gopāla stuti

(Gopal Stuti in English (IAST))

Also known as om namo visvarupaya visvasthityantahetave

Language:Sanskrit

The Gopala Stuti from the Gopalatapini Upanishad — salutation to the one of universal form, cause of the world's continuance and of its end.

Read In:

Devanagari Gujarati Bengali Assamese Odia Telugu Tamil Kannada Malayalam English (IAST)

śrī gaṇeśāya namaḥ |
oṃ namo viśvarūpāya viśvasthityantahetave |
viśveśvarāya viśvāya govindāya namo namaḥ || 1||

namo vijñānarūpāya paramānandarūpiṇe |
kṛṣṇāya gopīnāthāya govindāya namo namaḥ || 2||

namaḥ kamalanetrāya namaḥ kamalamāline |
namaḥ kamalanābhāya kamalāpataye namaḥ || 3||

barhāpīḍābhirāmāya rāmāyākuṇṭhamedhase |
ramāmānasahaṃsāya govindāya namo namaḥ || 4||

kaṃsavaśavināśāya keśicāṇūraghātine |
kālindīkūlalīlāya lolakuṇḍaladhāriṇe || 5||

vṛṣabhadhvajavandyāya pārthasārathaye namaḥ |
veṇuvādanaśīlāya gopālāyāhimardine || 6||

ballavīvadanāmbhojamāline nṛtyaśāline |
namaḥ praṇatapālāya śrīkṛṣṇāya namo namaḥ || 7||

namaḥ pāpapraṇāśāya govardhanadharāya ca |
pūtanājīvitāntāya tṛṇāvartāsuhāriṇe || 8||

niṣkalāya vimohāya śuddhāyāśuddhavairiṇe |
advitīyāya mahate śrīkṛṣṇāya namo namaḥ || 9||

prasīda paramānanda prasīda parameśvara |
ādhivyādhibhujaṅgena daṣṭaṃ māmuddhara prabho || 10||

śrīkṛṣṇa rukmiṇīkānta gopījanamanohara |
saṃsārasāgare magnaṃ māmuddhara jagadguro || 11||

keśava kleśaharaṇa nārāyaṇa janārdana |
govinda paramānanda māṃ samuddhara mādhava || 12||

|| ityātharvaṇe gopālatāpinyupaniṣadantargatā gopālastuti samāptā ||

Explore More

Stuti & Stava Collection Wealth Obstacles Health Protection Wisdom Home