ভৱত্প্ৰভাৱাৱিদুৰা হি গোপাস্তৰুপ্ৰপাতাদিকমত্ৰ গোষ্ঠে ।
অহেতুমুত্পাতগণং ৱিশঙ্ক্য প্ৰযাতুমন্যত্ৰ মনো ৱিতেনুঃ ॥1॥
অহেতুমুত্পাতগণং ৱিশঙ্ক্য প্ৰযাতুমন্যত্ৰ মনো ৱিতেনুঃ ॥1॥
তত্ৰোপনন্দাভিধগোপৱৰ্যো জগৌ ভৱত্প্ৰেৰণযৈৱ নূনম্ ।
ইতঃ প্ৰতীচ্যাং ৱিপিনং মনোজ্ঞং ৱৃন্দাৱনং নাম ৱিৰাজতীতি ॥2॥
ইতঃ প্ৰতীচ্যাং ৱিপিনং মনোজ্ঞং ৱৃন্দাৱনং নাম ৱিৰাজতীতি ॥2॥
বৃহদ্ৱনং তত্ খলু নন্দমুখ্যা ৱিধায গৌষ্ঠীনমথ ক্ষণেন ।
ত্ৱদন্ৱিতত্ৱজ্জননীনিৱিষ্টগৰিষ্ঠযানানুগতা ৱিচেলুঃ ॥3॥
ত্ৱদন্ৱিতত্ৱজ্জননীনিৱিষ্টগৰিষ্ঠযানানুগতা ৱিচেলুঃ ॥3॥
অনোমনোজ্ঞধ্ৱনিধেনুপালীখুৰপ্ৰণাদান্তৰতো ৱধূভিঃ ।
ভৱদ্ৱিনোদালপিতাক্ষৰাণি প্ৰপীয নাজ্ঞাযত মাৰ্গদৈৰ্ঘ্যম্ ॥4॥
ভৱদ্ৱিনোদালপিতাক্ষৰাণি প্ৰপীয নাজ্ঞাযত মাৰ্গদৈৰ্ঘ্যম্ ॥4॥
নিৰীক্ষ্য ৱৃন্দাৱনমীশ নন্দত্প্ৰসূনকুন্দপ্ৰমুখদ্ৰুমৌঘম্ ।
অমোদথাঃ শাদ্ৱলসান্দ্ৰলক্ষ্ম্যা হৰিন্মণীকুট্টিমপুষ্টশোভম্ ॥5॥
অমোদথাঃ শাদ্ৱলসান্দ্ৰলক্ষ্ম্যা হৰিন্মণীকুট্টিমপুষ্টশোভম্ ॥5॥
নৱাকনিৰ্ৱ্যূঢনিৱাসভেদেষ্ৱশেষগোপেষু সুখাসিতেষু ।
ৱনশ্ৰিযং গোপকিশোৰপালীৱিমিশ্ৰিতঃ পৰ্যগলোকথাস্ত্ৱম্ ॥6॥
ৱনশ্ৰিযং গোপকিশোৰপালীৱিমিশ্ৰিতঃ পৰ্যগলোকথাস্ত্ৱম্ ॥6॥
অৰালমাৰ্গাগতনিৰ্মলাপাং মৰালকূজাকৃতনৰ্মলাপাম্ ।
নিৰন্তৰস্মেৰসৰোজৱক্ত্ৰাং কলিন্দকন্যাং সমলোকযস্ত্ৱম্ ॥7॥
নিৰন্তৰস্মেৰসৰোজৱক্ত্ৰাং কলিন্দকন্যাং সমলোকযস্ত্ৱম্ ॥7॥
মযূৰকেকাশতলোভনীযং মযূখমালাশবলং মণীনাম্ ।
ৱিৰিঞ্চলোকস্পৃশমুচ্চশৃঙ্গৈৰ্গিৰিং চ গোৱৰ্ধনমৈক্ষথাস্ত্ৱম্ ॥8॥
ৱিৰিঞ্চলোকস্পৃশমুচ্চশৃঙ্গৈৰ্গিৰিং চ গোৱৰ্ধনমৈক্ষথাস্ত্ৱম্ ॥8॥
সমং ততো গোপকুমাৰকৈস্ত্ৱং সমন্ততো যত্ৰ ৱনান্তমাগাঃ ।
ততস্ততস্তাং কুটিলামপশ্যঃ কলিন্দজাং ৰাগৱতীমিৱৈকাম্ ॥9॥
ততস্ততস্তাং কুটিলামপশ্যঃ কলিন্দজাং ৰাগৱতীমিৱৈকাম্ ॥9॥
তথাৱিধেঽস্মিন্ ৱিপিনে পশৱ্যে সমুত্সুকো ৱত্সগণপ্ৰচাৰে ।
চৰন্ সৰামোঽথ কুমাৰকৈস্ত্ৱং সমীৰগেহাধিপ পাহি ৰোগাত্ ॥10॥
চৰন্ সৰামোঽথ কুমাৰকৈস্ত্ৱং সমীৰগেহাধিপ পাহি ৰোগাত্ ॥10॥