lakṣmī nitya pūjā vidhānam

āvaśyakāni vastūni
- āsanaṃ
- dīpaḥ
- gandhaḥ
- kuṅkumaṃ
- akṣatāḥ
- puṣpāṇi
- dhūpaḥ
- naivedyaṃ
- tāmbūlaṃ
- ācamanīyaṃ
- pūjā pātraṃ
- kalaśaḥ
- śaṅkhaḥ [optional]
- lakṣmī devī pratimā vā citrapaṭaḥ vā

pūrvāṅga pūjā

śrīmahāgaṇādhipataye namaḥ |

śrī gurubhyo namaḥ |

hariḥ om |
śuciḥ
apavitraḥ pavitro vā sarvāvasthāṃ gato'pi vā |
yaḥ smaret puṇḍarīkākṣaṃ sa bāhyābhyantaraḥ śuciḥ ||
puṇḍarīkākṣa puṇḍarīkākṣa puṇḍarīkākṣāya namaḥ ||

prārthanā
śuklāmbaradharaṃ viṣṇuṃ śaśivarṇaṃ caturbhujam |
prasannavadanaṃ dhyāyet sarvavighnopaśāntaye ||
agajānana padmārkaṃ gajānanamaharniśam |
anekadaṃ taṃ bhaktānāṃ ekadantamupāsmahe ||
tadeva lagnaṃ sudinaṃ tadeva
tārābalaṃ candrabalaṃ tadeva |
vidyābalaṃ daivabalaṃ tadeva
lakṣmīpate te'ṅghriyugaṃ smarāmi ||
gururbrahmā gururviṣṇuḥ gururdevo maheśvaraḥ |
guruḥ sākṣāt parabrahma tasmai śrīgurave namaḥ ||
sarvamaṅgala māṅgalye śive sarvārthasādhike |
śaraṇye tryambake gaurī nārāyaṇi namo'stu te ||
śrīlakṣmīnārāyaṇābhyāṃ namaḥ |
umāmaheśvarābhyāṃ namaḥ |
vāṇīhiraṇyagarbhābhyāṃ namaḥ |
śacīpurandarābhyāṃ namaḥ |
arundhatīvasiṣṭhābhyāṃ namaḥ |
śrīsītārāmābhyāṃ namaḥ |
mātāpitṛbhyo namaḥ |
sarvebhyo mahājanebhyo namaḥ |

ācamanaṃ
oṃ keśavāya svāhā |
oṃ nārāyaṇāya svāhā |
oṃ mādhavāya svāhā |
oṃ govindāya namaḥ |
oṃ viṣṇave namaḥ |
oṃ madhusūdanāya namaḥ |
oṃ trivikramāya namaḥ |
oṃ vāmanāya namaḥ |
oṃ śrīdharāya namaḥ |
oṃ hṛṣīkeśāya namaḥ |
oṃ padmanābhāya namaḥ |
oṃ dāmodarāya namaḥ |
oṃ saṅkarṣaṇāya namaḥ |
oṃ vāsudevāya namaḥ |
oṃ pradyumnāya namaḥ |
oṃ aniruddhāya namaḥ |
oṃ puruṣottamāya namaḥ |
oṃ adhokṣajāya namaḥ |
oṃ nārasiṃhāya namaḥ |
oṃ acyutāya namaḥ |
oṃ janārdanāya namaḥ |
oṃ upendrāya namaḥ |
oṃ haraye namaḥ |
oṃ śrīkṛṣṇāya namaḥ |

dīpārādhanam
dīpastvaṃ brahmarūpo'si jyotiṣāṃ prabhuravyayaḥ |
saubhāgyaṃ dehi putrāṃśca sarvānkāmāṃśca dehi me ||
bho dīpa devi rūpastvaṃ karmasākṣī hyavighnakṛt |
yāvatpūjāṃ kariṣyāmi tāvattvaṃ susthiro bhava ||
dīpārādhana muhūrtaḥ sumuhūrto'stu ||

bhūtoccāṭanam
uttiṣṭhantu bhūtapiśācāḥ ya ete bhūmibhārakāḥ |
eteṣāmavirodhena brahmakarma samārabhe ||
apasarpantu te bhūtā ye bhūtā bhūmisaṃsthitāḥ |
ye bhūtā vighnakartāraste gacchantu śivā'jñayā ||

prāṇāyāmaḥ
o-mbhūḥ | o-mbhuvaḥ̭ | ogṃ suvaḥ̭ | o-mmahaḥ̭ | o-ñjanaḥ̭ | o-ntapaḥ̭ | ogṃ satyam |
o-ntatsa̭viturvareṇya-mbhargo̭ devasya̭ dhīmahi |
dhiyo yo naḥ̭ pracodayāt ||
omāpo jyotī raso-'mṛta-mbrahma bhūrbhuvassuvarom ||

saṅkalpaḥ
mama upātta samasta duritakṣaya dvārā śrīparameśvara prītyarthaṃ, mama/asmākaṃ sahakuṭumbasya kṣema-sthairya-dhairya-vīrya-vijaya-abhaya-āyuḥ-ārogya-aiśvarya-abhivṛddhyarthaṃ, dharmārtha-kāma-mokṣa-caturvidha-puruṣārtha-phala-siddhyarthaṃ, sarvābhīṣṭa-siddhyarthaṃ, śrīmahālakṣmī-prītyarthaṃ, yāvacchakti dhyāna-āvāhanādi-ṣoḍaśopacāra-pūjāṃ kariṣye ||
tadaṅga kalaśārādhanaṃ kariṣye ||

kalaśārādhanam
kalaśe gandha puṣpākṣatairabhyarcya |
kalaśe udakaṃ pūrayitvā |
kalaśasyopari hastaṃ nidhāya |
kalaśasya mukhe viṣṇuḥ kaṇṭhe rudraḥ samāśritaḥ |
mūle tvasya sthito brahmā madhye mātṛgaṇāḥ smṛtāḥ ||
kukṣau tu sāgarāḥ sarve saptadvīpā vasundharā |
ṛgvedo'tha yajurvedo sāmavedo hyatharvaṇaḥ ||
aṅgaiśca sahitāḥ sarve kalaśāmbu samāśritāḥ ||
gaṅge ca yamune caiva godāvarī sarasvatī |
narmade sindhu kāverī jale'smin sannidhiṃ kuru ||
kāverī tuṅgabhadrā ca kṛṣṇaveṇī ca gautamī |
bhāgīrathīti vikhyātāḥ pañcagaṅgāḥ prakīrtitāḥ ||
āyāntu devapūjārthaṃ mama duritakṣayakārakāḥ |
kalaśodakena pūjā dravyāṇi samprokṣya, devaṃ samprokṣya, ātmānaṃ ca samprokṣya ||

śaṅkhapūjā
śaṅkhaṃ candrārka daivataṃ madhye varuṇa devatām |
pṛṣṭhe prajāpatiṃ vindyādagre gaṅgā sarasvatīm ||
trailokye yāni tīrthāni vāsudevasya ājñayā |
śaṅkhe tiṣṭhantu viprendrāḥ tasmāt śaṅkhaṃ prapūjayet ||
oṃ śaṅkhāya namaḥ |
oṃ dhavalāya namaḥ |
oṃ pāñcajanyāya namaḥ |
oṃ śaṅkhadevatābhyo namaḥ |
sakalapūjārthe akṣatān samarpayāmi ||

ghaṇṭānādaḥ
āgamārthaṃ tu devānāṃ gamanārthaṃ tu rākṣasām |
ghaṇṭāravaṃ karomyādau devatāhvāna lāñchanam ||
oṃ ghaṇṭādevatābhyo namaḥ |
sakalopacāra pūjārthe akṣatān samarpayāmi ||

śrī mahāgaṇapati pūjā
o-ṅgaṇānā-ntvā gaṇapa̭tigṃ havāmahe kavi-ṅka̭vīnāṃ upamaśra̭vastavam |
jyeṣṭharāja-mbrahma̭ṇā-mbrahmaṇaspata ā naḥ̭ śṛṇvannūtibhi̭ssīda sāda̭nam ||
sumukhaścaikadantaśca kapilo gajakarṇakaḥ |
lambodaraśca vikaṭo vighnarājo gaṇādhipaḥ ||
dhūmaketurgaṇādhyakṣaḥ phālacandro gajānanaḥ |
vakratuṇḍaḥ śūrpakarṇo herambaḥ skandapūrvajaḥ ||
oṃ śrīmahāgaṇapataye namaḥ |
dhyāyāmi | āvāhayāmi | āsanaṃ samarpayāmi |
pādyaṃ samarpayāmi | arghyaṃ samarpayāmi | ācamanīyaṃ samarpayāmi |
snānaṃ samarpayāmi | vastraṃ samarpayāmi | yajñopavītaṃ samarpayāmi |
gandhaṃ samarpayāmi | puṣpāṇi samarpayāmi |
dhūpamāghrāpayāmi | dīpaṃ darśayāmi |
naivedyaṃ samarpayāmi | tāmbūlaṃ samarpayāmi |
nīrājanaṃ samarpayāmi | mantrapuṣpaṃ samarpayāmi |
pradakṣiṇa namaskārān samarpayāmi ||

ṣoḍaśopacāra pūjā
lakṣmī devī dhyānam
yā sā padmāsanasthā vipulakaṭitaṭī padmapatrāyatākṣī |
gambhīrāvartanābhiḥ stanabhara namitā śubhra vastrottarīyā ||
lakṣmīrdivyairgajendrairmaṇigaṇa khacitaiḥ snāpitā hemakumbhaiḥ |
nityaṃ sā padmahastā mama vasatu gṛhe sarvamāṅgalyayuktā ||
lakṣmīṃ kṣīrasamudrarājatanayāṃ śrīraṅgadhāmeśvarīm |
dāsībhūtasamastadeva vanitāṃ lokaika dīpāṅkurām ||
śrīmanmandakaṭākṣalabdha vibhava brahmendragaṅgādharām |
tvāṃ trailokya kuṭumbinīṃ sarasijāṃ vande mukundapriyām ||
om || hira̭ṇyavarṇāṃ hari̭ṇīṃ suvarṇa̭rajatasra̭jām |
candrāṃ hiraṇma̭yīṃ-la~kṣmī-ñjāta̭vedo mamāva̭ha ||
oṃ śrīmahālakṣmyai namaḥ |
dhyāyāmi | dhyānaṃ samarpayāmi ||

āvāhanam
tā-mma āva̭ha jāta̭vedo lakṣmīmana̭pagāminīm |
yasyāṃ hira̭ṇyaṃ-vi~ndeya-ṅgāmaśva-mpurṷṣānaham ||
sahasradalapadmasthāṃ svasthāṃ ca sumanoharām |
śāntāṃ ca śrīhareḥ kāntāṃ tāṃ bhaje jagatāṃ prasūm ||
oṃ śrīmahālakṣmyai namaḥ |
āvāhayāmi | sthāpayāmi | pūjayāmi ||

āsanam
amūlyaratnakhacitaṃ nirmitaṃ viśvakarmaṇā |
āsanaṃ ca vicitraṃ ca mahālakṣmi pragṛhyatām ||
oṃ śrīmahālakṣmyai namaḥ |
āsanaṃ samarpayāmi ||

pādyam
aśvapūrvāṃ rathamadhyāṃ hastināda prabodhinīm |
śriyaṃ devīmupahvaye śrīrmā devīrjuṣatām ||
puṣpacandanadūrvādi saṃyutaṃ jāhnavījalam |
śaṅkhagarbhasthitaṃ śuddhaṃ gṛhyatāṃ padmavāsini ||
oṃ śrīmahālakṣmyai namaḥ |
pādayoḥ pādyaṃ samarpayāmi ||

arghyam
gandha puṣpākṣatairyuktaṃ arghyaṃ sampāditaṃ mayā |
gṛhāṇa tvaṃ mahālakṣmi prasannā bhava sarvadā ||
oṃ śrīmahālakṣmyai namaḥ |
hastayoḥ arghyaṃ samarpayāmi ||

ācamanīyam
puṇyatīrthodakaṃ caiva viśuddhaṃ śuddhidaṃ sadā |
gṛhyatāṃ kṛṣṇakānte tvaṃ ramyamācamanīyakam ||
oṃ śrīmahālakṣmyai namaḥ |
mukhe ācamanīyaṃ samarpayāmi ||

snānam
āpo hiṣṭhā ma̭yobhuvastā na̭ ūrje da̭dhātana |
mahe raṇā̭ya cakṣa̭se ||
yo vaḥ̭ śivata̭mo rasastasya̭ bhājayateha naḥ̭ |
uśatīri̭va māta̭raḥ ||
tasmā ara̭-ṅgamāma vo yasya kṣayā̭ya jinva̭tha |
āpo̭ janaya̭thā ca naḥ ||
oṃ śrīmahālakṣmyai namaḥ |
śuddhodaka snānaṃ samarpayāmi ||
snānānantaraṃ ācamanīyaṃ samarpayāmi ||

vastram
upai̭tu mā-ndḙvasakhaḥ kīrtiśca maṇi̭nā saha |
prādurbhūto-'smi̭ rāṣṭre-'smin kīrtimṛ̭ddhi-ndadātṷ me ||
dehasaumdaryabījaṃ ca sadā śobhā vivardhanam |
kārpāsajaṃ ca kṛmijaṃ vasanaṃ devi gṛhyatām ||
oṃ śrīmahālakṣmyai namaḥ |
vastraṃ samarpayāmi ||

yajñopavītam
yajñopavītaṃ paramaṃ pavitraṃ prajāpateryatsahajaṃ purastāt |
āyuṣyamagryaṃ pratimuñca śubhraṃ yajñopavītaṃ balamastu tejaḥ ||
oṃ śrīmahālakṣmyai namaḥ |
yajñopavītaṃ samarpayāmi ||

gandham
gandhadvārā-ndṷrādharṣā-nnityapṷṣṭā-ṅkarīṣiṇīm |
īśvarīgṃ̭ sarva̭bhūtānā-ntāmihopa̭hvaye śriyam ||
malayācalasambhūtaṃ vṛkṣasāraṃ manoharam |
sugandhiyuktaṃ sukhadaṃ candanaṃ devi gṛhyatām ||
oṃ śrīmahālakṣmyai namaḥ |
gandhaṃ samarpayāmi ||

arcana
akṣatān dhavalān divyān puṣpāṇi ca sugandhīni |
bhaktyā dattāni gṛhyantāṃ sarvadevāḥ prasīdata ||

aṅga pūjā
oṃ capalāyai namaḥ - pādau pūjayāmi |
oṃ cañcalāyai namaḥ - jānunī pūjayāmi |
oṃ kamalāyai namaḥ - kaṭiṃ pūjayāmi |
oṃ kātyāyanyai namaḥ - nābhiṃ pūjayāmi |
oṃ jaganmātre namaḥ - jaṭharaṃ pūjayāmi |
oṃ viśvavallabhāyai namaḥ - vakṣaḥsthalaṃ pūjayāmi |
oṃ kamalavāsinyai namaḥ - netratrayaṃ pūjayāmi |
oṃ śriyai namaḥ - śiraḥ pūjayāmi |
oṃ mahālakṣmyai namaḥ - sarvāṇyaṅgāni pūjayāmi ||

[Recite the SrI mahAlakShmI aShTOttara Sata nAmAvaLI, or at least a few known names of Lakshmi. Offer flowers or akshatas with each name.]
śrī mahālakṣmī aṣṭottara śata nāmāvalī>
athavā lakṣmī nāmāvalī paṭhanam ||
oṃ śrīmahālakṣmyai namaḥ |
aṣṭottara śata nāmāvalī pūjāṃ samarpayāmi |
akṣatān puṣpāṇi ca samarpayāmi ||

dhūpam
āpaḥ̭ sṛjantṷ snigdhāni ciklīta va̭sa me gṛhe |
ni ca̭ devī-mmātaraṃ śriyaṃ̭-vā~saya̭ me kule ||
vṛkṣaniryāsarūpaṃ ca gandhadravyādi saṃyutam |
kṛṣṇakānte pavitro vai dhūpo'yaṃ pratigṛhyatām ||
oṃ śrīmahālakṣmyai namaḥ |
dhūpamāghrāpayāmi ||

dīpam
ārdrā-mpuṣkari̭ṇī-mpuṣṭiṃ piṅgalā-mpa̭dmamālinīm |
candrāṃ hiraṇma̭yīṃ-la~kṣmī-ñjāta̭vedo mamāva̭ha ||
jagaccakṣuḥ svarūpaṃ ca dhvānta pradhvaṃsakāraṇam |
pradīpaṃ śuddharūpaṃ ca gṛhyatāṃ parameśvari ||
oṃ śrīmahālakṣmyai namaḥ |
dīpaṃ darśayāmi ||

naivedyam
naivedyaṃ gṛhyatāṃ devi bhaktyā sampāditaṃ mayā |
idaṃ phalaṃ ca pānīyaṃ sarvopacāra saṃyutam ||
o-mbhūrbhuvassuvaḥ | tatsa̭viturvareṇya-mbhargo̭ devasya̭ dhīmahi |
dhiyo yo naḥ̭ pracodayāt ||
satyaṃ tvā ṛtena pariṣiñcāmi |
amṛtamastu | amṛtopastaraṇamasi |
oṃ prāṇāya svāhā | oṃ apānāya svāhā | oṃ vyānāya svāhā |
oṃ udānāya svāhā | oṃ samānāya svāhā |
madhye madhye pānīyaṃ samarpayāmi |
amṛtāpidhānamasi |
uttarāpośanaṃ samarpayāmi |
hastau prakṣālayāmi | pādau prakṣālayāmi |
śuddhācamanīyaṃ samarpayāmi ||
oṃ śrīmahālakṣmyai namaḥ |
naivedyaṃ samarpayāmi ||

tāmbūlam
tāmbūlaṃ ca varaṃ ramyaṃ karpūrādi suvāsitam |
jihvājāḍyacchedakaraṃ tāmbūlaṃ devi gṛhyatām ||
oṃ śrīmahālakṣmyai namaḥ |
tāmbūlaṃ samarpayāmi ||

nīrājanam
cakṣurdaṃ sarvalokānāṃ timirasya nivāraṇam |
ārtikyaṃ kalpitaṃ bhaktyā gṛhāṇa parameśvari ||
santata śrīrastu samasta maṅgalāni bhavantu |
nitya śrīrastu nityamaṅgalāni bhavantu ||
oṃ śrīmahālakṣmyai namaḥ |
nīrājanaṃ samarpayāmi ||

mantrapuṣpam
o-mmahādevyai ca̭ vidmahḙ viṣṇupatnī ca̭ dhīmahi |
tanno̭ lakṣmīḥ pracodayāt ||
sadbhāvapuṣpāṇyādāya sahaja premarūpiṇe |
lokamātre dadāmyadya prītyā saṅgṛhyatāṃ sadā ||
oṃ śrīmahālakṣmyai namaḥ |
mantrapuṣpaṃ samarpayāmi ||

pradakṣiṇam
yāni kāni ca pāpāni janmāntara kṛtāni ca |
tāni tāni praṇaśyanti pradakṣiṇa pade pade ||
pāpo'haṃ pāpakarmā'haṃ pāpātmā pāpasambhava |
trāhi māṃ kṛpayā devi śaraṇāgatavatsale ||
anyathā śaraṇaṃ nāsti tvameva śaraṇaṃ mama |
tasmātkāruṇya bhāvena rakṣa māṃ parameśvari ||
oṃ śrīmahālakṣmyai namaḥ |
pradakṣiṇa namaskārān samarpayāmi ||

namaskāraḥ
urasā śirasā dṛṣṭyā manasā vacasā tathā |
padbhyāṃ karābhyāṃ karṇābhyāṃ praṇāmo'ṣṭāṅga ucyate ||
oṃ śrīmahālakṣmyai namaḥ |
namaskārān samarpayāmi ||

sarvopacārāḥ
oṃ śrīmahālakṣmyai namaḥ |
chatraṃ samarpayāmi |
cāmaraṃ samarpayāmi |
gītaṃ śrāvayāmi |
nṛtyaṃ darśayāmi |
samasta rājopacārān devopacārān samarpayāmi ||

stotra/sūkta paṭhanam
śrī sūktam>
mahālakṣmyaṣṭakam>
kanakadhārā stotram>

kṣamāprārthanā
aparādhasahasrāṇi kriyante'harniśaṃ mayā |
dāso'yamiti māṃ matvā kṣamasva parameśvari ||
mantrahīnaṃ kriyāhīnaṃ bhaktihīnaṃ mahālakṣmi |
yatpūjitaṃ mayā devi paripūrṇaṃ tadastu te ||
kāyena vācā manasendriyairvā
buddhyātmanā vā prakṛteḥ svabhāvāt |
karomi yadyat sakalaṃ parasmai
nārāyaṇāyeti samarpayāmi ||
anayā dhyāna-āvāhanādi-ṣoḍaśopacāra pūjayā śrīmahālakṣmī devī suprītā suprasannā varadā bhavatu ||

udvāsanam
oṃ śrīmahālakṣmyai namaḥ |
yathāsthānaṃ udvāsayāmi |
śobhanārthe kṣemāya punarāgamanāya ca ||

prasāda grahaṇam
akālamṛtyuharaṇaṃ sarvavyādhinivāraṇam |
samastapāpakṣayakaraṃ devatā pādodakaṃ śubham ||
śrīmahālakṣmī devī prasādaṃ śirasā gṛhṇāmi ||

oṃ śāntiḥ śāntiḥ śāntiḥ ||

oṃ tatsat brahmārpaṇamastu ||