நாராயணீயம் தஶக 28 - லக்ஷ்மீஸ்வயம்வரம் ததா அம்ரு'தோத்பத்திஃ

ஜ்ஜலதேருத்விஜகால காலகூடம் ।
அமரஸ்துதிவாதமோதநிக்நோ
கிரிஶஸ்தந்நிபபௌ பவத்ப்ரியார்தம் ॥1॥

விமதத்ஸு ஸுராஸுரேஷு ஜாதா
ஸுரபிஸ்தாம்ரு'ஷிஷு ந்யதாஸ்த்ரிதாமந் ।
ஹயரத்நமபூததேபரத்நம்
த்யுதருஶ்சாப்ஸரஸஃ ஸுரேஷு தாநி ॥2॥

ஜகதீஶ பவத்பரா ததாநீம்
கமநீயா கமலா பபூவ தேவீ ।
அமலாமவலோக்ய யாம் விலோலஃ
ஸகலோऽபி ஸ்ப்ரு'ஹயாம்பபூவ லோகஃ ॥3॥

த்வயி தத்தஹ்ரு'தே ததைவ தேவ்யை
த்ரிதஶேந்த்ரோ மணிபீடிகாம் வ்யதாரீத் ।
ஸகலோபஹ்ரு'தாபிஷேசநீயைஃ
ரு'ஷயஸ்தாம் ஶ்ருதிகீர்பிரப்யஷிஞ்சந் ॥4॥

அபிஷேகஜலாநுபாதிமுக்த-
த்வதபாங்கைரவபூஷிதாங்கவல்லீம் ।
மணிகுண்டலபீதசேலஹார-
ப்ரமுகைஸ்தாமமராதயோऽந்வபூஷந் ॥5॥

வரணஸ்ரஜமாத்தப்ரு'ங்கநாதாம்
தததீ ஸா குசகும்பமந்தயாநா ।
பதஶிஞ்ஜிதமஞ்ஜுநூபுரா த்வாம்
கலிதவ்ரீலவிலாஸமாஸஸாத ॥6॥

கிரிஶத்ருஹிணாதிஸர்வதேவாந்
குணபாஜோऽப்யவிமுக்ததோஷலேஶாந் ।
அவம்ரு'ஶ்ய ஸதைவ ஸர்வரம்யே
நிஹிதா த்வய்யநயாऽபி திவ்யமாலா ॥7॥

உரஸா தரஸா மமாநிதைநாம்
புவநாநாம் ஜநநீமநந்யபாவாம் ।
த்வதுரோவிலஸத்ததீக்ஷணஶ்ரீ-
பரிவ்ரு'ஷ்ட்யா பரிபுஷ்டமாஸ விஶ்வம் ॥8॥

அதிமோஹநவிப்ரமா ததாநீம்
மதயந்தீ கலு வாருணீ நிராகாத் ।
தமஸஃ பதவீமதாஸ்த்வமேநா-
மதிஸம்மாநநயா மஹாஸுரேப்யஃ ॥9॥

தருணாம்புதஸுந்தரஸ்ததா த்வம்
நநு தந்வந்தரிருத்திதோऽம்புராஶேஃ ।
அம்ரு'தம் கலஶே வஹந் கராப்யா-
மகிலார்திம் ஹர மாருதாலயேஶ ॥10॥