ৰামসখঃ ক্ৱাপি দিনে কামদ ভগৱন্ গতো ভৱান্ ৱিপিনম্ ।
সূনুভিৰপি গোপানাং ধেনুভিৰভিসংৱৃতো লসদ্ৱেষঃ ॥1॥
সূনুভিৰপি গোপানাং ধেনুভিৰভিসংৱৃতো লসদ্ৱেষঃ ॥1॥
সন্দৰ্শযন্ বলায স্ৱৈৰং ৱৃন্দাৱনশ্ৰিযং ৱিমলাম্ ।
কাণ্ডীৰৈঃ সহ বালৈৰ্ভাণ্ডীৰকমাগমো ৱটং ক্ৰীডন্ ॥2॥
কাণ্ডীৰৈঃ সহ বালৈৰ্ভাণ্ডীৰকমাগমো ৱটং ক্ৰীডন্ ॥2॥
তাৱত্তাৱকনিধনস্পৃহযালুৰ্গোপমূৰ্তিৰদযালুঃ ।
দৈত্যঃ প্ৰলম্বনামা প্ৰলম্ববাহুং ভৱন্তমাপেদে ॥3॥
দৈত্যঃ প্ৰলম্বনামা প্ৰলম্ববাহুং ভৱন্তমাপেদে ॥3॥
জানন্নপ্যৱিজানন্নিৱ তেন সমং নিবদ্ধসৌহাৰ্দঃ ।
ৱটনিকটে পটুপশুপৱ্যাবদ্ধং দ্ৱন্দ্ৱযুদ্ধমাৰব্ধাঃ ॥4॥
ৱটনিকটে পটুপশুপৱ্যাবদ্ধং দ্ৱন্দ্ৱযুদ্ধমাৰব্ধাঃ ॥4॥
গোপান্ ৱিভজ্য তন্ৱন্ সঙ্ঘং বলভদ্ৰকং ভৱত্কমপি ।
ত্ৱদ্বলভীৰুং দৈত্যং ত্ৱদ্বলগতমন্ৱমন্যথা ভগৱন্ ॥5॥
ত্ৱদ্বলভীৰুং দৈত্যং ত্ৱদ্বলগতমন্ৱমন্যথা ভগৱন্ ॥5॥
কল্পিতৱিজেতৃৱহনে সমৰে পৰযূথগং স্ৱদযিততৰম্ ।
শ্ৰীদামানমধত্থাঃ পৰাজিতো ভক্তদাসতাং প্ৰথযন্ ॥6॥
শ্ৰীদামানমধত্থাঃ পৰাজিতো ভক্তদাসতাং প্ৰথযন্ ॥6॥
এৱং বহুষু ৱিভূমন্ বালেষু ৱহত্সু ৱাহ্যমানেষু ।
ৰামৱিজিতঃ প্ৰলম্বো জহাৰ তং দূৰতো ভৱদ্ভীত্যা ॥7॥
ৰামৱিজিতঃ প্ৰলম্বো জহাৰ তং দূৰতো ভৱদ্ভীত্যা ॥7॥
ত্ৱদ্দূৰং গমযন্তং তং দৃষ্ট্ৱা হলিনি ৱিহিতগৰিমভৰে ।
দৈত্যঃ স্ৱৰূপমাগাদ্যদ্ৰূপাত্ স হি বলোঽপি চকিতোঽভূত্ ॥8॥
দৈত্যঃ স্ৱৰূপমাগাদ্যদ্ৰূপাত্ স হি বলোঽপি চকিতোঽভূত্ ॥8॥
উচ্চতযা দৈত্যতনোস্ত্ৱন্মুখমালোক্য দূৰতো ৰামঃ ।
ৱিগতভযো দৃঢমুষ্ট্যা ভৃশদুষ্টং সপদি পিষ্টৱানেনম্ ॥9॥
ৱিগতভযো দৃঢমুষ্ট্যা ভৃশদুষ্টং সপদি পিষ্টৱানেনম্ ॥9॥
হত্ৱা দানৱৱীৰং প্ৰাপ্তং বলমালিলিঙ্গিথ প্ৰেম্ণা ।
তাৱন্মিলতোৰ্যুৱযোঃ শিৰসি কৃতা পুষ্পৱৃষ্টিৰমৰগণৈঃ ॥10॥
তাৱন্মিলতোৰ্যুৱযোঃ শিৰসি কৃতা পুষ্পৱৃষ্টিৰমৰগণৈঃ ॥10॥
আলম্বো ভুৱনানাং প্ৰালম্বং নিধনমেৱমাৰচযন্ ।
কালং ৱিহায সদ্যো লোলম্বৰুচে হৰে হৰেঃ ক্লেশান্ ॥11॥
কালং ৱিহায সদ্যো লোলম্বৰুচে হৰে হৰেঃ ক্লেশান্ ॥11॥