|| oṃ śrī paramātmane namaḥ ||
|| atha śrīmadbhagavadgītā ||
| atha dvādaśo'dhyāyaḥ – adhyāya bārāvā | |
| bhaktiyogaḥ |
jaya jaya vo śuddhe | udāre prasiddhe |
anavarata ānaṃde | varṣatiye || 1 ||
| bhaktiyogaḥ |
jaya jaya vo śuddhe | udāre prasiddhe |
anavarata ānaṃde | varṣatiye || 1 ||
viṣayavyāl̤eṃ miṭhī | didhaliyā nuṭhī tāṭhī |
te tujhiye gurukṛpādṛṣṭī | nirviṣa hoya || 2 ||
te tujhiye gurukṛpādṛṣṭī | nirviṣa hoya || 2 ||
tarī kavaṇāteṃ tāpu pol̤ī | kaiseni vo śoku jāl̤ī |
jarī prasādarasakallol̤īṃ | pureṃ yesi tūṃ || 3 ||
jarī prasādarasakallol̤īṃ | pureṃ yesi tūṃ || 3 ||
yogasukhāce sohal̤e | sevakāṃ tujheni snehāl̤e |
so'haṃsiddhīce lal̤e | pāl̤isī tūṃ || 4 ||
so'haṃsiddhīce lal̤e | pāl̤isī tūṃ || 4 ||
ādhāraśaktīciyā aṃkīṃ | vāḍhavisī kautukīṃ |
hṛdayākāśapallakīṃ | parīye desī nije || 5 ||
hṛdayākāśapallakīṃ | parīye desī nije || 5 ||
pratyakjyotīcī vovāl̤aṇī | karisī manapavanācīṃ khel̤aṇīṃ |
ātmasukhācī bāl̤aleṇīṃ | levavisī || 6 ||
ātmasukhācī bāl̤aleṇīṃ | levavisī || 6 ||
satarāviyeceṃ stanya desī | anuhatācā hallarū gāsī |
samādhibodheṃ nijavisī | bujhāūni || 7 ||
samādhibodheṃ nijavisī | bujhāūni || 7 ||
mhaṇauni sādhakāṃ tūṃ māulī | pike sārasvata tujhiyā pāulīṃ |
yā kāraṇeṃ mī sāulī | na saṃḍīṃ tujhī || 8 ||
yā kāraṇeṃ mī sāulī | na saṃḍīṃ tujhī || 8 ||
aho sadguruciye kṛpādṛṣṭī | tujheṃ kāruṇya jayāteṃ adhiṣṭhī |
to sakalavidyāṃciye sṛṣṭīṃ | dhātrā hoya || 9 ||
to sakalavidyāṃciye sṛṣṭīṃ | dhātrā hoya || 9 ||
mhaṇauni aṃbe śrīmaṃte | nijajanakalpalate |
ājñāpīṃ māteṃ | graṃthanirūpaṇīṃ || 10 ||
ājñāpīṃ māteṃ | graṃthanirūpaṇīṃ || 10 ||
navarasīṃ bharavīṃ sāgaru | karavīṃ ucita ratnāṃce āgaru |
bhāvārthāce girivaru | niphajavīṃ māye || 11 ||
bhāvārthāce girivaru | niphajavīṃ māye || 11 ||
sāhityasoniyāciyā khāṇī | ughaḍavīṃ deśiyeciyā kṣoṇīṃ |
vivekavallīcī lāvaṇī | hoṃ deī saiṃgha || 12 ||
vivekavallīcī lāvaṇī | hoṃ deī saiṃgha || 12 ||
saṃvādaphal̤anidhāneṃ | prameyācīṃ udyāneṃ |
lāvīṃ mhaṇe gahaneṃ | niraṃtara || 13 ||
lāvīṃ mhaṇe gahaneṃ | niraṃtara || 13 ||
pākhāṃḍāce darakuṭe | moḍīṃ vāgvāda avhāṃṭe |
kutarkāṃcīṃ duṣṭeṃ | sāvajeṃ pheḍīṃ || 14 ||
kutarkāṃcīṃ duṣṭeṃ | sāvajeṃ pheḍīṃ || 14 ||
śrīkṛṣṇaguṇīṃ māteṃ | sarvatra karīṃ vo sarateṃ |
rāṇive baisavī śrote | śravaṇāciye || 15 ||
rāṇive baisavī śrote | śravaṇāciye || 15 ||
ye marāṭhīyeciyā nagarīṃ | brahmavidyecā sukāl̤u karī |
gheṇeṃ deṇeṃ sukhacivarī | ho deī yā jagā || 16 ||
gheṇeṃ deṇeṃ sukhacivarī | ho deī yā jagā || 16 ||
tūṃ āpuleni snehapallaveṃ | māteṃ pāṃghuraviśīla sadaiveṃ |
tarī ātāṃci heṃ āghaveṃ | nirmīna māye || 17 ||
tarī ātāṃci heṃ āghaveṃ | nirmīna māye || 17 ||
iye vinavaṇīyesāṭhīṃ | avalokileṃ guru kṛpādṛṣṭī |
mhaṇe gītārtheṃsī uṭhī | na boleṃ bahu || 18 ||
mhaṇe gītārtheṃsī uṭhī | na boleṃ bahu || 18 ||
tetha jī jī mahāprasādu | mhaṇauni sāviyā jāhalā ānandu |
ātāṃ niropīna prabaṃdhu | avadhāna dīje || 19 ||
ātāṃ niropīna prabaṃdhu | avadhāna dīje || 19 ||
arjuna uvāca|
evaṃ satata yuktā ye bhaktāstvāṃ paryupāsate |
ye cāpyakṣaramavyaktaṃ teṣāṃ ke yogavittamāḥ || 1||
evaṃ satata yuktā ye bhaktāstvāṃ paryupāsate |
ye cāpyakṣaramavyaktaṃ teṣāṃ ke yogavittamāḥ || 1||
tarī sakalavīrādhirāju | jo somavaṃśīṃ vijayadhvaju |
to bolatā jāhalā ātmaju | paṃḍunṛpācā || 20 ||
to bolatā jāhalā ātmaju | paṃḍunṛpācā || 20 ||
kṛṣṇāteṃ mhaṇe avadhārileṃ | āpaṇa viśvarūpa maja dāvileṃ |
teṃ navala mhaṇauni bihāleṃ | citta mājheṃ || 21 ||
teṃ navala mhaṇauni bihāleṃ | citta mājheṃ || 21 ||
āṇi iye kṛṣṇamūrtīcī save | yālāgīṃ soya dharilī jīveṃ |
taṃva nako mhaṇoni deveṃ | vārileṃ māteṃ || 22 ||
taṃva nako mhaṇoni deveṃ | vārileṃ māteṃ || 22 ||
tarī vyakta āṇi avyakta | heṃ tūṃci eka nibhrāṃta |
bhaktī pāvije vyakta | avyakta yogeṃ || 23 ||
bhaktī pāvije vyakta | avyakta yogeṃ || 23 ||
yā donī jī vāṭā | tūṃteṃ pāvāvayā vaikuṃṭhā |
vyaktāvyakta dāravaṃṭhāṃ | rigije yetha || 24 ||
vyaktāvyakta dāravaṃṭhāṃ | rigije yetha || 24 ||
paiṃ je vānī śyātukā | teci vegal̤iye vālā yekā |
mhaṇauni ekadeśiyā vyāpakā | sarisā pāḍū || 25 ||
mhaṇauni ekadeśiyā vyāpakā | sarisā pāḍū || 25 ||
amṛtāciyā sāgarīṃ | je lābhe sāmarthyācī thorī |
teci de amṛtalaharī | cul̤īṃ ghetaleyā || 26 ||
teci de amṛtalaharī | cul̤īṃ ghetaleyā || 26 ||
he kīra mājhyā cittīṃ | pratīti āthi jī nirutī |
pari pusaṇeṃ yogapatī | teṃ yācilāgīṃ || 27 ||
pari pusaṇeṃ yogapatī | teṃ yācilāgīṃ || 27 ||
jeṃ devā tumhīṃ nāveka | aṃgikārileṃ vyāpaka |
teṃ sāca kīṃ kavatika | heṃ jāṇāvayā || 28 ||
teṃ sāca kīṃ kavatika | heṃ jāṇāvayā || 28 ||
tarī tujalāgīṃ karma | tūṃci jayāṃceṃ parama |
bhaktīsī manodharma | vikoni ghātalā || 29 ||
bhaktīsī manodharma | vikoni ghātalā || 29 ||
ityādi sarvīṃ parīṃ | je bhakta tūṃteṃ śrīharī |
bāṃdhoniyāṃ jivhārīṃ | upāsitī || 30 ||
bāṃdhoniyāṃ jivhārīṃ | upāsitī || 30 ||
āṇi jeṃ praṇavāpailīkaḍe | vaikharīyesī jeṃ kānaḍeṃ |
kāyisayāhi sāṃgaḍeṃ | navheci jeṃ vastu || 31 ||
kāyisayāhi sāṃgaḍeṃ | navheci jeṃ vastu || 31 ||
teṃ akśara jī avyakta | nirdeśa deśarahita |
so'haṃbhāveṃ upāsita | jñāniye je || 32 ||
so'haṃbhāveṃ upāsita | jñāniye je || 32 ||
tayāṃ āṇi jī bhaktāṃ | yerayerāṃmājī anaṃtā |
kavaṇeṃ yogu tattvatāṃ | jāṇitalā sāṃgā || 33 ||
kavaṇeṃ yogu tattvatāṃ | jāṇitalā sāṃgā || 33 ||
iyā kirīṭīciyā bolā | to jagadbaṃdhu saṃtoṣalā |
mhaṇe ho praśnu bhalā | jāṇasī karūṃ || 34 ||
mhaṇe ho praśnu bhalā | jāṇasī karūṃ || 34 ||
śrī bhagavānuvāca |
mayyāveśya mano ye māṃ nityayuktā upāsate |
śraddhayā parayopetāste me yuktatamā matāḥ || 2||
mayyāveśya mano ye māṃ nityayuktā upāsate |
śraddhayā parayopetāste me yuktatamā matāḥ || 2||
tarī astugirīciyāṃ upakaṃṭhīṃ | rigāliyā ravibiṃbāpāṭhīṃ |
raśmī jaise kirīṭī | saṃcaratī || 35 ||
raśmī jaise kirīṭī | saṃcaratī || 35 ||
kāṃ varṣākāl̤īṃ saritā | jaisī caḍhoṃ lāgeṃ pāṃḍusutā |
taisī nīca navī bhajatāṃ | śraddhā dise || 36 ||
taisī nīca navī bhajatāṃ | śraddhā dise || 36 ||
parī ṭhākiliyāhi sāgaru | jaisā māgīlahī yāvā anivāru |
tiye gaṃgeciye aisā paḍibharu | premabhāvā || 37 ||
tiye gaṃgeciye aisā paḍibharu | premabhāvā || 37 ||
taiseṃ sarveṃdriyāṃsahita | majamājīṃ sūni citta |
je rātridivasa na mhaṇata | upāsitī || 38 ||
je rātridivasa na mhaṇata | upāsitī || 38 ||
iyāparī je bhakta | āpaṇapeṃ maja deta |
teci mī yogayukta | parama mānīṃ || 39 ||
teci mī yogayukta | parama mānīṃ || 39 ||
ye tvakṣarmanirdeśyamavyaktaṃ paryupāsate |
sarvatragamacintyaṃ ca kūṭasthamacalaṃ dhruvaṃ || 3||
sarvatragamacintyaṃ ca kūṭasthamacalaṃ dhruvaṃ || 3||
āṇi yera tehī pāṃḍavā | je ārūḍhoni so'haṃbhāvā |
jhoṃbatī niravayavā | akṣarāsī || 40 ||
jhoṃbatī niravayavā | akṣarāsī || 40 ||
manācī nakhī na lage | jetha buddhīcī dṛṣṭī na rige |
te iṃdriyāṃ kīra jogeṃ | kāyi hoīla ? || 41 ||
te iṃdriyāṃ kīra jogeṃ | kāyi hoīla ? || 41 ||
parī dhyānāhī kuvāḍeṃ | mhaṇauni eke ṭhāyīṃ na saṃpaḍe |
vyaktīsi mājivaḍeṃ | kavaṇehī nohe || 42 ||
vyaktīsi mājivaḍeṃ | kavaṇehī nohe || 42 ||
jayā sarvatra sarvapaṇeṃ | sarvāṃhī kāl̤īṃ asaṇeṃ |
jeṃ pāvūni ciṃtavaṇeṃ | hiṃpuṭī jāhaleṃ || 43 ||
jeṃ pāvūni ciṃtavaṇeṃ | hiṃpuṭī jāhaleṃ || 43 ||
jeṃ hoya nā nohe | jeṃ nāhīṃ nā āhe |
aiseṃ mhaṇauni upāye | upajatīci nā || 44 ||
aiseṃ mhaṇauni upāye | upajatīci nā || 44 ||
jeṃ cal̤e nā ḍhal̤e | sare nā mail̤e |
teṃ āpulenīci bal̤eṃ | āṃgavileṃ jihīṃ || 45 ||
teṃ āpulenīci bal̤eṃ | āṃgavileṃ jihīṃ || 45 ||
sanniyamyendriyagrāmaṃ sarvatra samabuddhayaḥ |
te prāpnuvanti māmeva sarvabhūtahite ratāḥ || 4||
te prāpnuvanti māmeva sarvabhūtahite ratāḥ || 4||
paiṃ vairāgyamahāpāvakeṃ | jāl̤ūni viṣayāṃcīṃ kaṭakeṃ |
adhapalīṃ tavakeṃ | iṃdriyeṃ dharilīṃ || 46 ||
adhapalīṃ tavakeṃ | iṃdriyeṃ dharilīṃ || 46 ||
maga saṃyamācī dhāṭī | sūni muraḍilīṃ upharāṭīṃ |
iṃdriyeṃ koṃḍilīṃ kapāṭīṃ | hṛdayāciyā || 47 ||
iṃdriyeṃ koṃḍilīṃ kapāṭīṃ | hṛdayāciyā || 47 ||
apānīṃciyā kavāḍā | lāvoni āsanamudrā suhāḍā |
mūl̤abaṃdhācā huḍā | pannāsilā || 48 ||
mūl̤abaṃdhācā huḍā | pannāsilā || 48 ||
āśece lāga toḍile | adhairyāce kaḍe jhāḍile |
nidreceṃ śodhileṃ | kāl̤avakheṃ || 49 ||
nidreceṃ śodhileṃ | kāl̤avakheṃ || 49 ||
vajrāgnīciyā jvāl̤īṃ | karūni saptadhātūṃcī hol̤ī |
vyādhīṃcyā sisāl̤īṃ | pūjilīṃ yaṃtreṃ || 50 ||
vyādhīṃcyā sisāl̤īṃ | pūjilīṃ yaṃtreṃ || 50 ||
maga kuṃḍaliniyecā ṭeṃbhā | ādhārīṃ kelā ubhā |
tayā cojavaleṃ prabhā | nimathāvarī || 51 ||
tayā cojavaleṃ prabhā | nimathāvarī || 51 ||
navadvārāṃciyā caucakīṃ | bāṇūni saṃyatīcī āḍavaṃkī |
ughaḍilī khiḍakī | kakārāṃtīṃcī || 52 ||
ughaḍilī khiḍakī | kakārāṃtīṃcī || 52 ||
prāṇaśakticāmuṃḍe | prahārūni saṃkalpameṃḍhe |
manomahiṣāceni muṃḍeṃ | didhalīṃ bal̤ī || 53 ||
manomahiṣāceni muṃḍeṃ | didhalīṃ bal̤ī || 53 ||
caṃdrasūryāṃ bujhāvaṇī | karūni anuhatācī suḍāvaṇī |
satarāviyeceṃ pāṇī | jiṃtileṃ vegīṃ || 54 ||
satarāviyeceṃ pāṇī | jiṃtileṃ vegīṃ || 54 ||
maga madhyamā madhya vivareṃ | teṇeṃ koriveṃ dādareṃ |
ṭhākileṃ cavareṃ | brahmaraṃdhra || 55 ||
ṭhākileṃ cavareṃ | brahmaraṃdhra || 55 ||
varī makārāṃta sopāna | te sāṃḍoniyā gahana |
kākhe sūniyāṃ gagana | bharale brahmīṃ || 56 ||
kākhe sūniyāṃ gagana | bharale brahmīṃ || 56 ||
aise je samabuddhī | gil̤āvayā so'haṃsiddhī |
āṃgavitātī niravadhī | yogadurgeṃ || 57 ||
āṃgavitātī niravadhī | yogadurgeṃ || 57 ||
āpuliyā sāṭovāṭī | śūnya ghetī uṭhāuṭhīṃ |
tehī māteṃci kirīṭī | pāvatī gā || 58 ||
tehī māteṃci kirīṭī | pāvatī gā || 58 ||
vāṃcūni yogaceni bal̤eṃ | adhika kāṃhīṃ mil̤e |
aiseṃ nāhīṃ āgal̤eṃ | kaṣṭaci tayā || 59 ||
aiseṃ nāhīṃ āgal̤eṃ | kaṣṭaci tayā || 59 ||
kleśo'dhikatarasteṣāmavyaktāsaktacetasām |
avyaktā hi gatirduḥkhaṃ dehavadbhiravāpyate || 5||
avyaktā hi gatirduḥkhaṃ dehavadbhiravāpyate || 5||
jihīṃ sakal̤a bhūtāṃciyā hitīṃ | nirālaṃbīṃ avyaktīṃ |
pasaraliyā āsaktī | bhaktīvīṇa || 60 ||
pasaraliyā āsaktī | bhaktīvīṇa || 60 ||
tayāṃ mahendrādi padeṃ | karitāti vāṭavadheṃ |
āṇi ṛddhisiddhīṃcīṃ dvaṃdveṃ | pāḍoni ṭhātī || 61 ||
āṇi ṛddhisiddhīṃcīṃ dvaṃdveṃ | pāḍoni ṭhātī || 61 ||
kāmakrodhāṃce vilaga | uṭhāvatī anega |
āṇi śūnyeṃsīṃ āṃga | jhuṃjavāveṃ kīṃ || 62 ||
āṇi śūnyeṃsīṃ āṃga | jhuṃjavāveṃ kīṃ || 62 ||
tāhāneṃ tāhānaci piyāvī | bhukeliyā bhūkaci khāvī |
ahorātra vāvīṃ | mavāvā vārā || 63 ||
ahorātra vāvīṃ | mavāvā vārā || 63 ||
unī dihāceṃ pahuḍaṇeṃ | nirodhāceṃ velhāvaṇeṃ |
jhāḍāsi sājaṇeṃ | cāl̤āveṃ gā || 64 ||
jhāḍāsi sājaṇeṃ | cāl̤āveṃ gā || 64 ||
śīta veḍhāveṃ | uṣṇa pāṃghurāveṃ |
vṛṣṭīciyā asāveṃ | gharāṃāṃtu || 65 ||
vṛṣṭīciyā asāveṃ | gharāṃāṃtu || 65 ||
kiṃbahunā pāṃḍavā | hā agnipraveśu nīca navā |
bhātāreṃvīṇa karāvā | to hā yogu || 66 ||
bhātāreṃvīṇa karāvā | to hā yogu || 66 ||
etha svāmīceṃ kāja | nā vāpikeṃ vyāja |
parī maraṇeṃsīṃ jhuṃja | nīca naveṃ || 67 ||
parī maraṇeṃsīṃ jhuṃja | nīca naveṃ || 67 ||
aiseṃ mṛtyūhūni tīkha | kāṃ ghoṃṭe kaḍhata vikha |
ḍoṃgara gil̤itāṃ mukha | na phāṭe kāī ? || 68 ||
ḍoṃgara gil̤itāṃ mukha | na phāṭe kāī ? || 68 ||
mhaṇauni yogāciyāṃ vāṭā | je nigāle gā subhaṭā |
tayāṃ duḥkhācāci śelavāṃṭā | bhāgā ālā || 69 ||
tayāṃ duḥkhācāci śelavāṃṭā | bhāgā ālā || 69 ||
pāheṃ pāṃ lohāce caṇe | jaiṃ bocariyā paḍatī khāṇeṃ |
taiṃ poṭa bharaṇeṃ kīṃ prāṇeṃ | śuddhī mhaṇoṃ || 70 ||
taiṃ poṭa bharaṇeṃ kīṃ prāṇeṃ | śuddhī mhaṇoṃ || 70 ||
mhaṇauni samudra bāhīṃ | taraṇe āthi keṃhī |
kāṃ gaganāmājīṃ pāīṃ | kholijatu aseṃ ? || 71 ||
kāṃ gaganāmājīṃ pāīṃ | kholijatu aseṃ ? || 71 ||
val̤aghaliyā raṇācī thāṭī | āṃgīṃ na lāgatāṃ kāṃṭhī |
sūryācī pāuṭī | kāṃ hoya gā || 72 ||
sūryācī pāuṭī | kāṃ hoya gā || 72 ||
yālāgīṃ pāṃgul̤ā hevā | navhe vāyūsi pāṃḍavā |
tevīṃ dehavaṃtā jīvāṃ | avyaktīṃ gati || 73 ||
tevīṃ dehavaṃtā jīvāṃ | avyaktīṃ gati || 73 ||
aisāhī jarī dhiṃvasā | bāṃdhoniyāṃ ākāśā |
jhoṃbatī tarī kleśā | pātra hotī || 74 ||
jhoṃbatī tarī kleśā | pātra hotī || 74 ||
mhaṇauni yera te pārthā | neṇatīci he vyathā |
je kāṃ bhaktipaṃthā | voṭaṃgale || 75 ||
je kāṃ bhaktipaṃthā | voṭaṃgale || 75 ||
ye tu sarvāṇi karmāṇi mayi saṃnyasya matparāḥ |
ananyenaiva yogena māṃ dhyāyanta upāsate || 6||
ananyenaiva yogena māṃ dhyāyanta upāsate || 6||
karmeṃdriyeṃ sukheṃ | karitī karmeṃ aśekheṃ |
jiyeṃ kāṃ varṇaviśekheṃ | bhāgā ālīṃ || 76 ||
jiyeṃ kāṃ varṇaviśekheṃ | bhāgā ālīṃ || 76 ||
vidhīteṃ pāl̤ita | niṣedhāteṃ gāl̤ita |
maja deūni jāl̤ita | karmaphal̤eṃ || 77 ||
maja deūni jāl̤ita | karmaphal̤eṃ || 77 ||
yayāparī pāhīṃ | arjunā mājheṃ ṭhāīṃ |
saṃnyāsūni nāhīṃ | karitī karmeṃ || 78 ||
saṃnyāsūni nāhīṃ | karitī karmeṃ || 78 ||
āṇīkahī je je sarva | kāyika vācika mānasika bhāva |
tayāṃ mīvāṃcūni dhāṃva | ānautī nāhīṃ || 79 ||
tayāṃ mīvāṃcūni dhāṃva | ānautī nāhīṃ || 79 ||
aise je matpara | upāsitī niraṃtara |
dhyānamiṣeṃ ghara | mājheṃ jhāleṃ || 80 ||
dhyānamiṣeṃ ghara | mājheṃ jhāleṃ || 80 ||
jayāṃciye āvaḍī | kelī majaśīṃ kul̤avāḍī |
bhoga mokṣa bāpuḍīṃ | tyajilīṃ kul̤eṃ || 81 ||
bhoga mokṣa bāpuḍīṃ | tyajilīṃ kul̤eṃ || 81 ||
aise ananyayogeṃ | vikale jīveṃ maneṃ āṃgeṃ |
tayāṃce kāyi eka sāṃgeṃ | jeṃ sarva mī karīṃ || 82 ||
tayāṃce kāyi eka sāṃgeṃ | jeṃ sarva mī karīṃ || 82 ||
teṣāmahaṃ samuddhartā mṛtyusaṃsārasāgarāt |
bhavāmi na cirātpārtha mayyāveśitacetasām || 7||
bhavāmi na cirātpārtha mayyāveśitacetasām || 7||
kiṃbahunā dhanurdharā | jo māteciyā ye udarā |
to mātecā soyarā | ketulā pāṃ || 83 ||
to mātecā soyarā | ketulā pāṃ || 83 ||
tevīṃ mī tayāṃ | jaise asatī taisiyāṃ |
kal̤ikāl̤a nokoniyāṃ | ghetalā paṭṭā || 84 ||
kal̤ikāl̤a nokoniyāṃ | ghetalā paṭṭā || 84 ||
eṟhavīṃ tarī mājhiyāṃ bhaktāṃ | āṇi saṃsārācī ciṃtā |
kāya samarthācī kāṃtā | korānna māge || 85 ||
kāya samarthācī kāṃtā | korānna māge || 85 ||
taise te mājheṃ | kalatra heṃ jāṇije |
kāyisenihī na lajeṃ | tayāṃceni mī || 86 ||
kāyisenihī na lajeṃ | tayāṃceni mī || 86 ||
janmamṛtyūciyā lāṭīṃ | jhal̤aṃbatī iyā sṛṣṭī |
teṃ dekhoniyāṃ poṭīṃ | aiseṃ jāhaleṃ || 87 ||
teṃ dekhoniyāṃ poṭīṃ | aiseṃ jāhaleṃ || 87 ||
bhavasiṃdhūceni mājeṃ | kavaṇāsi dhāku nupaje |
tetha jarī kīṃ mājhe | bihitī hana || 88 ||
tetha jarī kīṃ mājhe | bihitī hana || 88 ||
mhaṇauni gā pāṃḍavā | mūrtīcā mel̤āvā |
karūni tyāṃciyā gāṃvā | dhāṃvatu āloṃ || 89 ||
karūni tyāṃciyā gāṃvā | dhāṃvatu āloṃ || 89 ||
nāmāciyā sahasravarī | nāvā iyā avadhārīṃ |
sajūniyāṃ saṃsārīṃ | tārū jāhaloṃ || 90 ||
sajūniyāṃ saṃsārīṃ | tārū jāhaloṃ || 90 ||
saḍe je dekhile | te dhyānakāse lāvile |
parīgrahīṃ ghātale | tariyāvarī || 91 ||
parīgrahīṃ ghātale | tariyāvarī || 91 ||
premācī peṭī | bāṃdhalī ekāciyā poṭīṃ |
maga āṇile taṭīṃ | sāyujyāciyā || 92 ||
maga āṇile taṭīṃ | sāyujyāciyā || 92 ||
parī bhaktāṃceni nāṃveṃ | catuṣpadādi āghave |
vaikuṃṭhīṃciye rāṇive | yogya kele || 93 ||
vaikuṃṭhīṃciye rāṇive | yogya kele || 93 ||
mhaṇauni gā bhaktāṃ | nāhīṃ ekahī ciṃtā |
tayāṃteṃ samuddhartā | āthi mī sadā || 94 ||
tayāṃteṃ samuddhartā | āthi mī sadā || 94 ||
āṇi jevhāṃci kāṃ bhaktīṃ | dīdhalī āpulī cittavṛttī |
tevhāṃci maja sūti | tyāṃciye nāṭīṃ || 95 ||
tevhāṃci maja sūti | tyāṃciye nāṭīṃ || 95 ||
yākāraṇeṃ gā bhaktarāyā | hā maṃtra tuvāṃ dhanaṃjayā |
śikije je yayā | mārgā bhajije || 96 ||
śikije je yayā | mārgā bhajije || 96 ||
mayyeva mana ādhatsva mayi buddhiṃ niveśaya |
nivasiṣyasi mayyeva ata urdhvaṃ na saṃśayaḥ || 8||
nivasiṣyasi mayyeva ata urdhvaṃ na saṃśayaḥ || 8||
agā mānasa heṃ eka | mājhyā svarūpīṃ vṛttika |
karūni ghālīṃ niṣṭaṃka | buddhi niścayeṃsīṃ || 97 ||
karūni ghālīṃ niṣṭaṃka | buddhi niścayeṃsīṃ || 97 ||
iyeṃ donīṃ sarisīṃ | majamājīṃ premesīṃ |
rigālīṃ tarī pāvasī | māteṃ tūṃ gā || 98 ||
rigālīṃ tarī pāvasī | māteṃ tūṃ gā || 98 ||
je mana buddhi ihīṃ | ghara keleṃ mājhyāṃ ṭhāyīṃ |
tarī sāṃgeṃ maga kāi | mī tū aiseṃ ure ? || 99 ||
tarī sāṃgeṃ maga kāi | mī tū aiseṃ ure ? || 99 ||
mhaṇauni dīpa pālave | saveṃci teja mālave |
kāṃ ravibiṃbāsaveṃ | prakāśu jāya || 100 ||
kāṃ ravibiṃbāsaveṃ | prakāśu jāya || 100 ||
ucalaleyā prāṇāsarisīṃ | iṃdriyeṃhī nigatī jaisīṃ |
taisā manobuddhipāśīṃ | ahaṃkāru ye || 101 ||
taisā manobuddhipāśīṃ | ahaṃkāru ye || 101 ||
mhaṇauni mājhiyā svarūpīṃ | manabuddhi iyeṃ nikṣepīṃ |
yetuleni sarvavyāpī | mīci hosī || 102 ||
yetuleni sarvavyāpī | mīci hosī || 102 ||
yayā bolā kāṃhīṃ | anāriseṃ nāhīṃ |
āpalī āṇa pāhīṃ | vāhatu aseṃ gā || 103 ||
āpalī āṇa pāhīṃ | vāhatu aseṃ gā || 103 ||
atha cittaṃ samādhātuṃ na śaknoṣi mayi sthiram |
abhyāsayogena tato māmicchāptuṃ dhananjaya || 9||
abhyāsayogena tato māmicchāptuṃ dhananjaya || 9||
athavā heṃ citta | manabuddhisahita |
mājhyāṃ hātīṃ acuṃbita | na śakasī devoṃ || 104 ||
mājhyāṃ hātīṃ acuṃbita | na śakasī devoṃ || 104 ||
tarī gā aiseṃ karīṃ | yayā āṭhāṃ pāhārāṃmājhārīṃ |
moṭakeṃ nimiṣabharī | detu jāya || 105 ||
moṭakeṃ nimiṣabharī | detu jāya || 105 ||
maga jeṃ jeṃ kāṃ nimikha | dekhela mājheṃ sukha |
tetuleṃ arocaka | viṣayīṃ gheīla || 106 ||
tetuleṃ arocaka | viṣayīṃ gheīla || 106 ||
jaisā śaratkālu rige | āṇi saritā vohaṭūṃ lāge |
taiseṃ citta kāḍhela vegeṃ | prapaṃcauni || 107 ||
taiseṃ citta kāḍhela vegeṃ | prapaṃcauni || 107 ||
maga punavehūni jaiseṃ | śaśibiṃba diseṃdiseṃ |
hārapata aṃvase | nāhīṃci hoya || 108 ||
hārapata aṃvase | nāhīṃci hoya || 108 ||
taiseṃ bhogāāṃtūni nigatāṃ | citta majamājīṃ rigatāṃ |
hal̤ūhal̤ū paṃḍusutā | mīci hoīla || 109 ||
hal̤ūhal̤ū paṃḍusutā | mīci hoīla || 109 ||
agā abhyāsayogu mhaṇije | to hā eku jāṇije |
yeṇeṃ kāṃhīṃ na nipaje | aiseṃ nāhīṃ || 110 ||
yeṇeṃ kāṃhīṃ na nipaje | aiseṃ nāhīṃ || 110 ||
paiṃ abhyāsāceni bal̤eṃ | ekāṃ gati aṃtarāl̤e |
vyāghra sarpa prāṃjal̤e | kele ekīṃ || 111 ||
vyāghra sarpa prāṃjal̤e | kele ekīṃ || 111 ||
viṣa kīṃ āhārīṃ paḍe | samudrīṃ pāyavāṭa joḍe |
ekīṃ vāgbrahma thokaḍeṃ | abhyāseṃ keleṃ || 112 ||
ekīṃ vāgbrahma thokaḍeṃ | abhyāseṃ keleṃ || 112 ||
mhaṇauni abhyāsāsī kāṃhīṃ | sarvathā duṣkara nāhīṃ |
yālāgī mājhyā ṭhāyīṃ | abhyāseṃ mīl̤a || 113 ||
yālāgī mājhyā ṭhāyīṃ | abhyāseṃ mīl̤a || 113 ||
abhyāse'pyasamartho'si matkarmaparamo bhava |
madarthamapi karmāṇi kurvan siddhimavāpsyasi || 10||
madarthamapi karmāṇi kurvan siddhimavāpsyasi || 10||
kāṃ abhyāsāhī lāgīṃ | kasu nāhīṃ tujhiyā aṃgīṃ |
tarī āhāsī jayā bhāgīṃ | taisāci āsa || 114 ||
tarī āhāsī jayā bhāgīṃ | taisāci āsa || 114 ||
iṃdriyeṃ na koṃḍīṃ | bhogāteṃ na toḍīṃ |
abhimānu na saṃḍīṃ | svajātīcā || 115 ||
abhimānu na saṃḍīṃ | svajātīcā || 115 ||
kul̤adharmu cāl̤īṃ | vidhiniṣedha pāl̤īṃ |
maga sukheṃ tuja saral̤ī | didhalī āhe || 116 ||
maga sukheṃ tuja saral̤ī | didhalī āhe || 116 ||
parī maneṃ vācā deheṃ | jaisā jo vyāpāru hoye |
to mī karītu āheṃ | aiseṃ na mhaṇeṃ || 117 ||
to mī karītu āheṃ | aiseṃ na mhaṇeṃ || 117 ||
karaṇeṃ kāṃ na karaṇeṃ | heṃ āghaveṃ toci jāṇe |
viśva cal̤atase jeṇeṃ | paramātmeni || 118 ||
viśva cal̤atase jeṇeṃ | paramātmeni || 118 ||
uṇayāpureyāceṃ kāṃhīṃ | uroṃ nedī āpuliyā ṭhāyīṃ |
svajātī karūni gheīṃ | jīvitva heṃ || 119 ||
svajātī karūni gheīṃ | jīvitva heṃ || 119 ||
māl̤iyeṃ jeuteṃ neleṃ | teuteṃ nivāṃtaci geleṃ |
tayā pāṇiyā aiseṃ keleṃ | hoāveṃ gā || 120 ||
tayā pāṇiyā aiseṃ keleṃ | hoāveṃ gā || 120 ||
mhaṇauni pravṛtti āṇi nivṛttī | iyeṃ vojhīṃ neghe matī |
akhaṃḍa cittavṛttī | mājhyā ṭhāyīṃ || 121 ||
akhaṃḍa cittavṛttī | mājhyā ṭhāyīṃ || 121 ||
eṟhavīṃ tarī subhaṭā | ujū kāṃ avhāṭāṃ |
rathu kāī khaṭapaṭā | karitu ase ? || 122 ||
rathu kāī khaṭapaṭā | karitu ase ? || 122 ||
āṇi jeṃ jeṃ karma nipaje | teṃ thoḍeṃ bahu na mhaṇije |
nivāṃtaci arpije | mājhyāṃ ṭhāyīṃ || 123 ||
nivāṃtaci arpije | mājhyāṃ ṭhāyīṃ || 123 ||
aisiyā madbhāvanā | tanutyāgīṃ arjunā |
tūṃ sāyujya sadanā | mājhiyā yesī || 124 ||
tūṃ sāyujya sadanā | mājhiyā yesī || 124 ||
athaitadapyaśakto'si kartuṃ madyogamāśritaḥ |
sarvakarmaphalatyāgaṃ tataḥ kuru yatātmavān || 11||
sarvakarmaphalatyāgaṃ tataḥ kuru yatātmavān || 11||
nā tarī heṃhī tūja | nedave karma maja |
tarī tūṃ gā bujha | paṃḍukumarā || 125 ||
tarī tūṃ gā bujha | paṃḍukumarā || 125 ||
buddhīciye pāṭhīṃ poṭīṃ | karmāādi kāṃ śevaṭīṃ |
māteṃ bāṃdhaṇeṃ kirīṭī | duvāḍa jarī || 126 ||
māteṃ bāṃdhaṇeṃ kirīṭī | duvāḍa jarī || 126 ||
tarī heṃhī aso | sāṃḍīṃ mājhā atiso |
pari saṃyatisīṃ vaso | buddhi tujhī || 127 ||
pari saṃyatisīṃ vaso | buddhi tujhī || 127 ||
āṇi jeṇeṃ jeṇeṃ vel̤eṃ | ghaḍatī karmeṃ sakal̤eṃ |
tayāṃcīṃ tiyeṃ phal̤eṃ | tyajitu jāya || 128 ||
tayāṃcīṃ tiyeṃ phal̤eṃ | tyajitu jāya || 128 ||
vṛkṣa kāṃ velī | loṭatī phal̤eṃ ālīṃ |
taisīṃ sāṃḍīṃ nipajalīṃ | karmeṃ siddheṃ || 129 ||
taisīṃ sāṃḍīṃ nipajalīṃ | karmeṃ siddheṃ || 129 ||
pari māteṃ manīṃ dharāveṃ | kāṃ majauddeśeṃ karāveṃ |
heṃ kāṃhīṃ nako āghaveṃ | jāūṃ de śūnyīṃ || 130 ||
heṃ kāṃhīṃ nako āghaveṃ | jāūṃ de śūnyīṃ || 130 ||
khaḍakīṃ jaiseṃ varṣaleṃ | kāṃ āgīmājīṃ perileṃ |
karma mānī dekhileṃ | svapna jaiseṃ || 131 ||
karma mānī dekhileṃ | svapna jaiseṃ || 131 ||
agā ātmajecyā viṣīṃ | jīvu jaisā nirabhilāṣī |
taisā karmīṃ aśeṣīṃ | niṣkāmu hoīṃ || 132 ||
taisā karmīṃ aśeṣīṃ | niṣkāmu hoīṃ || 132 ||
vanhīcī jvāl̤ā jaisī | vāyāṃ jāya ākāśīṃ |
kriyā jiroṃ de taisī | śūnyāmājī || 133 ||
kriyā jiroṃ de taisī | śūnyāmājī || 133 ||
arjunā hā phalatyāgu | āvaḍe kīra asalagu |
parī yogāmājīṃ yogu | dhurecā hā || 134 ||
parī yogāmājīṃ yogu | dhurecā hā || 134 ||
yeṇeṃ phalatyāgeṃ sāṃḍe | teṃ teṃ karma na virūḍhe |
ekaci vel̤e vel̤ujhāḍeṃ | vāṃjheṃ jaisīṃ || 135 ||
ekaci vel̤e vel̤ujhāḍeṃ | vāṃjheṃ jaisīṃ || 135 ||
taiseṃ yeṇeṃci śarīreṃ | śarīrā yeṇeṃ sare |
kiṃbahunā yerajhāre | cirā paḍe || 136 ||
kiṃbahunā yerajhāre | cirā paḍe || 136 ||
paiṃ abhyāsāciyā pāuṭīṃ | ṭhākije jñāna kirīṭī |
jñāneṃ yeije bheṭī | dhyānāciye || 137 ||
jñāneṃ yeije bheṭī | dhyānāciye || 137 ||
maga dhyānāsi kheṃva | detī āghaveci bhāva |
tevhāṃ karmajāta sarva | dūrī ṭhāke || 138 ||
tevhāṃ karmajāta sarva | dūrī ṭhāke || 138 ||
karma jetha durāve | tetha phalatyāgu saṃbhave |
tyāgāstava āṃgave | śāṃti sagal̤ī || 139 ||
tyāgāstava āṃgave | śāṃti sagal̤ī || 139 ||
mhaṇauni yāvayā śāṃti | hāci anukramu subhadrāpatī |
mhaṇauni abhyāsuci prastutīṃ | karaṇeṃ etha || 140 ||
mhaṇauni abhyāsuci prastutīṃ | karaṇeṃ etha || 140 ||
śreyo hi jñānamabhyāsājñānād dhyānaṃ viśiṣyate |
dhyānāt karmaphalatyāgastyāgācchāntinirantaram || 12||
dhyānāt karmaphalatyāgastyāgācchāntinirantaram || 12||
abhyāsāhūni gahana | pārthā maga jñāna |
jñānāpāsoni dhyāna | viśeṣije || 141 ||
jñānāpāsoni dhyāna | viśeṣije || 141 ||
maga karmaphalatyāgu | to dhyānāpāsoni cāṃgu |
tyāgāhūni bhogu | śāṃtisukhācā || 142 ||
tyāgāhūni bhogu | śāṃtisukhācā || 142 ||
aisiyā yā vāṭā | ihīṃci peṇā subhaṭā |
śāṃtīcā mājivaṭā | ṭhākilā jeṇeṃ || 143 ||
śāṃtīcā mājivaṭā | ṭhākilā jeṇeṃ || 143 ||
adveṣṭā sarvabhūtānāṃ maitraḥ karuṇa eva ca |
nirmamo nirahaṅkāraḥ samaduḥkhasukhaḥ kṣamī || 13||
nirmamo nirahaṅkāraḥ samaduḥkhasukhaḥ kṣamī || 13||
jo sarva bhūtāṃcyā ṭhāyīṃ | dveṣāṃteṃ neṇeṃci kahīṃ |
āpaparu nāhīṃ | caitanyā jaisā || 144 ||
āpaparu nāhīṃ | caitanyā jaisā || 144 ||
uttamāteṃ dharije | adhamāteṃ avherije |
heṃ kāhīṃci neṇije | vasudhā jevīṃ || 145 ||
heṃ kāhīṃci neṇije | vasudhā jevīṃ || 145 ||
kāṃ rāyāceṃ deha cāl̤ūṃ | raṃkāteṃ parauteṃ gāl̤ūṃ |
heṃ na mhṇeci kṛpāl̤ū | prāṇu paiṃ gā || 146 ||
heṃ na mhṇeci kṛpāl̤ū | prāṇu paiṃ gā || 146 ||
gāīcī tṛṣā harūṃ | kāṃ vyāghrā viṣa hoūni mārūṃ |
aiseṃ neṇeṃci gā karūṃ | toya jaiseṃ || 147 ||
aiseṃ neṇeṃci gā karūṃ | toya jaiseṃ || 147 ||
taisī āghaviyāṃci bhūtamātrīṃ | ekapaṇeṃ jayā maitrī |
kṛpeśīṃ dhātrī | āpaṇaci jo || 148 ||
kṛpeśīṃ dhātrī | āpaṇaci jo || 148 ||
āṇi mī he bhāṣa neṇeṃ | mājheṃ kāhīṃci na mhaṇe |
sukha duḥkha jāṇaṇeṃ | nāhīṃ jayā || 149 ||
sukha duḥkha jāṇaṇeṃ | nāhīṃ jayā || 149 ||
tevīṃci kṣamelāgīṃ | pṛthvīsi pavāḍu āṃgīṃ |
saṃtoṣā utsaṃgīṃ | didhaleṃ ghara || 150 ||
saṃtoṣā utsaṃgīṃ | didhaleṃ ghara || 150 ||
santuṣṭaḥ satataṃ yogī yatātmā dṛḍhaniścayaḥ |
mayyarpitamanobuddhiryo madbhaktaḥ sa me priyaḥ || 14||
mayyarpitamanobuddhiryo madbhaktaḥ sa me priyaḥ || 14||
vārṣiyevīṇa sāgarū | jaisā jal̤eṃ nitya nirbharu |
taisā nirupacāru | saṃtoṣī jo || 151 ||
taisā nirupacāru | saṃtoṣī jo || 151 ||
vāhūni āpulī āṇa | dharī jo aṃtaḥkaraṇa |
niścayā sācapaṇa | jayāceni || 152 ||
niścayā sācapaṇa | jayāceni || 152 ||
jīvu paramātmā donhī | baisaūni aikyāsanīṃ |
jayāciyā hṛdayabhuvanīṃ | virājatī || 153 ||
jayāciyā hṛdayabhuvanīṃ | virājatī || 153 ||
aisā yogasamṛddhi | hoūni jo niravadhi |
arpī manobuddhī | mājhyā ṭhāyīṃ || 154 ||
arpī manobuddhī | mājhyā ṭhāyīṃ || 154 ||
āṃtu bāheri yogu | nirvāl̤aleyāhi cāṃgu |
tarī mājhā anurāgu | saprema jayā || 155 ||
tarī mājhā anurāgu | saprema jayā || 155 ||
arjunā gā to bhaktu | toci yogī toci muktu |
to vallabhā mī kāṃtu | aisā paḍhiye || 156 ||
to vallabhā mī kāṃtu | aisā paḍhiye || 156 ||
heṃ nā to āvaḍe | maja jīvāceni pāḍeṃ |
heṃhī etha thokaḍeṃ | rūpa karaṇeṃ || 157 ||
heṃhī etha thokaḍeṃ | rūpa karaṇeṃ || 157 ||
tarī paḍhiyaṃtayācī kāhāṇī | he bhulīcī bhāraṇī |
iyeṃ taṃva na bolaṇīṃ | parī bolavī śraddhā || 158 ||
iyeṃ taṃva na bolaṇīṃ | parī bolavī śraddhā || 158 ||
mhaṇauni gā āmhāṃ | vegāṃ ālī upamā |
eṟhavīṃ kāya premā | anuvādu ase ? || 159 ||
eṟhavīṃ kāya premā | anuvādu ase ? || 159 ||
ātāṃ aso heṃ kirīṭī | paiṃ priyāciyā goṣṭī |
duṇā thāṃva uṭhī | āvaḍī gā || 160 ||
duṇā thāṃva uṭhī | āvaḍī gā || 160 ||
tayāhī varī vipāyeṃ | premal̤u saṃvādiyā hoye |
tiye goḍīsī āhe | kāṃṭāl̤eṃ maga ? || 161 ||
tiye goḍīsī āhe | kāṃṭāl̤eṃ maga ? || 161 ||
mhaṇauni gā paṃḍusutā | tūṃci priyu āṇi tūṃci śrotā |
varī priyācī vārtā | prasaṃgeṃ ālī || 162 ||
varī priyācī vārtā | prasaṃgeṃ ālī || 162 ||
tarī ātāṃ boloṃ | bhaleṃ yā sukhā mīnaloṃ |
aiseṃ mhaṇatakheṃvīṃ ḍoloṃ | lāgalā devo || 163 ||
aiseṃ mhaṇatakheṃvīṃ ḍoloṃ | lāgalā devo || 163 ||
maga mhaṇe jāṇa | tayā bhaktāṃce lakṣaṇa |
jayā mī aṃtaḥkaraṇa | baisoṃ ghālīṃ || 164 ||
jayā mī aṃtaḥkaraṇa | baisoṃ ghālīṃ || 164 ||
yasmānnodvijate loko lokānnodvijate ca yaḥ |
harṣāmarṣabhayodvegairmukto yaḥ sa ca me priyaḥ || 15||
harṣāmarṣabhayodvegairmukto yaḥ sa ca me priyaḥ || 15||
tarī siṃdhūceni mājeṃ | jal̤acarāṃ bhaya nupaje |
āṇi jal̤acarīṃ nubagije | samudru jaisā || 165 ||
āṇi jal̤acarīṃ nubagije | samudru jaisā || 165 ||
tevīṃ unmatteṃ jageṃ | jayāsi khaṃtī na lage |
āṇi jayāceni āṃgeṃ | na śiṇe loku || 166 ||
āṇi jayāceni āṃgeṃ | na śiṇe loku || 166 ||
kiṃbahunā pāṃḍavā | śarīra jaiseṃ avayavāṃ |
taisā nubage jīvāṃ | jīvapaṇeṃ jo || 167 ||
taisā nubage jīvāṃ | jīvapaṇeṃ jo || 167 ||
jagaci deha jāhaleṃ | mhaṇauni priyāpriya geleṃ |
harṣāmarṣa ṭhele | dujenaviṇa || 168 ||
harṣāmarṣa ṭhele | dujenaviṇa || 168 ||
aisā dvaṃdvanirmuktu | bhayodvegarahitu |
yāhīvarī bhaktu | mājhyāṃ ṭhāyīṃ || 169 ||
yāhīvarī bhaktu | mājhyāṃ ṭhāyīṃ || 169 ||
tarī tayācā gā maja moho | kāya sāṃgoṃ to paḍhiyāvo |
heṃ ase jīveṃ jīvo | mājheni to || 170 ||
heṃ ase jīveṃ jīvo | mājheni to || 170 ||
jo nijānaṃdeṃ dhālā | pariṇāmu āyuṣyā ālā |
pūrṇate jāhalā | vallabhu jo || 171 ||
pūrṇate jāhalā | vallabhu jo || 171 ||
anapekṣaḥ śucirdakṣa udāsīno gatavyathaḥ |
sarvāraṃbhaparityāgī yo madbhaktaḥ sa me priyaḥ || 16||
sarvāraṃbhaparityāgī yo madbhaktaḥ sa me priyaḥ || 16||
jayāciyā ṭhāyīṃ pāṃḍavā | apekṣe nāhīṃ rigāvā |
sukhāsi caḍhāvā | jayāceṃ asaṇeṃ || 172 ||
sukhāsi caḍhāvā | jayāceṃ asaṇeṃ || 172 ||
mokṣa deūni udāra | kāśī hoya kīra |
parī vecāveṃ lāgeṃ śarīra | tiye gāṃvīṃ || 173 ||
parī vecāveṃ lāgeṃ śarīra | tiye gāṃvīṃ || 173 ||
himavaṃtu doṣa khāye | parī jīvitācī hāni hoye |
taiseṃ śucitva nohe | sajjanāceṃ || 174 ||
taiseṃ śucitva nohe | sajjanāceṃ || 174 ||
śucitveṃ śuci gāṃga hoye | āṇi pāpatāpahī jāye |
parī tetheṃ āhe | buḍaṇeṃ eka || 175 ||
parī tetheṃ āhe | buḍaṇeṃ eka || 175 ||
kholiye pāru neṇije | tarī bhaktīṃ na buḍije |
rokaḍāci lāhije | na maratāṃ mokṣu || 176 ||
rokaḍāci lāhije | na maratāṃ mokṣu || 176 ||
saṃtāceni aṃgalageṃ | pāpāteṃ jiṇaṇeṃ gaṃge |
teṇeṃ saṃtasaṃgeṃ | śucitva kaiseṃ || 177 ||
teṇeṃ saṃtasaṃgeṃ | śucitva kaiseṃ || 177 ||
mhaṇauni aso jo aisā | śucitveṃ tīrthāṃ kuvāsā |
jeṇeṃ ullaṃghavileṃ diśā | manomal̤a || 178 ||
jeṇeṃ ullaṃghavileṃ diśā | manomal̤a || 178 ||
āṃtu bāherī cokhāl̤u | sūrya jaisā nirmal̤u |
āṇi tattvārthīṃcā pāyāl̤u | dekhaṇā jo || 179 ||
āṇi tattvārthīṃcā pāyāl̤u | dekhaṇā jo || 179 ||
vyāpaka āṇi udāsa | jaiseṃ kāṃ ākāśa |
taiseṃ jayāceṃ mānasa | sarvatra gā || 180 ||
taiseṃ jayāceṃ mānasa | sarvatra gā || 180 ||
saṃsāravyathe phiṭalā | jo nairāśyeṃ vinaṭalā |
vyādhāhātoni suṭalā | vihaṃgu jaisā || 181 ||
vyādhāhātoni suṭalā | vihaṃgu jaisā || 181 ||
taisā satata jo sukheṃ | koṇīhī ṭavaṃca na dekhe |
neṇije gatāyuṣeṃ | lajjā jevīṃ || 182 ||
neṇije gatāyuṣeṃ | lajjā jevīṃ || 182 ||
āṇi karmāraṃbhālāgīṃ | jayā ahaṃkṛtī nāhī āṃgīṃ |
jaiseṃ niriṃdhana āgī | vijhoni jāya || 183 ||
jaiseṃ niriṃdhana āgī | vijhoni jāya || 183 ||
taisā upaśamuci bhāgā | jayāsi ālā paiṃ gā |
jo mokṣāciyā āṃgā | lihilā ase || 184 ||
jo mokṣāciyā āṃgā | lihilā ase || 184 ||
arjunā hā ṭhāvovarī | jo so'haṃbhāvo sarobharīṃ |
dvaitācyā pailatīrīṃ | nigoṃ saralā || 185 ||
dvaitācyā pailatīrīṃ | nigoṃ saralā || 185 ||
kīṃ bhaktisukhālāgīṃ | āpaṇapeṃci dohī bhāgīṃ |
vāṃṭūniyāṃ āṃgīṃ | sevakai bāṇī || 186 ||
vāṃṭūniyāṃ āṃgīṃ | sevakai bāṇī || 186 ||
yerā nāma mī ṭhevī | maga bhajatī voja baravī |
na bhajatayā dāvī | yogiyā jo || 187 ||
na bhajatayā dāvī | yogiyā jo || 187 ||
tayāce āmhāṃ vyasana | āmuceṃ to nijadhyāna |
kiṃbahunā samādhāna | to mil̤e taiṃ || 188 ||
kiṃbahunā samādhāna | to mil̤e taiṃ || 188 ||
tayālāgīṃ maja rūpā yeṇeṃ | tayāceni maja yetheṃ asaṇeṃ |
tayā loṇa kīje jīveṃ prāṇeṃ | aisā paḍhiye || 189 ||
tayā loṇa kīje jīveṃ prāṇeṃ | aisā paḍhiye || 189 ||
yo na hṛṣyati na dveṣṭi na śocati na kāṅkṣati |
śubhāśubhaparityāgī bhaktimānyaḥ sa me priyaḥ || 17||
śubhāśubhaparityāgī bhaktimānyaḥ sa me priyaḥ || 17||
jo ātmalābhāsārikheṃ | gomaṭeṃ kāṃhīṃci na dekhe |
mhaṇauni bhogaviśekheṃ | harikhejenā || 190 ||
mhaṇauni bhogaviśekheṃ | harikhejenā || 190 ||
āpaṇaci viśva jāhalā | tarī bhedabhāvo sahajaci gelā |
mhaṇauni dveṣu ṭhelā | jayā puruṣā || 191 ||
mhaṇauni dveṣu ṭhelā | jayā puruṣā || 191 ||
paiṃ āpuleṃ jeṃ sāceṃ | teṃ kalpāṃtīṃhīṃ na vace |
heṃ jāṇoni gatāceṃ | na śocī jo || 192 ||
heṃ jāṇoni gatāceṃ | na śocī jo || 192 ||
āṇi jayāparauteṃ kāṃhīṃ nāhīṃ | teṃ āpaṇapeṃci āpulyā ṭhāyīṃ |
jāhalā yālāgīṃ jo kāṃhīṃ | ākāṃkṣī nā || 193 ||
jāhalā yālāgīṃ jo kāṃhīṃ | ākāṃkṣī nā || 193 ||
vokhaṭeṃ kāṃ gomaṭeṃ | heṃ kāhīṃci tayā numaṭe |
rātridivasa na ghaṭe | sūryāsi jevīṃ || 194 ||
rātridivasa na ghaṭe | sūryāsi jevīṃ || 194 ||
aisā bodhuci keval̤u | jo hovoni ase nikhal̤u |
tyāhīvarī bhajanaśīl̤u | mājhyā ṭhāyīṃ || 195 ||
tyāhīvarī bhajanaśīl̤u | mājhyā ṭhāyīṃ || 195 ||
tarī tayā aiseṃ dusareṃ | āmhāṃ paḍhiyaṃteṃ soyareṃ |
nāhīṃ gā sācokāreṃ | tujhī āṇa || 196 ||
nāhīṃ gā sācokāreṃ | tujhī āṇa || 196 ||
samaḥ śatrau ca mitre ca tathāmānāpamānayoḥ |
śītoṣṇasukhaduḥkheṣu samaḥ saṅgavivarjitaḥ || 18||
śītoṣṇasukhaduḥkheṣu samaḥ saṅgavivarjitaḥ || 18||
pārthā jayāciyā ṭhāyīṃ | vaiṣamyācī vārtā nāhīṃ |
ripumitrāṃ dohīṃ | sarisā pāḍu || 197 ||
ripumitrāṃ dohīṃ | sarisā pāḍu || 197 ||
kāṃ gharīṃciyāṃ ujiyeḍu karāvā | pārakhiyāṃ āṃdhāru pāḍāvā |
heṃ neṇeci gā pāṃḍavā | dīpu jaisā || 198 ||
heṃ neṇeci gā pāṃḍavā | dīpu jaisā || 198 ||
jo khāṃḍāvayā ghāvo ghālī | kāṃ lāvaṇī jayāneṃ kelī |
doghāṃ ekaci sāulī | vṛkṣu de jaisā || 199 ||
doghāṃ ekaci sāulī | vṛkṣu de jaisā || 199 ||
nātarī ikṣudaṃḍu | pāl̤itayā goḍu |
gāl̤itayā kaḍu | noheṃci jevīṃ || 200 ||
gāl̤itayā kaḍu | noheṃci jevīṃ || 200 ||
arimitrīṃ taisā | arjunā jayā bhāvo aisā |
mānāpamānīṃ sarisā | hotu jāye || 201 ||
mānāpamānīṃ sarisā | hotu jāye || 201 ||
tihīṃ ṛtūṃ samāna | jaiseṃ kāṃ gagana |
taisā ekaci māna | śītoṣṇīṃ jayā || 202 ||
taisā ekaci māna | śītoṣṇīṃ jayā || 202 ||
dakṣiṇa uttara mārutā | meru jaisā paṃḍusutā |
taisā sukhaduḥkhaprāptāṃ | madhyasthu jo || 203 ||
taisā sukhaduḥkhaprāptāṃ | madhyasthu jo || 203 ||
mādhuryeṃ caṃdrikā | sarisī rāyā raṃkā |
taisā jo sakal̤ikāṃ | bhūtāṃ samu || 204 ||
taisā jo sakal̤ikāṃ | bhūtāṃ samu || 204 ||
āghaviyāṃ jagā eka | sevya jaiseṃ udaka |
taiseṃ jayāteṃ tinhī loka | ākāṃkṣitī || 205 ||
taiseṃ jayāteṃ tinhī loka | ākāṃkṣitī || 205 ||
jo sabāhyasaṃga | sāṃḍoniyā lāga |
ekākīṃ ase āṃga | āṃgīṃ sūnī || 206 ||
ekākīṃ ase āṃga | āṃgīṃ sūnī || 206 ||
tulyanindāstutirmaunī santuṣṭo yena kenacit |
aniketaḥ sthiramatirbhaktimānme priyo naraḥ || 19||
aniketaḥ sthiramatirbhaktimānme priyo naraḥ || 19||
jo niṃdeteṃ neghe | stuti na ślāghe |
ākāśā na lage | lepu jaisā || 207 ||
ākāśā na lage | lepu jaisā || 207 ||
taiseṃ niṃde āṇi stuti | mānu karūni eke pāṃtī |
vicare prāṇavṛttī | janīṃ vanīṃ || 208 ||
vicare prāṇavṛttī | janīṃ vanīṃ || 208 ||
sāca laṭikeṃ donhī | boloni na bole jāhalā maunī |
jo bhogitāṃ unmanī | ārāyenā || 209 ||
jo bhogitāṃ unmanī | ārāyenā || 209 ||
jo yathālābheṃ na tokhe | alābheṃ na pārukhe |
pāusevīṇa na suke | samudru jaisā || 210 ||
pāusevīṇa na suke | samudru jaisā || 210 ||
āṇi vāyūsi eke ṭhāyīṃ | biḍhāra jaiseṃ nāhīṃ |
taisā na dharīca kahīṃ | āśrayo jo || 211 ||
taisā na dharīca kahīṃ | āśrayo jo || 211 ||
āghavācī ākāśasthiti | jevīṃ vāyūsi nitya vasatī |
tevīṃ jagaci viśrāṃtī- | sthāna jayā || 212 ||
tevīṃ jagaci viśrāṃtī- | sthāna jayā || 212 ||
heṃ viśvaci mājheṃ ghara | aisī matī jayācī sthira |
kiṃbahunā carācara | āpaṇa jāhalā || 213 ||
kiṃbahunā carācara | āpaṇa jāhalā || 213 ||
maga yāhīvarī pārthā | mājhyā bhajanīṃ āsthā |
tarī tayāteṃ mī māthāṃ | mukuṭa karīṃ || 214 ||
tarī tayāteṃ mī māthāṃ | mukuṭa karīṃ || 214 ||
uttamāsi mastaka | khālavije heṃ kāya kautuka |
parī mānu karitī tinhī loka | pāyavaṇiyāṃ || 215 ||
parī mānu karitī tinhī loka | pāyavaṇiyāṃ || 215 ||
tarī śraddhāvastūsī ādaru | karitāṃ jāṇije prakāru |
jarī hoya śrīguru | sadāśivu || 216 ||
jarī hoya śrīguru | sadāśivu || 216 ||
parī he aso ātāṃ | maheśāteṃ vānitāṃ |
ātmastuti hotāṃ | saṃcāru ase || 217 ||
ātmastuti hotāṃ | saṃcāru ase || 217 ||
yayālāgīṃ heṃ nohe | mhaṇitaleṃ ramānāheṃ |
arjunā mī vāheṃ | śirīṃ tayāteṃ || 218 ||
arjunā mī vāheṃ | śirīṃ tayāteṃ || 218 ||
je puruṣārthasiddhi cauthī | gheūni āpuliyā hātīṃ |
rigālā bhaktipaṃthīṃ | jagā detu || 219 ||
rigālā bhaktipaṃthīṃ | jagā detu || 219 ||
kaivalyācā adhikārī | mokṣācī soḍī bāṃdhī karī |
kīṃ jal̤āciye parī | tal̤avaṭu ghe || 220 ||
kīṃ jal̤āciye parī | tal̤avaṭu ghe || 220 ||
mhaṇauni gā namaskārūṃ | tayāteṃ āmhī māthāṃ muguṭa karūṃ |
tayācī ṭāṃca dharūṃ | hṛdayīṃ āmhīṃ || 221 ||
tayācī ṭāṃca dharūṃ | hṛdayīṃ āmhīṃ || 221 ||
tayāciyā guṇāṃcīṃ leṇīṃ | levavūṃ apuliye vāṇī |
tayācī kīrti śravaṇīṃ | āmhīṃ levūṃ || 222 ||
tayācī kīrti śravaṇīṃ | āmhīṃ levūṃ || 222 ||
to pahāvā he ḍohal̤e | mhaṇauni acakṣūsī maja ḍol̤e |
hātīṃceni līlākamal̤eṃ | pujūṃ tayāteṃ || 223 ||
hātīṃceni līlākamal̤eṃ | pujūṃ tayāteṃ || 223 ||
doṃvarī donī | bhujā āloṃ gheuni |
āliṃgāvayālāgunī | tayāceṃ āṃga || 224 ||
āliṃgāvayālāgunī | tayāceṃ āṃga || 224 ||
tayā saṃgāceni suravāḍeṃ | maja videhā deha dharaṇeṃ ghaḍe |
kiṃbahunā āvaḍe | nirupamu || 225 ||
kiṃbahunā āvaḍe | nirupamu || 225 ||
teṇeṃsīṃ āmhāṃ maitra | etha kāyaseṃ vicitra ? |
parī tayāceṃ caritra | aikatī je || 226 ||
parī tayāceṃ caritra | aikatī je || 226 ||
tehī prāṇāparaute | āvaḍatī heṃ niruteṃ |
je bhaktacaritrāteṃ | praśaṃsitī || 227 ||
je bhaktacaritrāteṃ | praśaṃsitī || 227 ||
jo hā arjunā sādyaṃta | sāṃgitalā prastuta |
bhaktiyogu samasta- | yogarūpa || 228 ||
bhaktiyogu samasta- | yogarūpa || 228 ||
tayā mī prīti karī | kāṃ manīṃ śirasā dharīṃ |
yevaḍhī thorī | jayā sthitīye || 229 ||
yevaḍhī thorī | jayā sthitīye || 229 ||
ye tu dharmyāmṛtamidaṃ yathoktaṃ paryupāsate |
śraddadhānā matparamā bhaktāste'tīva priyāḥ || 20||
śraddadhānā matparamā bhaktāste'tīva priyāḥ || 20||
iti śrīmadbhagvadgītāsūpaniṣatsu brahmavidyāyāṃ yogaśāstre
śrīkṛṣṇārjunasaṃvāde bhaktiyogonāma dvādaśo'dhyāyaḥ || 12 ||
śrīkṛṣṇārjunasaṃvāde bhaktiyogonāma dvādaśo'dhyāyaḥ || 12 ||
te he goṣṭī ramya | amṛtadhārā dharmya |
karitī pratītigamya | āikoni je || 230 ||
karitī pratītigamya | āikoni je || 230 ||
tesīci śraddheceni ādareṃ | jayāṃce ṭhāyīṃ vistare |
jīvīṃ jayāṃ thāre | je anuṣṭhitī ||231 ||
jīvīṃ jayāṃ thāre | je anuṣṭhitī ||231 ||
parī nirūpalī jaisī | taisīca sthiti mānasīṃ |
maga sukṣetrīṃ jaisī | peraṇī kelī || 232 ||
maga sukṣetrīṃ jaisī | peraṇī kelī || 232 ||
parī māteṃ parama karūni | iyeṃ arthīṃ prema dharūni |
heṃci sarvasva mānūni | ghetī je paiṃ || 233 ||
heṃci sarvasva mānūni | ghetī je paiṃ || 233 ||
pārthā gā jagīṃ | teci bhakta teci yogī |
utkaṃṭhā tayāṃlāgīṃ | akhaṃḍa maja || 234 ||
utkaṃṭhā tayāṃlāgīṃ | akhaṃḍa maja || 234 ||
teṃ tīrtha teṃ kṣetra | jagīṃ teṃci pavitra |
bhakti kathesi maitra | jayāṃ puruṣāṃ || 235 ||
bhakti kathesi maitra | jayāṃ puruṣāṃ || 235 ||
āmhīṃ tayāṃceṃ karūṃ dhyāna | te āmuceṃ devatārcana |
te vāṃcūni āna | gomaṭeṃ nāhīṃ || 236 ||
te vāṃcūni āna | gomaṭeṃ nāhīṃ || 236 ||
tayāṃceṃ āmhāṃ vyasana | te āmuceṃ nidhinidhāna |
kiṃbahunā samādhāna | te mil̤atī taiṃ || 237 ||
kiṃbahunā samādhāna | te mil̤atī taiṃ || 237 ||
paiṃ premal̤ācī vārtā | je anuvādatī paṃḍusutā |
te mānūṃ paramadevatā | āpulī āmhī || 238 ||
te mānūṃ paramadevatā | āpulī āmhī || 238 ||
aise nijajanānaṃdeṃ | teṇeṃ jagadādikaṃdeṃ |
bolileṃ mukuṃdeṃ | saṃjayo mhaṇe || 239 ||
bolileṃ mukuṃdeṃ | saṃjayo mhaṇe || 239 ||
rāyā jo nirmal̤u | niṣkalaṃka lokakṛpāl̤u |
śaraṇāgatāṃ pratipāl̤u | śaraṇyu jo || 240 ||
śaraṇāgatāṃ pratipāl̤u | śaraṇyu jo || 240 ||
paiṃ surasahāyaśīl̤u | lokalālanalīl̤u |
praṇatapratipāl̤u | hā khel̤u jayācā || 241 ||
praṇatapratipāl̤u | hā khel̤u jayācā || 241 ||
jo dharmakīrtidhavalu | āgādha dātṛtveṃ saral̤u |
atul̤abal̤eṃ prabal̤u | bal̤ibaṃdhanu || 242 ||
atul̤abal̤eṃ prabal̤u | bal̤ibaṃdhanu || 242 ||
jo bhaktajanavatsal̤u | premal̤ajana prāṃjal̤u |
satyasetu sakal̤u | kalānidhī || 243 ||
satyasetu sakal̤u | kalānidhī || 243 ||
to śrīkṛṣṇa vaikuṃṭhīṃcā | cakravartī nijāṃcā |
sāṃge yeru daivācā | āikatu ase || 244 ||
sāṃge yeru daivācā | āikatu ase || 244 ||
ātāṃ yayāvarī | nirūpitī parī |
saṃjayo mhaṇe avadhārīṃ | dhṛtarāṣṭrāteṃ || 245 ||
saṃjayo mhaṇe avadhārīṃ | dhṛtarāṣṭrāteṃ || 245 ||
teci rasāl̤a kathā | maṟhāṭhiyā pratipathā |
āṇijela ātāṃ | āvadhārijo || 246 ||
āṇijela ātāṃ | āvadhārijo || 246 ||
jñānadeva mhaṇe tumhī | saṃta vol̤agāveti āmhī |
heṃ paḍhaviloṃ jī svāmī | nivṛttidevīṃ || 247 ||
heṃ paḍhaviloṃ jī svāmī | nivṛttidevīṃ || 247 ||
iti śrījñānadevaviracitāyāṃ bhāvārthadīpikāyāṃ dvādaśo'dhyāyaḥ ||