তৱ ৱিলোকনাদ্গোপিকাজনাঃ প্ৰমদসঙ্কুলাঃ পঙ্কজেক্ষণ ।
অমৃতধাৰযা সম্প্লুতা ইৱ স্তিমিততাং দধুস্ত্ৱত্পুৰোগতাঃ ॥1॥
অমৃতধাৰযা সম্প্লুতা ইৱ স্তিমিততাং দধুস্ত্ৱত্পুৰোগতাঃ ॥1॥
তদনু কাচন ত্ৱত্কৰাম্বুজং সপদি গৃহ্ণতী নিৰ্ৱিশঙ্কিতম্ ।
ঘনপযোধৰে সন্নিধায সা পুলকসংৱৃতা তস্থুষী চিৰম্ ॥2॥
ঘনপযোধৰে সন্নিধায সা পুলকসংৱৃতা তস্থুষী চিৰম্ ॥2॥
তৱ ৱিভোঽপৰা কোমলং ভুজং নিজগলান্তৰে পৰ্যৱেষ্টযত্ ।
গলসমুদ্গতং প্ৰাণমাৰুতং প্ৰতিনিৰুন্ধতীৱাতিহৰ্ষুলা ॥3॥
গলসমুদ্গতং প্ৰাণমাৰুতং প্ৰতিনিৰুন্ধতীৱাতিহৰ্ষুলা ॥3॥
অপগতত্ৰপা কাপি কামিনী তৱ মুখাম্বুজাত্ পূগচৰ্ৱিতম্ ।
প্ৰতিগৃহয্য তদ্ৱক্ত্ৰপঙ্কজে নিদধতী গতা পূৰ্ণকামতাম্ ॥4॥
প্ৰতিগৃহয্য তদ্ৱক্ত্ৰপঙ্কজে নিদধতী গতা পূৰ্ণকামতাম্ ॥4॥
ৱিকৰুণো ৱনে সংৱিহায মামপগতোঽসি কা ত্ৱামিহ স্পৃশেত্ ।
ইতি সৰোষযা তাৱদেকযা সজললোচনং ৱীক্ষিতো ভৱান্ ॥5॥
ইতি সৰোষযা তাৱদেকযা সজললোচনং ৱীক্ষিতো ভৱান্ ॥5॥
ইতি মুদাঽঽকুলৈৰ্ৱল্লৱীজনৈঃ সমমুপাগতো যামুনে তটে ।
মৃদুকুচাম্বৰৈঃ কল্পিতাসনে ঘুসৃণভাসুৰে পৰ্যশোভথাঃ ॥6॥
মৃদুকুচাম্বৰৈঃ কল্পিতাসনে ঘুসৃণভাসুৰে পৰ্যশোভথাঃ ॥6॥
কতিৱিধা কৃপা কেঽপি সৰ্ৱতো ধৃতদযোদযাঃ কেচিদাশ্ৰিতে ।
কতিচিদীদৃশা মাদৃশেষ্ৱপীত্যভিহিতো ভৱান্ ৱল্লৱীজনৈঃ ॥7॥
কতিচিদীদৃশা মাদৃশেষ্ৱপীত্যভিহিতো ভৱান্ ৱল্লৱীজনৈঃ ॥7॥
অযি কুমাৰিকা নৈৱ শঙ্ক্যতাং কঠিনতা মযি প্ৰেমকাতৰে ।
মযি তু চেতসো ৱোঽনুৱৃত্তযে কৃতমিদং মযেত্যূচিৱান্ ভৱান্ ॥8॥
মযি তু চেতসো ৱোঽনুৱৃত্তযে কৃতমিদং মযেত্যূচিৱান্ ভৱান্ ॥8॥
অযি নিশম্যতাং জীৱৱল্লভাঃ প্ৰিযতমো জনো নেদৃশো মম ।
তদিহ ৰম্যতাং ৰম্যযামিনীষ্ৱনুপৰোধমিত্যালপো ৱিভো ॥9॥
তদিহ ৰম্যতাং ৰম্যযামিনীষ্ৱনুপৰোধমিত্যালপো ৱিভো ॥9॥
ইতি গিৰাধিকং মোদমেদুৰৈৰ্ৱ্ৰজৱধূজনৈঃ সাকমাৰমন্ ।
কলিতকৌতুকো ৰাসখেলনে গুৰুপুৰীপতে পাহি মাং গদাত্ ॥10॥
কলিতকৌতুকো ৰাসখেলনে গুৰুপুৰীপতে পাহি মাং গদাত্ ॥10॥