya dehīṃ || 170 ||
paiṃ rasāyaneṃ taiṃ goḍeṃ | jaiṃ ārogya dehīṃ || 170 ||
kāṃ iṃdriyeṃ vācā prāṇa | yāṃ jāliyāṃce taiṃci sārthakapaṇa |
jaiṃ caitanya yeūni āpaṇa | saṃcare mājīṃ || 171 ||
jaiṃ caitanya yeūni āpaṇa | saṃcare mājīṃ || 171 ||
taiseṃ śabdajāta āloḍileṃ | athavā yogādika jeṃ abhyāsileṃ |
teṃ taiṃci mhaṇoṃ ye āpuleṃ | jaiṃ sānukūla guru || 172 ||
teṃ taiṃci mhaṇoṃ ye āpuleṃ | jaiṃ sānukūla guru || 172 ||
aisiye jāliye pratītīceni mājeṃ | arjuna niścayāci nācatuseṃ bhojeṃ |
tevīṃci mhaṇe devā tujheṃ | vākya maja mānaleṃ || 173 ||
tevīṃci mhaṇe devā tujheṃ | vākya maja mānaleṃ || 173 ||
tari sācaci heṃ kaivalyapatī | maja triśuddhī ālī pratītī |
je tūṃ devadānavāṃciye matī- | jogā navhasī || 174 ||
je tūṃ devadānavāṃciye matī- | jogā navhasī || 174 ||
tujheṃ vākya vyaktī na yetāṃ devā | jo āpuliyā jāṇe jāṇivā |
to kahīṃci nohe heṃ sadbhāvā | bharaṃvaseni āleṃ || 175 ||
to kahīṃci nohe heṃ sadbhāvā | bharaṃvaseni āleṃ || 175 ||
svayamevātmanātmānaṃ vettha tvaṃ puruṣottama |
bhūtabhāvana bhūteśa devadeva jagatpate || 15||
bhūtabhāvana bhūteśa devadeva jagatpate || 15||
etha āpuleṃ vāḍapaṇa jaiseṃ | āpaṇaci jāṇije ākāśeṃ |
kāṃ mī yetulī ghanavaṭa aiseṃ | pṛthvīci jāṇe || 176 ||
kāṃ mī yetulī ghanavaṭa aiseṃ | pṛthvīci jāṇe || 176 ||
taisā āpuliye sarvaśaktī | tuja tūṃci jāṇūṃ lakṣmīpatī |
yera vedādika matī | miravatī vāyāṃ || 177 ||
yera vedādika matī | miravatī vāyāṃ || 177 ||
hāṃ gā manāteṃ māgāṃ sāṃḍāveṃ | pavanāteṃ vāvīṃ mavāveṃ |
ādiśūnya utaroni jāveṃ | keuteṃ bāhīṃ || 178 ||
ādiśūnya utaroni jāveṃ | keuteṃ bāhīṃ || 178 ||
taiseṃ heṃ tujheṃ jāṇaṇeṃ āhe | mhaṇoni koṇāhī ṭhākateṃ nohe |
ātāṃ tujheṃ jñāna hoye | tujacijogeṃ || 179 ||
ātāṃ tujheṃ jñāna hoye | tujacijogeṃ || 179 ||
jī āpaṇapayāteṃ tūṃci jāṇasī | āṇikāteṃ sāṃgāvayāhī tūṃ samartha hosī |
tarī ātāṃ eka vel̤a ghāma pusīṃ | ārtīciye niḍal̤īṃcā || 180 ||
tarī ātāṃ eka vel̤a ghāma pusīṃ | ārtīciye niḍal̤īṃcā || 180 ||
heṃ āikileṃ kīṃ bhūtabhāvanā | tribhuvanagajapaṃcānanā |
sakal̤adevadevatārcanā | jagannāyakā || 181 ||
sakal̤adevadevatārcanā | jagannāyakā || 181 ||
jarī thorī tujhī pāhāta āhoṃ | tarī pāsīṃ ubhe ṭhākāvayāhī yogya nohoṃ |
yā śocyatā jarī vinavūṃ bihoṃ | tarī āna upāyo nāhīṃ || 182 ||
yā śocyatā jarī vinavūṃ bihoṃ | tarī āna upāyo nāhīṃ || 182 ||
bharale samudrasaritā cahūṃkaḍe | pari te bāpiyāsi koraḍe |
kāṃ jaiṃ meghauni theṃbuṭā paḍe | taiṃ pāṇī kīṃ tayā || 183 ||
kāṃ jaiṃ meghauni theṃbuṭā paḍe | taiṃ pāṇī kīṃ tayā || 183 ||
taise guru jī sarvatra āthī | pari kṛṣṇā āmhāṃ tūṃci gatī |
heṃ aso majapratī | vibhūtī sāṃgeṃ || 184 ||
heṃ aso majapratī | vibhūtī sāṃgeṃ || 184 ||
vaktumarhasyaśeṣeṇa divyā hyātmavibhūtayaḥ |
yābhirvibhūtirlokānimāṃstvaṃ vyāpya tiṣṭhasi || 16||
yābhirvibhūtirlokānimāṃstvaṃ vyāpya tiṣṭhasi || 16||
jī tujhiyā vibhūtī āghaviyā | pari vyāpitī śakti divyā jiyā |
tiyā āpuliyā dāvāviyā | āpaṇa maja || 185 ||
tiyā āpuliyā dāvāviyā | āpaṇa maja || 185 ||
jihīṃ vibhūtīṃ yayāṃ samastāṃ | lokāṃteṃ vyāpūni āhātī anaṃtā |
tiyā pradhānā nāmāṃkitā | pragaṭā karīṃ || 186 ||
tiyā pradhānā nāmāṃkitā | pragaṭā karīṃ || 186 ||
kathaṃ vidyāmahaṃ yogiṃstvāṃ sadā paricintayan |
keṣu keṣu ca bhāveṣu cintyo'si bhagavanmayā || 17||
keṣu keṣu ca bhāveṣu cintyo'si bhagavanmayā || 17||
jī kaiseṃ miyāṃ tūṃteṃ jāṇāveṃ | kāya jāṇoni sadā ciṃtāveṃ |
jarī tūṃci mhaṇoṃ āghaveṃ | tari ciṃtanaci na ghaḍe || 187 ||
jarī tūṃci mhaṇoṃ āghaveṃ | tari ciṃtanaci na ghaḍe || 187 ||
mhaṇoni māgāṃ bhāva jaise | āpule sāṃgitale tuvāṃ uddeśeṃ |
ātāṃ vistāroni taise | eka vel̤a boleṃ || 188 ||
ātāṃ vistāroni taise | eka vel̤a boleṃ || 188 ||
jayāṃ jayāṃ bhāvācāṃ ṭhāyīṃ | tūṃteṃ ciṃtitāṃ maja sāyāsu nāhīṃ |
to vival̤a karūni deīṃ | yogu āpulā || 189 ||
to vival̤a karūni deīṃ | yogu āpulā || 189 ||
vistareṇātmano yogaṃ vibhūtiṃ ca janārdana |
bhūyaḥ kathaya tṛptirhi śrṛṇvato nāsti me'mṛtam || 18||
bhūyaḥ kathaya tṛptirhi śrṛṇvato nāsti me'mṛtam || 18||
āṇi pusaliyā jiyā vibhūtī | tyāhī bolāviyā bhūtapatī |
yetha mhaṇasī jarī puḍhatī | kāya sāṃgoṃ || 190 ||
yetha mhaṇasī jarī puḍhatī | kāya sāṃgoṃ || 190 ||
tarī hā bhāva manā | jhaṇeṃ jāya ho janārdanā |
paiṃ prākṛtāhī amṛtapānā | nā na mhaṇave jī || 191 ||
paiṃ prākṛtāhī amṛtapānā | nā na mhaṇave jī || 191 ||
je kāl̤akūṭāceṃ sahodara | jeṃ mṛtyūbheṇeṃ pyāle amara |
tari dihāce puraṃdara | caudā jātī || 192 ||
tari dihāce puraṃdara | caudā jātī || 192 ||
aisā kavaṇa eka kṣīrābdhīcā rasu | jayā vāyāṃci amṛtapaṇācā ābhāsu |
tayācāhī mīṭhāṃśu | je pure mhaṇoṃ nedī || 193 ||
tayācāhī mīṭhāṃśu | je pure mhaṇoṃ nedī || 193 ||
tayā pābal̤eyāhī yetulevarī | goḍiyeci āthi thorī |
maga heṃ taṃva avadhārīṃ | paramāmṛta sāceṃ || 194 ||
maga heṃ taṃva avadhārīṃ | paramāmṛta sāceṃ || 194 ||
jeṃ maṃdarācal̤u na ḍhāl̤itāṃ | kṣīrasāgaru na ḍahul̤itāṃ |
anādi svabhāvatā | āiteṃ āhe || 195 ||
anādi svabhāvatā | āiteṃ āhe || 195 ||
jeṃ drava nā navhe baddha | jetha neṇijatī rasa gaṃdha |
jeṃ bhalatayāṃhī siddha | āṭhavaleṃci phāve || 196 ||
jeṃ bhalatayāṃhī siddha | āṭhavaleṃci phāve || 196 ||
jayācī goṭhīci aikatakheṃvo | āghavā saṃsāru hoya vāvo |
bal̤iyā nityatā lāge yevoṃ | āpaṇapeṃyā || 197 ||
bal̤iyā nityatā lāge yevoṃ | āpaṇapeṃyā || 197 ||
janmamṛtyūcī bhākha | hāraponi jāya niḥśekha |
āṃta bāherī mahāsukha | vāḍhoṃci lāge || 198 ||
āṃta bāherī mahāsukha | vāḍhoṃci lāge || 198 ||
maga daivagatyā jarī sevije | tarī teṃ āpaṇaci hoūni ṭhākije |
teṃ tuja detāṃ citta mājheṃ | pureṃ mhaṇoṃ na śake || 199 ||
teṃ tuja detāṃ citta mājheṃ | pureṃ mhaṇoṃ na śake || 199 ||
tavaṃ tujheṃ nāmaci āmhāṃ āvaḍe | vari bheṭī hoya āṇi javal̤ika joḍe |
pāṭhīṃ goṭhī sāṃgasī suravāḍeṃ | ānaṃdācenī || 200 ||
pāṭhīṃ goṭhī sāṃgasī suravāḍeṃ | ānaṃdācenī || 200 ||
ātāṃ heṃ sukha kāyisayāsārikheṃ | kāṃhīṃ nirvacenā maja paritokheṃ |
tari yetuleṃ jāṇeṃ je yeṇeṃ mukheṃ | punaruktahī ho || 201 ||
tari yetuleṃ jāṇeṃ je yeṇeṃ mukheṃ | punaruktahī ho || 201 ||
hāṃ gā sūrya kāya śil̤ā ? | agni mhaṇoṃ yeta āhe voṃvil̤ā |
kāṃ nitya vāhātayā gaṃgājal̤ā | pārasepaṇa ase || 202 ||
kāṃ nitya vāhātayā gaṃgājal̤ā | pārasepaṇa ase || 202 ||
tuṃvā svamukheṃ jeṃ bolileṃ | heṃ āmhīṃ nādāsi rūpa dekhileṃ |
āji caṃdanatarūcīṃ phuleṃ | turaṃbīta āhoṃ māṃ || 203 ||
āji caṃdanatarūcīṃ phuleṃ | turaṃbīta āhoṃ māṃ || 203 ||
yā pārthāciyā bolā | sarvāṃgeṃ kṛṣṇa ḍolalā |
mhaṇe bhaktijñānāsi jāhalā | āgaru hā || 204 ||
mhaṇe bhaktijñānāsi jāhalā | āgaru hā || 204 ||
aisā patikarāciyā toṣā āṃtu | premācā vegu ucaṃbal̤atu |
sāyāseṃ sāṃvarūni anaṃtu | kāya bole || 205 ||
sāyāseṃ sāṃvarūni anaṃtu | kāya bole || 205 ||
śrībhagavānuvāca | hanta te kathayiṣyāmi divyā hyātmavibhūtayaḥ |
prādhānyataḥ kuruśreṣṭha nāstyanto vistarasya me || 19||
prādhānyataḥ kuruśreṣṭha nāstyanto vistarasya me || 19||
mī pitāmahācā pitā | heṃ āṭhavitāṃhī nāṭhave cittā |
kīṃ mhaṇatase bā paṃḍusutā | bhaleṃ keleṃ || 206 ||
kīṃ mhaṇatase bā paṃḍusutā | bhaleṃ keleṃ || 206 ||
arjunāteṃ bā mhaṇe etha kāṃhīṃ | āmhāṃ vismo karāvayā kāraṇa nāhīṃ |
āṃgeṃ to leṃkarūṃ kāī | navheci naṃdāceṃ || 207 ||
āṃgeṃ to leṃkarūṃ kāī | navheci naṃdāceṃ || 207 ||
pari prastuta aiseṃ aso | heṃ karavī āvaḍīcā atiso |
maga mhaṇe āikeṃ sāṃgatasoṃ | dhanurdharā || 208 ||
maga mhaṇe āikeṃ sāṃgatasoṃ | dhanurdharā || 208 ||
tarī tuvāṃ pusaliyā vibhūtī | tayāṃceṃ apārapaṇa subhadrāpatī |
jyā mājhiyāci pari mājhiye matī | ākal̤atī nā || 209 ||
jyā mājhiyāci pari mājhiye matī | ākal̤atī nā || 209 ||
āṃgīṃciyā romā kitī | jayāciyā tayāsi na gaṇavatī |
taisiyā mājhiyā vibhūtī | asaṃkhya maja || 210 ||
taisiyā mājhiyā vibhūtī | asaṃkhya maja || 210 ||
eṟhavīṃ tarī mī kaisā kevaḍhā | mhaṇoni āpaṇapayāṃhī navheci phuḍā |
yālāgīṃ pradhānā jiyā rūḍhā | tiyā vibhūtī āikeṃ || 211 ||
yālāgīṃ pradhānā jiyā rūḍhā | tiyā vibhūtī āikeṃ || 211 ||
jiyā jāṇataliyāsāṭhīṃ | āghavīyā jāṇitaliyā hotī kirīṭī |
jaiseṃ bīja āliyā muṭhīṃ | tarūci ālā hoya || 212 ||
jaiseṃ bīja āliyā muṭhīṃ | tarūci ālā hoya || 212 ||
kāṃ udyāna hātā caḍhileṃ | tarī āpaisīṃ sāṃpaḍalīṃ phal̤eṃ phuleṃ |
tevīṃ dekhiliyā jiyā dekhavaleṃ | viśva sakal̤a || 213 ||
tevīṃ dekhiliyā jiyā dekhavaleṃ | viśva sakal̤a || 213 ||
eṟhavīṃ sācaci gā dhanurdharā | nāhīṃ śevaṭu mājhiyā vistārā |
paiṃ gaganā aiśiyā apārā | majamājīṃ lapaṇeṃ || 214 ||
paiṃ gaganā aiśiyā apārā | majamājīṃ lapaṇeṃ || 214 ||
ahamātmā guḍākeśa sarvabhūtāśayasthitaḥ |
ahamādiśca madhyaṃ ca bhūtānāmanta eva ca || 20||
ahamādiśca madhyaṃ ca bhūtānāmanta eva ca || 20||
āikeṃ kuṭilālakamastakā | dhanurvedatryaṃbakā |
mī ātmā aseṃ ekaikā | bhūtamātrācāṃ ṭhāyīṃ || 215 ||
mī ātmā aseṃ ekaikā | bhūtamātrācāṃ ṭhāyīṃ || 215 ||
āṃtulīkaḍe mīci yāṃcā aṃtaḥkaraṇīṃ | bhūtāṃbāherī mājhīca gaṃvasaṇī |
ādi mī nirvāṇīṃ | madhyahī mīci || 216 ||
ādi mī nirvāṇīṃ | madhyahī mīci || 216 ||
jaiseṃ meghāṃ yā tal̤īṃ varī | eka ākāśaci āṃta bāherī |
āṇi ākāśīṃci jāle avadhārīṃ | asaṇeṃhī ākāśīṃ || 217 ||
āṇi ākāśīṃci jāle avadhārīṃ | asaṇeṃhī ākāśīṃ || 217 ||
pāṭhīṃ layā je vel̤īṃ jātī | te vel̤īṃ ākāśaci hoūni ṭhātī |
tevīṃ ādi sthitī aṃtagatī | bhūtāṃsi mī || 218 ||
tevīṃ ādi sthitī aṃtagatī | bhūtāṃsi mī || 218 ||
aiseṃ bahuvasa āṇi vyāpakapaṇa | mājheṃ vibhūtiyogeṃ jāṇa |
tarī jīvaci karūni śravaṇa | āikoni āika || 219 ||
tarī jīvaci karūni śravaṇa | āikoni āika || 219 ||
yāhīvarī tyā vibhūtī | sāṃgaṇeṃ ṭheleṃ tujaprati |
sāṃgena mhaṇitaleṃ tuja prītī | tyā pradhānā āikeṃ || 220 ||
sāṃgena mhaṇitaleṃ tuja prītī | tyā pradhānā āikeṃ || 220 ||
ādityānāmahaṃ viṣṇurjyotiṣāṃ raviraṃśumāna |
marīcirmarutānāmasmi nakṣatrāṇāmahaṃ śaśī || 21||
marīcirmarutānāmasmi nakṣatrāṇāmahaṃ śaśī || 21||
heṃ boloni to kṛpāvaṃtu | mhaṇe viṣṇu mī ādityāṃāṃtu |
ravī mī raśmivaṃtu | suprabhāṃmājīṃ || 221 ||
ravī mī raśmivaṃtu | suprabhāṃmājīṃ || 221 ||
marūdgaṇāṃcyā vargīṃ | marīci mhaṇe mī śāraṅgī |
caṃdra mī gaganaraṃgīṃ | tārāṃmājīṃ || 222 ||
caṃdra mī gaganaraṃgīṃ | tārāṃmājīṃ || 222 ||
vedānāṃ sāmavedo'smi devānāmasmi vāsavaḥ |
indriyāṇāṃ manaścāsmi bhūtānāmasmi cetanā || 22||
indriyāṇāṃ manaścāsmi bhūtānāmasmi cetanā || 22||
vedāṃāṃtu sāmavedu | to mī mhaṇe goviṃdu |
devāṃmājī marudbaṃdhu | maheṃdra to mī || 223 ||
devāṃmājī marudbaṃdhu | maheṃdra to mī || 223 ||
iṃdriyāṃāṃtu akarāveṃ | mana teṃ mī heṃ jāṇāveṃ |
bhūtāṃmājī svabhāveṃ | cetanā te mī || 224 ||
bhūtāṃmājī svabhāveṃ | cetanā te mī || 224 ||
rudrāṇāṃ śaṃkaraścāsmi vitteśo yakṣarakṣasām |
vasūnāṃ pāvakaścāsmi meruḥ śikhariṇāmaham || 23||
vasūnāṃ pāvakaścāsmi meruḥ śikhariṇāmaham || 23||
aśeṣāṃhī rudrāṃmājhārīṃ | śaṃkara jo madanārī |
to mī yetha na dharīṃ | bhrāṃti kāṃhīṃ || 225 ||
to mī yetha na dharīṃ | bhrāṃti kāṃhīṃ || 225 ||
yakṣarakṣogaṇāṃāṃtu | śaṃbhūcā sakhā jo dhanavaṃtu |
to kuberu mī heṃ anaṃtu | mhaṇatā jāhalā || 226 ||
to kuberu mī heṃ anaṃtu | mhaṇatā jāhalā || 226 ||
maga āṭhāṃhī vasūṃmājhārīṃ | pāvaku to mī avadhārīṃ |
śikharāthiliyāṃ sarvoparī | meru to mī || 227 ||
śikharāthiliyāṃ sarvoparī | meru to mī || 227 ||
purodhasāṃ ca mukhyaṃ māṃ viddhi pārtha bṛhaspatim |
senānīnāmahaṃ skandaḥ sarasāmasmi sāgaraḥ || 24||
senānīnāmahaṃ skandaḥ sarasāmasmi sāgaraḥ || 24||
maharṣīṇāṃ bhṛgurahaṃ girāmasmyekamakṣaram |
yajñānāṃ japayajño'smi sthāvarāṇāṃ himālayaḥ || 25||
yajñānāṃ japayajño'smi sthāvarāṇāṃ himālayaḥ || 25||
jo svargasiṃhāsanā sāvāvo | sarvajñate ādīcā ṭhāvo |
to purohitāṃmājīṃ rāvo | bṛhaspatī mī || 228 ||
to purohitāṃmājīṃ rāvo | bṛhaspatī mī || 228 ||
tribhuvanīṃciyā senāpatīṃ- | āṃta skaṃdu to mī mahāmatī |
jo haravīryeṃ agnisaṃgatī | kṛttikāāṃtu jāhalā || 229 ||
jo haravīryeṃ agnisaṃgatī | kṛttikāāṃtu jāhalā || 229 ||
sakal̤ikāṃ sarovarāṃsī | mājīṃ samudra to mī jal̤arāśī |
maharṣīṃāṃtu taporāśī | bhṛgu to mī || 230 ||
maharṣīṃāṃtu taporāśī | bhṛgu to mī || 230 ||
aśeṣāṃhī vācā | āṃtu naṭanāca satyācā |
teṃ akṣara eka mī vaikuṃṭhīṃcā | velhāl̤u mhaṇe || 231 ||
teṃ akṣara eka mī vaikuṃṭhīṃcā | velhāl̤u mhaṇe || 231 ||
samastāṃhī yajñāṃcā paikīṃ | japayajñu to mī ye lokīṃ |
jo karmatyāgeṃ praṇavādikīṃ | niphajavije || 232 ||
jo karmatyāgeṃ praṇavādikīṃ | niphajavije || 232 ||
nāmajapayajñu to parama | bādhūṃ na śake snānādi karma |
nāmeṃ pāvana dharmādharma | nāma parabrahma vedārtheṃ || 233 ||
nāmeṃ pāvana dharmādharma | nāma parabrahma vedārtheṃ || 233 ||
sthāvarāṃ girīvarāṃ āṃtu | puṇyapuṃja jo himavaṃtu |
to mī mhaṇe kāṃtu | lakṣmiyecā || 234 ||
to mī mhaṇe kāṃtu | lakṣmiyecā || 234 ||
aśvatthaḥ sarvavṛkṣāṇāṃ devarṣīṇāṃ ca nāradaḥ |
gandharvāṇāṃ citrarathaḥ siddhānāṃ kapilo muniḥ || 26||
gandharvāṇāṃ citrarathaḥ siddhānāṃ kapilo muniḥ || 26||
uccaiḥśravasamaśvānāṃ viddhi māmamṛtodbhavam |
airāvataṃ gajendrāṇāṃ narāṇāṃ ca narādhipam || 27||
airāvataṃ gajendrāṇāṃ narāṇāṃ ca narādhipam || 27||
kalpadruma hana pārijātu | guṇeṃ caṃdanuhī vāḍa vikhyātu |
tari yayāṃ vṛkṣajātāṃ āṃtu | aśvatthu to mī || 235 ||
tari yayāṃ vṛkṣajātāṃ āṃtu | aśvatthu to mī || 235 ||
devaṛṣīṃāṃtu pāṃḍavā | nāradu to mī jāṇāvā |
citrarathu mī gaṃdharvāṃ | sakal̤ikāṃmājīṃ || 236 ||
citrarathu mī gaṃdharvāṃ | sakal̤ikāṃmājīṃ || 236 ||
yayāṃ aśeṣāṃhī siddhāṃ- | mājīṃ kapilācāryu mī prabuddhā |
turaṃgajātāṃ prasiddhāṃ- | āṃta ucaiḥśravā mī || 237 ||
turaṃgajātāṃ prasiddhāṃ- | āṃta ucaiḥśravā mī || 237 ||
rājabhūṣaṇa gajāṃāṃtu | arjunā mī gā airāvatu |
payorāśī suramathitu | amṛtāṃśu to mī || 238 ||
payorāśī suramathitu | amṛtāṃśu to mī || 238 ||
yayāṃ narāṃmājīṃ rājā | to vibhūtiviśeṣa mājhā |
jayāteṃ sakal̤a loka prajā | hoūni sevitī || 239 ||
jayāteṃ sakal̤a loka prajā | hoūni sevitī || 239 ||
āyudhānāmahaṃ vajraṃ dhenūnāmasmi kāmadhuk |
prajanaścāsmi kandarpaḥ sarpāṇāmasmi vāsukiḥ || 28||
prajanaścāsmi kandarpaḥ sarpāṇāmasmi vāsukiḥ || 28||
anantaścāsmi nāgānāṃ varuṇo yādasāmaham |
pitṛṇāmaryamā cāsmi yamaḥ saṃyamatāmaham || 29||
pitṛṇāmaryamā cāsmi yamaḥ saṃyamatāmaham || 29||
paiṃ āghaveyāṃ hātiyerāṃ | āṃta vajra teṃ mī dhanurdharā |
jeṃ śatamakhottīrṇakarā | ārūḍhoni ase || 240 ||
jeṃ śatamakhottīrṇakarā | ārūḍhoni ase || 240 ||
dhenūṃmadhyeṃ kāmadhenu | teṃ mī mhaṇe viṣvaksenu |
janmavitayāṃāṃta madanu | to mī jāṇeṃ || 241 ||
janmavitayāṃāṃta madanu | to mī jāṇeṃ || 241 ||
sarpakul̤āāṃta adhiṣṭhātā | vāsukī gā mī kuṃtīsutā |
nāgāṃmājīṃ samastāṃ | anaṃtu to mī || 242 ||
nāgāṃmājīṃ samastāṃ | anaṃtu to mī || 242 ||
agā yādasāṃāṃtu | jo paścimapramadecā kāṃtu |
to varuṇa mī heṃ anaṃtu | sāṃgata ase || 243 ||
to varuṇa mī heṃ anaṃtu | sāṃgata ase || 243 ||
āṇi pitṛgaṇāṃ samastāṃ- | mājīṃ aryamā jo pitṛdevatā |
to mī heṃ tattvatā | bolata āheṃ || 244 ||
to mī heṃ tattvatā | bolata āheṃ || 244 ||
jagācīṃ śubhāśubheṃ lihitī | prāṇiyāṃcyā mānasāṃcā jhāḍā ghetī |
maga keliyānurūpa hotī | bhoganiyama je || 245 ||
maga keliyānurūpa hotī | bhoganiyama je || 245 ||
tayāṃ niyamitayāṃmājīṃ yamu | jo karmasākṣī dharmu |
to mī mhaṇe rāmu | ramāpatī || 246 ||
to mī mhaṇe rāmu | ramāpatī || 246 ||
pralhādaścāsmi daityānāṃ kālaḥ kalayatāmaham |
mṛgāṇāṃ ca mṛgendro'haṃ vainateyaśca pakṣiṇām || 30||
mṛgāṇāṃ ca mṛgendro'haṃ vainateyaśca pakṣiṇām || 30||
agā daityāṃciyā kul̤īṃ | pralhādu to mī nyāhāl̤īṃ |
mhaṇauni daityabhāvādimel̤īṃ | liṃpecinā || 247 ||
mhaṇauni daityabhāvādimel̤īṃ | liṃpecinā || 247 ||
paiṃ kal̤itayāṃmājīṃ mahākāl̤u | to mī mhaṇe gopāl̤u |
śvāpadāṃmājīṃ śārdūl̤u | to mī jāṇa || 248 ||
śvāpadāṃmājīṃ śārdūl̤u | to mī jāṇa || 248 ||
pakṣijātimājhārīṃ | garuḍa to mī avadhārīṃ |
yālāgīṃ jo pāṭhīvarī | vāhoṃ śake māteṃ || 249 ||
yālāgīṃ jo pāṭhīvarī | vāhoṃ śake māteṃ || 249 ||
pavanaḥ pavatāmasmi rāmaḥ śastrabhṛtāmaham |
jhaṣāṇāṃ makaraścāsmi strotasāmasmi jānhavī || 31||
jhaṣāṇāṃ makaraścāsmi strotasāmasmi jānhavī || 31||
pṛthvīciyā paisārā- | mājīṃ ghaḍīṃ na lagatāṃ dhanurdharā |
ekeci uḍḍāṇeṃ sātāṃhi sāgarāṃ | pradakṣiṇā karī jo || 250 ||
ekeci uḍḍāṇeṃ sātāṃhi sāgarāṃ | pradakṣiṇā karī jo || 250 ||
tayāṃ vahiliyāṃ gatimaṃtāṃ- | āṃta pavanu to mī pāṃḍusutā |
śastradharāṃ samastāṃ- | mājīṃ śrīrāma to mī || 251 ||
śastradharāṃ samastāṃ- | mājīṃ śrīrāma to mī || 251 ||
jeṇeṃ sāṃkaḍaliyā dharmācena kaivāreṃ | āpaṇapayāṃ dhanuṣya karūni dusareṃ |
vijayalakṣmīye eka mohareṃ | keleṃ tretīṃ || 252 ||
vijayalakṣmīye eka mohareṃ | keleṃ tretīṃ || 252 ||
pāṭhīṃ ubhe ṭhākūni suvel̤īṃ | pratāpalaṃkeśvarācīṃ sisāl̤īṃ |
gaganīṃ udo mhaṇatayā hastabal̤īṃ | didhalī bhūtāṃ || 253 ||
gaganīṃ udo mhaṇatayā hastabal̤īṃ | didhalī bhūtāṃ || 253 ||
jeṇeṃ devāṃcā mānu giṃvasilā | dharmāsi jīrṇoddhāru kelā |
sūryavaṃśīṃ udelā | sūrya jo kāṃ || 254 ||
sūryavaṃśīṃ udelā | sūrya jo kāṃ || 254 ||
to hātiyeruparajitayā āṃtu | rāmacaṃdra mī jānakīkāṃtu |
makara mī pucchavaṃtu | jal̤acarāṃmājīṃ || 255 ||
makara mī pucchavaṃtu | jal̤acarāṃmājīṃ || 255 ||
paiṃ samastāṃhī voghāṃ- | madhyeṃ je bhagīratheṃ āṇitāṃ gaṃgā |
janhūneṃ gil̤ilī maga jaṃghā | phāḍūni didhalī || 256 ||
janhūneṃ gil̤ilī maga jaṃghā | phāḍūni didhalī || 256 ||
te tribhūvanaikasaritā | jānhavī mī pāṃḍusutā |
jal̤apravāhāṃ samastāṃ- | mājhārīṃ jāṇeṃ || 257 ||
jal̤apravāhāṃ samastāṃ- | mājhārīṃ jāṇeṃ || 257 ||
aiseni vegal̤ālāṃ sṛṣṭīpaikīṃ | vibhūtī nāma sūtāṃ ekekīṃ |
sagal̤ena janmasahasreṃ avalokīṃ | ardhyā navhatī || 258 ||
sagal̤ena janmasahasreṃ avalokīṃ | ardhyā navhatī || 258 ||
sargāṇāmādirantaśca madhyaṃ caivāhamarjuna |
adhyātmavidyā vidyānāṃ vādaḥ pravadatāmaham || 32||
adhyātmavidyā vidyānāṃ vādaḥ pravadatāmaham || 32||
akṣarāṇāmakāro'smi dvandvaḥ sāmāsikasya ca |
ahamevākṣayaḥ kālo dhātāhaṃ viśvatomukhaḥ || 33||
ahamevākṣayaḥ kālo dhātāhaṃ viśvatomukhaḥ || 33||
jaisīṃ avaghīṃci nakṣatreṃ veṃcāvīṃ | aisī cāḍa upajela jaiṃ jīvīṃ |
taiṃ gaganācī bāṃdhāvī | lotha jevīṃ || 259 ||
taiṃ gaganācī bāṃdhāvī | lotha jevīṃ || 259 ||
kāṃ pṛthvīye paramāṇūṃcā ugāṇā ghyāvā | tari bhūgoluci kākhe suvāvā |
taisā vistāru mājhā pahāvā | tari jāṇāveṃ māteṃ || 260 ||
taisā vistāru mājhā pahāvā | tari jāṇāveṃ māteṃ || 260 ||
jaiseṃ śākhāṃsī phūla phal̤a | ekihel̤āṃ veṭāl̤ūṃ mhaṇije sakal̤a |
tarī upaḍūniyāṃ mūl̤a | jevīṃ hātīṃ ghepe || 261 ||
tarī upaḍūniyāṃ mūl̤a | jevīṃ hātīṃ ghepe || 261 ||
tevīṃ mājheṃ vibhūtiviśeṣa | jarī jāṇoṃ pāhijetī aśeṣa |
tarī svarūpa eka nirdoṣa | jāṇije mājheṃ || 262 ||
tarī svarūpa eka nirdoṣa | jāṇije mājheṃ || 262 ||
eṟhavīṃ vegal̤āliyā vibhūtī | kāyieka parisasī kitī |
mhaṇoni ekihel̤āṃ mahāmatī | sarva mī jāṇa || 263 ||
mhaṇoni ekihel̤āṃ mahāmatī | sarva mī jāṇa || 263 ||
mī āghaviyeci sṛṣṭī | ādimadhyāṃtīṃ kirīṭī |
otaprota paṭīṃ | taṃtu jevīṃ || 264 ||
otaprota paṭīṃ | taṃtu jevīṃ || 264 ||
aisiyā vyāpakā māteṃ jaiṃ jāṇāveṃ | taiṃ vibhūtibhedeṃ kāya karāveṃ |
pari he tujhī yogyatā navhe | mhaṇoni aso || 265 ||
pari he tujhī yogyatā navhe | mhaṇoni aso || 265 ||
kāṃ je tuvāṃ pusiliyā vibhūtī | mhaṇoni tiyā āīka subhadrāpatī |
tarī ātāṃ vidyāṃmājīṃ prastutīṃ | adhyātmavidyā te mī || 266 ||
tarī ātāṃ vidyāṃmājīṃ prastutīṃ | adhyātmavidyā te mī || 266 ||
agā bolatayāṃciyā ṭhāyīṃ | vādu to mī pāhīṃ |
jo sakalaśāstrasaṃmateṃ kahīṃ | sarecinā || 267 ||
jo sakalaśāstrasaṃmateṃ kahīṃ | sarecinā || 267 ||
jo nirvacūṃ jātāṃ vāḍhe | āikatayāṃ utprekṣe sal̤u caḍhe |
jayāvarī bolatayāṃcīṃ goḍeṃ | bolaṇīṃ hotīṃ || 268 ||
jayāvarī bolatayāṃcīṃ goḍeṃ | bolaṇīṃ hotīṃ || 268 ||
aisā pratipādanāmājīṃ vādu | to mī mhaṇe goviṃdu |
akṣarāṃmājīṃ viśadu | akāru to mī || 269 ||
akṣarāṃmājīṃ viśadu | akāru to mī || 269 ||
paiṃ gā samāsāṃmājhārīṃ | dvaṃdva to mī avadhārīṃ |
maśakālāgoni brahmāverīṃ | grāsitā to mī || 270 ||
maśakālāgoni brahmāverīṃ | grāsitā to mī || 270 ||
merumaṃdarādikīṃ sarvīṃ | sahita pṛthvīteṃ viravī |
jo ekārṇavāteṃhī jiravī | jethiṃcā tetheṃ || 271 ||
jo ekārṇavāteṃhī jiravī | jethiṃcā tetheṃ || 271 ||
jo pral̤ayatejā deta miṭhī | sagal̤iyā pavanāteṃ gil̤ī kirīṭī |
ākāśa jayāciyā poṭīṃ | sāmāvaleṃ || 272 ||
ākāśa jayāciyā poṭīṃ | sāmāvaleṃ || 272 ||
aisā apāra jo kāl̤u | to mī mhaṇe lakṣmīlīl̤u |
maga puḍhatī sṛṣṭīcā mel̤u | sṛjitā to mī || 273 ||
maga puḍhatī sṛṣṭīcā mel̤u | sṛjitā to mī || 273 ||
mṛtyuḥ sarvaharaścāhamudbhavaśca bhaviṣyatām |
kīrtiḥ śrīrvāk ca nārīṇāṃ smṛtirmedhā dhṛtiḥ kṣamā || 34||
kīrtiḥ śrīrvāk ca nārīṇāṃ smṛtirmedhā dhṛtiḥ kṣamā || 34||
āṇi sṛjiliyā bhūtāṃteṃ mīci dharīṃ | sakal̤āṃ jīvanahī mīci avadhārīṃ |
śekhīṃ sarvāṃteṃ yā saṃhārīṃ | tevhāṃ mṛtyuhī mīci || 274 ||
śekhīṃ sarvāṃteṃ yā saṃhārīṃ | tevhāṃ mṛtyuhī mīci || 274 ||
ātāṃ strīgaṇāṃcāṃ paikīṃ | mājhiyā vibhūtī sāta āṇikī |
tiyā aika kavatikīṃ | sāṃgijatīla || 275 ||
tiyā aika kavatikīṃ | sāṃgijatīla || 275 ||
tarī nīca navī je kīrti | arjunā te mājhī mūrtī |
āṇi audāryeṃsī je saṃpattī | tehī mīci jāṇeṃ || 276 ||
āṇi audāryeṃsī je saṃpattī | tehī mīci jāṇeṃ || 276 ||
āṇi te gā mī vācā | je sukhāsanīṃ nyāyācā |
ārūḍhoni vivekācā | mārgīṃ cāle || 277 ||
ārūḍhoni vivekācā | mārgīṃ cāle || 277 ||
dekhileni padārtheṃ | je āṭhavūni de māteṃ |
te smṛtihī paiṃ etheṃ | triśuddhī mī || 278 ||
te smṛtihī paiṃ etheṃ | triśuddhī mī || 278 ||
paiṃ svahitā anujāyinī | medhā te gā mī iye janīṃ |
dhṛtī mī tribhuvanīṃ | kṣamā te mī || 279 ||
dhṛtī mī tribhuvanīṃ | kṣamā te mī || 279 ||
evaṃ nārīṃmājhārīṃ | yā sātahī śakti mīci avadhārīṃ |
aiseṃ saṃsāragajakesarī | mhaṇatā jāhalā || 280 ||
aiseṃ saṃsāragajakesarī | mhaṇatā jāhalā || 280 ||
bṛhatsāma tathā sāmnāṃ gāyatrī chandasāmaham |
māsānāṃ mārgaśīrṣo'hamṛtūnāṃ kusumākaraḥ || 35||
māsānāṃ mārgaśīrṣo'hamṛtūnāṃ kusumākaraḥ || 35||
vedarāśīciyā sāmā- | āṃta bṛhatsāma jeṃ priyottamā |
teṃ mī mhaṇe ramā- | prāṇeśvaru || 281 ||
teṃ mī mhaṇe ramā- | prāṇeśvaru || 281 ||
gāyatrīchaṃda jeṃ mhaṇije | teṃ sakal̤āṃ chaṃdāṃmājīṃ mājheṃ |
svarūpa heṃ jāṇije | nibhrāṃta tuvāṃ || 282 ||
svarūpa heṃ jāṇije | nibhrāṃta tuvāṃ || 282 ||
māsāṃāṃta mārgaśīru | to mī mhaṇe śāraṅgadharu |
ṛtūṃmājīṃ kusumākaru | vasaṃtu to mī || 283 ||
ṛtūṃmājīṃ kusumākaru | vasaṃtu to mī || 283 ||
dyūtaṃ chalayatāmasmi tejastejasvināmaham |
jayo'smi vyavasāyo'smi sattvaṃ sattvavatāmaham || 36||
jayo'smi vyavasāyo'smi sattvaṃ sattvavatāmaham || 36||
vṛṣṇīnāṃ vāsudevo'smi pāṇḍavānāṃ dhanaṃjayaḥ |
munīnāmapyahaṃ vyāsaḥ kavīnāmuśanā kaviḥ || 37||
munīnāmapyahaṃ vyāsaḥ kavīnāmuśanā kaviḥ || 37||
chal̤itayāṃ viṃdāṇā- | mājīṃ jūṃ teṃ mī vicakṣaṇā |
mhaṇoni cohaṭāṃ corī parī kavaṇā | nivārūṃ na ye || 284 ||
mhaṇoni cohaṭāṃ corī parī kavaṇā | nivārūṃ na ye || 284 ||
agā aśeṣāṃhī tejasāṃ- | āṃta teja teṃ mī bharaṃvasā |
vijayo mī kāryoddeśāṃ | sakal̤āṃmājīṃ || 285 ||
vijayo mī kāryoddeśāṃ | sakal̤āṃmājīṃ || 285 ||
jeṇeṃ cokhāl̤ata dise nyāya | to vyavasāyāṃta vyavasāya |
mājheṃ svarūpa heṃ rāya | surāṃcā mhaṇe || 286 ||
mājheṃ svarūpa heṃ rāya | surāṃcā mhaṇe || 286 ||
sattvāthiliyāṃāṃtu | sattva mī mhaṇe anaṃtu |
yādavāṃmājīṃ śrīmaṃtu | toci to mī || 287 ||
yādavāṃmājīṃ śrīmaṃtu | toci to mī || 287 ||
jo devakī-vasudevāstava jāhalā | kumārīsāṭhīṃ gokul̤īṃ gelā |
to mī prāṇāsakaṭa piyālā | pūtaneteṃ || 288 ||
to mī prāṇāsakaṭa piyālā | pūtaneteṃ || 288 ||
nughaḍatāṃ bāl̤apaṇācī phulī | jeṇeṃ miyāṃ adānavīṃ sṛṣṭi kelī |
karīṃ giri dharūni umāṇilī | maheṃdramahimā || 289 ||
karīṃ giri dharūni umāṇilī | maheṃdramahimā || 289 ||
kāliṃdīceṃ hṛdayaśalya pheḍileṃ | jeṇeṃ miyāṃ jal̤ata gokul̤a rākhileṃ |
vāsaruvāṃsāṭhīṃ lāvileṃ | viraṃcīsa piseṃ || 290 ||
vāsaruvāṃsāṭhīṃ lāvileṃ | viraṃcīsa piseṃ || 290 ||
prathamadaśeciye pahāṃṭe- | mājīṃ kaṃsā aiśīṃ acāṭeṃ |
mahādheṃḍīṃ avacaṭeṃ | līl̤āci nāsilīṃ || 291 ||
mahādheṃḍīṃ avacaṭeṃ | līl̤āci nāsilīṃ || 291 ||
heṃ kāya kitīeka sāṃgāveṃ | tuvāṃhī dekhileṃ aikileṃ ase āghaveṃ |
tari yādavāṃmājīṃ jāṇāveṃ | heṃci svarūpa mājheṃ || 292 ||
tari yādavāṃmājīṃ jāṇāveṃ | heṃci svarūpa mājheṃ || 292 ||
āṇi somavaṃśīṃ tumhāṃ pāṃḍavāṃ- | mājīṃ arjuna to mī jāṇāvā |
mhaṇoni ekamekāṃciyā premabhāvā | vighaḍu na paḍe || 293 ||
mhaṇoni ekamekāṃciyā premabhāvā | vighaḍu na paḍe || 293 ||
saṃnyāsī tuvāṃ hoūni janīṃ | corūni nelī mājhī bhaginī |
taṟhī vikalpu nupaje manīṃ | mī tūṃ donhī svarūpa eka || 294 ||
taṟhī vikalpu nupaje manīṃ | mī tūṃ donhī svarūpa eka || 294 ||
munīāṃta vyāsadevo | to mī mhaṇe yādavarāvo |
kavīśvarāṃmājīṃ dhairyā ṭhāvo | uśanācārya to mī || 295 ||
kavīśvarāṃmājīṃ dhairyā ṭhāvo | uśanācārya to mī || 295 ||
daṇḍo damayatāmasmi nītirasmi jigīṣatām |
maunaṃ caivāsmi guhyānāṃ jñānaṃ jñānavatāmaham || 38||
maunaṃ caivāsmi guhyānāṃ jñānaṃ jñānavatāmaham || 38||
agā damitayāṃmājhārīṃ | anivāra daṃḍu to mī avadhārīṃ |
jo muṃgiyelāgoni brahmāverīṃ | niyamita pāve || 296 ||
jo muṃgiyelāgoni brahmāverīṃ | niyamita pāve || 296 ||
paiṃ sārāsāra nirdhāritayāṃ | dharmajñānācā pakṣu dharitayāṃ |
sakal̤a śāstrāṃmājīṃ yayāṃ | nītiśāstra teṃ mī || 297 ||
sakal̤a śāstrāṃmājīṃ yayāṃ | nītiśāstra teṃ mī || 297 ||
āghaviyāci gūḍhāṃ- | mājīṃ mauna teṃ mī suhāḍā |
mhaṇoni na bolatayāṃ puḍhāṃ | straṣṭāhī neṇa hoya || 298 ||
mhaṇoni na bolatayāṃ puḍhāṃ | straṣṭāhī neṇa hoya || 298 ||
agā jñāniyāṃciyā ṭhāyīṃ | jñāna teṃ mī pāhīṃ |
ātāṃ aso heṃ yayāṃ kāṃhīṃ | pāra na dekhoṃ || 299 ||
ātāṃ aso heṃ yayāṃ kāṃhīṃ | pāra na dekhoṃ || 299 ||
yaccā'pi sarvabhūtānāṃ bījaṃ tadahamarjuna |
na tadasti vinā yatsyānmayā bhūtaṃ carācaram || 39||
na tadasti vinā yatsyānmayā bhūtaṃ carācaram || 39||
nānto'sti mama divyāṃnā vibhūtīnāṃ paraṃtapa |
eṣa tūddeśataḥ prokto vibhūtervistaro mayā || 40||
eṣa tūddeśataḥ prokto vibhūtervistaro mayā || 40||
paiṃ parjanyāciyā dhārāṃ | varī lekha karavela dhanurdharā |
kāṃ pṛthvīciyā tṛṇāṃkurāṃ | hoīla ṭhī || 300 ||
kāṃ pṛthvīciyā tṛṇāṃkurāṃ | hoīla ṭhī || 300 ||
paiṃ mahodadhīciyā taraṃgāṃ | vyavasthā dharūṃ naye jevīṃ gā |
tevīṃ mājhiyā viśeṣa liṃgāṃ | nāhīṃ mitī || 301 ||
tevīṃ mājhiyā viśeṣa liṃgāṃ | nāhīṃ mitī || 301 ||
aiśiyāhī sātapāṃca pradhānā | vibhūtī sāṃgitaliyā tuja arjunā |
to hā uddeśu jo gā manā | āhāca gamalā || 302 ||
to hā uddeśu jo gā manā | āhāca gamalā || 302 ||
yerāṃ vibhūtivistārāṃsi kāṃhīṃ | etha sarvathā lekha nāhīṃ |
mhaṇauni parisasīṃ tūṃ kāī | āmhīṃ sāṃgoṃ kitī || 303 ||
mhaṇauni parisasīṃ tūṃ kāī | āmhīṃ sāṃgoṃ kitī || 303 ||
yālāgīṃ ekihel̤āṃ tuja | dāūṃ ātāṃ varma nija |
sarvabhūtāṃkureṃ bīja | virūḍhata ase teṃ mī || 304 ||
sarvabhūtāṃkureṃ bīja | virūḍhata ase teṃ mī || 304 ||
mhaṇoni sāneṃ thora na mhaṇāveṃ | uṃca nīca bhāva sāṃḍāve |
eka mīci aiseṃ mānāveṃ | vastujātāteṃ || 305 ||
eka mīci aiseṃ mānāveṃ | vastujātāteṃ || 305 ||
tarī yāvarī sādhāraṇa | āīka pāṃ āṇikahī khūṇa |
tarī arjunā teṃ tūṃ jāṇa | vibhūti mājhī || 306 ||
tarī arjunā teṃ tūṃ jāṇa | vibhūti mājhī || 306 ||
yadyadvibhūtimatsattvaṃ śrīmadūrjitameva vā |
tattadevāvagaccha tvaṃ mama tejoṃ'śasaṃbhavam || 41||
tattadevāvagaccha tvaṃ mama tejoṃ'śasaṃbhavam || 41||
jetha jetha saṃpatti āṇi dayā | donhī vasatī āliyā asatī ṭhāyā |
te te jāṇa dhanaṃjayā | vibhūti mājhī || 307 ||
te te jāṇa dhanaṃjayā | vibhūti mājhī || 307 ||
athavā bahunaitena kiṃ jñātena tavārjuna |
viṣṭabhyāhamidaṃ kṛtsnamekāṃśena sthito jagat || 42||
viṣṭabhyāhamidaṃ kṛtsnamekāṃśena sthito jagat || 42||
athavā ekaleṃ eka biṃba gaganīṃ | tarī prabhā phāṃke tribhuvanīṃ |
tevīṃ ekākiyācī sakal̤a janīṃ | ājñā pāl̤ije || 308 ||
tevīṃ ekākiyācī sakal̤a janīṃ | ājñā pāl̤ije || 308 ||
tayāṃteṃ ekaleṃ jhaṇīṃ mhaṇa | te nirdhana yā bhāṣā neṇa |
kāya kāmadhenūsaveṃ sarva sāhāna | cālata ase || 309 ||
kāya kāmadhenūsaveṃ sarva sāhāna | cālata ase || 309 ||
tiyeteṃ jeṃ jedhavāṃ jo māge | teṃ te ekasareṃci prasavoṃ lāge |
tevīṃ viśvavibhava tayā aṃgeṃ | hoūni āhāti || 310 ||
tevīṃ viśvavibhava tayā aṃgeṃ | hoūni āhāti || 310 ||
tayāteṃ vol̤akhāvayā heci saṃjñā | je jageṃ namaskārije ājñā |
aiseṃ āthi teṃ jāṇa prājñā | avatāra mājhe || 311 ||
aiseṃ āthi teṃ jāṇa prājñā | avatāra mājhe || 311 ||
ātāṃ sāmānya viśeṣa | heṃ jāṇaṇeṃ etha mahādoṣa |
kāṃ je mīci eka aśeṣa | viśva āhe mhaṇoni || 312 ||
kāṃ je mīci eka aśeṣa | viśva āhe mhaṇoni || 312 ||
tarī ātāṃ sādhāraṇa āṇi cāṃgu | aisā kaiseni pāṃ kalpāvā vibhāgu |
vāyāṃ āpuliyeci matī vaṃgu | bhedācā lāvāvā || 313 ||
vāyāṃ āpuliyeci matī vaṃgu | bhedācā lāvāvā || 313 ||
eṟhavīṃ tarī tūpa kāsayā ghusal̤āveṃ | amṛta kāṃ rāṃdhūni ardheṃ karāveṃ |
hāṃ gā vāyūsi kāya pāṃ ḍāveṃ | ujaveṃ aṃga āhe || 314 ||
hāṃ gā vāyūsi kāya pāṃ ḍāveṃ | ujaveṃ aṃga āhe || 314 ||
paiṃ sūryabiṃbāsi poṭa pāṭhīṃ | pāhatāṃ nāsela āpulī diṭhī |
tevīṃ mājhyā svarūpīṃ goṭhī | sāmānyaviśeṣācī nāhīṃ || 315 ||
tevīṃ mājhyā svarūpīṃ goṭhī | sāmānyaviśeṣācī nāhīṃ || 315 ||
āṇi sinānā ihīṃ vibhūtīṃ | maja apārāteṃ mavisīla kitī |
mhaṇoni kiṃbahunā subhadrāpatī | aso heṃ jāṇaṇeṃ || 316 ||
mhaṇoni kiṃbahunā subhadrāpatī | aso heṃ jāṇaṇeṃ || 316 ||
ātāṃ paiṃ mājheni ekeṃ aṃśeṃ | heṃ jaga vyāpileṃ ase |
yālāgīṃ bhedū sāṃḍūni sariseṃ | sāmyeṃ bhaja || 317 ||
yālāgīṃ bhedū sāṃḍūni sariseṃ | sāmyeṃ bhaja || 317 ||
aiseṃ vibudhavanavasaṃteṃ | teṇeṃ viraktāṃceni ekāṃteṃ |
bolileṃ jetha śrīmaṃteṃ | śrīkṛṣṇadeveṃ || 318 ||
bolileṃ jetha śrīmaṃteṃ | śrīkṛṣṇadeveṃ || 318 ||
tetha arjuna mhaṇe svāmī | yetuleṃ heṃ rābhasya boliletī tumhīṃ |
je bhedu eka āṇi āmhīṃ | sāṃḍāvā ekīṃ || 319 ||
je bhedu eka āṇi āmhīṃ | sāṃḍāvā ekīṃ || 319 ||
hāṃ ho sūrya mhaṇe kāya jagāteṃ | aṃdhāreṃ davaḍā kāṃ parauteṃ |
tevīṃ dhasāl̤a mhaṇoṃ devā tūṃteṃ | tarī adhika hā bolu || 320 ||
tevīṃ dhasāl̤a mhaṇoṃ devā tūṃteṃ | tarī adhika hā bolu || 320 ||
tujheṃ nāṃvaci eka koṇhī vel̤e | jayāṃciye mukhāsi kāṃ kānāṃ mil̤e |
tayāṃciyā hṛdayāteṃ sāṃḍūni pal̤e | bhedu jī sāca || 321 ||
tayāṃciyā hṛdayāteṃ sāṃḍūni pal̤e | bhedu jī sāca || 321 ||
to tūṃ parabrahmaci asakeṃ | maja daiveṃ didhalāsi hastodakeṃ |
tarī ātāṃ bhedu kāyasā keṃ | dekhāvā kavaṇeṃ || 322 ||
tarī ātāṃ bhedu kāyasā keṃ | dekhāvā kavaṇeṃ || 322 ||
jī caṃdrabiṃbācā gābhārāṃ | rigāliyāvarīhī ubārā |
parī rāṇepaṇeṃ śāraṅgadharā | bolā heṃ tumhīṃ || 323 ||
parī rāṇepaṇeṃ śāraṅgadharā | bolā heṃ tumhīṃ || 323 ||
tetha sāviyāci paritoṣoni deveṃ | arjunāteṃ āliṃgileṃ jīveṃ |
maga mhaṇe tuvāṃ na kopāveṃ | āmuciyā bolā || 324 ||
maga mhaṇe tuvāṃ na kopāveṃ | āmuciyā bolā || 324 ||
āmhīṃ tuja bhedāciyā vāhāṇīṃ | sāṃgitalī je vibhūtīṃcī kahāṇī |
te abhedeṃ kāya aṃtaḥkaraṇīṃ | mānilī kīṃ na maneṃ || 325 ||
te abhedeṃ kāya aṃtaḥkaraṇīṃ | mānilī kīṃ na maneṃ || 325 ||
heṃci pāhāvayālāgīṃ | nāveka boliloṃ bāherisavaḍiyā bhaṃgīṃ |
taṃva vibhūtī tuja cāṃgī | āliyā bodhā || 326 ||
taṃva vibhūtī tuja cāṃgī | āliyā bodhā || 326 ||
yetha arjuna mhaṇe deveṃ | heṃ āpuleṃ āpaṇa jāṇāveṃ |
parī dekhataseṃ viśva āghaveṃ | tuvāṃ bharaleṃ || 327 ||
parī dekhataseṃ viśva āghaveṃ | tuvāṃ bharaleṃ || 327 ||
paiṃ rāyā to pāṃḍusutu | aisiye pratītīsi jāhalā varaitu |
yā saṃjayāciyā bolā nivāṃtu | dhṛtarāṣṭra rāhe || 328 ||
yā saṃjayāciyā bolā nivāṃtu | dhṛtarāṣṭra rāhe || 328 ||
kīṃ saṃjayo dukhavaleni aṃtaḥkaraṇeṃ | mhaṇatase navala navhe daiva davaḍaṇeṃ |
hā jīveṃ dhāḍasā āhe mī mhaṇeṃ | taṃva āṃtuhī āṃdhal̤ā || 329 ||
hā jīveṃ dhāḍasā āhe mī mhaṇeṃ | taṃva āṃtuhī āṃdhal̤ā || 329 ||
parī aso heṃ to arjunu | svahitācā vāḍhavitase mānu |
kīṃ yāhīvarī tayā ānu | dhiṃvasā upanalā || 330 ||
kīṃ yāhīvarī tayā ānu | dhiṃvasā upanalā || 330 ||
mhaṇe heci hṛdayāāṃtulī pratītī | bāherī avataro kāṃ ḍol̤yāṃpratī |
iye ārtīcāṃ pāulīṃ matī | uṭhatī jāhalī || 331 ||
iye ārtīcāṃ pāulīṃ matī | uṭhatī jāhalī || 331 ||
miyāṃ ihīṃca dohīṃ ḍol̤āṃ | jhoṃbāveṃ viśvarūpā sakal̤ā |
evaḍhī hāṃva to daivāāgal̤ā | mhaṇaūni karī || 332 ||
evaḍhī hāṃva to daivāāgal̤ā | mhaṇaūni karī || 332 ||
āji to kalpatarūcī śākhā | mhaṇoni vāṃjhol̤eṃ na lagatī dekhā |
jeṃ jeṃ yeīla tayāci mukhā | teṃ teṃ sācaci karitase yeru || 333 ||
jeṃ jeṃ yeīla tayāci mukhā | teṃ teṃ sācaci karitase yeru || 333 ||
jo pralhādāciyā bolā | viṣāhīsakaṭa āpaṇaci jāhalā |
to sadguru ase joḍalā | kirīṭīsī || 334 ||
to sadguru ase joḍalā | kirīṭīsī || 334 ||
mhaṇoni viśvarūpa pusāvayālāgīṃ | pārtha rigatā hoīla kavaṇeṃ bhaṃgīṃ |
teṃ sāṃgena puḍhiliye prasaṃgīṃ | jñānadeva mhaṇe nivṛttīcā || 335 ||
teṃ sāṃgena puḍhiliye prasaṃgīṃ | jñānadeva mhaṇe nivṛttīcā || 335 ||
oṃ tatsaditi śrīmadbhgavadgītāsūpaniṣatsu brahmavidyāyāṃ yogaśāstre
śrīkṛṣṇārjunasaṃvāde vibhūtiyogo nāma daśamo'dhyāyaḥ ||
śrīkṛṣṇārjunasaṃvāde vibhūtiyogo nāma daśamo'dhyāyaḥ ||
iti śrījñānadevaviracitāyāṃ bhāvārthadīpikāyāṃ daśamo'dhyāyaḥ ||