ক্ৱচিদথ তপনোপৰাগকালে পুৰি নিদধত্ কৃতৱৰ্মকামসূনূ ।
যদুকুলমহিলাৱৃতঃ সুতীৰ্থং সমুপগতোঽসি সমন্তপঞ্চকাখ্যম্ ॥1॥
যদুকুলমহিলাৱৃতঃ সুতীৰ্থং সমুপগতোঽসি সমন্তপঞ্চকাখ্যম্ ॥1॥
বহুতৰজনতাহিতায তত্ৰ ত্ৱমপি পুনন্ ৱিনিমজ্য তীৰ্থতোযম্ ।
দ্ৱিজগণপৰিমুক্তৱিত্তৰাশিঃ সমমিলথাঃ কুৰুপাণ্ডৱাদিমিত্ৰৈঃ ॥2॥
দ্ৱিজগণপৰিমুক্তৱিত্তৰাশিঃ সমমিলথাঃ কুৰুপাণ্ডৱাদিমিত্ৰৈঃ ॥2॥
তৱ খলু দযিতাজনৈঃ সমেতা দ্ৰুপদসুতা ত্ৱযি গাঢভক্তিভাৰা ।
তদুদিতভৱদাহৃতিপ্ৰকাৰৈঃ অতিমুমুদে সমমন্যভামিনীভিঃ ॥3॥
তদুদিতভৱদাহৃতিপ্ৰকাৰৈঃ অতিমুমুদে সমমন্যভামিনীভিঃ ॥3॥
তদনু চ ভগৱন্ নিৰীক্ষ্য গোপানতিকুতুকাদুপগম্য মানযিত্ৱা।
চিৰতৰৱিৰহাতুৰাঙ্গৰেখাঃ পশুপৱধূঃ সৰসং ত্ৱমন্ৱযাসীঃ ॥4॥
চিৰতৰৱিৰহাতুৰাঙ্গৰেখাঃ পশুপৱধূঃ সৰসং ত্ৱমন্ৱযাসীঃ ॥4॥
সপদি চ ভৱদীক্ষণোত্সৱেন প্ৰমুষিতমানহৃদাং নিতম্বিনীনাম্ ।
অতিৰসপৰিমুক্তকঞ্চুলীকে পৰিচযহৃদ্যতৰে কুচে ন্যলৈষীঃ ॥5॥
অতিৰসপৰিমুক্তকঞ্চুলীকে পৰিচযহৃদ্যতৰে কুচে ন্যলৈষীঃ ॥5॥
ৰিপুজনকলহৈঃ পুনঃ পুনৰ্মে সমুপগতৈৰিযতী ৱিলম্বনাঽভূত্ ।
ইতি কৃতপৰিৰম্ভণেত্ৱযি দ্ৰাক্ অতিৱিৱশা খলু ৰাধিকা নিলিল্যে ॥6॥
ইতি কৃতপৰিৰম্ভণেত্ৱযি দ্ৰাক্ অতিৱিৱশা খলু ৰাধিকা নিলিল্যে ॥6॥
অপগতৱিৰহৱ্যথাস্তদা তা ৰহসি ৱিধায দদাথ তত্ত্ৱবোধম্ ।
পৰমসুখচিদাত্মকোঽহমাত্মেত্যুদযতু ৱঃ স্ফুটমেৱ চেতসীতি ॥7॥
পৰমসুখচিদাত্মকোঽহমাত্মেত্যুদযতু ৱঃ স্ফুটমেৱ চেতসীতি ॥7॥
সুখৰসপৰিমিশ্ৰিতো ৱিযোগঃ কিমপি পুৰাঽভৱদুদ্ধৱোপদেশৈঃ ।
সমভৱদমুতঃ পৰং তু তাসাং পৰমসুখৈক্যমযী ভৱদ্ৱিচিন্তা ॥8॥
সমভৱদমুতঃ পৰং তু তাসাং পৰমসুখৈক্যমযী ভৱদ্ৱিচিন্তা ॥8॥
মুনিৱৰনিৱহৈস্তৱাথ পিত্ৰা দুৰিতশমায শুভানি পৃচ্ছ্যমানৈঃ ।
ত্ৱযি সতি কিমিদং শুভান্তৰৈঃ ৰিত্যুৰুহসিতৈৰপি যাজিতস্তদাঽসৌ ॥9॥
ত্ৱযি সতি কিমিদং শুভান্তৰৈঃ ৰিত্যুৰুহসিতৈৰপি যাজিতস্তদাঽসৌ ॥9॥
সুমহতি যজনে ৱিতাযমানে প্ৰমুদিতমিত্ৰজনে সহৈৱ গোপাঃ ।
যদুজনমহিতাস্ত্ৰিমাসমাত্ৰং ভৱদনুষঙ্গৰসং পুৰেৱ ভেজু ঃ ॥10॥
যদুজনমহিতাস্ত্ৰিমাসমাত্ৰং ভৱদনুষঙ্গৰসং পুৰেৱ ভেজু ঃ ॥10॥
ৱ্যপগমসমযে সমেত্য ৰাধাং দৃঢমুপগূহ্য নিৰীক্ষ্য ৱীতখেদাম্ ।
প্ৰমুদিতহৃদযঃ পুৰং প্ৰযাতঃ পৱনপুৰেশ্ৱৰ পাহি মাং গদেভ্যঃ ॥11॥
প্ৰমুদিতহৃদযঃ পুৰং প্ৰযাতঃ পৱনপুৰেশ্ৱৰ পাহি মাং গদেভ্যঃ ॥11॥