ആവശ്യകാനി വസ്തൂനി
- ആസനം
- ദീപഃ
- ഗന്ധഃ
- കുങ്കുമം
- അക്ഷതാഃ
- പുഷ്പാണി
- ധൂപഃ
- നൈവേദ്യം
- താമ്ബൂലം
- ആചമനീയം
- പൂജാ പാത്രം
- കലശഃ
- ശങ്ഖഃ [optional]
- ലക്ഷ്മീ ദേവീ പ്രതിമാ വാ ചിത്രപടഃ വാ
പൂര്വാങ്ഗ പൂജാ
പൂര്വാങ്ഗ പൂജാ
ശ്രീമഹാഗണാധിപതയേ നമഃ ।
ശ്രീ ഗുരുഭ്യോ നമഃ ।
ഹരിഃ ഓമ് ।
ശുചിഃ
ശുചിഃ
അപവിത്രഃ പവിത്രോ വാ സര്വാവസ്ഥാം ഗതോഽപി വാ ।
യഃ സ്മരേത് പുണ്ഡരീകാക്ഷം സ ബാഹ്യാഭ്യന്തരഃ ശുചിഃ ॥
പുണ്ഡരീകാക്ഷ പുണ്ഡരീകാക്ഷ പുണ്ഡരീകാക്ഷായ നമഃ ॥
പ്രാര്ഥനാ
പ്രാര്ഥനാ
ശുക്ലാമ്ബരധരം വിഷ്ണും ശശിവര്ണം ചതുര്ഭുജമ് ।
പ്രസന്നവദനം ധ്യായേത് സര്വവിഘ്നോപശാന്തയേ ॥
അഗജാനന പദ്മാര്കം ഗജാനനമഹര്നിശമ് ।
അഗജാനന പദ്മാര്കം ഗജാനനമഹര്നിശമ് ।
അനേകദം തം ഭക്താനാം ഏകദന്തമുപാസ്മഹേ ॥
തദേവ ലഗ്നം സുദിനം തദേവ
തദേവ ലഗ്നം സുദിനം തദേവ
താരാബലം ചന്ദ്രബലം തദേവ ।
വിദ്യാബലം ദൈവബലം തദേവ
ലക്ഷ്മീപതേ തേഽങ്ഘ്രിയുഗം സ്മരാമി ॥
ഗുരുര്ബ്രഹ്മാ ഗുരുര്വിഷ്ണുഃ ഗുരുര്ദേവോ മഹേശ്വരഃ ।
ഗുരുര്ബ്രഹ്മാ ഗുരുര്വിഷ്ണുഃ ഗുരുര്ദേവോ മഹേശ്വരഃ ।
ഗുരുഃ സാക്ഷാത് പരബ്രഹ്മ തസ്മൈ ശ്രീഗുരവേ നമഃ ॥
സര്വമങ്ഗല മാങ്ഗല്യേ ശിവേ സര്വാര്ഥസാധികേ ।
സര്വമങ്ഗല മാങ്ഗല്യേ ശിവേ സര്വാര്ഥസാധികേ ।
ശരണ്യേ ത്ര്യമ്ബകേ ഗൌരീ നാരായണി നമോഽസ്തു തേ ॥
ശ്രീലക്ഷ്മീനാരായണാഭ്യാം നമഃ ।
ശ്രീലക്ഷ്മീനാരായണാഭ്യാം നമഃ ।
ഉമാമഹേശ്വരാഭ്യാം നമഃ ।
വാണീഹിരണ്യഗര്ഭാഭ്യാം നമഃ ।
ശചീപുരന്ദരാഭ്യാം നമഃ ।
അരുന്ധതീവസിഷ്ഠാഭ്യാം നമഃ ।
ശ്രീസീതാരാമാഭ്യാം നമഃ ।
മാതാപിതൃഭ്യോ നമഃ ।
സര്വേഭ്യോ മഹാജനേഭ്യോ നമഃ ।
ആചമനം
ആചമനം
ഓം കേശവായ സ്വാഹാ ।
ഓം നാരായണായ സ്വാഹാ ।
ഓം മാധവായ സ്വാഹാ ।
ഓം ഗോവിന്ദായ നമഃ ।
ഓം വിഷ്ണവേ നമഃ ।
ഓം മധുസൂദനായ നമഃ ।
ഓം ത്രിവിക്രമായ നമഃ ।
ഓം വാമനായ നമഃ ।
ഓം ശ്രീധരായ നമഃ ।
ഓം ഹൃഷീകേശായ നമഃ ।
ഓം പദ്മനാഭായ നമഃ ।
ഓം ദാമോദരായ നമഃ ।
ഓം സങ്കര്ഷണായ നമഃ ।
ഓം വാസുദേവായ നമഃ ।
ഓം പ്രദ്യുമ്നായ നമഃ ।
ഓം അനിരുദ്ധായ നമഃ ।
ഓം പുരുഷോത്തമായ നമഃ ।
ഓം അധോക്ഷജായ നമഃ ।
ഓം നാരസിംഹായ നമഃ ।
ഓം അച്യുതായ നമഃ ।
ഓം ജനാര്ദനായ നമഃ ।
ഓം ഉപേന്ദ്രായ നമഃ ।
ഓം ഹരയേ നമഃ ।
ഓം ശ്രീകൃഷ്ണായ നമഃ ।
ദീപാരാധനമ്
ദീപാരാധനമ്
ദീപസ്ത്വം ബ്രഹ്മരൂപോഽസി ജ്യോതിഷാം പ്രഭുരവ്യയഃ ।
സൌഭാഗ്യം ദേഹി പുത്രാംശ്ച സര്വാന്കാമാംശ്ച ദേഹി മേ ॥
ഭോ ദീപ ദേവി രൂപസ്ത്വം കര്മസാക്ഷീ ഹ്യവിഘ്നകൃത് ।
യാവത്പൂജാം കരിഷ്യാമി താവത്ത്വം സുസ്ഥിരോ ഭവ ॥
ദീപാരാധന മുഹൂര്തഃ സുമുഹൂര്തോഽസ്തു ॥
ഭൂതോച്ചാടനമ്
ഭൂതോച്ചാടനമ്
ഉത്തിഷ്ഠന്തു ഭൂതപിശാചാഃ യ ഏതേ ഭൂമിഭാരകാഃ ।
ഏതേഷാമവിരോധേന ബ്രഹ്മകര്മ സമാരഭേ ॥
അപസര്പന്തു തേ ഭൂതാ യേ ഭൂതാ ഭൂമിസംസ്ഥിതാഃ ।
യേ ഭൂതാ വിഘ്നകര്താരസ്തേ ഗച്ഛന്തു ശിവാഽജ്ഞയാ ॥
പ്രാണായാമഃ
പ്രാണായാമഃ
ഓ-മ്ഭൂഃ । ഓ-മ്ഭുവഃ॑ । ഓഗ്ം സുവഃ॑ । ഓ-മ്മഹഃ॑ । ഓ-ഞ്ജനഃ॑ । ഓ-ന്തപഃ॑ । ഓഗ്ം സത്യമ് ।
ഓ-ന്തത്സ॑വി॒തുര്വരേ᳚ണ്യ॒-മ്ഭര്ഗോ॑ ദേ॒വസ്യ॑ ധീമഹി ।
ധിയോ॒ യോ നഃ॑ പ്രചോ॒ദയാ᳚ത് ॥
ഓമാപോ॒ ജ്യോതീ॒ രസോ॒-ഽമൃത॒-മ്ബ്രഹ്മ॒ ഭൂര്ഭുവ॒സ്സുവ॒രോമ് ॥
സങ്കല്പഃ
മമ ഉപാത്ത സമസ്ത ദുരിതക്ഷയ ദ്വാരാ ശ്രീപരമേശ്വര പ്രീത്യര്ഥം, മമ/അസ്മാകം സഹകുടുമ്ബസ്യ ക്ഷേമ-സ്ഥൈര്യ-ധൈര്യ-വീര്യ-വിജയ-അഭയ-ആയുഃ-ആരോഗ്യ-ഐശ്വര്യ-അഭിവൃദ്ധ്യര്ഥം, ധര്മാര്ഥ-കാമ-മോക്ഷ-ചതുര്വിധ-പുരുഷാര്ഥ-ഫല-സിദ്ധ്യര്ഥം, സര്വാഭീഷ്ട-സിദ്ധ്യര്ഥം, ശ്രീമഹാലക്ഷ്മീ-പ്രീത്യര്ഥം, യാവച്ഛക്തി ധ്യാന-ആവാഹനാദി-ഷോഡശോപചാര-പൂജാം കരിഷ്യേ ॥
തദങ്ഗ കലശാരാധനം കരിഷ്യേ ॥
കലശാരാധനമ്
തദങ്ഗ കലശാരാധനം കരിഷ്യേ ॥
കലശാരാധനമ്
കലശേ ഗന്ധ പുഷ്പാക്ഷതൈരഭ്യര്ച്യ ।
കലശേ ഉദകം പൂരയിത്വാ ।
കലശസ്യോപരി ഹസ്തം നിധായ ।
കലശസ്യ മുഖേ വിഷ്ണുഃ കണ്ഠേ രുദ്രഃ സമാശ്രിതഃ ।
കലശസ്യ മുഖേ വിഷ്ണുഃ കണ്ഠേ രുദ്രഃ സമാശ്രിതഃ ।
മൂലേ ത്വസ്യ സ്ഥിതോ ബ്രഹ്മാ മധ്യേ മാതൃഗണാഃ സ്മൃതാഃ ॥
കുക്ഷൌ തു സാഗരാഃ സര്വേ സപ്തദ്വീപാ വസുന്ധരാ ।
ഋഗ്വേദോഽഥ യജുര്വേദോ സാമവേദോ ഹ്യഥര്വണഃ ॥
അങ്ഗൈശ്ച സഹിതാഃ സര്വേ കലശാമ്ബു സമാശ്രിതാഃ ॥
ഗങ്ഗേ ച യമുനേ ചൈവ ഗോദാവരീ സരസ്വതീ ।
ഗങ്ഗേ ച യമുനേ ചൈവ ഗോദാവരീ സരസ്വതീ ।
നര്മദേ സിന്ധു കാവേരീ ജലേഽസ്മിന് സന്നിധിം കുരു ॥
കാവേരീ തുങ്ഗഭദ്രാ ച കൃഷ്ണവേണീ ച ഗൌതമീ ।
ഭാഗീരഥീതി വിഖ്യാതാഃ പഞ്ചഗങ്ഗാഃ പ്രകീര്തിതാഃ ॥
ആയാന്തു ദേവപൂജാര്ഥം മമ ദുരിതക്ഷയകാരകാഃ ।
ആയാന്തു ദേവപൂജാര്ഥം മമ ദുരിതക്ഷയകാരകാഃ ।
കലശോദകേന പൂജാ ദ്രവ്യാണി സമ്പ്രോക്ഷ്യ, ദേവം സമ്പ്രോക്ഷ്യ, ആത്മാനം ച സമ്പ്രോക്ഷ്യ ॥
ശങ്ഖപൂജാ
ശങ്ഖപൂജാ
ശങ്ഖം ചന്ദ്രാര്ക ദൈവതം മധ്യേ വരുണ ദേവതാമ് ।
പൃഷ്ഠേ പ്രജാപതിം വിന്ദ്യാദഗ്രേ ഗങ്ഗാ സരസ്വതീമ് ॥
ത്രൈലോക്യേ യാനി തീര്ഥാനി വാസുദേവസ്യ ആജ്ഞയാ ।
ശങ്ഖേ തിഷ്ഠന്തു വിപ്രേന്ദ്രാഃ തസ്മാത് ശങ്ഖം പ്രപൂജയേത് ॥
ഓം ശങ്ഖായ നമഃ ।
ഓം ശങ്ഖായ നമഃ ।
ഓം ധവലായ നമഃ ।
ഓം പാഞ്ചജന്യായ നമഃ ।
ഓം ശങ്ഖദേവതാഭ്യോ നമഃ ।
സകലപൂജാര്ഥേ അക്ഷതാന് സമര്പയാമി ॥
ഘണ്ടാനാദഃ
ഘണ്ടാനാദഃ
ആഗമാര്ഥം തു ദേവാനാം ഗമനാര്ഥം തു രാക്ഷസാമ് ।
ഘണ്ടാരവം കരോമ്യാദൌ ദേവതാഹ്വാന ലാഞ്ഛനമ് ॥
ഓം ഘണ്ടാദേവതാഭ്യോ നമഃ ।
സകലോപചാര പൂജാര്ഥേ അക്ഷതാന് സമര്പയാമി ॥
ശ്രീ മഹാഗണപതി പൂജാ
ശ്രീ മഹാഗണപതി പൂജാ
ഓ-ങ്ഗ॒ണാനാ᳚-ന്ത്വാ ഗ॒ണപ॑തിഗ്ം ഹവാമഹേ ക॒വി-ങ്ക॑വീ॒നാം ഉപ॒മശ്ര॑വസ്തവമ് ।
ജ്യേ॒ഷ്ഠ॒രാജ॒-മ്ബ്രഹ്മ॑ണാ-മ്ബ്രഹ്മണസ്പത॒ ആ നഃ॑ ശൃ॒ണ്വന്നൂ॒തിഭി॑സ്സീദ॒ സാദ॑നമ് ॥
സുമുഖശ്ചൈകദന്തശ്ച കപിലോ ഗജകര്ണകഃ ।
ലമ്ബോദരശ്ച വികടോ വിഘ്നരാജോ ഗണാധിപഃ ॥
ധൂമകേതുര്ഗണാധ്യക്ഷഃ ഫാലചന്ദ്രോ ഗജാനനഃ ।
വക്രതുണ്ഡഃ ശൂര്പകര്ണോ ഹേരമ്ബഃ സ്കന്ദപൂര്വജഃ ॥
ഓം ശ്രീമഹാഗണപതയേ നമഃ ।
ഓം ശ്രീമഹാഗണപതയേ നമഃ ।
ധ്യായാമി । ആവാഹയാമി । ആസനം സമര്പയാമി ।
പാദ്യം സമര്പയാമി । അര്ഘ്യം സമര്പയാമി । ആചമനീയം സമര്പയാമി ।
സ്നാനം സമര്പയാമി । വസ്ത്രം സമര്പയാമി । യജ്ഞോപവീതം സമര്പയാമി ।
ഗന്ധം സമര്പയാമി । പുഷ്പാണി സമര്പയാമി ।
ധൂപമാഘ്രാപയാമി । ദീപം ദര്ശയാമി ।
നൈവേദ്യം സമര്പയാമി । താമ്ബൂലം സമര്പയാമി ।
നീരാജനം സമര്പയാമി । മന്ത്രപുഷ്പം സമര്പയാമി ।
പ്രദക്ഷിണ നമസ്കാരാന് സമര്പയാമി ॥
ഷോഡശോപചാര പൂജാ
ഷോഡശോപചാര പൂജാ
ലക്ഷ്മീ ദേവീ ധ്യാനമ്
യാ സാ പദ്മാസനസ്ഥാ വിപുലകടിതടീ പദ്മപത്രായതാക്ഷീ ।
ഗമ്ഭീരാവര്തനാഭിഃ സ്തനഭര നമിതാ ശുഭ്ര വസ്ത്രോത്തരീയാ ॥
ലക്ഷ്മീര്ദിവ്യൈര്ഗജേന്ദ്രൈര്മണിഗണ ഖചിതൈഃ സ്നാപിതാ ഹേമകുമ്ഭൈഃ ।
നിത്യം സാ പദ്മഹസ്താ മമ വസതു ഗൃഹേ സര്വമാങ്ഗല്യയുക്താ ॥
ലക്ഷ്മീം ക്ഷീരസമുദ്രരാജതനയാം ശ്രീരങ്ഗധാമേശ്വരീമ് ।
ലക്ഷ്മീം ക്ഷീരസമുദ്രരാജതനയാം ശ്രീരങ്ഗധാമേശ്വരീമ് ।
ദാസീഭൂതസമസ്തദേവ വനിതാം ലോകൈക ദീപാങ്കുരാമ് ॥
ശ്രീമന്മന്ദകടാക്ഷലബ്ധ വിഭവ ബ്രഹ്മേന്ദ്രഗങ്ഗാധരാമ് ।
ത്വാം ത്രൈലോക്യ കുടുമ്ബിനീം സരസിജാം വന്ദേ മുകുന്ദപ്രിയാമ് ॥
ഓമ് ॥ ഹിര॑ണ്യവര്ണാം॒ ഹരി॑ണീം സു॒വര്ണ॑രജ॒തസ്ര॑ജാമ് ।
ച॒ന്ദ്രാം ഹി॒രണ്മ॑യീം-ലഁ॒ക്ഷ്മീ-ഞ്ജാത॑വേദോ മ॒മാവ॑ഹ ॥
ഓം ശ്രീമഹാലക്ഷ്മ്യൈ നമഃ ।
ധ്യായാമി । ധ്യാനം സമര്പയാമി ॥
ആവാഹനമ്
ആവാഹനമ്
താ-മ്മ॒ ആവ॑ഹ॒ ജാത॑വേദോ ല॒ക്ഷ്മീമന॑പഗാ॒മിനീ᳚മ് ।
യസ്യാം॒ ഹിര॑ണ്യം-വിഁ॒ന്ദേയ॒-ങ്ഗാമശ്വ॒-മ്പുരു॑ഷാന॒ഹമ് ॥
സഹസ്രദലപദ്മസ്ഥാം സ്വസ്ഥാം ച സുമനോഹരാമ് ।
ശാന്താം ച ശ്രീഹരേഃ കാന്താം താം ഭജേ ജഗതാം പ്രസൂമ് ॥
ഓം ശ്രീമഹാലക്ഷ്മ്യൈ നമഃ ।
ആവാഹയാമി । സ്ഥാപയാമി । പൂജയാമി ॥
ആസനമ്
ആസനമ്
അമൂല്യരത്നഖചിതം നിര്മിതം വിശ്വകര്മണാ ।
ആസനം ച വിചിത്രം ച മഹാലക്ഷ്മി പ്രഗൃഹ്യതാമ് ॥
ഓം ശ്രീമഹാലക്ഷ്മ്യൈ നമഃ ।
ആസനം സമര്പയാമി ॥
പാദ്യമ്
പാദ്യമ്
അശ്വപൂര്വാം രഥമധ്യാം ഹസ്തിനാദ പ്രബോധിനീമ് ।
ശ്രിയം ദേവീമുപഹ്വയേ ശ്രീര്മാ ദേവീര്ജുഷതാമ് ॥
പുഷ്പചന്ദനദൂര്വാദി സംയുതം ജാഹ്നവീജലമ് ।
ശങ്ഖഗര്ഭസ്ഥിതം ശുദ്ധം ഗൃഹ്യതാം പദ്മവാസിനി ॥
ഓം ശ്രീമഹാലക്ഷ്മ്യൈ നമഃ ।
പാദയോഃ പാദ്യം സമര്പയാമി ॥
അര്ഘ്യമ്
അര്ഘ്യമ്
ഗന്ധ പുഷ്പാക്ഷതൈര്യുക്തം അര്ഘ്യം സമ്പാദിതം മയാ ।
ഗൃഹാണ ത്വം മഹാലക്ഷ്മി പ്രസന്നാ ഭവ സര്വദാ ॥
ഓം ശ്രീമഹാലക്ഷ്മ്യൈ നമഃ ।
ഹസ്തയോഃ അര്ഘ്യം സമര്പയാമി ॥
ആചമനീയമ്
ആചമനീയമ്
പുണ്യതീര്ഥോദകം ചൈവ വിശുദ്ധം ശുദ്ധിദം സദാ ।
ഗൃഹ്യതാം കൃഷ്ണകാന്തേ ത്വം രമ്യമാചമനീയകമ് ॥
ഓം ശ്രീമഹാലക്ഷ്മ്യൈ നമഃ ।
മുഖേ ആചമനീയം സമര്പയാമി ॥
സ്നാനമ്
സ്നാനമ്
ആപോ॒ ഹിഷ്ഠാ മ॑യോ॒ഭുവ॒സ്താ ന॑ ഊ॒ര്ജേ ദ॑ധാതന ।
മ॒ഹേ രണാ॑യ॒ ചക്ഷ॑സേ ॥
യോ വഃ॑ ശി॒വത॑മോ രസ॒സ്തസ്യ॑ ഭാജയതേ॒ഹ നഃ॑ ।
ഉ॒ശ॒തീരി॑വ മാ॒ത॑രഃ ॥
തസ്മാ॒ അര॑-ങ്ഗമാമ വോ॒ യസ്യ॒ ക്ഷയാ॑യ॒ ജിന്വ॑ഥ ।
ആപോ॑ ജ॒നയ॑ഥാ ച നഃ ॥
ഓം ശ്രീമഹാലക്ഷ്മ്യൈ നമഃ ।
ശുദ്ധോദക സ്നാനം സമര്പയാമി ॥
സ്നാനാനന്തരം ആചമനീയം സമര്പയാമി ॥
വസ്ത്രമ്
വസ്ത്രമ്
ഉപൈ॑തു॒ മാ-ന്ദേ॑വസ॒ഖഃ കീ॒ര്തിശ്ച॒ മണി॑നാ സ॒ഹ ।
പ്രാ॒ദു॒ര്ഭൂ॒തോ-ഽസ്മി॑ രാഷ്ട്രേ॒-ഽസ്മിന് കീ॒ര്തി॒മൃ॑ദ്ധി-ന്ദ॒ദാതു॑ മേ ॥
ദേഹസൌമ്ദര്യബീജം ച സദാ ശോഭാ വിവര്ധനമ് ।
കാര്പാസജം ച കൃമിജം വസനം ദേവി ഗൃഹ്യതാമ് ॥
ഓം ശ്രീമഹാലക്ഷ്മ്യൈ നമഃ ।
വസ്ത്രം സമര്പയാമി ॥
യജ്ഞോപവീതമ്
യജ്ഞോപവീതമ്
യജ്ഞോപവീതം പരമം പവിത്രം പ്രജാപതേര്യത്സഹജം പുരസ്താത് ।
ആയുഷ്യമഗ്ര്യം പ്രതിമുഞ്ച ശുഭ്രം യജ്ഞോപവീതം ബലമസ്തു തേജഃ ॥
ഓം ശ്രീമഹാലക്ഷ്മ്യൈ നമഃ ।
യജ്ഞോപവീതം സമര്പയാമി ॥
ഗന്ധമ്
ഗന്ധമ്
ഗ॒ന്ധ॒ദ്വാ॒രാ-ന്ദു॑രാധ॒ര്ഷാ॒-ന്നി॒ത്യപു॑ഷ്ടാ-ങ്കരീ॒ഷിണീ᳚മ് ।
ഈ॒ശ്വരീഗ്ം॑ സര്വ॑ഭൂതാ॒നാ॒-ന്താമി॒ഹോപ॑ഹ്വയേ॒ ശ്രിയമ് ॥
മലയാചലസമ്ഭൂതം വൃക്ഷസാരം മനോഹരമ് ।
സുഗന്ധിയുക്തം സുഖദം ചന്ദനം ദേവി ഗൃഹ്യതാമ് ॥
ഓം ശ്രീമഹാലക്ഷ്മ്യൈ നമഃ ।
ഗന്ധം സമര്പയാമി ॥
അര്ചന
അര്ചന
അക്ഷതാന് ധവലാന് ദിവ്യാന് പുഷ്പാണി ച സുഗന്ധീനി ।
ഭക്ത്യാ ദത്താനി ഗൃഹ്യന്താം സര്വദേവാഃ പ്രസീദത ॥
അങ്ഗ പൂജാ
അങ്ഗ പൂജാ
ഓം ചപലായൈ നമഃ - പാദൌ പൂജയാമി ।
ഓം ചഞ്ചലായൈ നമഃ - ജാനുനീ പൂജയാമി ।
ഓം കമലായൈ നമഃ - കടിം പൂജയാമി ।
ഓം കാത്യായന്യൈ നമഃ - നാഭിം പൂജയാമി ।
ഓം ജഗന്മാത്രേ നമഃ - ജഠരം പൂജയാമി ।
ഓം വിശ്വവല്ലഭായൈ നമഃ - വക്ഷഃസ്ഥലം പൂജയാമി ।
ഓം കമലവാസിന്യൈ നമഃ - നേത്രത്രയം പൂജയാമി ।
ഓം ശ്രിയൈ നമഃ - ശിരഃ പൂജയാമി ।
ഓം മഹാലക്ഷ്മ്യൈ നമഃ - സര്വാണ്യങ്ഗാനി പൂജയാമി ॥
[Recite the SrI mahAlakShmI aShTOttara Sata nAmAvaLI, or at least a few known names of Lakshmi. Offer flowers or akshatas with each name.]
[Recite the SrI mahAlakShmI aShTOttara Sata nAmAvaLI, or at least a few known names of Lakshmi. Offer flowers or akshatas with each name.]
ശ്രീ മഹാലക്ഷ്മീ അഷ്ടോത്തര ശത നാമാവലീ>
അഥവാ ലക്ഷ്മീ നാമാവലീ പഠനമ് ॥
ഓം ശ്രീമഹാലക്ഷ്മ്യൈ നമഃ ।
ഓം ശ്രീമഹാലക്ഷ്മ്യൈ നമഃ ।
അഷ്ടോത്തര ശത നാമാവലീ പൂജാം സമര്പയാമി ।
അക്ഷതാന് പുഷ്പാണി ച സമര്പയാമി ॥
ധൂപമ്
ധൂപമ്
ആപഃ॑ സൃ॒ജന്തു॑ സ്നി॒ഗ്ധാ॒നി॒ ചി॒ക്ലീ॒ത വ॑സ മേ॒ ഗൃഹേ ।
നി ച॑ ദേ॒വീ-മ്മാ॒തരം॒ ശ്രിയം॑-വാഁ॒സയ॑ മേ കു॒ലേ ॥
വൃക്ഷനിര്യാസരൂപം ച ഗന്ധദ്രവ്യാദി സംയുതമ് ।
കൃഷ്ണകാന്തേ പവിത്രോ വൈ ധൂപോഽയം പ്രതിഗൃഹ്യതാമ് ॥
ഓം ശ്രീമഹാലക്ഷ്മ്യൈ നമഃ ।
ധൂപമാഘ്രാപയാമി ॥
ദീപമ്
ദീപമ്
ആ॒ര്ദ്രാ-മ്പു॒ഷ്കരി॑ണീ-മ്പു॒ഷ്ടിം॒ പി॒ങ്ഗ॒ലാ-മ്പ॑ദ്മമാ॒ലിനീമ് ।
ച॒ന്ദ്രാം ഹി॒രണ്മ॑യീം-ലഁ॒ക്ഷ്മീ-ഞ്ജാത॑വേദോ മ॒മാവ॑ഹ ॥
ജഗച്ചക്ഷുഃ സ്വരൂപം ച ധ്വാന്ത പ്രധ്വംസകാരണമ് ।
പ്രദീപം ശുദ്ധരൂപം ച ഗൃഹ്യതാം പരമേശ്വരി ॥
ഓം ശ്രീമഹാലക്ഷ്മ്യൈ നമഃ ।
ദീപം ദര്ശയാമി ॥
നൈവേദ്യമ്
നൈവേദ്യമ്
നൈവേദ്യം ഗൃഹ്യതാം ദേവി ഭക്ത്യാ സമ്പാദിതം മയാ ।
ഇദം ഫലം ച പാനീയം സര്വോപചാര സംയുതമ് ॥
ഓ-മ്ഭൂര്ഭുവ॒സ്സുവഃ॒ । തത്സ॑വി॒തുര്വരേ᳚ണ്യ॒-മ്ഭര്ഗോ॑ ദേ॒വസ്യ॑ ധീമഹി ।
ധി॒യോ യോ നഃ॑ പ്രചോ॒ദയാ᳚ത് ॥
സത്യം ത്വാ ഋതേന പരിഷിഞ്ചാമി ।
അമൃതമസ്തു । അമൃതോപസ്തരണമസി ।
ഓം പ്രാണായ സ്വാഹാ । ഓം അപാനായ സ്വാഹാ । ഓം വ്യാനായ സ്വാഹാ ।
ഓം ഉദാനായ സ്വാഹാ । ഓം സമാനായ സ്വാഹാ ।
മധ്യേ മധ്യേ പാനീയം സമര്പയാമി ।
അമൃതാപിധാനമസി ।
ഉത്തരാപോശനം സമര്പയാമി ।
ഹസ്തൌ പ്രക്ഷാലയാമി । പാദൌ പ്രക്ഷാലയാമി ।
ശുദ്ധാചമനീയം സമര്പയാമി ॥
ഓം ശ്രീമഹാലക്ഷ്മ്യൈ നമഃ ।
ഓം ശ്രീമഹാലക്ഷ്മ്യൈ നമഃ ।
നൈവേദ്യം സമര്പയാമി ॥
താമ്ബൂലമ്
താമ്ബൂലമ്
താമ്ബൂലം ച വരം രമ്യം കര്പൂരാദി സുവാസിതമ് ।
ജിഹ്വാജാഡ്യച്ഛേദകരം താമ്ബൂലം ദേവി ഗൃഹ്യതാമ് ॥
ഓം ശ്രീമഹാലക്ഷ്മ്യൈ നമഃ ।
താമ്ബൂലം സമര്പയാമി ॥
നീരാജനമ്
നീരാജനമ്
ചക്ഷുര്ദം സര്വലോകാനാം തിമിരസ്യ നിവാരണമ് ।
ആര്തിക്യം കല്പിതം ഭക്ത്യാ ഗൃഹാണ പരമേശ്വരി ॥
സന്തത ശ്രീരസ്തു സമസ്ത മങ്ഗലാനി ഭവന്തു ।
നിത്യ ശ്രീരസ്തു നിത്യമങ്ഗലാനി ഭവന്തു ॥
ഓം ശ്രീമഹാലക്ഷ്മ്യൈ നമഃ ।
നീരാജനം സമര്പയാമി ॥
മന്ത്രപുഷ്പമ്
മന്ത്രപുഷ്പമ്
ഓ-മ്മ॒ഹാ॒ദേ॒വ്യൈ ച॑ വി॒ദ്മഹേ॑ വിഷ്ണുപ॒ത്നീ ച॑ ധീമഹി ।
തന്നോ॑ ലക്ഷ്മീഃ പ്രചോ॒ദയാ᳚ത് ॥
സദ്ഭാവപുഷ്പാണ്യാദായ സഹജ പ്രേമരൂപിണേ ।
ലോകമാത്രേ ദദാമ്യദ്യ പ്രീത്യാ സങ്ഗൃഹ്യതാം സദാ ॥
ഓം ശ്രീമഹാലക്ഷ്മ്യൈ നമഃ ।
മന്ത്രപുഷ്പം സമര്പയാമി ॥
പ്രദക്ഷിണമ്
പ്രദക്ഷിണമ്
യാനി കാനി ച പാപാനി ജന്മാന്തര കൃതാനി ച ।
താനി താനി പ്രണശ്യന്തി പ്രദക്ഷിണ പദേ പദേ ॥
പാപോഽഹം പാപകര്മാഽഹം പാപാത്മാ പാപസമ്ഭവ ।
ത്രാഹി മാം കൃപയാ ദേവി ശരണാഗതവത്സലേ ॥
അന്യഥാ ശരണം നാസ്തി ത്വമേവ ശരണം മമ ।
തസ്മാത്കാരുണ്യ ഭാവേന രക്ഷ മാം പരമേശ്വരി ॥
ഓം ശ്രീമഹാലക്ഷ്മ്യൈ നമഃ ।
പ്രദക്ഷിണ നമസ്കാരാന് സമര്പയാമി ॥
നമസ്കാരഃ
നമസ്കാരഃ
ഉരസാ ശിരസാ ദൃഷ്ട്യാ മനസാ വചസാ തഥാ ।
പദ്ഭ്യാം കരാഭ്യാം കര്ണാഭ്യാം പ്രണാമോഽഷ്ടാങ്ഗ ഉച്യതേ ॥
ഓം ശ്രീമഹാലക്ഷ്മ്യൈ നമഃ ।
നമസ്കാരാന് സമര്പയാമി ॥
സര്വോപചാരാഃ
സര്വോപചാരാഃ
ഓം ശ്രീമഹാലക്ഷ്മ്യൈ നമഃ ।
ഛത്രം സമര്പയാമി ।
ചാമരം സമര്പയാമി ।
ഗീതം ശ്രാവയാമി ।
നൃത്യം ദര്ശയാമി ।
സമസ്ത രാജോപചാരാന് ദേവോപചാരാന് സമര്പയാമി ॥
സ്തോത്ര/സൂക്ത പഠനമ്
സ്തോത്ര/സൂക്ത പഠനമ്
ശ്രീ സൂക്തമ്>
മഹാലക്ഷ്മ്യഷ്ടകമ്>
കനകധാരാ സ്തോത്രമ്>
ക്ഷമാപ്രാര്ഥനാ
ക്ഷമാപ്രാര്ഥനാ
അപരാധസഹസ്രാണി ക്രിയന്തേഽഹര്നിശം മയാ ।
ദാസോഽയമിതി മാം മത്വാ ക്ഷമസ്വ പരമേശ്വരി ॥
മന്ത്രഹീനം ക്രിയാഹീനം ഭക്തിഹീനം മഹാലക്ഷ്മി ।
യത്പൂജിതം മയാ ദേവി പരിപൂര്ണം തദസ്തു തേ ॥
കായേന വാചാ മനസേന്ദ്രിയൈര്വാ
കായേന വാചാ മനസേന്ദ്രിയൈര്വാ
ബുദ്ധ്യാത്മനാ വാ പ്രകൃതേഃ സ്വഭാവാത് ।
കരോമി യദ്യത് സകലം പരസ്മൈ
നാരായണായേതി സമര്പയാമി ॥
അനയാ ധ്യാന-ആവാഹനാദി-ഷോഡശോപചാര പൂജയാ ശ്രീമഹാലക്ഷ്മീ ദേവീ സുപ്രീതാ സുപ്രസന്നാ വരദാ ഭവതു ॥
ഉദ്വാസനമ്
അനയാ ധ്യാന-ആവാഹനാദി-ഷോഡശോപചാര പൂജയാ ശ്രീമഹാലക്ഷ്മീ ദേവീ സുപ്രീതാ സുപ്രസന്നാ വരദാ ഭവതു ॥
ഉദ്വാസനമ്
ഓം ശ്രീമഹാലക്ഷ്മ്യൈ നമഃ ।
യഥാസ്ഥാനം ഉദ്വാസയാമി ।
ശോഭനാര്ഥേ ക്ഷേമായ പുനരാഗമനായ ച ॥
പ്രസാദ ഗ്രഹണമ്
പ്രസാദ ഗ്രഹണമ്
അകാലമൃത്യുഹരണം സര്വവ്യാധിനിവാരണമ് ।
സമസ്തപാപക്ഷയകരം ദേവതാ പാദോദകം ശുഭമ് ॥
ശ്രീമഹാലക്ഷ്മീ ദേവീ പ്രസാദം ശിരസാ ഗൃഹ്ണാമി ॥
ഓം ശാന്തിഃ ശാന്തിഃ ശാന്തിഃ ॥
ഓം തത്സത് ബ്രഹ്മാര്പണമസ്തു ॥
ശ്രീമഹാലക്ഷ്മീ ദേവീ പ്രസാദം ശിരസാ ഗൃഹ്ണാമി ॥
ഓം ശാന്തിഃ ശാന്തിഃ ശാന്തിഃ ॥
ഓം തത്സത് ബ്രഹ്മാര്പണമസ്തു ॥