ৰুচিৰকম্পিতকুণ্ডলমণ্ডলঃ সুচিৰমীশ ননৰ্তিথ পন্নগে ।
অমৰতাডিতদুন্দুভিসুন্দৰং ৱিযতি গাযতি দৈৱতযৌৱতে ॥1॥
অমৰতাডিতদুন্দুভিসুন্দৰং ৱিযতি গাযতি দৈৱতযৌৱতে ॥1॥
নমতি যদ্যদমুষ্য শিৰো হৰে পৰিৱিহায তদুন্নতমুন্নতম্ ।
পৰিমথন্ পদপঙ্কৰুহা চিৰং ৱ্যহৰথাঃ কৰতালমনোহৰম্ ॥2॥
পৰিমথন্ পদপঙ্কৰুহা চিৰং ৱ্যহৰথাঃ কৰতালমনোহৰম্ ॥2॥
ত্ৱদৱভগ্নৱিভুগ্নফণাগণে গলিতশোণিতশোণিতপাথসি ।
ফণিপতাৱৱসীদতি সন্নতাস্তদবলাস্তৱ মাধৱ পাদযোঃ ॥3॥
ফণিপতাৱৱসীদতি সন্নতাস্তদবলাস্তৱ মাধৱ পাদযোঃ ॥3॥
অযি পুৰৈৱ চিৰায পৰিশ্ৰুতত্ৱদনুভাৱৱিলীনহৃদো হি তাঃ ।
মুনিভিৰপ্যনৱাপ্যপথৈঃ স্তৱৈৰ্নুনুৱুৰীশ ভৱন্তমযন্ত্ৰিতম্ ॥4॥
মুনিভিৰপ্যনৱাপ্যপথৈঃ স্তৱৈৰ্নুনুৱুৰীশ ভৱন্তমযন্ত্ৰিতম্ ॥4॥
ফণিৱধূগণভক্তিৱিলোকনপ্ৰৱিকসত্কৰুণাকুলচেতসা ।
ফণিপতিৰ্ভৱতাঽচ্যুত জীৱিতস্ত্ৱযি সমৰ্পিতমূৰ্তিৰৱানমত্ ॥5॥
ফণিপতিৰ্ভৱতাঽচ্যুত জীৱিতস্ত্ৱযি সমৰ্পিতমূৰ্তিৰৱানমত্ ॥5॥
ৰমণকং ৱ্ৰজ ৱাৰিধিমধ্যগং ফণিৰিপুৰ্ন কৰোতি ৱিৰোধিতাম্ ।
ইতি ভৱদ্ৱচনান্যতিমানযন্ ফণিপতিৰ্নিৰগাদুৰগৈঃ সমম্ ॥6॥
ইতি ভৱদ্ৱচনান্যতিমানযন্ ফণিপতিৰ্নিৰগাদুৰগৈঃ সমম্ ॥6॥
ফণিৱধূজনদত্তমণিৱ্ৰজজ্ৱলিতহাৰদুকূলৱিভূষিতঃ ।
তটগতৈঃ প্ৰমদাশ্ৰুৱিমিশ্ৰিতৈঃ সমগথাঃ স্ৱজনৈৰ্দিৱসাৱধৌ ॥7॥
তটগতৈঃ প্ৰমদাশ্ৰুৱিমিশ্ৰিতৈঃ সমগথাঃ স্ৱজনৈৰ্দিৱসাৱধৌ ॥7॥
নিশি পুনস্তমসা ৱ্ৰজমন্দিৰং ৱ্ৰজিতুমক্ষম এৱ জনোত্কৰে ।
স্ৱপতি তত্ৰ ভৱচ্চৰণাশ্ৰযে দৱকৃশানুৰৰুন্ধ সমন্ততঃ ॥8॥
স্ৱপতি তত্ৰ ভৱচ্চৰণাশ্ৰযে দৱকৃশানুৰৰুন্ধ সমন্ততঃ ॥8॥
প্ৰবুধিতানথ পালয পালযেত্যুদযদাৰ্তৰৱান্ পশুপালকান্ ।
অৱিতুমাশু পপাথ মহানলং কিমিহ চিত্ৰমযং খলু তে মুখম্ ॥9॥
অৱিতুমাশু পপাথ মহানলং কিমিহ চিত্ৰমযং খলু তে মুখম্ ॥9॥
শিখিনি ৱৰ্ণত এৱ হি পীততা পৰিলসত্যধুনা ক্ৰিযযাঽপ্যসৌ ।
ইতি নুতঃ পশুপৈৰ্মুদিতৈৰ্ৱিভো হৰ হৰে দুৰিতৈঃসহ মে গদান্ ॥10॥
ইতি নুতঃ পশুপৈৰ্মুদিতৈৰ্ৱিভো হৰ হৰে দুৰিতৈঃসহ মে গদান্ ॥10॥