নিশময্য তৱাথ যানৱাৰ্তাং ভৃশমাৰ্তাঃ পশুপালবালিকাস্তাঃ ।
কিমিদং কিমিদং কথং ন্ৱিতীমাঃ সমৱেতাঃ পৰিদেৱিতান্যকুৰ্ৱন্ ॥1॥
কিমিদং কিমিদং কথং ন্ৱিতীমাঃ সমৱেতাঃ পৰিদেৱিতান্যকুৰ্ৱন্ ॥1॥
কৰুণানিধিৰেষ নন্দসূনুঃ কথমস্মান্ ৱিসৃজেদনন্যনাথাঃ ।
বত নঃ কিমু দৈৱমেৱমাসীদিতি তাস্ত্ৱদ্গতমানসা ৱিলেপুঃ ॥2॥
বত নঃ কিমু দৈৱমেৱমাসীদিতি তাস্ত্ৱদ্গতমানসা ৱিলেপুঃ ॥2॥
চৰমপ্ৰহৰে প্ৰতিষ্ঠমানঃ সহ পিত্ৰা নিজমিত্ৰমণ্ডলৈশ্চ ।
পৰিতাপভৰং নিতম্বিনীনাং শমযিষ্যন্ ৱ্যমুচঃ সখাযমেকম্ ॥3॥
পৰিতাপভৰং নিতম্বিনীনাং শমযিষ্যন্ ৱ্যমুচঃ সখাযমেকম্ ॥3॥
অচিৰাদুপযামি সন্নিধিং ৱো ভৱিতা সাধু মযৈৱ সঙ্গমশ্ৰীঃ ।
অমৃতাম্বুনিধৌ নিমজ্জযিষ্যে দ্ৰুতমিত্যাশ্ৱসিতা ৱধূৰকাৰ্ষীঃ ॥4॥
অমৃতাম্বুনিধৌ নিমজ্জযিষ্যে দ্ৰুতমিত্যাশ্ৱসিতা ৱধূৰকাৰ্ষীঃ ॥4॥
সৱিষাদভৰং সযাচ্ঞমুচ্চৈঃ অতিদূৰং ৱনিতাভিৰীক্ষ্যমাণঃ ।
মৃদু তদ্দিশি পাতযন্নপাঙ্গান্ সবলোঽক্ৰূৰৰথেন নিৰ্গতোঽভূঃ ॥5॥
মৃদু তদ্দিশি পাতযন্নপাঙ্গান্ সবলোঽক্ৰূৰৰথেন নিৰ্গতোঽভূঃ ॥5॥
অনসা বহুলেন ৱল্লৱানাং মনসা চানুগতোঽথ ৱল্লভানাম্ ।
ৱনমাৰ্তমৃগং ৱিষণ্ণৱৃক্ষং সমতীতো যমুনাতটীমযাসীঃ ॥6॥
ৱনমাৰ্তমৃগং ৱিষণ্ণৱৃক্ষং সমতীতো যমুনাতটীমযাসীঃ ॥6॥
নিযমায নিমজ্য ৱাৰিণি ত্ৱামভিৱীক্ষ্যাথ ৰথেঽপি গান্দিনেযঃ ।
ৱিৱশোঽজনি কিং ন্ৱিদং ৱিভোস্তে ননু চিত্ৰং ত্ৱৱলোকনং সমন্তাত্ ॥7॥
ৱিৱশোঽজনি কিং ন্ৱিদং ৱিভোস্তে ননু চিত্ৰং ত্ৱৱলোকনং সমন্তাত্ ॥7॥
পুনৰেষ নিমজ্য পুণ্যশালী পুৰুষং ত্ৱাং পৰমং ভুজঙ্গভোগে ।
অৰিকম্বুগদাম্বুজৈঃ স্ফুৰন্তং সুৰসিদ্ধৌঘপৰীতমালুলোকে ॥8॥
অৰিকম্বুগদাম্বুজৈঃ স্ফুৰন্তং সুৰসিদ্ধৌঘপৰীতমালুলোকে ॥8॥
স তদা পৰমাত্মসৌখ্যসিন্ধৌ ৱিনিমগ্নঃ প্ৰণুৱন্ প্ৰকাৰভেদৈঃ ।
অৱিলোক্য পুনশ্চ হৰ্ষসিন্ধোৰনুৱৃত্ত্যা পুলকাৱৃতো যযৌ ত্ৱাম্ ॥9॥
অৱিলোক্য পুনশ্চ হৰ্ষসিন্ধোৰনুৱৃত্ত্যা পুলকাৱৃতো যযৌ ত্ৱাম্ ॥9॥
কিমু শীতলিমা মহান্ জলে যত্ পুলকোঽসাৱিতি চোদিতেন তেন ।
অতিহৰ্ষনিৰুত্তৰেণ সাৰ্ধং ৰথৱাসী পৱনেশ পাহি মাং ত্ৱম্ ॥10॥
অতিহৰ্ষনিৰুত্তৰেণ সাৰ্ধং ৰথৱাসী পৱনেশ পাহি মাং ত্ৱম্ ॥10॥