രുചിരകമ്പിതകുണ്ഡലമണ്ഡലഃ സുചിരമീശ നനര്തിഥ പന്നഗേ ।
അമരതാഡിതദുന്ദുഭിസുന്ദരം വിയതി ഗായതി ദൈവതയൌവതേ ॥1॥
അമരതാഡിതദുന്ദുഭിസുന്ദരം വിയതി ഗായതി ദൈവതയൌവതേ ॥1॥
നമതി യദ്യദമുഷ്യ ശിരോ ഹരേ പരിവിഹായ തദുന്നതമുന്നതമ് ।
പരിമഥന് പദപങ്കരുഹാ ചിരം വ്യഹരഥാഃ കരതാലമനോഹരമ് ॥2॥
പരിമഥന് പദപങ്കരുഹാ ചിരം വ്യഹരഥാഃ കരതാലമനോഹരമ് ॥2॥
ത്വദവഭഗ്നവിഭുഗ്നഫണാഗണേ ഗലിതശോണിതശോണിതപാഥസി ।
ഫണിപതാവവസീദതി സന്നതാസ്തദബലാസ്തവ മാധവ പാദയോഃ ॥3॥
ഫണിപതാവവസീദതി സന്നതാസ്തദബലാസ്തവ മാധവ പാദയോഃ ॥3॥
അയി പുരൈവ ചിരായ പരിശ്രുതത്വദനുഭാവവിലീനഹൃദോ ഹി താഃ ।
മുനിഭിരപ്യനവാപ്യപഥൈഃ സ്തവൈര്നുനുവുരീശ ഭവന്തമയന്ത്രിതമ് ॥4॥
മുനിഭിരപ്യനവാപ്യപഥൈഃ സ്തവൈര്നുനുവുരീശ ഭവന്തമയന്ത്രിതമ് ॥4॥
ഫണിവധൂഗണഭക്തിവിലോകനപ്രവികസത്കരുണാകുലചേതസാ ।
ഫണിപതിര്ഭവതാഽച്യുത ജീവിതസ്ത്വയി സമര്പിതമൂര്തിരവാനമത് ॥5॥
ഫണിപതിര്ഭവതാഽച്യുത ജീവിതസ്ത്വയി സമര്പിതമൂര്തിരവാനമത് ॥5॥
രമണകം വ്രജ വാരിധിമധ്യഗം ഫണിരിപുര്ന കരോതി വിരോധിതാമ് ।
ഇതി ഭവദ്വചനാന്യതിമാനയന് ഫണിപതിര്നിരഗാദുരഗൈഃ സമമ് ॥6॥
ഇതി ഭവദ്വചനാന്യതിമാനയന് ഫണിപതിര്നിരഗാദുരഗൈഃ സമമ് ॥6॥
ഫണിവധൂജനദത്തമണിവ്രജജ്വലിതഹാരദുകൂലവിഭൂഷിതഃ ।
തടഗതൈഃ പ്രമദാശ്രുവിമിശ്രിതൈഃ സമഗഥാഃ സ്വജനൈര്ദിവസാവധൌ ॥7॥
തടഗതൈഃ പ്രമദാശ്രുവിമിശ്രിതൈഃ സമഗഥാഃ സ്വജനൈര്ദിവസാവധൌ ॥7॥
നിശി പുനസ്തമസാ വ്രജമന്ദിരം വ്രജിതുമക്ഷമ ഏവ ജനോത്കരേ ।
സ്വപതി തത്ര ഭവച്ചരണാശ്രയേ ദവകൃശാനുരരുന്ധ സമന്തതഃ ॥8॥
സ്വപതി തത്ര ഭവച്ചരണാശ്രയേ ദവകൃശാനുരരുന്ധ സമന്തതഃ ॥8॥
പ്രബുധിതാനഥ പാലയ പാലയേത്യുദയദാര്തരവാന് പശുപാലകാന് ।
അവിതുമാശു പപാഥ മഹാനലം കിമിഹ ചിത്രമയം ഖലു തേ മുഖമ് ॥9॥
അവിതുമാശു പപാഥ മഹാനലം കിമിഹ ചിത്രമയം ഖലു തേ മുഖമ് ॥9॥
ശിഖിനി വര്ണത ഏവ ഹി പീതതാ പരിലസത്യധുനാ ക്രിയയാഽപ്യസൌ ।
ഇതി നുതഃ പശുപൈര്മുദിതൈര്വിഭോ ഹര ഹരേ ദുരിതൈഃസഹ മേ ഗദാന് ॥10॥
ഇതി നുതഃ പശുപൈര്മുദിതൈര്വിഭോ ഹര ഹരേ ദുരിതൈഃസഹ മേ ഗദാന് ॥10॥